اكتشفت انه يحبني - مشكلة مراهقة

[مشكلتي]

السلام
انا مراهقة اي 13 سنة
واحد جا جديد للمؤسسة في القسم
انا ما نهدرش معاه
و هو يجلس ورايا
في احد المرات سمعته انه يقول لزميله انه يحبني
فغضبت و جعلت من نفسي كاني لا اعرف
و انا لا اتكلم معه و لا اقيمه لكنه ياتي و يقول هل اجلس معك فاقول لا لا فيذهب
ان اكره ان لا احب احد في قسمي اكرههم كلهم
و انا المد لله لم ارتبط و لا باي شاب لاني
اكره الاولاد كرها شديدا

بماذا تنصوني كيف اتعامل معه

[نجمة ساطعة]

عادي طنشي حتى كراع ما لصقتش في صباط نورمال

[نورسين.داية]

التجاهل عزيزتي

[خولة1995]

اختي خذيها عبرة مني طنش تعش
الذكورة اللي طنشهم وتهز نفسها عليهم وتخليهم يشتاقو الكلام معاها يموتوا عليها هههههههههههههههه
كوني مليكة نفسك ولا تدعي اي شيى يعكر صفو حياتك او يشوه سمعتك فهو ان احبك اليوم سيحب اخرى غدا فهذا ليس حبا حقيقيا

[soussoudarine]

اختي الصغيرة ننصحك تتجاهليه ومتعطيلوش اي فرصة مازالك صغيرة اهتمي بدراستك ومتعمريش خلاص راسك بيه هذا راهو لعب نتاع الدراري بلا حب بلا بطيخ ربي يهدينا اذا تبعتيهم راهم يدوك للتهلكة

[loulou88]

لا لا حنونة وعلاه تكرهي لي يقراو معاك انتم زملاء لكن متحكيش معاه ساعة على ساعة هزي خشمك عليه

[Lam!ne]

تكرهي الأولاد كرها شديدا

علاه رانا نكلولك في ماكلتك ::rolleyes:

[هدى البوزيدية]

اختي الصغيرة ننصحك تتجاهليه ومتعطيلوش اي فرصة مازالك صغيرة اهتمي بدراستك ومتعمريش خلاص راسك بيه هذا راهو لعب نتاع الدراري بلا حب بلا بطيخ ربي يهدينا اذا تبعتيهم راهم يدوك للتهلكة

هدا هو الصح راهي مازالت صغيرة على الحب و التمسخير ...

[أم أنس الجزائرية]

حبيبتي,من خلال كلماتك اظنك صغيرة في السن,ما اديري والو في بالاك وما تلتهايش بالحماقات

وان كان يحبك؟ومن بعد؟راح بجي يخطبك...؟ والا تبقاي تهدري معاه حتى يهدرو عليكم فالجزيرة؟ راهو مازالو دهر تاع قراية وأصلا راهو ذري....التهاي بقرياتك حبيبتي وخليك من المشاكل,في زمن السلف كان الشاب ذو ال16 سنة يقود جيشا وفي وقتنا هذا..يراقب بنات الناس ويسلي نفسه بالتفاهات

آسفة فأظن اني قاسية معك لكن يا غالية فكري بعقلك لا بقلبك.

محبتي

[محمد...عبد النور]

أختي الصغيرة بارك الله فيك
ما زلتي صغيرة أتلهاي في قرايتك خير ليك
صحاباتك بزاف عليك و شا يعني مين قال نحبك...أفهمي العبارةا مليح و دوريها في راسك و رديلي الخبر
ســــــــــــــــــــــــــــــــــــــــــلام

[السيدة كرمين]

المطلوب ان لا تعملي علاقات لأن اهتمامك المفروض انه منصب على دراستك

كما ليس عليك كره الشباب اوك

[صُبح الأندلس]

هذا ما جنته علينا الأغاني الهابطة و المسلسلات التركية و الأفلام الهندية
أصبح الأطفال يحبون و يتمنون ، لو كانت بنتا لقلنا مراهقة تريد الزواج لكن ولد بعمر 13 سنة لا نملك إلا أن نضرب أخماسا على أسداس
يا أختي الصغيرة دراستك ثم دراستك

[lilou f lilou a]

التجاهل عزيزتي

[سمراءجيجل18]

أي حب هدا ....اهتمي بدراستك .

