لا اريد السكن في بلديته

[مشكلتي]

السلام عليكم
انا شابة في اواخر العشرينات منذ 4 سنوات تعرفت على شاب كان يدرس معي من ولاية أخرى أحببنا بعضنا بصدق و وجدنا نقاط مشتركة كثيرة بيننا ... انتظرته حتى يكون نفسه فكما تعلمون ظروف الشباب المادية صعبة... و حددنا بإذن الله التاريغ الذي سيتقدم فيه لخطبتي ان شاء الله.
المشكلة التي واجهتني أنني لا أريد ان اسكن معه في البلدية التي يقيم فيها و التي تبعد عن ولايتي ب 50 كلم و لست مقتنعة بذلك فهي بلدية صغيرة و لا توجد فيها مرافق كثيرة مثل التي في ولايتي و لا أريد أن أبتعد عن اهلي.... و عندما صارحته برأيي غضب مني و طلب مني ان اتنازل من أجله اذا كنت فعلا أحبه...
لا أدري ماذا افعل انصحوني رجاءا..........

[ما وراء الطبيعة ؟؟؟؟]

ربي يهديك..............

[ines1836]

يا اختي من الاول علابابك وين يسكن .ولا كان ف بالك تبعديه علي مدينتو صعيبة بزاف يا اختي و كيما قالك تنازلي واش فيها ادا فعلا احبتته كيما قلتي ومادامك ستنيتيه صح راكي وقفتي معاه مي ما تحاوليش تضغطي عليه لانو صعيبة علي الشاب خاصة ادا خلاص راه مستقر ووجد الخدمة وربي يكون معاك

[حنان شلفية]

هدى سبب؟؟؟؟؟؟؟؟؟؟ اختى انا تانى راح نتزوج في مدينة غير مدينتى ونورمال تقولي مافيهاش نرفقات حياة تقولي راح تعيشي في جبل وحدك كل شي موجود مهوش سبب حقيقي استخيري ربي ان كان شخص مناسب كزوج وربي يهديى بنات المسلمين الصح في الدين ماشي في بلاد الي يسكن فيها

[دموع الحيــاة]

أن يُغيــّر مكان إقامته في ولايته.... لينتقل إلى ولايتك ........فانسي الأمر.


ويجب عليكِ أن تتقبــّلي الوضع ..

وأن تتحمــّلي إن كنتِ تحبــّينه فعلاًً

[أم لجيـن]

السلام عليكم
انا شابة في اواخر العشرينات منذ 4 سنوات تعرفت على شاب كان يدرس معي من ولاية أخرى أحببنا بعضنا بصدق و وجدنا نقاط مشتركة كثيرة بيننا ... انتظرته حتى يكون نفسه فكما تعلمون ظروف الشباب المادية صعبة... و حددنا بإذن الله التاريغ الذي سيتقدم فيه لخطبتي ان شاء الله.
المشكلة التي واجهتني أنني لا أريد ان اسكن معه في البلدية التي يقيم فيها و التي تبعد عن ولايتي ب 50 كلم و لست مقتنعة بذلك فهي بلدية صغيرة و لا توجد فيها مرافق كثيرة مثل التي في ولايتي و لا أريد أن أبتعد عن اهلي.... و عندما صارحته برأيي غضب مني و طلب مني ان اتنازل من أجله اذا كنت فعلا أحبه...
لا أدري ماذا افعل انصحوني رجاءا..........

مليح انه غضب منك برك يعني عطاك فرصة
الي تحبيه حبيه ب.....
الفايدة في راحة البال
ربي يتمملك بخير:)

[وحيدة**]

اختي الكريمة تحية طيبة وبعد..

بما انك طرحت استشارة فاتشرف بان اكون من ضمن المجيبين من واقع التجربة والخبرة

عزيزتي تزوجت برجل لا اعرفه بتاتا لكني استخرت الله فيه ...والحمد لله ...وجدت فيه من الطيبة ما لم تجده غيري ممن تعرفن قبل الزواج ...لدلك دعي الحب جانبا واستخيري الله وانت متجردة من كل مشاعرك ..تاكدي ان الله لن يخدلك ....


اما عن انشغالك بالمكان ف50 كلم لا شيء بالنسبة لي فقد تركت الشمال لادهب مع زوجي للجنوب على بعد 700 كلم ....وفي الصحراء بل وسكنت لاجله بغرفة واحدة ...

لن اكدب عليك واقول ان الامر سهل لكنه وبعد اول مولود ستكتشفين ان دنياك الحقيقية هي زوجك واولادك اما اسرتك فستزورينهم من حين لاخر وهدا هو المهم ..

