يا لبنات وش رايكم في التطبيقات الفاشلة

[** موحدة 02 **]

السلام عليكم
اكيد المكتوب مبين من عنوانو.. لكن خممت في نفسي و قلت وعلاش كي تفشلنا التطبيق مانحطوهش و نحاولو نفهموا علاه مانجحش
اكيد المشكل مش في الوصفة لكن في طريقة التطبيق
منها نتقبلو تطبيقاتنا بكل روح رياضية و ما ننغموش كي نفشلو.. و من جهة نستفادو من بعض بش مانعاودوش نفس الاخطاء
و تاني هاذ الفكرة تخلينا نزهاو حتى بالتطبيقات الفاشلة و نصوروها و نوروها
يقولو المومن يبدا بروحو و بكل روح رياضية نوريكم تجاربي الفاشلة

اولا خبز البطاطا هو طلعلي مليح و فرحت كي كنت نخدم فيه لكن كي ذقتو حسيتو معجججججججججن و زاد تشققلي من الفوق

http://img20.imageshack.us/img20/6813/kobzbatata.jpg
http://img13.imageshack.us/img13/1254/kobzbatata2.jpg

كيكة البرتقال تع مينا

سقيتها بسيرو لكن كان عاقد شوية جااتني حللللللللللللللللللللللوة يااااااسر و التشينة من التحت خسرتلها قع العقليه و راحلها الشكل
راني حشمت سترتها بشوية شيكولا و حتى هي عواجت راجلي شبع عليا ضحك

http://img814.imageshack.us/img814/1015/photo068y.jpg

http://img853.imageshack.us/img853/6960/photo067c.jpg

جاتني كيما البسبوسة هههههه

ايا خواتاتي شاركوني مشي تضحكو و تروحو

[/زهرة عصفور الجنة/]

شكرا لكي البريوش نظن ماخليتيهش يطلع أو ينفش لوقت كافي سر البريوش باش يجي خفيف لازم العجينة تكون متلاصقة

[طالبة رضى الله]

لي ما يغلطش ماينجاحش انشاء الله المارة الجاية إيجيك بنين تأكدي برك وين الخطأ
بالتوفيق أختي

[ام محمد ميدو]

http://wow.mrkzy.com/breaks/thank/13.gif (http://www.mrkzy.com/)
هههههههه هههههههى ههههههه راني شبعت ضحك تتمسخري بينا يا تقوى حبيتي تنحي العين ههههههه انا راهم يبانولي لاباس عليهم والمرات الجاية ان شاء الله يجوك خير واذا حبيتي كاش استفسار على خبز البطاطا راني هنا على خاطر جربتو وجا يهبل وخفيف
http://www.arabsyscard.com/pic/wrod/60.gif (http://www.arabsyscard.com/pic/index.php)

[فرح العمر]

و الله شجاعة انا قداه من مرة يخسرولى حوايج و نحشم باش نهدر

[ام ظافر]

لالا اختي ماراكيش وحدك قداه من تطبيق ما يصلحليش ولكن نتكاسل نحطو في المنتدى

[mina3]

موضوع مفيد تقوى صح نستفادوا

بالنسبة للخبز درتوا شحال من مرة بوصفة حورية المطبخ بذات صلحلي

بالنسبة للتارت البرتقال كثرتي السكر علابيها جاتك حلوة ياسر

[remadna]

عادي اختي ما فيها والو انا ثاني نحكي على تجاربي الفاشلة لأخواتي لكي لا يقعن في نفس الخطأ
الخبز لم يخمر جيدا
اما التارت طبختيها اكثر من اللازم و شرائح البرتقال كانت رقيقة جدا على هاذي خسرت لك
لقد ظهرت لي صورة الخبز فقط

[جسور المحبة]

فكرة هايلة وما نخبيش عليكم انا لما تفسد لي حاجة نكره الكوزينة منين خرجت وما نعاودش التطبيق وهذا هو الخطا تاعي

[ام انس5]

