بما أني مبتدئة في عالم الخياطة، عندي عدة أسئلة

[Kuchiki Rukia]

كنت حابة نتعلم غرزة السموك، و راني شفتها في دورة السموك، (شكرااااااا لصاحبة الدورة) و عجبتني بزااااااااااااف و لأول مرة في حياتي نحكم ابرة و خيط (علابالي مكسرة اليدين الله غالب :1:، لكن و الله راني حابة نتعلم) بما أني عمري ما خيطت و لو قفلة، فقلت مستحيل ننجح في السموك، لكن مفاجأة جربتها على قطعة ساتان كانت في البيت خرج روووووووووووووعة و الله خير من الصور تاع التمرين، ما صدقتش روحي اني موهوبة :1::1::1::1: وزدت تشجعت اني نتعلم الخياطة كيما يلزم يعني من البداية بصح عندي أسئلة:
- أولا: مثلا لو حبيت نخيط أي حاجة في البيت، مثلا قندورة، و لا مفرش طاولة و لا كوفروالي (ياك معليش راني نحلم ههههههه)
هل يجيني ارخص من اني نشريه و لا كيف كيف و لا أغلى؟؟؟؟؟؟؟ خاصة انه كلش في الجزاير راه غير يزيد في الغلا

- ثانيا: حبيت نسقسي على انواع القماش المستعملة غالبا ، مثلا الساتان شحال يدير للمتر؟؟؟ (هذا ما نعرف ههههه) و الاقمشة الغالب استعمالها الاخرى اسمها و سعر المتر من فضلكن

- ثالثا: هل ممكن اني نتعلم عن طريق الانترنت هنا في المنتدى من البداية يعني ابجديات الخياطة و شوية شوية نتقدم، و لا لااااااازم نلتحق بمدرسة خاصة لتعليم الخياطة؟؟؟؟؟؟؟

شكرا جزيلاااااااا لكم، و كل أخت تجاوبني لها دعوة في ظاهر الغيب

و اذا بانولي أسئلة اخرى نزيد نسقسي:1:

[Kuchiki Rukia]

سبحان الله و بحمده، سبحان الله العظيم

[ام ظافر]

كنت حابة نتعلم غرزة السموك، و راني شفتها في دورة السموك، (شكرااااااا لصاحبة الدورة) و عجبتني بزااااااااااااف و لأول مرة في حياتي نحكم ابرة و خيط (علابالي مكسرة اليدين الله غالب :1:، لكن و الله راني حابة نتعلم) بما أني عمري ما خيطت و لو قفلة، فقلت مستحيل ننجح في السموك، لكن مفاجأة جربتها على قطعة ساتان كانت في البيت خرج روووووووووووووعة و الله خير من الصور تاع التمرين، ما صدقتش روحي اني موهوبة :1::1::1::1: وزدت تشجعت اني نتعلم الخياطة كيما يلزم يعني من البداية بصح عندي أسئلة:
- أولا: مثلا لو حبيت نخيط أي حاجة في البيت، مثلا قندورة، و لا مفرش طاولة و لا كوفروالي (ياك معليش راني نحلم ههههههه) ماشي حلم اختي غير بالشوي وهو يعود واقع ملموس
هل يجيني ارخص من اني نشريه و لا كيف كيف و لا أغلى؟؟؟؟؟؟؟ خاصة انه كلش في الجزاير راه غير يزيد في الغلا
لما تتعلمي وتعودي ما تخسريش الحوايج راح يكون اكيد ارخس من الي تشريها واجدة واجمل لانها على ذوقك
- ثانيا: حبيت نسقسي على انواع القماش المستعملة غالبا ، مثلا الساتان شحال يدير للمتر؟؟؟ (هذا ما نعرف ههههه) و الاقمشة الغالب استعمالها الاخرى اسمها و سعر المتر من فضلكن
اذا حبيتي تتعلمي ما تبدايش في الساتان لانو ملمسو ناعم وصعيب شوي تتعلمي فيه الخياطة راح يهربلك تحت الماشينة وعلى العموم القماش رخيس في بلادنا ارخس من كي تشريه مخيط مثلا الساتان النوع العادي فيه 18 الف للمتر وممكن اقل ساعات على حساب النوع

- ثالثا: هل ممكن اني نتعلم عن طريق الانترنت هنا في المنتدى من البداية يعني ابجديات الخياطة و شوية شوية نتقدم، و لا لااااااازم نلتحق بمدرسة خاصة لتعليم الخياطة؟؟؟؟؟؟؟
شوفي في هذا القسم الاخت لويزة راهي تعلم في لبنات وكاين غيرها ايضا وكاين حتى منتديات اخرى متخصصة في الخياطة مثل منتدى بنت مفيد ومنتدى خياطة ووووووووويعلموك في دارك وانت قاعدة

شكرا جزيلاااااااا لكم، و كل أخت تجاوبني لها دعوة في ظاهر الغيب

و اذا بانولي أسئلة اخرى نزيد نسقسي:1:

الخياطة روعة اختي خاصة لما تكون من يدك راح تحسيها مختلفة تماما وتفرحي بيها وتلقايها من بعد تفرحي بيها بنتك وتزيني بيها بيتك

[Kuchiki Rukia]

الخياطة روعة اختي خاصة لما تكون من يدك راح تحسيها مختلفة تماما وتفرحي بيها وتلقايها من بعد تفرحي بيها بنتك وتزيني بيها بيتك


ربي يخليك ليا يا حبيبتي أم ظافر، انتي هي وردة المنتدى، اللي تحتاجك تلقاك ما شاء الله ربي يخليك دايما لينا
ربي يحفظلك أولادك و يرزقك برهم ان شاء الله

[gazala-dz]

ههههههههههههههههههه
راكي اكتر مني داييما نحلم بلا ما نحط يدي
معليش ربي يفرج

[windows0306]

سلاااام والله نفس الاحلام انا تاني نحب الخياطة وحابة نتعلم لكن معنديش الوقت بحكم التربية لكني مجربة شوية حويج مش صفر ههههههههههه الله يوفقك اختي
فيما يخص الاسئلة نجوبك نهار اخر ان شاء اللله

[fifiarch]

مساء الخير اختي
اكيد كيما قاتلك الاخت ام ظافر لما تخيطي حاجة راح تكون احلى من اي شيء تشريه مهما كان جميل
بالنسبة للاقمشة كاين منها الكثيرذ
انصحك بالخروج للسوق والسؤال في المحلات باه تتعرفي على الملمس و الاسعار احسن
لانو تختلف من ولاية لاخرى
اما عن السموكس
انا تعلمتو عن طريق الانترنت
و راكي كيما قلت شفت الدورة ماشاء الله كانت ناجحة بكل المقاييس و لو شفت اعمال الاخوات كانت اروع
اما عن التعلم عبر النت اكيد تقدري تتعلمي
انا الخياطة هواية عندي و نزيد ندعمها بالتجارب نتاع الاخوات والدروس التي يفدننا بها

[Kuchiki Rukia]

ربي يخليكم الاخوات و ان شاء الله يجي نهار وين نحققوا أحلامنا، ما نكدبش عليكم أنا البنات اللي يحطو صور جهازهم خدمة يديهم يغيروني بزاااااااااف نحب انا ثاني نتعلم و ندير كيما هوما

الاخت فيفي و الله الدورة رااااااااااااااااااائعة ربي يجزيك الجنة استفدت منها بزاااااااااااااااااف