[هدايات26]

يابنتي ديري روحك ما سمعتيش.اهتمي بدراستك وانساو هذا التمسخير ....حبوا والديكم وما توقعوش فالاخطاء حبوا دراستكم

وافلحوا فيها احسن.وانساي انا نكره لولاد ماتكرهي ما تحبي الزميل زميل فقط ولكل حدوده.........ولماذا تبحثين في شيئ غير

موجود زميلك لم يوجه لك الكلام مباشرة اذا تجاهليه ولا تستمعي الا الى ما يقوله استاذك ولا تنسي اي كلمة

[هائم في البوادي]

لو رأيت هذا الغر لأعطيته (طريحة)

قال حب قال

أطفال آخر زمن ...

بنيتي أنصحك بأن تمزقي مفرد الحب والعشق والزواج من قاموس حياتك في هذا الوقت

أحبي أبويك إخوتك أعمامك أخوالك أجدادك وإن أحببت (بوبيتك) فلا حرج.

نصيحتي لا تكرهي الذكور لكن لا تحبيهم ولا تلتفتي إليهم ولا تنشغلي بهم

[الغر=الصبي الحدث]

[kamel76]

السلام
انا مراهقة اي 13 سنة
واحد جا جديد للمؤسسة في القسم
انا ما نهدرش معاه
و هو يجلس ورايا
في احد المرات سمعته انه يقول لزميله انه يحبني
فغضبت و جعلت من نفسي كاني لا اعرف
و انا لا اتكلم معه و لا اقيمه لكنه ياتي و يقول هل اجلس معك فاقول لا لا فيذهب
ان اكره ان لا احب احد في قسمي اكرههم كلهم
و انا المد لله لم ارتبط و لا باي شاب لاني
اكره الاولاد كرها شديدا

بماذا تنصوني كيف اتعامل معه
أختي أعطيك قاعدة ربما تفيدك طول حياتك : "اللي يبغيك يجيك لدار باباك "
ولهذا أنصحك بأن تهتمي بدراستك التي هي حياتك و مستقبلك و لا تلتفتي إلى الذئاب .
أما قضية زملائك فلا تكرهيهم فعامليهم على أنهم زملاء و فقط و لا تجلسي في مجلس فيه ذكور إلا للضرورة القصوى لأن الذكور يغرون البنات بالكلام و بالتالي يقعون في الشراك

[the black perl]

ما تعمريش راسك بهدا الكلام وركزي على قرايتك وربي يوفقك وينجحك ختي

[Kuchiki Rukia]

هههههههههههههههههههههههههههههههههههههههههههههههههه هههههههههه

و الله جاني fou rire تفكرت كي كنت في عمري 13 سنة كنا نهار كامل و احنا مع الطوايش في القسم هههههه
و دوك راهم يحكيو في الحب يا سلااااااام

يا اختي اتلهاي بقرايتك، ..............................

[Kuchiki Rukia]

لو رأيت هذا الغر لأعطيته (طريحة)

قال حب قال

أطفال آخر زمن ...

بنيتي أنصحك بأن تمزقي مفرد الحب والعشق والزواج من قاموس حياتك في هذا الوقت

أحبي أبويك إخوتك أعمامك أخوالك أجدادك وإن أحببت (بوبيتك) فلا حرج.

نصيحتي لا تكرهي الذكور لكن لا تحبيهم ولا تلتفتي إليهم ولا تنشغلي بهم

[الغر=الصبي الحدث]




كلام في غاية العقل
و الله عندك الحق هههههههه

[نورسان2014]

لالا حنـــــــــونة ماتسمعيلوش علخاطر مالازمش تعمري راسك بهاد لحوايج في رايك رايج يخطبك ويتزوجك وهو مازال ضغير ؟؟؟؟

راه صغير ومازال مايفهمش في هاد الامور وانت ديما خلي روحك نظيفة وكي تكبري تفهمي هاد المواضيع وان شاء الله تولي تعرفي كيفاه تتعاملي معاها


تهلاي في روحك وحطي والديك ديما بين عينيك مادامك صغيرة وديري قرايتك اهم حاجة ومستقبلك اهم