خطيبي يريدني أن أعمل

[مشكلتي]

خطيبي يردني ان اكون عاملة و اشترط علي أن اعمل في التعليم و أنا لا اريد ان أعمل لأنني أكره الاختلاط وأكره الخروج من البيت لانني لم اتعود على الاختلاط و درست من اجل غدر الزمن ,,,خريجة جامعية متحصلة على شهادة مهندسة في الاشغال العمومية،،،، لكنه مصر على عملي بحجة ان دخله ضعيف
كما انني لم ارتاح معه لانه غامض
وبدأ يشترط في شروط لا توافقني
فلم أعد أحتمله أرجو الحل

[fifi180]

ديما نسمع الراجل يحب زوجته ماتعملش او يشترط قبل الخطبة يشوفولو عاملة وانا شخصيا نكره هاد النوع فما بالك بواحد يفرض الخدمة ديري صلاة استخارة و شوفي روحك و ماتجبريش روحك على حاجة مش حابتها

[اية الرحمن1988]

والله لا أدري يا أختي احترت لما أقول
لم أجد لحد الآن من يطلب مكوث المرأة في البيت إلا في المنتدى
فواقعنا خال منهم
واش نقلك صلي صلاة الاستخارة واعديها مرارا
وفكري جيدا أختي قبل ما تطول فترة الخطوبة أكثر فأكثر
واسمحيلي على كلامي بصح إذا فرض عليك الخدمة ضرك مباعد يطلب منك تصرفي عليه
الله يصلح الأحوال لكن لا تتسرعي لكي لا تندمي

[راية الاسلام1]

1 ادا كان دخله ضعيفا كما يقول فانصحك بالعمل... لان الوقت تاعنا ضرك صعيبة باش تبني دار... من جهة اخرى اختي اخدمي خير باش اي حاجة تحتاجيها تكونلك واجدة...
على سبيل المثال ادا كنت ماتخدميش ورحتي للعرس وتلقاي النساء تاع الناس عادلين ومدهبين وماشطين... اكيد رايحة تغيري... واللا تعجبك حاجة برا وتحبي تشريها... ماتقدريش تطلبي الزوج تاعك كل مرة خاصة ادا كان مايسلكش مليح وعندكم لولاد ناهيك عن فواتير الغاز والكراء والكهرباء...
انا من رايي اخدمي خير هو راهو يشوف فالمصلحة تاع الدار... واي راجل يحب مرتو تقعد في الدار.... مي هنا زوجك مرغم......
كما انني لم ارتاح معه لانه غامض
وبدأ يشترط في شروط لا توافقني
اولا سؤالك فيه غموض؟؟ مهما مشيتي مع اي راجل حتى ولو 10 سنين محال تقدري تعرفيه الا ادا عاشرتيه.... هدا وسواس لا اكثر...
اختي اعملي الشيء اللي يريحك..... ربما ظروف وتعدي...... وانت اعطيتيها اكثر مما تستحق....
انا امي لحد الان تقولي اقراي وماتغلطيش الغلطة تاعي انا كي خليت قرايتي........ وكدلك زوجة ابن عمتي تقول لي اكبر غلطة في حياتي اني ما كملتش قرايتي... وماخدمتش
ضرك ماتحسيلهاش بصح مبعد كي يجيو ولادك وتشوفيهم محتاجين في اللبسة وفي الماكلة رايحة تتقاسي بزاااف...... مع الوقت تاع ضرك تغير........

ربي ييسرلكم ويسهللكم ....... ونتمنى تكوني فهمتيني......

[عُضو مُحترم]

مهندسة اشغال عمومية

راهم يجيبو 6 ملايين على الاقل

انتي بالنسبة له مصدر حقيقي للدخل

باختصار

انتي لستي مشروع زوجة

انتي مشروع ccp

انصحُك نصيحة الاخ ابتعدي عنه

[nilly]

كاين بزاف من يشترط ان تكون زوجته عاملة
اكره هذا نوع من رجال فهم لا يطلبون ذلك لانهم يحبون العمل او يقدسونه انما حتى تتقاسم معه زوجة مصروف البيت
ولم يتزوجوها من اجل نفسها وذاتها بل بكل بساطة من اجل مصلحة يعني زواج مصلـــــــــــــــــحة.
قرار العمل يجب ان تتخذه المراءة بنفسها يعني اذ حبت تخدم الله يوفقها واذ محبتش متخدمش ولازم يعرف زوج بان اذ خدمت زوجته مراهيش تخدم على جالوا انما تخدم على جالها هي لا لاحد وشهرية نتاعها تبقى ليها ماشي ليه.
يااختي اذ رئيتي فيه مالم يعجبكي فاتركيه الان احسن من الغد.

[samirovich]

و درست من اجل غدر الزمن
اعتبري أن خطيبك هو غدر الزمن واعملي وساعديه

[مومي23]

لم اسمع برجل يشترط على زوجته العمل رغم اني مع عمل المراة اذا كانت راغبة فيه

انا ارى ان يقول لك اتمنى ان تعملي كي نتعاون لا ان يقول لك يجب ان تعملي

هذا شخص لن يصرف عليك مليم اذا بقيت في البيت

[سمراءجيجل18]

القول لم أرتاح معه و لا أستطيع تحمله ... هدا يكفيك بأن تبحثي عن طريق ثالثة ؟؟؟

[minoucha dame paris]

احترت لما أقول..............