ما تزعفيش اختي المهم انك اجربي وتعاودي وما تفشليش ما كاش اللي زاد معلم .كيما انا........:Dالديول كيما درت معاهم ماصلحوليش :mad:مافهمتش وعلاه ادا طيبتهم مليح تتفتت وادا ما طيبتهمش مليح يتعجنولي:confused:.اين هو السرررررررررر

[ام إثري]

والله غير عجبتني فكرة الموضوع
انا ثاني قداه من مرة تفشل بعض التطبيقات بصح مانقلقش نعاود حتى ينجح

التطبيق الفاشل الجاي نصورهولك في خاطرك

[** موحدة 02 **]

شكرا لكي البريوش نظن ماخليتيهش يطلع أو ينفش لوقت كافي سر البريوش باش يجي خفيف لازم العجينة تكون متلاصقة

يا منى هذا الخبز بالذات يلصق وحدو لكن كي يخمر تلعبي بيه كيما تبغي اما على الفشوش ممكن صحيتي

[** موحدة 02 **]

http://wow.mrkzy.com/breaks/thank/13.gif (http://www.mrkzy.com/)
هههههههه هههههههى ههههههه راني شبعت ضحك تتمسخري بينا يا تقوى حبيتي تنحي العين ههههههه انا راهم يبانولي لاباس عليهم والمرات الجاية ان شاء الله يجوك خير واذا حبيتي كاش استفسار على خبز البطاطا راني هنا على خاطر جربتو وجا يهبل وخفيف
http://www.arabsyscard.com/pic/wrod/60.gif (http://www.arabsyscard.com/pic/index.php)

تضحكي عليا ماعليييييييييييييش علابالي بللي كوزينتك دايرتها مخبر تجارب هههههه
يا حبيبتي خبز البطاطا بالذات فشلني لدرجة... ماقدرتش ناكلو وراجلي قاللي راهم كلخوهالك هاذ المرة صحاباتك مع المنتدى
ماعرفتش وين المشكل حسيتو ثقييييييييييل و معجن مالقري خمرلي مليح و طلعلي في الفور:confused:

[** موحدة 02 **]

و الله شجاعة انا قداه من مرة يخسرولى حوايج و نحشم باش نهدر

ماتحشمي ماوالو راكي مع خواتاتك و انا فتحت هاذ الموضوع باه نعرفو بللي ماشي عيب كي تخسرلك الحاجة و كي تتعلمي غلطتك وين كانت ماتعاوديهاش و رانا نوروا لبعضياتنا
ايا ونسيني امالا بتجاربك الفاشلة ههههه

[ام محمد ميدو]

انا عندي خالتي شاطرة بزاف الله يبارك عليها تخدم الديول في صينية النحاس ويخرج لها يهبل وتبيع منو في رمضان والرشتة والطعام المهم كي رحت نتعلم عندها الديول قاتلي عادي كيما تنجحيش من اول مرة قاتلي انا اول مرة كي بديت نتعلم الديول رميت خيشة باش تعلمت هههههه شفتي الشجاعة نتاعها
انا الحق حاولت مع الديول ومن بعد استسلمت ههههههه
شوفي حنونة نوريك انا كيفاش درت مع خبز البطاطا بالضبط رحت عند الحانوت وزنت 420غ بطاطا 20غ راحت في القشور ههههه حسابات رياضيات المهم طيبت البطاطا في الماء في لاكوكوت وصفيتها من الماء وحطيتها في بسينة وعبزتها مليح بالالة الخاصة بيها وهي مازال دافية تقريبا سخونة حطيت السكر والملح والخميرة والبيض والزبدة باش تذوب والصراحة انا استعملت 150غ زبدة مش كيما حورية دايرة 90غ برك ومن بعد الفرينة بعد ما غربلتها في الاول تجيك لصق بزاف ومن بعد تحكم روحها شوية خليتها خمرت مليح ومن بعد شكلتها كويرات وخليتها زادت خمرت مليح مليح ومن بعد طيبتها والله ما امنت كيفاش جات خفيفة من الداخل كي القطن اسمحيلي طولت عليك حنونة عاودي جربي الخبز ان شاء الله ينجح معاك وهكذا زوجك ما يفقدش ثقتو فينا هههههه
تحياتي القلبية ليك حبيبتي تقوى
http://wow.mrkzy.com/breaks/thank/27.gif (http://www.mrkzy.com/)
http://www.arabsyscard.com/pic/wrod/3.gif (http://www.arabsyscard.com/pic/index.php)http://www.arabsyscard.com/pic/wrod/3.gif (http://www.arabsyscard.com/pic/index.php)http://www.arabsyscard.com/pic/wrod/3.gif (http://www.arabsyscard.com/pic/index.php)

