راني محتاجتكم بزاااااااااف انصحوني [الأرشيف] - منتديات الجلفة لكل الجزائريين و العرب

مشاهدة النسخة كاملة : راني محتاجتكم بزاااااااااف انصحوني

مشكلتي

2012-02-16, 13:53

السلام عليكم ورحمة الله وبركاته

اتمنى اخواني واخواتي ان تكونوا في تمام الصحة

انا فتاة جامعية عندي 21 سنة فتاة عادية نحمد ربي على كل شي قبل عام ونص تقريبا تعرفت على شاب عندو 27 سنة ولحد الان ماشفت منو غير الخير وصارحني بكل شي من اول نهار وخممنا باه يجي يهدر مع اهلي لكن هناك شوية معيقات لانو يخدم خدمة عادية يعني موش خدمة تابعة للدولة شهريتو مليون ونص وتبانلي انها موش كافية باه يوجد روحو يعني تعرفو انو لازمو مصروفو اليومي ... وزيد ماهوش من ولايتي يعني بعيد وباه يجي لازمو بزاف والله تحيرت بزاف وهادا موضوعنا في اغلب الاحيان نهدرو فيه بزاف بصح مالقيناش الحل المناسب لانو مايقدرش يخدم 2 خدمات علخاطر خدمتو ضرك يبداها من 6 تاع الصباح ل 5 تاع لعشية وحوس على خدمة اخرى مالقاش وخايفة في لخر مايقبلوش اهلي لانو بعيد مع اني اعطيت فكرة عن الموضوع للوالدة وكان ردها عادي ماعندهاش رفض للموضوع

ربي يخليكم ريحوني وردو عليا راني بحاجتكم وبحاجة لنصايحكم

والصراحة انا نحبو بزاف وهو اول واحد حبيتو ومانقدرش نصور حياتي مع غيروا....الله غالب

دمتم بخير

Lam!ne

2012-02-16, 13:59

مليون و نص في وقتنا هذا تخلاص في يومين

ربي يفرج عليك

ملك كوسوفي

2012-02-16, 14:00

اذا كنت تحبيه ومقتنعة فيك واهلك ما عندهمش مانع .انقولك من درك مبروك عليك والبعد ميهمش. راهو كاين الهاتف

الجلفاوية

2012-02-16, 14:07

السلام عليكم...
بغض النظر عن طبيعة العلاقة لي بينكم حلال ولا حرام نظن مش الموضوع لي حابة نحكولك عليه....لازم توقفي موقف محدد عام ونص كافي جدا باه تكوني حددتي موقفك من ناحية كل الامور ضرك لازم ديروا موقف صريح وواضح اذا انت قابلة تعيشي وتكفيك مليون ونص وقادرة تعيشي بهذا المستوى لي صراحة في وقتنا والا ممكن يضمن الخبز والماء ومش ياسر امور معاهم لشخصين وابمشيئة الله تولوا 3 و 4 'بعد الاطفال'...يعني اذا موالفة بهذا المستوى وعارفة روحك قادرة عليه اهلا وسهلا دييروا خطوة وقليلوا يجي يخطبك والف مبروك واذا عارفة ظروفك احسن من هذا المستوى ومش موالفة لازم تديري حد لهاد العلاقة ماتبقايش بين وبين الوقت راه يعقب من حياتك وراك في علاقة مشبوهة ليس لها اي ملامح واضحة لازم تقوليلوا يجي يتقدم بلي عندوا باش تعرفي صدق نيتوا...وانا من رايي اذا لقيتي فيه الانسان المناسب اقبلي وتوكلي على ربي والله لن يخيبكما كي تكونو ناويين الحلال.....

nilly

2012-02-16, 14:15

اولا سلام عليكم
هو لراه يحوس على هذه المبررات ولا انتي ؟ المهم ماشي شرط يكون ليتزوج بيك من ولايتك وماشي شرط ثاني يكون لاباس بيه
يقدر يخطبك على الاقل تبان علاقة نتاعكم رسمية وشرعية بدل هاذي العلاقة لمعندهاش اسم , وتقدري تطولي في فترة الخطوبة نتاعك حتى يلقى خدمة اخرى
والله الموفق

- بصمة خير -

2012-02-16, 14:54

المطلوب ؟؟؟؟؟؟

صلوا على الرسول افضل الصلاة و السلام

حنان شلفية

2012-02-16, 15:31

شوفي اخى انتى ديري صلاة استخارة وصح مليون ونصف والله ماهي والو وبما انك انتى طالبة جامعية ومازلك تقراي تقدري ديري خطوبة دروك ومن بعد تخرج ان شاء الله تتغير ضروفو وولي يخدم في خدمة مليحة ولا مالقهاش تكونى انتى بدبلوم نتاعك وان شاء الله تلقاي خدمة وتتعاونو على هدى الدنيا شي تانى ماديري خطوبة رسمية باه مشي لمبعد كاش مكاين وناس كامل تسمع وبعيد الشر تفسخيها يعنى اجي يحكى مع الوالد نتاعك ويقراو الفاتحة على نية التوفيق وربي يسهلك امرك

