الخدمة الوطنية --- البرواقية [الأرشيف] - منتديات الجلفة لكل الجزائريين و العرب

aminetibag

2012-02-16, 09:51

Malek ben

2012-02-16, 14:05

السلام عليكم اخوتي
وصلتني البارحة orde d'appelle مكتوب فيها الالتحاق بقسنطينة لغرض اصاله الى ن ع 1 البرواقية
اخوتي ممكن تفيدونا اي تخصص تتنتمي هذه الثكنة مشاة او طيران وممكن اعرف نظام التدريب فيها هل هو شاق والمعاملة ايضا وشكرا

السلام عليكم أخي
أنصحك أخي الكريم أن لا تذهب الى transit تاع قسنطينة فيه الميزيرية وتكره حياتك باش يبعثوك الى البرواقية ، روح مباشرة الى البرواقية التابعة لمدينة المدية و الله المستعان في الخدمة لأنني مجربها خويا وشكرا

aminetibag

2012-02-16, 14:19

ربي يحفضك خويا هكذا قالي صاحبي روح طول للبرواقية لكن انا من سطيف ولا يوجد طاكسي تول للمدية ممكن تنصحني كيف اذهب الى هناك وان امكن اخي الكريم تقولي كيف راهي المعاملة هناك والتدربات والله يا اخي كل واحد واش يقولي ممكن تفيدني كيفاه العقلية هناك

constantinois-25

2012-02-16, 15:03

البرواقية هي مدرسة ضباط الصف لقوات الدفاع الجوي عن الإقليم

abdellah18

2012-02-16, 15:17

ما هو تخصصك الجامعى:mh31:

hakim-18

2012-02-16, 15:28

السلام عليكم إخواني
جاتني l'orde d'apple و حاب نسقسيكم خوتي ...هل يقدرو يعتوني سورسي كي نديلهم شهادة مدرسية مع العلم أني لم أذهب لتجديد السورسي عندي 5 أشهر ...و هل لا نفوت الخدمة الوطنية نقدر ندخول للجيش مباشرة و لا لازم نكمل الخدمة الوطنية و منبعد نعاود ندخل ؟ أرجو الرد و شكرا

الأسد فرناس

2012-02-16, 16:20

بالنسبة للاخ الذي سال عن مركز البرواقية هي كانت في الماضي لضباط الصف لسلاح الدفاع الجوي عن الإقليم أما الأن فقد اضافوا اليها الضباط ايضا بعدما كانو يتدربون في الرغاية المعاملة والتدريب جيد لكن البرد قارس جداااا

aminetibag

2012-02-16, 16:43

شكرا للاخوة على الردود وبالنسبة للاخ abdellah18 انا تخصص الالكتروتقني واما الاخ constantinois-25 فمكتوب في الاستدعاء (ط ظ ا) والمستوى مهندس ممكن تقولي ما هو الفرق بين ط ظ ا و ظباط صف

سامي26

2012-02-16, 20:35

يا اخي امين انا من ولاية المدية في البداية انصحك ان لا تذهب الى الترانزيت لان فيه الميزيرية ثانيا بما انهم كتبولك ط ظ ا فانت رايح تفوتهم طالب ظابط احتياطى (بمعنى ملازم ا او مرشح) ثالثا بالنسبة للمدرسة اقولك انه ربما اول او ثاني دفعة للضباط الاحتياطيين اخيرا اقولك انه البرواقية خصوصا و المدية عموما اناس طيبون جدا والامن فيها اقولك احسن من اغلب الولايات و الاماكن الساخنة ومرحبا بك لمزيد من الاستفسارات

aminetibag

2012-02-16, 20:58

ربي يجازيك خويا سامي ممكن تقولي المعاملة والتدريب وقالولي البرد عندكم واخيرا انا من سطيف ولن اتي من الترانزيت كيف اتي الى المدية والى البرواقية مع العلم اني من ولاية سطيف يحني اي حافلة او طاكسي يصلني للبرواقية والله يجازيك خويا سامي26

سامي26

2012-02-17, 08:58

لا تقلق اخي ا نت ما دمت تسكن في سطيف اذهب الى محطة سطيف ستجد خط نقل طاكسي مباشرة من سطيف الى قصر البخاري اين اسكن ستجد هناك حافلات نقل قصر البخاري البرواقية وهي اسهل طريقة من ناحية البرد فلا تقلق لان فصل الربيع قادم و البرودة قليلة جدا اما المعاملة فالله اعلم لكن اقولك لا تقلق راح تفوتهم ظابط يعني عندك 45 يوم الاولى فقط فها شوي تعب اما الباقي كل شئ يبقى ذكريات كاش استفسار راني هنا شكرا

aminetibag

2012-02-17, 10:29

ربي يحفضك خويا سامي 26 و شكرا على للمعلومات المفيدة

nrj21

2012-02-17, 15:37

السلام عليكم أخي
أنا تاني بعتوني للبرواغية وعييت نحوس على معلومات على هاد الثكنة ما لقيتش
أفيدونا بمعلومات الله يجازيكم

aminetibag

2012-02-17, 15:49

هههههههههههههههههههه شت يا خي شح كبير في المعلومات .... من اين انت اخي هل انت جامعي مثلي ممكن نلتقي هناك

جمال لعروسي

2012-02-17, 18:44

الأخ سامي 26 السلام عليكم، هلا شرحت لنا قليلا حول كيفية سير الأمور في الخدمة العسكرية بالنسبة لضابط مثلا ؟
مثلا التدريب كيف يتم ؟؟ و ماذا يحدث بعد 45 يوم ؟
ياريت لو توضح لنا، خصوصا فيه الكثير يجهلون الكثير، شكرا لك أخي

midou-830

2012-02-17, 20:21

السلام عليكم أنا تاني جاني استدعاء باه نروح لبسكرة مع العلم انني متخرج هدا العام الكترونيك مكتوبة في الاستدعاء ط ظ أ فما رأيكم و بمادا تنضحونني خاضة لي مجرب