[linat]

شكرا لك على المحاولة رانا كامل نتعلمو

[soumsouma]

kan tchoufo dyoul li darthom tchb3o dahk ri narmih; fi l makla ywalo 3jin
heureusemet waha machafni ki knt nkhdam fihom

[maiar]

والله وحدك تقوى صح شجاعة هههههههه

ان شاء الله المرة الجاية يصلحو

انا تاني صراتلي شحال من مرة و نحشم نحطهم

سيرتو الميلفاي هذا حكايتو حكاية هههههه

[oum rahma]

شوفي واش تعملي كي ما تصلحلكش حاجة


http://smiles.a7bk-a.com/smile_albums/nervus/3_8_14.gifhttp://smiles.a7bk-a.com/smile_albums/nervus/ba5362d4e3.gif


انا كي ماتصلحش لي حاجة نكرز ويهبطلي لمورال وتمساطلي هاذيك الحاجة ، وحدك ياتقوى نحييك على روحك الرياضية

شوفي ياتقوى على حساب واش قريت في الردود لازم نطالبو باش يعملولنا قسم التطبيقات الفاشلة :1:

[janino]

معيهش تقوى مش غير انتى انا ثانى جربت مسكوتة تاع المقلة و لصقت كامل بصحت عرفت الخطا كان تاعى مش تاع صاحبة الوصفة بعد ما غسلت المقلة تاعى لقيتها تجرحت شوية يعنى الغلطة انتاعى امهم كلنا معرضين للاخطاء و منها نتعلمو مليح المرة الجاية تاكدى بلى رايح يصلح ان شاء الله كواججججججججججججججججججج

[natacabell]

ya wedi marakich wahdek gaa sratena ana gana dert lbesbousa taa el makla taa souamia jatni gaa msabta ou ki nji lel mountada gaaa kharjetelhoum chaba lah ybarek hata kolte aw c pas normal besah naawedha nchalah ou kifah natalmou lazem

[** موحدة 02 **]

موضوع مفيد تقوى صح نستفادوا

بالنسبة للخبز درتوا شحال من مرة بوصفة حورية المطبخ بذات صلحلي

بالنسبة للتارت البرتقال كثرتي السكر علابيها جاتك حلوة ياسر

مينة ياخي درت كلش بالميزان بصح شكيت في حاجة راني شفت خديجة تع صباح الخير دارت كيما هي تقريبا لكن ما نقاتش التشينة يعني بقشورها هاذي تاني:confused: ؟؟انا قشرتها و كي كانت في الفور طلقت قع الما تاعها و بدات شغل تطبخ و ذابت و كي قلبتها مانحكيش
راني خليت الشاربات عقدت ياسر تاني

[** موحدة 02 **]

ما تزعفيش اختي المهم انك اجربي وتعاودي وما تفشليش ما كاش اللي زاد معلم .كيما انا........:dالديول كيما درت معاهم ماصلحوليش :mad:مافهمتش وعلاه ادا طيبتهم مليح تتفتت وادا ما طيبتهمش مليح يتعجنولي:confused:.اين هو السرررررررررر


ههههههههه انا كنت نزعف بصح كي صارحتكم بيهم ذرك ماشكيتش نزيد نزعف
اما الديول شوفي طريقة ام لميس راه الموضوع مثبت انا عولت نجربهم غدوة ان شاء الله

[** موحدة 02 **]

