خطبت

[khelifa09]

خطبت فتاة ودرنا العقد الشرعي منذ 4 أشهر. بعدها أصبحت أكلمها تقريبا كل يوم وكانت علاقتنا جيدة في 3 أشهر الاولى. ذات يوم قلت لها هل ندمت بزواجي مني فقالت قليلا و قلت لها اني احبها واخاف ان افقدها.

وقلت لها ماهو هدفك من الزواج فقالت أريد الاولاد فقط ولاأريد الرجل، فقلت لها لم أقل لكي أحبيني.

وبعدها أصبحت تتهرب مني عند اللقاء ولاترد علي بالهاتف و ذات يوم قلت لها لماذا تغيرتي ولم تصبحي تقولي الكلمات التي أحبها مثل زوجي لا تقلق نفسك.

وبعدها رجعنا نتكلم بالهاتف وتقولي الكلمات التي أحبها ولكن لا أحس أن الامور طبيعية كالاول (3 أشهر الاولى).

تفاهمنا على ان يكون الزواج بعد اكمال دراستها في الصيف ولكني أشك في انها تهملني الوقت لكي تقول لي لا أريد الزواج بك لكي لا ألتقيها.

اخوتي كيف أتعامل معها علما اني أحبها جدا. ولا اريد الانفصال عنها.

[faty05]

اصبر عليها ,,,, وقيلا راهي حاسة بالضغط ... انت ما تضغط عليها خليها لراحتها
لا تقل لها قولي لي كذا وكذا ,,,,, قل لها فقط اشتاق لكلماتك الجميلة التي تفرحني .. وقيلا هي تحشم تكثر كثيرا في الكلام ربما حبا تخلي الافضل لبعد الزواج كل واحد و عقليتو
ان شاء الله راح تفهم و ترضيك
فقط نصيحة اذاكنت انا قد النصح ما تكثرش الكلامكثيرا في الهاتف لساعات في اليوم
نعرف بزاف مشاكل صراو غير من الكلام في الهاتف
خطراش احيانا انسان ما يكونش مليح نفسيا و نتا كي تحكي معاه نلقاه بارد نحوك من بعد انت تتالم و تحس انو يهملك
انت ما تجبد موضوع حتى تحس بلي راهي مستعدة للحوار و الكلام في ذلك به تسايرك ... و انت بالطبع كي تحس انها مستعدة للحوار قلها اذا بيك حاجة ...اذا عندها شكوك ضغوط ايا كان تساؤولات .... افتحلها مجال تفضفض على وش كاين في قلبها .... لربما تنفض وش كاين في قلبها .. و تحس براحة و انت طمأنها و اسمعلها .,,,, تما ان شاء الله تولي تحبك اكثر ... و الله اعلم
ربي يوفقك ان شاء الله
اكثر الدعاء
اربي يصلح بيناتكم
ربي يجمع بيناتكم في اقرب وقت ان شاء الله و يهنيكم

[khelifa09]

شكرا faty05. لكن كي قلتلها منزيدش نكلمك فرحت و قاتلي ان شاء الله. على عكس الماضي كي مانكلمهاش يومين تقولي وعلاه وتلومني.

[اصيل الشرق]

اخي حاول ان تسال على ماضيها العاطفي فاكيد سوف تجد الحل لها اضنك فهمتني:)

[faty05]

الله اعلم هذي وقيلا حابة تبان قدامك بلي مش متمسكة فيك و لا صح لا يهمها الامر
آتكلم معاها صراحة في هذا الموضوع و كل شئ بإذن الله يتوضحلك
ربي يعينك و يهنيك

[hodayena]

اخي الكريم خلاص انت راك عاقد عليها من قبل مكنتش خطيبها او زوجها والان العكس ونصيحة اصبر متتقلقش انا تاني جزت على هذي المرحلة مع خطيبي وكلش بسياسة ومتكثرش الهدرة في الهاتف وعمر وقتك ومتخممش فيها خمم في روحك واتهلى في روحك عمر وقتك قدر المستطاع

[sarl02]

هذه الامور ما فيهاش اصبر وامبعد تتغير ولا مرحلة وفايتة ووو..........اذا حسيت روحك طرف غير مرغوب فيه انسحب بشرف فهو احفظ لرجولتك وكرامتك ....انا والله ما شفت وحدة تشبع من خطيبها بالعكس يلام الخطيب عادة بعدم الاهتمام الكبير ...اسمحلي اخي هذه الوضعية الي راك فيها لا تتوافق مع رجولتك وكرامتك وانت حر في صبرك او عدم صبرك على حالك.

[جيش محمد]

اخي حاول ان تسال على ماضيها العاطفي فاكيد سوف تجد الحل لها اضنك فهمتني:)

كما قال الاخ
+
لا تتكلم معها مثلا لاسبوع وستري ردة فعلها

+
لا تتكلم معها كثيرا ... لكي تصبح عندك قيمة ووزن

وان شاء الله فيها خير

[abdel02]

.

اخوتي كيف أتعامل معها علما اني أحبها جدا. ولا اريد الانفصال عنها.
هذه هي عقدة الخيط اخي...غالبية البنات لما تحبها تهبلك...لما تتهرب منها تجري من وراك...لا تبين لها ابدا انك لا تستطيع مفارقتها لاننا وللاسف نحن الجزائريين لا نفقه في الحب شيئا ومدخلينو في السياسة...ربما غلطتك انك تكلمها بزاف وهو مادفعها للملل...ربما اخطئت لانك حبيتها بقلبك على حساب عقلك ولم تسال لا عن ماضيها ولا حاضرها...ربما وربما...ولكن الان انت في وسط الطريق...اما ان تكمل وتتحمل العواقب انت وحدك...واما ان تتراجع وتقتل لوم ضميرك...والله الموفق.

