بغيت نهبل من التخمام

[رهام87]

السلام عليكم ورحمة الله تعالى وبركاته
ارجوكم يا اخوتي ارشدوني الى الحل الانسب والله ما راني عارفة هاد الدنيا كفاه راهي تتمشى ...مشكلتي مع خطيبي لي راح يدفع لي المهر واللي اتفقنا عليه يكون 10ملايين وميديرش ذهب لأنو ظروفو متسمحش والمتعارف عليه في قريتنا هو انو الراجل يدفع 10 ملايين +ذهب (باغوغ ) .....المشكلة هنايا هي اهلي لي راهم يقولولي لو كان مجاش بخيل يجيبلك اكثر ويدبرها هوما راهم دخلولي فكرة انو بخيل بزاف في راسي والله راني نخمم فيها صبح وعشيا وخاصة انو عائلتي يمدولي الدراهم كل وقت وزيد راني خدامة يعني راني موالفة الدراهم وعلاجالو بغيت نحبس من الخدمة بصح راني خايفة ميصرفش عليا مبعد ..سيرتو كي نبدا نخمم ونقول بلي راه خاطبني في عامين وجامي غلط وفليكسالي ولا عطاني دراهم كيما كاع المخطوبين يديرو ...والله غي ربي يعلم اني راني مسهلا عليه بزاف ومرنيش محسساتو بحتى مشكل وراني باغية نرتبط بيه لانو اخلاقو عالية ونحبو تاني بصح راني خايفة بزاف من المستقبل ...الله يخليكم قولولي كفاه نصارحو ونبينلو بلي راني خايفة يكون بخيل الله يستركم نوروني راني حترت بزاف...........نتمنى تصارحوني بالحل الانسب باش نعرف الا هو بخيل بصح .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟

[z.abdo]

لازم تصارحيه دركا قبل الزواج يا اختي عمرك تخلي حاجة عالقة
خبريه واش في قلبك وقوليلو انك متخوفة انك تكون مزير في الدراهم إذا حب يتقبل او يشرحلك ممكن يعطيك معلومة انت مش عارقتها وما تسمعيش لكلام النساء حتى ولول كانت امك احيانا يغلطو بنالتهم

[محمد...عبد النور]

أختي
رهام87 (http://www.djelfa.info/vb/member.php?u=205435) عضو مجتهـد
http://www.djelfa.info/vb/images/dj1.gifhttp://www.djelfa.info/vb/images/dj1.gif

بارك الله فيك
أنت تعرفين ظروفه و أنت من تقررين و هذا أمر تعرفينه
أنظري إلى دين الرجل و أخلاقه فإن كان تقيا فإعلمي يقينا أنه سيخاف الله فيك
و كذلك أنظري و تحسسي عن أصدقائه فالمرئ على دين خليله
تقبلي مروري أختي و الله يبارك لك و يجمع بينكما في خير
ســـــــــــــــــــــــــــــــــــــــلام

[hano.jimi]

اختي تحاوري معه عن الاشياء المادية بعد الزواج يعني اسئليه كيف تتصرفو في النقود هل يقدم على لاباي تاعو .يشريلك ملابس ولالا

في العيد يشري الضحية ولا لا تحاوري معه
ربي يوفقك

[بستان الورود]

في رايي انه فقط يعمل للدراهم حساب من اجل مستقبل افضل لكما .....وبما انو اخلاقو عالية فلا تخافي

[بنت الحجاج]

نقولك حاجة

كيما أنت فتحتيلو طريق

و سهلتيلو في المهر

ربي يفتحها في وجهك و يسهلهالك و يعوضكْ

ان شاء الله




و في النهاية الدراهم ما مش كلشْ

[the black perl]

انت قولتي بلي ظروفو ماتسمحش باش يدفع كتر من عشر ملايين نورمالمو اهلك علابالهم بظروفو وما حقهمش يقولوك هك عليه
وادا شايفة انو الحب يتقاس بالدراهم هادي حاجة وحدخرا
لازم تساعفيه ادا كان يحبك ويحبك الخير لاخاطر في المستقبل رايحين ديرو دار وتتشاركوا في كلش

[رهام87]

ربي يوفقكم ويجازيكم على تعاطفكم معايا ...وربما عطيتوني فكرة وهي انو لازم نصارحو في كلشي يشغلني هكدا باش نرتاح ونرقد هانية ...وادا عندكم نصائح تزيدوهالي مدبيا ربي يهنيكم

[رهام87]

وبالنسبة للاخ لي قالي على كلمة كاع ربما كامل الغرب الجزائري يستعملو هاد المصطلح

[اية الرحمن1988]