بلال الرومنسي

2012-02-16, 16:02

ربي يعاونكم اختي .............. ويفرج على كل الشباب والشابات ....... لكن لو هدا الشاب عايش مع اسرتو ولما يتزوجك تعيشي مع اسرتو فاعتقد انه بالامكان لكما تدبر امريكما ...... يعني بامواله + مساعدة ابيه له تنحل مشكلتكما ...... يعني انتي عايشة مع والديه وكانك بنتهم تاكلي وتشربي معاهم حتى الاعياد والمناسبات معاهم ... + لما تكبرون مصاريف الخطبة والزواج !!!
وانتي فكري ... واهلك يفكرو معاك ..... والقرار ليكم ..

pro24

2012-02-16, 16:09

ما بني على باطل فهو باطل اما انك تعرفت عليه فهذا في الشرع حرام اختاه توبي الى الله ام نصيبك سوف يأتي فان كان هو نصيبك سوف يكون زوجك اما اذا كان ليس من نصيبك فلن يكون زوجكي ام الحب اختاه أقسم بالله الذي رفع السبع الطباق لايوجد حب قبل الزواج نسأل الله الثبات حتى الممات

hamzagolf6

2012-02-16, 16:57

اخي السعادة ماشي في كي تزوجي براجل يخلص 10 ملاين للشهر ولا اكثر
السعادة انك حبيتيه وناوي على الخير هاذ السيد وراهو يبانلي راجل وناس ملاح
ياك نتي جاميعية قوليلو يخليك تكملي قرايتك وتلقاي خدمة وتعيشيو في سعادة وهناء بزوج شهريات
ونقولك بون شونص وبلاتوفيق عجبتتني حكايتكم بزاف

the black perl

2012-02-16, 17:07

ربي يفرج عليكم ختي

اشراقة الامل

2012-02-16, 17:31

حكايتك كي حكايتي photocopie يا اختي واش اديري ايلا تحبيه و راكي واثقة بيه و مقتنعة ننقولك مبروك عليك و ربي يهنيك
انا هكدا راني رايحا انندير على شهر ولا شهرين يجي للدار و نتعاونو شويا شويا ما لازمش نشرط عليه علابالك وعلاش
و نستناو حتى اننهار ايفرج ربي المهم اتكوني قنوعة بلي عطالك ربي و ما تحقريش
و ربي يسهل ان شاء الله و ايجيب اللي فيه الخير

abdel02

2012-02-16, 17:48

يا اختي يخدم من ال6 الى ال17 ي 15000دج...انا ظننته متعاقد...لا عليكي اختنا...انا من رايي انك تنصحيه يشوف خدمة افضل اما في الاجرة او في وقت العمل...واكيد راح يلقى ولو يعمل بائع في محل يعطيلوا زوج ملايين...هذا من جهة...اما قضية البعد اختي مادام القلوب عند بعضاها فكل بعيد ات...توكلي على الله ولا تنسي قوله صلى الله عليه وسلم:"ثلاثة (http://www.ksau.info/vb/showthread.php?t=3404)حق على الله (http://www.ksau.info/vb/showthread.php?t=3404)عونهم : المكاتب يريد الأداء ، والمتزوج يريد العفاف ، والمجاهد في سبيل الله" (http://www.ksau.info/vb/showthread.php?t=3404)رواه أهل السنن إلا النسائي .

ranitta

2012-02-16, 17:55

ياختي راكي تقولي بلي راكي جامعية يعني تقدري تخدمي كتكملي قرايتك ومدخولو + مدخولك يقدروا يعيشوكم اذا عرفتوا كيفاه تتصرفو

صدقيني اختي مشكلتك هاذي راه ليست مشكلة ابدا لان الهناك حل لها بل اكثر من حل

متخليش روحك تندمي لانك فرطتي فيه على حاجة ما تستاهلش

سيرتو اا كنتو تحبوا بعضاكم

انا نقولك ربي يجيب اللي فيه الخير

ويجمع بيناتكم بالمحبة والاخلاص

ويهنيكم مع بعضكم

عُضو مُحترم

2012-02-16, 17:56

من خارج الولاية

يعني

تهدري معاه و اكيد تلاقيتوفي مكان ما

هذا الشيء صواب ام خطأ؟؟؟؟

miri_27

2012-02-16, 18:11

أهلا عزيزتي و الله يااختي تقولين ان حالته ميسورة لكن فيه نزعة و إتكال على النفس و هذا هو الاهم عزيزتي حاولي ان تتفاهمين مع الاب بكول وضوخ لان هذه حياتك و لاتنسي ان الاب يريد دائما الخير لابنته و مع انك جامعية حاولي ان تساعديه بالعمل بعد التخرج و كيما يقولو البراكه في القليل و ربي يوفقكم و يجمعكم يارب امييييييييييييييييييييييييييييييييييين

rkia

2012-02-16, 18:32

أبو معاذ محمد رضا

2012-02-16, 21:38

عيب عليك عيب عليك وحرام عليك
"تعرفت على واحد" هل هذه هي طريقة الزواج التي علمنا النبي صلى الله عليه وسلم إياها؟
توبي إلى الله وانتظري ابن الحلال الذي يأتي من الباب لا من النافذة
هداكن الله.