انا عندي خالتي شاطرة بزاف الله يبارك عليها تخدم الديول في صينية النحاس ويخرج لها يهبل وتبيع منو في رمضان والرشتة والطعام المهم كي رحت نتعلم عندها الديول قاتلي عادي كيما تنجحيش من اول مرة قاتلي انا اول مرة كي بديت نتعلم الديول رميت خيشة باش تعلمت هههههه شفتي الشجاعة نتاعها
انا الحق حاولت مع الديول ومن بعد استسلمت ههههههه
شوفي حنونة نوريك انا كيفاش درت مع خبز البطاطا بالضبط رحت عند الحانوت وزنت 420غ بطاطا 20غ راحت في القشور ههههه حسابات رياضيات المهم طيبت البطاطا في الماء في لاكوكوت وصفيتها من الماء وحطيتها في بسينة وعبزتها مليح بالالة الخاصة بيها وهي مازال دافية تقريبا سخونة حطيت السكر والملح والخميرة والبيض والزبدة باش تذوب والصراحة انا استعملت 150غ زبدة مش كيما حورية دايرة 90غ برك ومن بعد الفرينة بعد ما غربلتها في الاول تجيك لصق بزاف ومن بعد تحكم روحها شوية خليتها خمرت مليح ومن بعد شكلتها كويرات وخليتها زادت خمرت مليح مليح ومن بعد طيبتها والله ما امنت كيفاش جات خفيفة من الداخل كي القطن اسمحيلي طولت عليك حنونة عاودي جربي الخبز ان شاء الله ينجح معاك وهكذا زوجك ما يفقدش ثقتو فينا هههههه
تحياتي القلبية ليك حبيبتي تقوى
http://wow.mrkzy.com/breaks/thank/27.gif (http://www.mrkzy.com/)
http://www.arabsyscard.com/pic/wrod/3.gif (http://www.arabsyscard.com/pic/index.php)http://www.arabsyscard.com/pic/wrod/3.gif (http://www.arabsyscard.com/pic/index.php)http://www.arabsyscard.com/pic/wrod/3.gif (http://www.arabsyscard.com/pic/index.php)

لالا ام محمد ماذابيك تزيدي تطولي و تشرحي مليح كيما هاك بالتفصيل الغير ممل هههه و انا استعملت مفس مقاديرك
و كي تعجنت ولات تلصق و قدما زدتها فرينة مانشفتش لكن بعدما خمرت ولات ساهلة في الخدمة .. ذوك معناتها لازم ننشفها مليح بالفرينة و مانديرش ميزان معين؟؟؟

[** موحدة 02 **]

kan tchoufo dyoul li darthom tchb3o dahk ri narmih; fi l makla ywalo 3jin
heureusemet waha machafni ki knt nkhdam fihom

ههه ضحكتيني انا تاني كي نجرب حاجة نخلي حتى يخرج راجلي و نعرفو مطوووول باه يلا فشلتلي تم تم نرقد اللعب كللي مادرت والو
المرة الجاية صوريلنا التطبيق و حطيه هنا باه نتونس

[** موحدة 02 **]

والله وحدك تقوى صح شجاعة هههههههه

ان شاء الله المرة الجاية يصلحو

انا تاني صراتلي شحال من مرة و نحشم نحطهم

سيرتو الميلفاي هذا حكايتو حكاية هههههه

ههه اه يا الغالية العزيزة انا هنا قع مانحشمش كنت نحشم من صاحبات الوصفات نقول يزعفو و اللا يحشمو لكن قلت مادام المشكل فيا انا مش في الوصفة مانزيدش نراطي و هككا نبدا كلما تخسرلي حاجة نحطها بش يصححولي حباباتي و يورولي اخطائي في التطبيق و الدليل اني ذوك فهمت وين كان المشكل تاعي في التطبيقات
المرة الجاية عاونينا بتصويرة و اللا زوج

[** موحدة 02 **]

شوفي واش تعملي كي ما تصلحلكش حاجة


http://smiles.a7bk-a.com/smile_albums/nervus/3_8_14.gifhttp://smiles.a7bk-a.com/smile_albums/nervus/ba5362d4e3.gif


