حكمني التوسويس عون ادارة السجون

[امينة مناد]

السلام عليكم انا ترشحت لمسابقة عون اعادة التربية والتاهيل وكنت انوي العمل ان نجحت في المسابقة التي اقترب موعدها ارجوكم ساعدوني نساء ورجال اصدقائي في هدا المنتد وبدون سخرية انا في امس الحاجة لكم ....... اني متزوجة في سن 26 ولديا ابنة في عمرها عامين ونصف زوجي عمله غير مضمون مرة كاين مرة مكاش ....اسكن في بيت العائلة عجوزة سلفات هراج كبير .... لا اريد ان ابقى مكتوفة الايدي قررت البحث عن عمل ولكن اين واين هدا المرتب المرسم لم اجده اضن ان هده المسابقة لادارة السجون بامكانها ان تعطيني فرصة في النجاح وضمان حياة لا باس بها والله هو ضامن لا احد غيره ولكني اردت التسبب لا اريد البقاء مكتوفة الايدي ارثي حالي زوجي وافقني ولم يعترض اخبرني اني ان نجحت في المسابقة بادن الله يمكنني ان ازاول التمهين المهم الثقة التي بيننا ولكن لما علمت احدى صديقاتي حدرتني وقالت لي اياكي فسوف تتعرضين للخيانة وكيف لمراة متزوجة المبيت لوحدها رغم اني اخبرتها اني امراة صادقة وهدفي هوالعمل الا انها صورت هدا العمل في ابشع صوره وانه لا يساوي شيئا وانني ساتعرض لمشاكل كبيرة وسافقد انوثتي وساصبح خشنة الخ................... انتم ارجوكم انا اعلم مخاطر هدا العمل كما اني اثق في زوجي وهو الدي صرح لي العمل كما انه يريد ان نتعاون في هده الحياة ...انتم ارجوكم انصحوني انا انتضر تفاعلكم معي واعدروني لاني اطلت عليكم

[rida40]

اختي الرازق هو الله عز و جل فاذا كنت تسالين من الناحيةالدينية فانا اعارضك فهذا عمل لا يليق بالنساء لانه و بكل بساطة ستتعاملين مع اسوء الخلق و هم المجرمون ثم اضن انه كا قالت صديقتك فهو عمل لا يليق بالاناث لان ....... كما تعلمين
اضن انه الاحسن لك ان تبقي ثقتك بالله عز و جل فهو الرزاق و الخيار لك

[daoud36]

اختي العزيزة انا ايضا اوافق الأخ الكريم في الراي ، لانه حقيقة ليس عمل يليق بك ، واصارحك اني لو كنت مكان زوجك فلن اقبل بان تعملي مثل هذا العمل مهما كانت الظروف القاسية التي تعانونها ، اقول لك ربي يوفقك لما فيه الخير لنا ولك ، وانشاء الله سيفرج الله عز وجل جميع الكرب والمعانات ......وفي الاخير هذا ما هو إلا رايي الشخصي ولك حرية الاختيار

[ما وراء الطبيعة ؟؟؟؟]

لا حول ولا قوة إلا بالله

أي رجل هذا وأي قلب له..................

الرزق على الله..............

والزوج هو المسؤول .............يدبر راسو....................

[ziani20]

اختى الكريمة ابحثى عن عمل اخر ... هده نصيحة منى لك .... انك متزوجة ....

[**حرة بنت الحرة**]

اختي لا يديك لا يجيبك
عندي صحبتي وعندها ياسر في الخدمة هاذي خدمة شريفة ومحترمة ولاباس بيها فوق انها مريحةومافيهاش تعب
عندك خطوط حمرا في الخدمة ما تتجاوزيهاش الريح ما يقيسكش امشي مريقلة برك
والي قال على زوجك اي قلب هذا الي عندو وينو المشكل يا اخي؟؟؟
علاه الفتنة برك
اختي استخيري ربك وماكانش خير منو سبحانو الي يوجهك ان شاء الله لكل خير
ونتمنالك النجاح وسداد الراي

[bibo1520010]

أختي هي وظيفة محترمة و ادعوك أن تصلي صلاة الاٍستخـــارة

[غليزاني 26 سنة]