[z.abdo]

انفصل عنها احسن اخي اين مروؤتك

[sihem30]

اعوذ بالله من الشيطان الرجيم
بسم الله االرحمن الرحيم
ربي يفتح علينا كامنل ، شوف خويا الكريم راك عاقد على الطفلة يعني الامر يتطلب منك الصبر قبل اخذ اي قرار سلبي ، اولا ما تزيدش تقول لهاد المرأة بلي راك تحبها بزاف و شاريها ، كلمها احيانا فقط لمجرد انك تسأل عليها ، لان المرأة بطبعها المفروض تحب الرجل الي يحبها و يسألأ عنها ، هكذا المفروض و ترتاح من جيهتو ؟ الا اذا اذاها و دار فيها الشر او اتصرف معها تصرف جارح مثلا دون ان يشعر ، و هنا لازم تكون هي صريحة ؟ يعني اذا غلط الراجل في حقها هنا يكون تصرفها عادي اذا اصابها الكره و الملل ، اذن انت ما تخسرش علاقة بنيتها بنيتك لمجرد تغيرات عاطفية من جيهة خطيبتك او زوجتك على الاوراق انت كيما قلتلك اعطي فرصة لنفسك بالتفكير اجلس مع روحك خمم بعقلك مدة 10 ايام او حتى 15 يوم ، و في نفس الوقت اتذكر كل ما تعرفه عنها او سمعته منها منذ تعرفك عليها و بعدها يبان الامر بعد ما تغيب مدة 15 يوم او اكثر رايحة هي تتساء ل عن السبب ؟ و انت عندك السبب القوي و الدافع الي خلاك تبعد ، خاصة و انك تقول بلي كانت تزعف كي ما تتصلش بيها معناها كاين بعض الماشعر من جيهتك ؟ المهم انت واجهها و قول لها بعد 15 يوم من الغياب اما انك تكوني معايا او كل واحد ينفصل عن الاخر اذا كنت انا سبب في تعاستك ، وما راكيش مرتاحة ، فقط اعرف الاسلوب ايل تهدر بيه معاها دايما خلي روحك رزين و ثابت و عليك الهمة و الله اعلم

[sihem30]

كذلك فيه امر اخر اخيب الكريم ممكن راهي تمر بضغوطات نفسية او مشاكل نفسية من جهة اخرى ، او العلاقة الي بيناتكم اصابها الملل و الروتين ، و في هاد الحال بدلو ساعة بساعة و حاول تغير اسلوب الكلام و اسلوب المحادثة و حتى طريقة التعبير عن المشاعر ، المهم كون رزين و ثابت و اعطي لنفسك وقت اجلس فيه مع روحك ، يمكن هي حست بلي انت راك اصبحت ملكها خلاص و حبت تدلل عليك ، جرب لما تحسسها بلي ماراكش ملكها و ممكن انت ايضا تتغير من جيهتها ، بصح ما ننصحكش باش تتركها ترك نهائي الا اذا خلاص كل شيئ و كل الطر و استنفذتها و ما جابتش اي نتنيجة هنا تقول بلي درت الي عليا و ما ظلمتش بنت الناس و كل واحد في حالو و ربي يجيب الخير ، ما تنساش فقط تاخذ فترة طويلة للتفكير يمكن هي ايضا محتاجة تخمم و تفكر مع روحها ، و المواجهة تكون بعد هاد المدة ، سلام

[محمد غيزة]

اخي العزيز لا عليك فجميع العلاقات هي تمر بهذه المرحلة مادامت وافقت على العقد الشرعي فاعلم انها تحبك وتريدك زوجا لها
اما بالنسبة ان الكلام اختلف فهذا طبيعي ومن الافضل لو قربت موعد الزواج
انصحك اخي لا تكلمها دائما ااطل الوقت قليلا لان المراة اذا احست ا رجلا يحبها بشدة فانها تبدا تدلل عليه لدرجة لايتصورها العقل
كلمها بالهاتف ولا تستعمل اي كلام عاطفي فاعلم انها تلاحظ الفرق واذا سالتك لاتقل شيئا وكان شيئا لم يحدث
جربها اخي وانشاء الله تتبدل الاحوال

[nilly]

انت سالتها سؤال ليس في محلوا
ماهدفك من زواج . هدف كل البنات من زواج واحد يااخي هو الاستقرار وانشاء عائلة.
ربما اخجلتها بهذا سؤال والله اعلم.

[حبيبة عادل]

بعدها يامات و حاول ما تكونش ضعيف قدامها
ما تحكيش معاها
و شوف ردة فعلها
و لكن بعدها احكيوا بصراحة و تناقشوا بكل وضوح
هدا زواج ماشي لعب

[Ghalia alger]

:dj_17:Salam akhi rayi ano sabab machaklak wbo3d khatibtak howa kalamak witassalatak elkatira m3aha wal akid ano hiya iktachfat fi chakhsiyatak achya hiya mathabhach mitl elilhah wkatrat elkalam wbsaraha ida kamalt tkalamha bkatra rah tkhlas kel elmawadi3 wmarach talga mawadi3 tkalamha fih ba3d azawaj??walah a3lam.