سامي26

2012-02-17, 21:04

الاخ جمال في البداية اعلم انه يوم دخولك تفوت عند الطبيب رايح سالك ان كنت مريض ام لا ثم يقلبك ويقلك انتظر اذا قلك اوكي فهو موعد الخدمة الوطنية حقيقة اما اذا قالك انتظار فانت وزهرك ربما الثكنة امتلات لذلك انصحك باخذ معك ملف وكذلك اذهب اخرالايام في ا لحالة الولى ستلبس البذلة وتقوم بالتدرب من 04 صباحا الجري ثم 06 الفطور ثم 07 تنظيف اماكن النوم وكل هذا بالنظام المنظم ثم التجمع الصباحي ساحة العلم يوميا و الذهاب للتدرب الى12 لفطور لا باس به ثم 13التدرب الى غاية16النوم من شدة التعب فطور المساء وهكذا بعد45 يوم اجازة ثم بداية ا لدراسة و الكتابة الى غايةموعد الميتاسيون انت وزهرك ومعارفك فى الستاج تخلص 3000دج وفي العمل ملازم ا 11250 مرشح 10000والله كلش يفوت اتكل على الله واحسن الظن به

salamou25

2012-02-17, 21:41

أخي الكريم جزاك الله كل خير ...اريد فقط أن أعرف هل من الممكن الإنخراط بالجيش بعد الخدمة أو أثنائها بالنسبة للضباط مشكوررررررررررررررررررررررررررررررررررررررر

aminetibag

2012-02-17, 22:16

يا اخي الكريم لم يقولو لينا والو ممكن تفيدونا كيما قال الاخ جمال لعروسي ماذا يجري داخل الثكنة

maladona

2012-02-18, 08:33

يا أخي راه عندك الكوراج باش تروح
ربي يسهلك خويا هذو هوما الرجال

حنايا ماشي كالهامل ردها غي للنساء

جمال لعروسي

2012-02-18, 09:41

الأخ سامي 26، عندي ملف طبي، هل آخذه الى الترانزيت ؟ أم أذهب مباشرة الى الثكنة ؟
يعني الملف أدفعه في الترانزيت أو في الثكنة ؟
أنت قلت لي اذهب آخر يوم، كيف أحسب هذا اليوم ؟؟ مثلا في الإستدعاء مكتوب التحق ب 22 مارس، هل يجوز لي الذهاب في 25 مارس ؟؟
ياريت توضيح في هذه النقطة ربي يحفظك،
بارك الله فيك على المعلومات

سامي26

2012-02-18, 12:17

لا تاخذ الملف الى الترانزيت بل لما تفوت عند طبيب الثكنة قل له عندي ملف طبي ومده له كذلك بالنسبة لك وبما ان الاستدعاء فيه22 مارس نصيحتي اذهب 21 مارس او 22مارس اذا ذهبت 25 مارس يشدوك بعض الايام ويخدموك الكرفي ويعطولك سورسي 6 اشهر ويقولولك روح اتفوتهم في ثكنة اخرى وربما البرواقية احسن منها انظن انكون افدتك ببعض المعلومات لاتنساني بالدعاء لانه غير كيما كملت الخدمة

aminetibag

2012-02-18, 13:53

ربي يحفضك خويا سامي 26 وربي يوفقك ان شاء الله

ziko04

2012-02-19, 07:40

السلام عليكم البرواقية هي من اجمل المدارس انا الستاج فوتو في البرواقية هي تكنة متخصصة في الدفاع الجوي عن الاقليم يا اخي روح في الوقت تاعك خاطر راهو كلش بالمكتوب ادعي ربي يخرجوك فائض واذا فوت راهي 6اشهر تفوت بسرعة
ومن اجل الذهاب للبرواقية اصحك بالذهاب الى الجزائر كيما تخرج من الخروبة تلقى تاع البليدة كيما تلحق البليدة راك تلقى تاع البرواقية ومن بعد احكم فرود للثكنة مع العلم انا الثكنة مقابلة للحبس والله المستعان

aminetibag

2012-02-19, 14:44

ربي يجازيك خويا ziko04 وكما قلت كلش يفوت

aminetibag

2012-02-19, 14:46

ممكن خويا ziko04 تحكيلنا شوية على الستاز وماذا نفعل ومما متكون الباركور نتاعهم
اريد ان اعرف اكبر قدر من المعلومات

aminetibag

2012-02-19, 14:52

السلام عليكم اخي الكريم
اولا اشكرك على الرد على موضوعي لكن اريد ان اعرف ماذا نفعل في الستاج
على اي ساعة نستيقض .... كم مدة الجري الصباحي .... بعد الفطور ماذا نفعل .... والباركور مما يتكون هل هو صعب ...... الاكل جيد او لا ...وهل صحيح التدريب يقتصر على 45 يوم بالنسبة للظباط والباقي دراسة .
افدني اخي الكريم ربي يجازيك كل خير

AIacad

2012-02-19, 21:12

أنا أيضا البرواقية ولاية المدية
وجدت مشاركة للأخ concord

وضع صورة للمدرسة عبر الأقمار الصناعية

http://wikimapia.org/#lat=36.139625&lon=2.9430807&z=17&l=0&m=b

صوة لمحطة المسافرين

http://wikimapia.org/#lat=36.1498136&lon=2.9015708&z=17&l=10&m=b