الي يستحي لا يدخل على الموضوع هههههههه

[نورة أسماء]

http://www.9ori.com/media/images/d636feffd3.jpg


السلام عليكم احبتي

الي يستحي لا يدخل على الموضوع
قرات الموضوع وحبيت انقله لكم وندردش lمعاااالموضوع يتكلم عن الاشياء الي نعملها قبل ما تنامون أعرف انه في انواع الفضايح ومصائب لكن عادي هعهعهععهعهعه في افعال كثيره الواحد يعملها قبل النوم وما فيه امل ينام حتى يعملها

طبعا بخلاف قراءة اية الكرسي ودعاء النوم فيه بعض الاشياء انتم تقومون بها فمثلا في ناس
1_ لا يمكن تنام الا على صوت موسيقى كلاسيكيه حاسبين فيها رومنسيين ههههههههههههه يا عيني
2_ او ما يمكن تنام الا اذا اخذت دش بارد او ساخن
3_ وفيه ناس ما تنام الا اذا تقلبت على السرير وعملوووو حركات بهلوانيه هاذا اذا ما كان جنبازهههههههههههه
4_ وفي ناس ما تنام الا لما تحط كاس الماء عند راسها تخاف ينوض عطشان في الليل
كل واحد له طريقته لابد أن يفعلها اوكي انتو ش ديرو قبل النوم ؟؟؟؟؟؟؟؟؟

أنا عن نفسي بصراحة ماأروح للفراش إلا إذا نعست لكن قبلها أتأكد من أولادي متغطين مليح ونحصنهم ونضرب دورة على دار نشوف باب دار نغلقه غاية و دورة مياة مغلق والكهرباء والغاز للسلامة ومن ثم روح نام

انتظر مشاركاتكم وامانه اللي يقرا الموضوع لازم يقول واش يعمل

تحياتي

[محمد جديدي التبسي]

أنا نحط راسي على الوسادة يجيني المنتدى في بالي نتفكر واش عملت في ذلك اليوم وساعات نتذكر مواقف مضحكة نولي نضحك وحدي ههه
ومن بعد ندير الأذكار إذا ما نسيتهمش ولا غلبني النعاس
والحمد لله نومي ثقيل نحط راسي نلقى الصباح طلع لا أحلام لا والو إلا نادرا ههه

شكرا على الموضوع الظريف

[غنوشة]

أنا عدتي منرقدش حتى ،نتفقد الدار كلها ،ثم نرgلي المنبه على صلاة الفجر ،وكي نحكم فراش نبدا نطلع ونهبط في كل حرف قريت في هذا المنتدى ،ولمرديتش أو ممرتش عليه ،نرد عليه .بيني وبين نفسي ،والله هذا المنتدى رح يهبلني ،وفي الأخير نسبح حتى نلقى روحي رقدت .

بالمناسبة هذا الموضوع رح يجبلك أكبر نسبة مشاهدا .هههههه

[janino]

نفس الشىء طلة على الاطفال طلة على الباب و طلة على الكهرباء و الغاز نستلقى على السرير زوجى مع الريال و البارسا نشهد و نستغفر و نظبط المنبه و نروح فى سابع نومة بعد 3 او 4 سوايع ينوض ابنى الصغير من سريرو و يجى يكمل النوم معاى ليلتكم سعيدة و نومكم هنيىء و احلامكم جميلة شكرا

[maiar]

هههههههه كانت عندي عادة تع الجمباز كي كنت صغيرة بصح تناحتلي الحمد لله

شكرا على الموضوع الظريف

[potox]

عندي وحد العادة كون مانديرهاش مانرقدش

هي اني ناكل ياوورت

ومبعد نتفرج شويا ونرقد

[aridjyakine]

:dj_17:السلام عليكم حقيقة موضوع يجلب الانتباه :21:
انا ما نرقدش الا اذا استنيت بنتي(4 اشهر) ترضع و ترقد و لازم نغنيلها (يا طيبة) و مبعد نرقد انا ما عندي حتى طقوس:21::21::eek::mh31::mh31::mh31::mh31::mh31:

[ام رحوقة]

انا حتى ننعس مليح مليح باه نفكر نروح نرقد بيني وبينكم نكره الرقاد مانعرف علاه
كي يلحق الليل نتغم هههه و نروح نشوف الغاز والباب اذا مغلوق واذا بنتي مغطية مليح
بصح لااااااااااااااااااازم قبل مانرقد نتضارب مع بنتي ماتحبش ترقد خارجة ليا
ووووونرقد

[الكـ الطيبة ـلمة]

عادات ما قبل النوم أحيانا تكون غريبة جدا

أنا من الفئة التي التي لديها خصام دائم مع النوم , و في انتظار حضوره

مفري الى النت , أو قراءة اي كتاب إما ورقي أو رقمي

ثم أنني من الذين ذكرتيهم الذين يلزمهم وجود الماء في الغرفة >>> أخاف أن أستيقض

و أجد نفسي في صحراء قاحلة لا ماء فيها :rolleyes: , رغم أنني لا أشرب إلا فيما ندر

, لا بد و أن هذه فوبيا العطش ههه

[جسور المحبة]

يا اختي انا قبل مانرقد نسمع شويا راديو واذا ما عجبنيش نبقى نفكر ونغوص في بحر احلامي واوهامي
طبعا هذا اذا ما كنتش تاعبة اما اذا كنت تعبانة اذا قريت الاذكار راني مليحة

[لكحل بلال]

خطرة نحكيلكم قصة

قعدت قدام الميكرو ايا طول عليا النعاس ايا كي طول مجاش


.
.
.
.
..
.
.
.
.
.
.
.
.
.
..
.
.
.
.
..
.
.

