أختى ايه رائك تكونى منتقبة؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : أختى ايه رائك تكونى منتقبة؟

ام المنذر السلفية

2012-02-11, 01:53

بسم الله الرحمن الرحيم
السلام عليكم ورحمة الله وبركاته
ترددت كثيرا في فتح هذا الموضوع لانكم كما ترون موضوع النقاب تكرر مرارا وتكرار ويثير الجدال اينما طرح وطالما اتهم مؤيدوه بالتشدد والتعصب واتباع هوى النفس وانهم يفرضون في الاسلام فروضا ويحرمون على غير المنتقبات لبسهن لهذا الحجاب وانهم يزكون انفسهم بلبسهن النقاب واتهامات كثيرة
ويمكن اللى شجعنى لعرض هذا الموضوع في هذه الفترة بالذات ان الحمدلله وجدت ان في اخوات حولى اعرفهن نفسهم تهفوهم للبس النقاب وبيدعوا ربنا كثيرا للبسه فكان هذا الموضوع ان شاء الله تثبيت لهن باذن الله واسأل الله الاخلاص قولا وعملا

واعدكم ان تتحدث هذه الغرفة بلسان اخراكثر تحبيبا في النقاب بلا جدال ولا نزاع
ووعد الحر دين عليه http://akhawat.islamway.com/forum/public/style_emoticons/default/icon_lol.gif !!
ويشهد الله ان مادفعنى لكتابة هذا الموضوع الا حبي لكنَ في الله http://akhawat.islamway.com/forum/public/style_emoticons/default/icon_lol.gif وفى رغبتى ان يجمعنا الله جميعا في جنة الفردوس وان يحشرنا مع زوجات النبي صلى الله عليه وسلم
ويبقي فقط ان انوه اننا لن نتحدث عن فرضية النقاب من عدمه فهو مفتوح لكم ان تقتنعوا بالفرضية ام الافضلية مما تستشفوه من قراءاتكم لكتب التفاسير واراء العلماء
فالموضوع هنا يحمل معنى الدعوة بدون التطرق للجدال في الامور الخلافية!!وساعرض الموضوع ان شاء الله على هيئة سلسلتين وكل سلسلة ذات حلقات مرقمة باذن الله

وانتظرونى
وجزاكم الله خيرا
السلام عليكم ورحمة الله وبركاته

ام المنذر السلفية

2012-02-11, 01:54

السلام عليكم ورحمة الله وبركاته
اخواتى في الله منتقبات وغير منتقبات
لن ابدأ حديثى بالبداية التى تفزع الكثير منكم وتجرى الدم في العروق http://akhawat.islamway.com/forum/public/style_emoticons/default/icon_mrgreen.gif وما كنت اعلم انها مثيرة او مستفزة لهذه الدرجة وهى عبارة(النقاب فرض)
واحب ان ارفع شعارى عندما قررت فتح هذه الغرفة وهى....
لا للجدال ولكن الدعوة بهدوء
كتير من الناس بيرددوا عبارة(النقاب فضل او فضيلة)
طب تعرفوا هى معناها ايه؟؟
ساستعين برأى الشيخ الجليل الالبانى في شرح افضلية النقاب على الحجاب العادى (غطاء الرأس)فيما يفيد موضوعى...قال الشيخ الجليل
السنة: ما يثاب فاعله، ولا يعاقب تاركه، والمستحب كذلك؛ إذن الشيخ يرى أن التغطية سنة مستحبة، لم يقل:
مباح، جائز، بل قال: سنة، مستحب؛ وهذا ألفاظ شرعية تدل على الأفضلية..
.والمشروع هنا هو تغطية الوجه،ومعلوم المشروع وهو ما شرعه الله تعالى أفضل من الجائز، وهو ما أباحه الله تعالى.
وفي بعض الناس بتفهمها خطأ تقول دى زيادة تقوى منى وزيادة تستر منى..... لى انى اعملها او معملهاش لانها فضل!!

سبحاااااان الله !!!! ده في اية كريمة بتقول
(يمنون عليك ان أسلمو قل لاتمنو على اسلامكم بل الله يمن عليكم ان هداكم للايمان ان كنتم صادقين )
الناس فاهمينها بالمقلوب
يعنى حتى لو عايزين يصححوا رؤيتهم شوية يقولوا طيب ده فضل من ربنا على انه يرزقنى حاجة زى دى ويهدينى انى اتستر مش انه فضل منى؟؟؟!!!
وانا بقول الكلام ده بناءا على ناس شفتها وكلام سمعته من واحدة منتقبة