شوفي يا أختي انت قلتي عندك عامين مخطوبة
معناها لازمك تخممي تلقاي حل ان شاء الله وبالعقل
حاولي من تساؤلات معينة تعرفي طبيعتو إذا بخيل ولا لا
مثلا من جهة الملابس مقبول
من جهة طبيعة المصروف من خلال الكلام تفهمي كيفا يتعامل في حياتو اليومية
مثلا تلقاي ناس تخلي روحها بالشر ومتاكلش برا يوم كامل حتى يروحو للدار هدا كل على جال الدراهم باش ميصرفوش مثال فقط
مثلا من جهة الهدايا مناسبات معينة يقوم بخطوة ولا والو ...........
وانت بشوي تقدري تغيريه علاش اللي بخيل جامي راح يتزوج بما أنو أخلاقو عالية شوفي لهاد الجانب المليح خاصة علاقتو مع ربي
والله نوصيك كي أختي بلاكي من الهدرة نتاع الناس حتى وكانو داركم لانو القناعة صعيبة بزاف
وانت احمدي ربي كاين عندنا اللي مدولها الشرط 6 ملايين والله عايشة لباس بيها
شوفي ديما للي أقل منك لأنو عين العبد محال تقنع وظروفو راكي قلتي ميش لباس
الله يسهلك في حياتك

[محمد...عبد النور]

ربي يهنيك أختي و آسف على الإزعاج
ســـــــــــــــــــــــــــــــــــــــــــلام

[قضــــــــــــ وقدر ـــــــــــاء]

السلام عليكم إذا كان عندو الدراهم و وما قامش بلازم هنا هو بخيل أما إذا كان قدو وقد حالو هذي حاجة الله غالب غليه وزيد أكبر خطأ راح ترتكبيه هو تخليك عن العمل وأهم حاجة في كل القصة أنو متخلق ومافهمتش من المفروض واحد متخلق مستحيل يبخل على أهلو بالدراهم والله أعلم وقادر هذي الصفة إذا كانت فيه تروح مع الأيام وتحمل المسؤؤلية وعشر ملاين فيها بركة وأهلك عندهم حق يخافو عليك بصح لازم تفكيرهم يكون في الجانب المعنوي الأخلاقي أكثر والله أعلم

[رهام87]

السلام عليكم ....يعطيكم الخير والصحة على نصحكم وصراحتكم معايا ..حبيت نسقسي الاخ لي قالي انو اكبر خطأ راح نرتكبو هو تركي للعمل ...مافهمتش وين الخطأ يا أخي الرجاء توضيح الأمر علخاطرش هدي مشي أول مرة نسمع هاد الكلام ...
وبالنسبة للأخت لي قالتلي لازم تعرفي بخلو من خلال المناسبات لي تجمعنا للأسف هو مشي من النوع لي يحتفظ بتواريخ الذكريات لي جمعتنا وهادي مدة عامين مرة وحدة لي بعثلي فيها هدية وهي في عيد ميلادي فقط ...ونزيدك حاجة اختي راني ناقشتو في الامور المادية بعد الزواج مثلا قضية النفقة لي من حقي وهو قالي انو بإدن الله كلشي رايح يوفره لي وقال انو راح يزعف ادا حشمت ومطلبت منه الدراهم وهنايا خممت وقلت لو كان جا بخيل ميقوليش هكدا علخاطرش هو صريح وميكدبش لي في قلبو يقولو ربي يعلم

[abdel02]

السلام عليكم ورحمة الله تعالى وبركاته
ارجوكم يا اخوتي ارشدوني الى الحل الانسب والله ما راني عارفة هاد الدنيا كفاه راهي تتمشى ...مشكلتي مع خطيبي لي راح يدفع لي المهر واللي اتفقنا عليه يكون 10ملايين وميديرش ذهب لأنو ظروفو متسمحش والمتعارف عليه في قريتنا هو انو الراجل يدفع 10 ملايين +ذهب (باغوغ ) .....المشكلة هنايا هي اهلي لي راهم يقولولي لو كان مجاش بخيل يجيبلك اكثر ويدبرها هوما راهم دخلولي فكرة انو بخيل بزاف في راسي والله راني نخمم فيها صبح وعشيا وخاصة انو عائلتي يمدولي الدراهم كل وقت وزيد راني خدامة يعني راني موالفة الدراهم وعلاجالو بغيت نحبس من الخدمة بصح راني خايفة ميصرفش عليا مبعد ..سيرتو كي نبدا نخمم ونقول بلي راه خاطبني في عامين وجامي غلط وفليكسالي ولا عطاني دراهم كيما كاع المخطوبين يديرو ...والله غي ربي يعلم اني راني مسهلا عليه بزاف ومرنيش محسساتو بحتى مشكل وراني باغية نرتبط بيه لانو اخلاقو عالية ونحبو تاني بصح راني خايفة بزاف من المستقبل ...الله يخليكم قولولي كفاه نصارحو ونبينلو بلي راني خايفة يكون بخيل الله يستركم نوروني راني حترت بزاف...........نتمنى تصارحوني بالحل الانسب باش نعرف الا هو بخيل بصح .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
اسالى اقرب المقربين اليه...ولا تنسي ان البارير الرخيص راه يسوى 30 مليون...مابقاتش غير في البارير...