.
.
..
.
.

رقدت وخليته هع نتمنى ان تعجبكم

[hydraulique51]

موضوع ظريف خلعني العنوان بصح الحمد لله خرجت سلامات ههههههههههه
نعاسي خفيف ادا مكانش موضوع شاغل بالي نشوف فيلم حتى يجيني الرقاد
مرات الادكار وتروح عليا حتى نلقا الصباح طلع

[حميدو09]

أنا انراقب الباب و الغاز و الحنفيات.

انحط راسي على المخدة.

و

[رقة الحياة]

http://www.9ori.com/media/images/d636feffd3.jpg


السلام عليكم احبتي

الي يستحي لا يدخل على الموضوع
قرات الموضوع وحبيت انقله لكم وندردش lمعاااالموضوع يتكلم عن الاشياء الي نعملها قبل ما تنامون أعرف انه في انواع الفضايح ومصائب لكن عادي هعهعهععهعهعه في افعال كثيره الواحد يعملها قبل النوم وما فيه امل ينام حتى يعملها

طبعا بخلاف قراءة اية الكرسي ودعاء النوم فيه بعض الاشياء انتم تقومون بها فمثلا في ناس
1_ لا يمكن تنام الا على صوت موسيقى كلاسيكيه حاسبين فيها رومنسيين ههههههههههههه يا عيني
2_ او ما يمكن تنام الا اذا اخذت دش بارد او ساخن
3_ وفيه ناس ما تنام الا اذا تقلبت على السرير وعملوووو حركات بهلوانيه هاذا اذا ما كان جنبازهههههههههههه
4_ وفي ناس ما تنام الا لما تحط كاس الماء عند راسها تخاف ينوض عطشان في الليل
كل واحد له طريقته لابد أن يفعلها اوكي انتو ش ديرو قبل النوم ؟؟؟؟؟؟؟؟؟

أنا عن نفسي بصراحة ماأروح للفراش إلا إذا نعست لكن قبلها أتأكد من أولادي متغطين مليح ونحصنهم ونضرب دورة على دار نشوف باب دار نغلقه غاية و دورة مياة مغلق والكهرباء والغاز للسلامة ومن ثم روح نام

انتظر مشاركاتكم وامانه اللي يقرا الموضوع لازم يقول واش يعمل

تحياتي


انا ما نرقدش حتى نعود ما نقدرش نقاوم النعاس و ساعات نرقد و انا قاعد فالكرسي و ساعات نرقد و انا نمشي ولا ناكل كل خطرة كيفاش
ملاحظة : هذا الموضوع كون كتبت انا كون راه في خبر كان كي هو كي انا ... بصح معليش نوكل ربي

[molita]

انا نكمل نقرا في الليل نرقد على الكراس واذا مرقدتش نتفرج فيلم نشهد ونستغفر نلعب شوي مع خويا الصغير ونرقد

[بنت الحجاج]

أنا

لازم ندير مخدة فوق راسِي باه نرقدْ

يعني هي اللي تتوسدني

[محمد...عبد النور]

شكرا أختي نورة أسماء على الموضوع الجميل
ليس لي أمر أفعله إلا تفقد الأبواب إذا كانت مغلقة وكذا الغاز
أستلقي على فراشي مرات أكون نعسانا يأخذني النوم سريعا و مرات أخرى يخونني النوم فأبقى في مكاني أتقلب ساعات حتى أكره
لا أضع الماء أو أي شيئ لأني لا أعجز عن النهوض في اليل
بارك الله فيك أخي و جزاك الله خيرا
ســـــــــــــــــــــــــــــــــــــــــــــــــ ــــــــلام

[نورة أسماء]

انا ما نرقدش حتى نعود ما نقدرش نقاوم النعاس و ساعات نرقد و انا قاعد فالكرسي و ساعات نرقد و انا نمشي ولا ناكل كل خطرة كيفاش
ملاحظة : هذا الموضوع كون كتبت انا كون راه في خبر كان كي هو كي انا ... بصح معليش نوكل ربي

علاش الموضوع ش فيه نورمال يا مجيد ؟؟؟

[داعي الله ياسين]

عجـــــبني كل الأمهات اللي مرّوا من هنا وتعاملهم مع أبنائهم


رب ايـــــحفضلكم أولادكم ويفرحكم بيهم

سلامي

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
لوكان ما نسمعش القرآن قبل النوم ما نعرف واش راح يصرالي

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

[وحد الواحد]

انا ندير الكيتمان(السماعة) ونسمع قرأن ولا راديو لانني منحبش نبقى وحدي مع راسي ،عمبالكم نتخلبط، ومن بعد نوض في الليل فاجد نفسي مقيدا بالكيتمان ههه

[النجمة القطبية]

انا لازم نغسل وجهى ونغسل اسنانى ونتوضى قبل النوم والا منقدرش نرقد
وممبعد نقرا اذكار
وهذا ما كان

[ع.جمال]

معذرة
حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...