اتمنى اني افدتك ..ان كان الرجل دو اخلاق ودين طيب هين لين فلا ترفضيه وعيشي معه ولو في المريخ وان كان بغير هدا فوسط المدينة كجحيممها سيان وفقك الله

[faty05]

عندو الحق
انتي مادام اختاريتيه تقبليه كيما راه
ماش راح تبعديه على اهله
و معروف انو المرا تلحق راجلها ماش العكس
و 50 كم ماش مسافة بعيدة عن اهلك
ربي يسهلك

[hodayena]

50كلم جاتك بعيدة والي راهم في الصحراء واش يقولو اختي المرافق مراهيش رايحة تعيش معاك ومن الاول كنتي تخميي بلي متقدريش تعيشي تما ومتبعديش على اهلك كاين نسا يحوسو يتبعو رجالاتهم وين كانو ويتمناو تصحلهم غرفة ويكون بقرب رجالتهم وانتي تخمي ب 50كلم

[الحوتي التلمساني]

السلام عليكم
ما رأيك أن تتزوجي و تبقي في غرفتك في بيت والدك حتى لا تحسي بالغربة هههههههههه .. الناس انتقلت إلى بلدان أخرى و قارات أخرى و انت مشكلتك مع 50 كلم .. تزوجي و توكلي على ربك .. و بعد الزواج يمكنك إقناعه بما تريدين إن لم تطيقي الإقامة بمنطقته و إن كان الأولى أن سعادة المرأة في بيتها و أسرتها و ليس في المدائن و البلدان ..

[!?زين الدين?!]

السلام عليكم
انا شابة في اواخر العشرينات منذ 4 سنوات تعرفت على شاب كان يدرس معي من ولاية أخرى أحببنا بعضنا بصدق و وجدنا نقاط مشتركة كثيرة بيننا ... انتظرته حتى يكون نفسه فكما تعلمون ظروف الشباب المادية صعبة... و حددنا بإذن الله التاريغ الذي سيتقدم فيه لخطبتي ان شاء الله.
المشكلة التي واجهتني أنني لا أريد ان اسكن معه في البلدية التي يقيم فيها و التي تبعد عن ولايتي ب 50 كلم و لست مقتنعة بذلك فهي بلدية صغيرة و لا توجد فيها مرافق كثيرة مثل التي في ولايتي و لا أريد أن أبتعد عن اهلي.... و عندما صارحته برأيي غضب مني و طلب مني ان اتنازل من أجله اذا كنت فعلا أحبه...
لا أدري ماذا افعل انصحوني رجاءا..........

يا اختاه وهل 50 كلم مسافة بعيدة وهل عدم توفر المرافق حجة تتخدينها
يا اختاه الان والحمد لله النقل متوفر لا يهم المسافة او مكان السكن المهم الصدق والحب والمودة وان شاء الله لما تتزوجين ربي يرزقكم بسكن في ولايتك ولا تتحججين بحجج ان صح القول فيها انها تافهة
واضيف ان من تحب شخصا حبا صادقا لا يهمها اين تسكن معه حتى لو في مخيم لا يهم
وانا ارى بام عيني زوجات يسكن مع ازواجهن في محلات ومخيمات وبيوت قصديرية وانت والحمد لله ستسكنين في منزل محترم
توكلي على الله وصلى صلاة الاستخارة

[الصديق الذهبي]

أشريلو سكن في ولايتك بالاك يتنازل

[sarl02]

هنا ما راكيش رايحة تتنازلي اختي لانه هذا هو الشيء العادي والمفروض الزوجة هي الي اتبع راجلها ماشي العكس ولا دارت الدعوة عندكم؟وانت واش دخلك فالبلدية صغيرو ولا كبيرة انت المهم اتعيشي مع زوجك هانيين مالا هني روحك ...............ومااكونش راجل وفحل زوجك هذا لوكان اتبعك واجي يسكن وين تسكني انت.