[hadjer.m]

خطيبي يردني ان اكون عاملة و اشترط علي أن اعمل في التعليم و أنا لا اريد ان أعمل لأنني أكره الاختلاط وأكره الخروج من البيت لانني لم اتعود على الاختلاط و درست من اجل غدر الزمن ,,,خريجة جامعية متحصلة على شهادة مهندسة في الاشغال العمومية،،،، لكنه مصر على عملي بحجة ان دخله ضعيف
كما انني لم ارتاح معه لانه غامض
وبدأ يشترط في شروط لا توافقني
فلم أعد أحتمله أرجو الحل


يتضح أنه انسان انتهازي ، و تقل فيه صفة الرجولة ( مع احتراماتي)
دخله ضعيف ، يحاول يقلل المصاريف ، يقلك حاولي ما تكثريش عليا المهر ، يقلك ما تتشرطيش بزاف و يعلمك بوضعه
و يقدر يحسن دخلو بأن يشتغل في مجال حر ، بأن يبحث عن دخل إضافي
أما يشرط عليك تخدمي ؟؟؟؟؟؟ هاذي واش نسموها ؟؟؟
كون قلتيلو علابالك العقد لي راح نديروه بيناتنا وشيه ؟؟ راه زوااااااااااااج؟ يعني رح نكون زوجتك و نحمل اسمك رح نكون ام لاطفالك
ماناش رح نديرو شركة و لا تجارة
و زيد غامض ؟؟؟؟؟
أختي أنصحك بالاستخارة ، و تأكدي بأن مكتوبك رح يجيك
يعني لا داعي باش تمسكي بيه لمجرد الخوف من شبح العنوسة ( كما يفعل الكثر)
راهي حياة كامل ماهيش تمسخير
و تأكدي ماكيش رح تدي حاجة مش كاتبتلك
و بالتوفيق

[the black perl]

غريب امر هذا الرجل

[الدكتور سام]

باينة علاه حابك تخدمي.باه تحطيلو الشهرية ف الجيب.افضل الازواج هو الدين يغارون و يخافون على زوجاتهم من العمل.
اما بالنسبة لسؤالك انك لا تحبين العمل خارج البيت فانا اهنئك على هدا.لانه في وقتنا الحالي اصبحت المراة تحب العمل اكثر من الرجل
رب يجيبلك ما فيه الخير

[جيش محمد]

نصيحة خطيك منه ..... كيف يرضي بان تختلط زوجته بالرجال ... يهمه المال وفقط

[kaderkader1541]

ربي يبارك فيك يا اختي لانك طاهرة و عفيفة و لا تحبين الإختلاط أما عن هذا الشبه الرجل ا فهو اختارك لمالك لا لشيئ اخر و انصحك ان تبتعدي عنه الذي لا غيرة و لا رجولة فيه , و اسال الله ان يرزقك بزوج صالح يخاف الله فيك

[هائم في البوادي]

أصري على عدم العمل وأنك إنما تتزوجين لتعملي في بيتك لا خارجه

وانظري ردة فعله.

فإن رأيت منه موافقة على اختيارك فبها ونعمت وإلا فلا خير في رجل يؤثر عمل زوجته على زوجته !

أستغرب حقيقة أن يكون بعض الرجال من جنس الذكور !

[عبد الرحمان محمد]

السلام عليكم و رحمة الله

أنصحك بالبقاء على رأيك الأول.

لو كان رجلا حقا لما طلب منك ما طلب .

للأسف كثيرا ينطبق عليهم لفظ ذَكَر وليس فيه من الرجولة شيء.

ثاني مرة أسمع الكلام من إمرأة ماشاء الله متخرجة ولكن تحب خدمة زوجها في بيتها أحييك أختي الفاضلة و كثر الله من أمثالك

[lilou f lilou a]

ربي معاك أختي هذا شخص راه يشوف فيك ccp

[صُبح الأندلس]

يا أختي أنا عاملة و لكني لا أحترم رجلا يشترط على زوجته العمل و أفضل منه من يطلب منها أن لا تعمل فهو على الأقل يبين بهذا أنه يريدها هي لا صك البريد .
كما قال لك الإخوة قولي له لن أعمل لا اليوم و لا غدا و انظري رد فعله
كما أن شهادتك أصلا لا تسمح لك بالعمل في التعليم

[biologie2001]

يا اختي ان كنت غير مرتاحة معه فافسخي الخطوبة الان افضل من ان تكون هناك نتائج وخيمة بعد الزواج .... الحل سهل للغاية

[طيور الجنة2]

أختي الكريمة أنا أنصحك أن تتوكلي على الله وتكثري من الاستخارة وما ندم من استخار الخالق ، وشاور المخلوقين المؤمنين،وتثبت في أمره ،فقد قال سبحانه وتعالى:(وشاورهم في الأمر فاذا عزمت فتوكل على الله )،وان شاء الله يرزقك بالزوج الصالح امين يا رب العالمين.