مشاهدة النسخة كاملة : معلومات عن المسابقة العلمية
السلام عليكم و رحمة الله تعالى و بركاته لقد تم اختياري في المسابقة العلمية لمادة اللغة العربية و لاول مرة اشارك في هذه المسابقة فأرجو معلومات تفيدني عنها ...هل رايحين يجيبولنا ثقافة عامة و لا على لي قرينا العام هذا فقط و لا شاملة لكل السنوات + ماذا يحدث بعد الفوز ان شاء الله و ارجوكم اريد بعض النصوص لحلها
السلام عليكم
أنا عارفة المسابقات بين الثانويات و مسابقات أخرى فرديةيعني كل واح وحده
و مش عارفتها بالضبط كيف تتم
هي انو يختاروا مجموعة تلاميذ من المؤسسة و يروحوا يعقبوا في المواد اللي اختاروهم فيها
brahim.ch
2012-03-09, 19:30
السلام عليكم ,
أنا اختاروني في مادة الانجليزية
حنا في مسيلة كي ينجح واحد يطلع الى باتنة ثم اذا نجح يطلع الى العاصمة ثم اذا نجح يمدولو منحة للخارج
عربية الهوية
2012-03-11, 18:13
انا عطاوني تاريخ و ربحت دوكا ننتقل للجهوي و مبعد الله اعلم
brahim.ch
2012-03-12, 14:14
السلام عليكم
أولا مبروك عليكي أختي وإنشاء الله ربي يوفقك في المرات القادمة
وبالمناسبة من أي ولاية إنتي ؟؟؟
وحنا ماقالوناش على النتائج , من ثانويتنا5 تلاميذ و أنا مشاركين ومابان حتى خبر يعني خسرنا ؟؟
عربية الهوية
2012-03-12, 17:51
انا من ثانوية سيدي عباز بولاية غرداية
يبارك فيك لعقوبة ليك ختي
السلام عليكم
انا تاني عندي غدوا مسابقة في التاريخ بصح بين الثانويات حبيت نعرف نجاوبو مع بعضانا يعني نتشاوروا ونعطوا الاجابة ولا كل واحد وحدو
بلييز جاوبوني
لانو حنا ندريوا نتشاوروا علابيها قسمنا الدروس بيناتنا
عربية الهوية
2012-03-12, 19:21
السلام عليكم
انا تاني عندي غدوا مسابقة في التاريخ بصح بين الثانويات حبيت نعرف نجاوبو مع بعضانا يعني نتشاوروا ونعطوا الاجابة ولا كل واحد وحدو
بلييز جاوبوني
لانو حنا ندريوا نتشاوروا علابيها قسمنا الدروس بيناتنا
لا لا ردي بالك توري لواحد كل واحد و شطارتو هذا مشي امتحان عادي انتي و قفازتك :19:
اه
اذا هكدا علاه حطونا في مجموعة وحنا واحد ما قالنا بلي كل واحد واسئلتو وحدو
يعني خرين قالولنا تجوزو ثانوية ضد ثانوية يعني مجموعة ثانويتي يقعدوا مع بعضاهم وكي يعطونا سؤال نتشاورو فيه وكي نتافقو نعطو الاجابة وبيقولونا صحيح ولا غالط
انا اول مرة نشارك علابيها مانيش فاهمة
koul wa7ad wa7dou examen kima fel msid
عربية الهوية
2012-03-12, 19:44
اه
اذا هكدا علاه حطونا في مجموعة وحنا واحد ما قالنا بلي كل واحد واسئلتو وحدو
يعني خرين قالولنا تجوزو ثانوية ضد ثانوية يعني مجموعة ثانويتي يقعدوا مع بعضاهم وكي يعطونا سؤال نتشاورو فيه وكي نتافقو نعطو الاجابة وبيقولونا صحيح ولا غالط
انا اول مرة نشارك علابيها مانيش فاهمة
ايه نتي راكي على مسابقة الثانويات هذي اللي رانا نهدرو عليها المنافسة العلمية و الادبية :)
brahim.ch
2012-03-14, 18:18
الســــــــــــــــــــــلام عليكم
كاشي أخبار على المسابقة العلمية والأدبية في مسيلة ؟؟؟
ادا راكي تقصدي بين الثانويات فحنا من العادة كل واحد يحفظ مادة و وقت المسابقة قاع نجاوبوا على الورقة يعني نتشاركو في الاجابة اي نتفقوا عليها و واحد يقراها والمصحح يقول ادا كانت صح ولا غلط
اما العلمية ما جربناهاش منا وفايت
brahim.ch
2012-03-15, 12:02
السلام عليكم
مش أقصد مسابقة بين الثانويات , أنا راني نقصد مسابقة علمية وأدبية يعني امتحان فردي كل واحد يختاروه في مادة ويروح يعقبها , أنا اختاروني في الانجليزية , وين راكم ياناس مسيلة ؟؟؟؟؟؟؟؟
المنافسة العلمية تكون كتابية الاختبارات او الامتحانات الرسمية يكون في قاعة مع تلاميذ من ثانويات اخرى تحت حراسة مشددة من طرف استاذين تسلم لكم المواضيع وتتم الاجابة عنها في اوراق امتحان وتصحح في تاريخ تحدده المديرية ومنها الفائز سينتقل الى الولاية وان نجح سيصل الى المسابقة الوطنية وتكون بالعاصمة بالتوفيق لتلاميذنا النجباء وعلى فكرة الفائز في المنافسة الوطنية تسلم له هدايا معتبرة وحتى الفائز على مستوى الولاية حظ سعيد واتمنى ان تنشروا لنا مواضيع المنافسة لمعرفة المواضيع المقترحة
sarita95
2012-03-15, 21:43
mrc a vousssssss
انا اختاروني في بين الثاانويات مي ما فهمو ناش
يعني كل شي راهم غااامض جدا
brahim.ch
2012-03-18, 15:14
الى الأستاذة أم ريان
يا أستاذة المسابقة الى نهدر عنها يفوز واحد فقط من الولاية يعني يطلع واحد فقط من كل ولاية ؟؟
ولازم قداش يتحصل على نقطة
وبخصوص الأسئلة راني مديتها للأستاذة ومرجعتهاليش بعد العطلة انشاء الله تجيبهالي , وننشرها في المنتدى,
اميرة زماني
2012-04-05, 18:20
انا شارت ومزال ماردو
ممكن كاش معلومات وينتا النتائج
الرجاء اعطائنا نمادج عن المسابقة العلمية والادبية:mad:
vBulletin® v3.8.10 Release Candidate 2, Copyright ©2000-2025, TranZ by Almuhajir