حاولي ان تبحثي عن عمل اخر فان لم تجدي فاستخيري الله والله الموفق

[djamelbin]

جربي حظك في هذا الخدمة *لي شاف ماشي كما لي سمع* والى لقيتها بلي ما تساعدكش حبسيها

[ziko04]

اختي الكريمة لايوجد احسن من الاستخارة اجتازي المسابقة اذا نجحت صلي صلاة الاستخارة والله يكون في العون

[karimblida]

ان شاء الله تنجحي في المسابقة و بعدها ستتضح الامور
صلاة الاستخارة
انشاء الله الزوج المحترم يلقى منصب ثابت

[wahid 1100]

السلام عليكم انا ترشحت لمسابقة عون اعادة التربية والتاهيل وكنت انوي العمل ان نجحت في المسابقة التي اقترب موعدها ارجوكم ساعدوني نساء ورجال اصدقائي في هدا المنتد وبدون سخرية انا في امس الحاجة لكم ....... اني متزوجة في سن 26 ولديا ابنة في عمرها عامين ونصف زوجي عمله غير مضمون مرة كاين مرة مكاش ....اسكن في بيت العائلة عجوزة سلفات هراج كبير .... لا اريد ان ابقى مكتوفة الايدي قررت البحث عن عمل ولكن اين واين هدا المرتب المرسم لم اجده اضن ان هده المسابقة لادارة السجون بامكانها ان تعطيني فرصة في النجاح وضمان حياة لا باس بها والله هو ضامن لا احد غيره ولكني اردت التسبب لا اريد البقاء مكتوفة الايدي ارثي حالي زوجي وافقني ولم يعترض اخبرني اني ان نجحت في المسابقة بادن الله يمكنني ان ازاول التمهين المهم الثقة التي بيننا ولكن لما علمت احدى صديقاتي حدرتني وقالت لي اياكي فسوف تتعرضين للخيانة وكيف لمراة متزوجة المبيت لوحدها رغم اني اخبرتها اني امراة صادقة وهدفي هوالعمل الا انها صورت هدا العمل في ابشع صوره وانه لا يساوي شيئا وانني ساتعرض لمشاكل كبيرة وسافقد انوثتي وساصبح خشنة الخ................... انتم ارجوكم انا اعلم مخاطر هدا العمل كما اني اثق في زوجي وهو الدي صرح لي العمل كما انه يريد ان نتعاون في هده الحياة ...انتم ارجوكم انصحوني انا انتضر تفاعلكم معي واعدروني لاني اطلت عليكم
اختي الكريمة..........قتلك اختي لاني بصراحةوالله شاهد حسيت انك اختي صح.........بما انك ترشحتي لهذا المنصب يعني انه عندك مستوى الثالثة ثانوي.........انا مع الجماعة اللي قاتلك هذا المنصب لايليق بك.....عندهم الحق.........الضغوط.........التعامل مع ارذل خلق الله.......حشا اللي مايستهلهاش.......او زيد سطاج تاع عام.ميزيرية كحلة.......انا نصيحتي ومن وجهة نظري......كاين مسابقة تاع مساعدي التربية هذي الايام وجدي روحك او حطي دوسيك واتكلي على ربي.......حتى لوكان تنجحي قادرة اتكملي قرايتك عادي ........و وقت الخدمة باين او في ولايتك قدام بيتك او راجلك......واش اداك انتيا للميزيرية والمباتة برا داركم.......كاين نقطة واحد مانبهك ليها هي كلام الناس اللي مايرحم لا الشريف ولا اللي غيرو...........اختي اتوكلي على ربي و اديري كيما قتلك........وان انشاء الله كي اليوم اتطلي اعلينا في المنتدى واتقوليلنا راني جوزت لالمسابقة تاع مساعدي التربية او راني انجحت وابديت نخدم.............الله ايوفقك.و ياطيك على حساب نيتك.......و ايخليلك لراجلك و بنتك

[**حرة بنت الحرة**]

اختي ؤاني نتمنالك غير ربي يفرج عليك وتنجحي وتجربي بروحك
وتشوفي وتحكمي واذا ما عجباتكش الخدمة استقيلي يا سيدي وكلي شي ماكان ما توسوس اختي روحها ما والو
وما يزيد يوسوسك حتى واحد في الوقت الي رانا فيه كي المرا كي الراجل المهم امشي بنيفك وافرضي احترامك والرزق على الله.