[اية الرحمن1988]

السلام عليكم ....يعطيكم الخير والصحة على نصحكم وصراحتكم معايا ..حبيت نسقسي الاخ لي قالي انو اكبر خطأ راح نرتكبو هو تركي للعمل ...مافهمتش وين الخطأ يا أخي الرجاء توضيح الأمر علخاطرش هدي مشي أول مرة نسمع هاد الكلام ...
وبالنسبة للأخت لي قالتلي لازم تعرفي بخلو من خلال المناسبات لي تجمعنا للأسف هو مشي من النوع لي يحتفظ بتواريخ الذكريات لي جمعتنا وهادي مدة عامين مرة وحدة لي بعثلي فيها هدية وهي في عيد ميلادي فقط ...ونزيدك حاجة اختي راني ناقشتو في الامور المادية بعد الزواج مثلا قضية النفقة لي من حقي وهو قالي انو بإدن الله كلشي رايح يوفره لي وقال انو راح يزعف ادا حشمت ومطلبت منه الدراهم وهنايا خممت وقلت لو كان جا بخيل ميقوليش هكدا علخاطرش هو صريح وميكدبش لي في قلبو يقولو ربي يعلم
أختي رهام بالنسبة للمناسبات إذا كان ردك عليا أنا مثلا قصدي عيد الفطر والعيد الكبير قامو بيكم دارهم جابلك حاجة
هكدا قصدي من المناسبات اللي لازمة الخطيب يقوم فيها بخطيبتو
أما بالنسبة لمسألة النفقة شوفي ممكن عن تجربة الهدرة والتطبيق ميتلاقاوش ديما
صح يقلك النفقة ونقولو نحسنو الظن بيه علاش مالا فرض عليك الخدمة
على الأقل كون جات بطريقة لطيفة لكن أنو محتم عليك تخدمي ميش من حقك والاختيار يعود ليك تخدمي ولا تقعدي
ممكن يكون بخلو عن غير قصد هذا إذا كان بخيل والله أعلم قصدي مالف هكدا في حياتو يتعامل مع الدراهم فهمتيني
تقدري بشوي تغيري فيه لكن في وقت مناسب وبطريقة مناسبة ولطيفة تلمحيلو بحاجة تحبيها تكون في مقدورو
بالنسبة لإصرارك أنك متحبيش تخدمي راني معاك رضاية ربي أولى ومن ترك شيئا لله عوضه الله خيرا منه
الله يسهلك ويريح بالك

[المتوكل محمد]

تقولين :- مرت سنتان وانتما مخطوبان ولم تعرفي هل هو بخيل أو لا ؟؟؟
سنتان تمر وماعرفتي فيها طبيعة الرجل وصفاته واخلاقه ؟؟؟
وتريدين أن تسأليه هل انت بخيل أم لا ؟؟؟
ماهي فائدة فترة الخطوبة ؟؟؟

[Meriemchawiya]

السلام عليكم أختي اذا هو مشرطش تتركي العمل علاه تخليه ما تبطليش حتى تتزوجي و تشوفي اذا قادر يقوم بيك كيما تحبي مكانش مشكل بصح اذا ضروفو تعبانة مكانش مشكل و تعاونو هذه دنيا و نقولك حاجة اذا هو الي طلب تبقاي في الدار هذا معناها انو شهم و راح يهنيك لخاطر لو كان مشحاح صح ماذا بيه تخدمي و تهنيه ميمدلكش

[قضــــــــــــ وقدر ـــــــــــاء]