انا كي ماتصلحش لي حاجة نكرز ويهبطلي لمورال وتمساطلي هاذيك الحاجة ، وحدك ياتقوى نحييك على روحك الرياضية

شوفي ياتقوى على حساب واش قريت في الردود لازم نطالبو باش يعملولنا قسم التطبيقات الفاشلة :1:



صحا يا ام رحمة انا المغرف الصغيرة كي تتكسر تغيضني و كون يتكسر الميكرو يتكسر معاه قلبي راه عو اللي نتفس بيه خاطر فيه حباباتي الغاليات

انا تاني يصرالي كيما انت لكن كي فقت لهاذ العفسة مانزيدش نكره

انا علاذيك فتحت الموضوع بش ما نغروش تعضانا و نقولو التطبيق نجح و هو مانجحش و نستعادو من تجارب بعض
تتكن نفتح موضوع خاص بالتطبيقات الفاشلة لقع الاخوات

[** موحدة 02 **]

معيهش تقوى مش غير انتى انا ثانى جربت مسكوتة تاع المقلة و لصقت كامل بصحت عرفت الخطا كان تاعى مش تاع صاحبة الوصفة بعد ما غسلت المقلة تاعى لقيتها تجرحت شوية يعنى الغلطة انتاعى امهم كلنا معرضين للاخطاء و منها نتعلمو مليح المرة الجاية تاكدى بلى رايح يصلح ان شاء الله كواججججججججججججججججججج

امليح كي عرفتي الغلطة وين المرة الجاية صوريها باه ما تغيضكش بزاف و بتقى تجربة في حياتك

[miri_27]

اهلا عزيزتي والله يااختي إذا نجحتلك الحاجة من اول مرة تفرحي بيها لكن اذا خيبتلك ظنك تحسين بالفشل و تحسي روحك اتخدعتي لكن ثقتنا في الاخوات العزيزات كبيرة جدا منتدى الجلفة راهي اسرتنا الثانية و مرات كثيرة فشلت في وصفات ازعفت لكن عاوتها و نجحت معايا المهم من الخطانتعلم و كوني سبور و كي اجربي الحاجة جربيها بينك و بين نفسك باه إذا ماصدقتلكش ارميها ههههههههههههههههه ديري كيما انـــــــــــــــــــــــــــــــــــــــــــــا و تحياتي

[الإيمان نور اليقين]

السلام عليكم
اخواتي مع احترامي لكن
بعض الوصفات الموضوعة قد لا تنجح لوجود خلل في المقادير
مثلا ينقص المقدار او يلغى مكون ما و بالتالي تفشل
ارجوا من كل مشتركة في هدا المنتدى ان تضع الوصفات بكل امانة و حسن نية
و قبل ذلك ان تكون قد جربتها من قبل عدة مرات على الاكثر
لانها وضعتها هنا لاخذ الاجر و الحسنات ولكي يكتمل الاجر لابد من ان تكون الوصفة صحيحة
على كل ارجوا ان تسامحنني على اي كلام قد يجرح احداكن
فانا احترم كل الاعضاء و اقدر مجهوداتهم
واشكر ام راضية عل الوصفات الرائعة والناجحة طبعا

[سمراء الدنيا]

شوفي يا اختي تقوى كلنا معرضين للفشل مهما كانت خبرتنا في المطبخ
انا كلحتني قلب اللوز شحال من عام و هي تخسرلي و الراجل يتمسخر عليا
و شحنت عليها حتى نجحت معايا و قالي الراجل بلعتيلي فمي
و درك نفس المشكل راه صاريلي مع لي زيكلار لي شو كنت حابة نصورلك
كي خرجو بصح حشمت جاو كي الشراميط و عاودتهم و عاودو خسرولي
بصح وراهم وراهم والزمن طويل
شكرا كي درتيلنا هاذ الصفحة نتنفسو فيها شويا

[** موحدة 02 **]