[امينة مناد]

اختي ؤاني نتمنالك غير ربي يفرج عليك وتنجحي وتجربي بروحك
وتشوفي وتحكمي واذا ما عجباتكش الخدمة استقيلي يا سيدي وكلي شي ماكان ما توسوس اختي روحها ما والو
وما يزيد يوسوسك حتى واحد في الوقت الي رانا فيه كي المرا كي الراجل المهم امشي بنيفك وافرضي احترامك والرزق على الله.

شكرا لكي حبيبتي وزميلتي ان شاء الله في المدرسة الخاصة بادارة السجون في الحقيقة ساجرب حضي خاصتا وان زوجي مقتنع والمهم الثقة التي بيننا ان الحياة صعبا خاصتا بعد الزواج وحضور الاطفال هدا ان كان الزوج عمله لا يفي بلغرض اقسم ان هدفي من خلال هدا العمل هو محاولة مساعدة زوجي لا غير المهم اشكر كل الدين اعطوني رايهم ونصحوني

[امال-2009]

ختي متقلقيش كامل روحك خدمة مليحة وشريفة كيما لابوليس كسما الحماية كيما قع القطاعات

حتا انا اختي متزوجة ورايحة ندخل المسابقة راني معاك متخمييش كامل

نشاء الله نتلاقاو فالسطاج قولي امين

حتا وعندي ليسانس لس ولات متقزيزتيش راني داخلة بالتارمينال

ربي يوفقنا نشالله

[امينة مناد]

ختي متقلقيش كامل روحك خدمة مليحة وشريفة كيما لابوليس كسما الحماية كيما قع القطاعات

حتا انا اختي متزوجة ورايحة ندخل المسابقة راني معاك متخمييش كامل

نشاء الله نتلاقاو فالسطاج قولي امين

حتا وعندي ليسانس لس ولات متقزيزتيش راني داخلة بالتارمينال

ربي يوفقنا نشالله
طمتيني مانيش وحدي انضن انك جربتي المسؤلية انا مانيش حابة نقعد نبكي ونشكي على زهري انسي نجرب وادا نجحت ان شاء الله نخدم كي نتلاقاو نكسروا .... انا عندي باك جامعة التكوين المتواصل بصح مانفعني في والو ...وخدمت في الصحافة ..هي اسم برك ...بالك كرديانا تخرج علينا هكا باش متخلعناش لعجوزة والسلفة ههههه راني نكسر نشكرك بزاف على تفاعل بصح مقلتليش انتي من اي منطقة وشحال في عمرك وادا وصلك التلغرام ولامزال

[امال-2009]

هههههه ضحكتيني والله كي قلتي هراج والسلفة ولعجوزة

واش تحبي ه>ى هيا المسؤولية ميحسلها غير لي جربها

انا مالمدية موصلنيش تلغرام

ونتي ختي

[امينة مناد]

انا من الجزائر العاصمة ومزال ماوصلنيش الاستدعاء والبارح فقط رحت لسجن الحراش وسقسيتهم على لائحة المترشحين الوغ قالولي مزال موصلوش تع الاعوان ممكن يوصلو الاسبوع القادم ......اختي راني متخوفا من الامتحان الرياضي من وقت اليسي مجربت الرياضة وسمعت انو فيه السباق تخيلي الوضع وكدا تسلق حبل على ارتفاع خمسة امتار اضن اني ساقع والكل يضحك

[امال-2009]

هههههههههه

نورمال كامل رانا خايفيين من ه>اك السبور بصح وش عليه نضحك عليك وأضحكي عليا

تجوز نشالله ونربحو نشالله متقلقيش روحك ختي امينة

[**حرة بنت الحرة**]

بلا مزية حنونة
اهم حاجة اكيد قناعتك وقناعة زوجك والثقة الي بيناتكم
والباقي كامل ما يقلقش
بالتوفيق للجميع.

[pablo]

سلام اختي في هده المهنة من ناحية الباس هي محتشمة احسن من بقية القطاعات الاعوان اي النساء يرتدون تنورة طويلة جدا والخمار ولكن فيها العمل باليل