السلام عليكم
إذا كنت تقصدينني أنا عندما قلت لك أن ترك العمل خطأ
سأوضح لك
لماذا تتركين عملك؟خاصة وأنك خائفة من عدم تلبية هذا الرجل لمعظم رغباتك
فأنت تخافين بخله وعندها ستقعين في مشاكل عديدة معه
وبالتالي في رأيي أن العمل سيلبي لك الجانب الادي إن غاب من طرف الزوج
خاصة إذا كان لا يعارض مسألة عملك
والعمل في هذا الزمن ضروري في رأيي للمرأة فهو يزيد من ثقتها بشرط ألا تفرط في أسرتها وواجباتها اتجاه زوجها وعائلتها
أيضا كل النساء يطمحن أن يصبحن عاملات فسنوات الدراسة والتعب جميل
أن تكلل بالعمل حتى لا تحس المرأة بأن سنوات الدراسة ضاعت هباء
العمل شيء جميل يجعلك تبتعدين عن الروتين اليومي
كما أنه يساعد على تلبية حوائج الأسرة
هناك نساء يرفضن الرتباط إذا طلب منهن التخلي عن عملهن
كا واحدة وطريقة تفكيرها
عندما تعملين تستطعين أن تخدمي مجتمعك إذا كان عملك مخلصا لوجه اله
كما يمكن أن تتصدقي من مالك الخاص للفقراء
كما يمكن أن تساعدي به والديك حتى وإن كانا الا يحتجان إلى نقودك
لكن تقديم مساعدة لهما هو تعبير عن شكرك لهما فلولاهما لما كنت عاملة
وأيضا الزمن لا يرحم
فأنا شخصيا أعرف بعض النساء تزوجن وفيهن من لم تنجح في حياتها الزوجية
وهناك من توفي زوجها
واستطاعت أن تربي أولادها بشرف دون اللجوء ألى الغير
أنا أحكي انطلاقا مما يحدث في المجتمع
والحالات كثيرة
لا تقولي أن نظرتي تشاؤمية
بالعكس أنا أتمنى لك التوفيق والنجاح في حياتك الزوجية
وأنت طلبت شرحا فشرحت لك وجهة نظري
ما العيب إذا تزوجت وعملت إذا كان هذا لا يسبب لك مشاكل
الحياة الزوجية ليست بالأمر الهين وتحمل المسؤولية ليس بالأمر السهل
تبقى هذه وجهة نظري أرجو أن تتقبليها
وشكرا

[minanfel]

وراني باغية نرتبط بيه لانو اخلاقو عالية ونحبو تاني بصح راني خايفة بزاف من المستقبل

الدراهم عمرهم ما شراو الاخلاق حنونة ؛ بصح الاخلاق يقدرو يديرو الدراهم
والمستقبل لاه تخافي منو؟ توكلي على ربي سبحانو هو القادر والرزاق حنونة وما تعرفيش الانسان حتان تعاشريه

توكلي على الله وفوضي امرك له واستخيري واهلك من المفروض يشكروا اخلاقو ماشاء الله ماشي يعسو واش يخرج من جيبو
بالاكي تغلطي

ربي يهنيك والله ولي التوفيق

[فتـ حييةـاة]

الدراهم عمرهم ما شراو الاخلاق حنونة ؛ بصح الاخلاق يقدرو يديرو الدراهم
والمستقبل لاه تخافي منو؟ توكلي على ربي سبحانو هو القادر والرزاق حنونة وما تعرفيش الانسان حتان تعاشريه

توكلي على الله وفوضي امرك له واستخيري واهلك من المفروض يشكروا اخلاقو ماشاء الله ماشي يعسو واش يخرج من جيبو
بالاكي تغلطي

ربي يهنيك والله ولي التوفيق

نعم الراي اختي

[فتـ حييةـاة]

اخت ي الدراهم هم وسخ الدنيا ماتديريش على الكلام اللي يخلي الخيام
زوجك اخلاقه عالية وهذا الاهم واش تديري بالفليكسي و لا الدراهم ؟؟
شحال فليكسينا من نهار شرينا تلفون للان لوكان نحسبو نلقاوها بزاااااااف يا هل ترى بقاو ؟؟؟؟
من نهار بديتي تخدمي وتخلصي شحال حكمتي دراهم ؟؟ راهم باقيين كلهم ؟؟
انعلي بليس اختي هذا راكي خدامة وتخلصي وطمعتي فيه يعطيك الدراهم ويفليكسيلك ولوكان جيتي ماكثة فالبيت لاخدمة لا زدمة نظن لوكان راكي فسختي الخطوبة؟؟
راكي تخدمي افليكسي روحك ودراهمك حضري بها جهازك ونهار تتزوجي بطلي الخدمة الهاي بزوجك ودارك وولادك والهنا هو كلش ساعة تقضيها في بيتك اغلى من اي مرتب فالدنيا
تفكري دايمن بلي القناعة كنز لايفنى

[محمد...عبد النور]

ربي يسهل أموركم و يجمع بينكم في خير
ســـــــــــــــــــــــــــــــــــــــــــــــــ ـــلام