السلام عليكم
اخواتي مع احترامي لكن
بعض الوصفات الموضوعة قد لا تنجح لوجود خلل في المقادير
مثلا ينقص المقدار او يلغى مكون ما و بالتالي تفشل
ارجوا من كل مشتركة في هدا المنتدى ان تضع الوصفات بكل امانة و حسن نية
و قبل ذلك ان تكون قد جربتها من قبل عدة مرات على الاكثر
لانها وضعتها هنا لاخذ الاجر و الحسنات ولكي يكتمل الاجر لابد من ان تكون الوصفة صحيحة
على كل ارجوا ان تسامحنني على اي كلام قد يجرح احداكن
فانا احترم كل الاعضاء و اقدر مجهوداتهم
واشكر ام راضية عل الوصفات الرائعة والناجحة طبعا

و عليكم السلام
لالا حبيبتي حتى واحد مايزعف من كلام الصح و كاين صح اللي ينقلو مواضيع و يحطوها و كي تسألي على كش تفاصيل مايجاوبوش
و انا شخصيا حتى نفوت هنا و نشوف اللي طبقو و نجحولهم الوصفات بش ندير... و اكيد ر انا نجربو و نشوفو و حتى اللي تمد الحاجة من قلبها و نيتها راهي معروفة ....
لكن صراحة مرات حنا مانطبقوش صح
شكرا على المرور

[الدنيا]

ههههههههههههههههههههههههههه و الله غير ضحكتني هذيك تاع خسرتلها قاع العقلية
ماعليش اختي قاع ننغلطوا و حاولي مرة اخرى لكن بشرط وريلنا حتى و لو عاودتي
خسرتيلها باباها ههههههه

[OU SS AMA]

يعطيك الصحة على الشجاعة والصراحة لا للياس والفشل واصلي وجربي حتى تنجحي باذن الله

[سيرينا لبنينا]

حتى انا نقلك اختي يعطيك الصحة على الشجاعة نتاعك

مي هذي حاجة عادية مشي دائما تضبط من اول مرة

وحسب رأي نضن السبب الاول هو Techniques كاين تقنيات تكتاشفيها وحدك بوحدك

من تجربتك لاي طبق او أكلة ديريه مع الوقت ترجعي تعرفي هذيك لاه هبطتلك وهذيك لاه جات قاسحة وهذيك لاه تتفتت وهذيك وهذيك...

ترجعي غيرتشوفي الوصفة تبدلي فيها قداه نحاجة وتعمليها وجيك اروع منها

المهم هو متيأسيش وتحاولي تعرفي السبب من صاحبة الوصفة أولا وبنفسك ثانيا.

ومع الوقت ترجعي ماهرة انشاء الله

وانشاء الله الاخوات اللي تضع الوصفات يتولهو شوية للمقادير وتكون موثوق منها ومجربة .

بالتوفيق أختي.

[ام محمد ميدو]

لالا ام محمد ماذابيك تزيدي تطولي و تشرحي مليح كيما هاك بالتفصيل الغير ممل هههه و انا استعملت مفس مقاديرك
و كي تعجنت ولات تلصق و قدما زدتها فرينة مانشفتش لكن بعدما خمرت ولات ساهلة في الخدمة .. ذوك معناتها لازم ننشفها مليح بالفرينة و مانديرش ميزان معين؟؟؟
سلامي ليك عزيزتي تقوى والله غير كنت غايبة هذا وين راني نشوف في الردود اما بخصوص الخبز الفرينة لازم تلتزمي بالمقادير صح في الاول تلصق بصح غير تعجني شوية راح تحكم روحها وكان تزودي شوية على المقادير راح تجيك ثقيلة بعد ما تطيب
تقبلي تحياتي حنونة

[الأمنيات]

هذ المرة ما خرج المرة الجاية ينجح ان شاء الله علينا ان نستفيد من اخطائنا
واحيانا اخطائنا تكون حافز لاختراع او تجربة اخرى يعني عندما يفسد لك اي نوع من الحلويات عليكي ان تبتكري طريقة
لتصلحه
انا جربت وصفة لاخت هنا كيكة بالموز لكن لم يعجبني ذوق الموز وايضا لصق لي في المول حذفته وعاودت زينتها بالشوكولا مع دانون
المهم شكرا لك كلنا نخطئ