[الواثق]

واش تقصدي بالمرافق ؟؟؟............المحلات والاسواق ؟؟؟.................الواحد حاب يتفك من المدينة وانت عاجباتك المدينة ؟؟؟............................الله المستعان

[مريم الصابرة]

السلام عليكم أختي طلبتي النصيحة نقولك وما تزعفيش لو جيت في بلاصتو ما نزيدش معاك دقيقة تحبيه حبيه على شخصيتو على رجولتو واش دخل الولاية والجغرافيا فالوسط وكيفاه ما تبعديش على اهلك إمالا أقعدي بايرة وإلا جبيبي راجل مشروط ما تزعفيش من صراحتي يا ختي الهنا وراحة البال وتعيشي مع راجل تحبيه هذا هو الصح والمرافق الحياتية واش دخلها هو يكون معاك وراح ما يخليش عليك واللي تحتاجيها يوفرهالك قدر ما يقدر ننصحك تطلبي منو السماح على واش قلتيلو لانو كلام صراحة يجرح ربي يوفقك ختي

[bibicha]

الرجاء الكتابة باللغة العربية

[حميد.ص]

حسب رايي ان وفر لكي المسكن و السكينة في اي مكان في الجزائر فتزوجيه....

ربي يسهلك امورك ان شاء الله....

[نورسان2014]

هـــــــادي ماهيش مشكلــــــة ختي

مستحيل باه يخلي بلديتــــو ويجي يسكن عندكم ؟؟؟؟؟؟؟

زيد هاد الشي نورمــــــال توالفي بلحياة ثمة ويجيـــــك الشي عـــادي

ماديريهاش مشكـــــل باه تتهناي معاه

[Nesrine-nina]

السلام عليكم
بما انك تعرفت عليه منذ 4 سنوات يعني يعجبك و تحبيه و عندو المرافق الي تسحقيها في حياتك انت من مودة و احترام و رجولة.... كاين نساء عايشين قدتم باب دارهم و هوما غير الهم و الميزيرية...... المهم كيما سبقو و ردو عليك الاخوة و الاخوات المراة هي اللي تتبع الراجل ماشي العكس و 50كم مسافة قريبة بزاف و الحمد لله النقل متوفر...... و الله الموفق

[الزبرجد]

السلام عليكم
انا شابة في اواخر العشرينات منذ 4 سنوات تعرفت على شاب كان يدرس معي من ولاية أخرى أحببنا بعضنا بصدق و وجدنا نقاط مشتركة كثيرة بيننا ... انتظرته حتى يكون نفسه فكما تعلمون ظروف الشباب المادية صعبة... و حددنا بإذن الله التاريغ الذي سيتقدم فيه لخطبتي ان شاء الله.
المشكلة التي واجهتني أنني لا أريد ان اسكن معه في البلدية التي يقيم فيها و التي تبعد عن ولايتي ب 50 كلم و لست مقتنعة بذلك فهي بلدية صغيرة و لا توجد فيها مرافق كثيرة مثل التي في ولايتي و لا أريد أن أبتعد عن اهلي.... و عندما صارحته برأيي غضب مني و طلب مني ان اتنازل من أجله اذا كنت فعلا أحبه...
لا أدري ماذا افعل انصحوني رجاءا..........

السلام عليكم

الواضح من كلامك أختي أن مشكلتك لا تكمن فقط فيما أوردته هنا و خصوصا أنك في أواخر العشرينيات (يعني ماكيش صغيرة )

مشكلتك يا أختي هي الدلال الزائد ....لازمك تغيري شوية من طباعك ...لأنو الحياة ما فيهاش غي انتي و واش تحبي

فيها شركاء و ظروفهم ووووو و يعني دايمن معاك أطراف أخرى في معادلات الحياة

يعني بما أنك رايحة تتزوجي ....لازمك تفصلي على زوج قياسات مش قياسك برك

ربي يوفقك

[~~ أغيلاس ~~]

و عليكم السلام و رحمة الله و بركاته .

إن كان يسكن في منطقة ريفية نوعا فلا ضير و لا حرج في ذلك، الكثير من البيوت في الريف أو المناطق المنعزلة مجهزة أفضل من الكثير من البيوت في المدن الكبرى .

المهم أن يكون هناك رضى بينكما، و الظاهر أن لكما نفس المستوى التعليمي و هذا جيد .

الزواج مسؤولية أختي، و إن لم تكن هناك عقبات قبل أو في بداية الزواج فستكون هناك بعد الزواج في فترة من الفترات لا محالة .

بمعنى أن التضحية لا بُد منها سواء الآن قبل الزواج أو بعده .

فإن كنت لا تريدين أن تضحي فاحذفي كلمة الزواج من قاموسك .

و إن كنت لا تريدين أن تبتعدي عن أهلك فاحذفي كلمة الزواج من قاموسك أيضا .

عندنا مثل يقول : اللي يخاف من الطيحات ما رْكب .

50 كلم ليست شيئا، مذا تقولين في 300 كلم و 500 كلم و 1000 كلم ؟

تواضعي لزوجك تكبُري في ناظريه ( عينيه ) .

جمع الله بينكما في خير .