سبحاااان الله!!
على حجاب هذه الايام الوانه تجنن http://akhawat.islamway.com/forum/public/style_emoticons/default/icon_mrgreen.gif بتدعو لاطلاق البصر انا نفسي كفتاة انظر اليها والى تناسق الالوان والشياكة والخرز والترتر اللى بيلمع فيها والى طريقة ال cross في لف الايشارب التى طالما جننتنى (ايام الجاهلية) قبل الالتزام لأتعلمها الى الbandاو اللى بيسموها (باندانا) وليها لون وتلبس تحت ايشارب لون مختلف عشان تعمل contrastشياكة يعنى
الى لفات الايشارب التى تخنق الرقبة لانها ملفوفة حولها مباشرة ولاتغطى الصدر كأنه لم تنزل اية تقول
(وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها وليضربن بخمرهن على جيوبهن)
الى حجاب جديد غريب من نوعه يغطى الشعر والرقبة ثم يمر ليظهر الاذن!!!
الحجاب الspanish
لاحول ولاقوة الا بالله هل هذا نوع جديد من الحجاب نزلت به اية؟؟
.دى فتنة.الى جانب ان شكلها مش ظريف http://akhawat.islamway.com/forum/public/style_emoticons/default/icon_mrgreen.gif الى جانب انى اكتشفت ان موضة اظهر الاذن من تخت الحجاب قديمة جدااااا
طب بفرض خلاص لبسنا عباية
(عباااااية مش بنطلون وعليها بلوزة قصيرة او بودى اوشيميز اوحاجة من الحاجات الوحشة دى) مع الايشاربات دى طب ماكده الحجاب مش مستوفي كل شروطه...ويااارب العباية ماتكونش زينة في نفسها...تخيلى الاية بتقول
(ولايبدين زينتهن) واحنا بنخالف ونبدى الزينة
وصور الزينة معروفة تناسق الالوان
ولا اعنى اننا نبقي مبهدلين :hhha:
لكن مايلفتش النظر والتطريز والايشاربات المشجرة القصيرة ولبس الخواتم والذهب اعنى اظهارهم
يعنى ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة واسوة ونموذج نسير على دربه هو واوزواجه ثم صحابته ثم التابعين
وادينا دلوقتى عايشين في هاويةالمنحدر ونرى مظاهر العرى قد تفشت فهذا يعنى ان ماكان قبلنا كان اكثر مننا تسترا فاكثر فاكثر حتى نصل لزمن النبي صلى الله عليه وسلم اللى كانت فيه النساء يرتدين السواد حجابا لا حدادا وهناك احاديث كثيرة عن عائشة ا تصف فيها لباس النساء(متلفعات بمروطهن مايعرفن من الغلس) والغلس هو الظلام الدامس وقول اخر(عليهن اكسية سود كأن على رؤسهن الغربان من السكينة) مش ده برضه قول امنا عائشة ا وكانت صغيرة لما اتحجبت هو الحجاب ده مش لينا احنا المسلمين
سؤال:ليه دايما بنفهم ان المؤيدين للنقاب اللى هو عبارة عن قطعة قماش سوداء تغطى بنعتبرهم متعصبين متشددين ؟؟
الجواب :لا ابدا هم مش بينادوا بكده
هم بينادوا بالرجوووووع للحجاب اللى كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من السنن او فرض من الفروض نفسهم برضه ان اخواتهم ينفذوه زيهم
وبالنسبة للاخوات اللى نفسهم يلبسوا النقاب نصييييحة اختى ساااااااااااارعي اليه والله والله هتحسي بحلاوة محدش هيحسها غيرك وهتلاقي نفسك فرحاااانة جدا ماتعرفيش ليه ولو الاهل مش موافقين ماتيأسيش ادعى لنفسك بالثبات وادعى لهم بالهداية وبان ربنا يشرح صدورهم لتقبله وابتدى ادعيهم بالحسنى انهم يقتنعو وسوقي لهم الادلة وافتحى معاهم كتب التفاسير القرآن دستورنا والسنة منهاجنا نرجع لمين غيرهم؟؟
ولو زاد الامر سوءا معاهم واصروا على الرفض فما تركنيش الموضوع خليكى لسه سخنة فيه وحطيه في دماغك كاى اولوية بتدى لها اهتمام ناس كتير خدتهم الحمية في الاول وبعد كده بردوا وكأن شيئا لم يكن وللاسف ده بيسوء الصورة عند الاهل وبيعتبروا النقاب مجرد حاجة بنتهم شبطت فيها لفترة وبعد كده زهقت وبيزود التأكيد والاقتناع عندهم ان حجاب الايام دى يمشي مع اننا في عصر الفتن خلاص المنتقبة والغير منتقبة بتتعاكس ماعدتش تفرق مع الشباب فاولى باولى اننا نزيد التستر
كما ترون انى لم اناقش فرضية النقاب ولكنى ادعو لتفتيح المسام المنغلقة تجاه هذا الموضوع والله اعلم بنيتى واسأل الله ان يجعل كل اعمالى خالصة لوجهه الكريم
السلام عليكم ورحمة الله وبركاته

ام المنذر السلفية

2012-02-11, 01:55

هذل الموضوع كان بفضل الله ومنته علينا سبب فى انتقب نساء وبنات كثيرة فى مصر
ارجو ان يبارك فى صاحبه

مشكاة الهدى

2012-02-11, 07:00

السلام عليكم

بارك الله فيك اختي الكريمة
على الطرح المميز
جعله الله في موازين حسناتك
لا مشكل لدي مع النقاب وليس سرا اني اريد ان البسه
لكني اجد معارضة

محب السلف الصالح

2012-02-11, 07:13

نسأل الله لكم الثبات

إصبروا فأنتم على الحق

وأنتم في زمن الغربة

َالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

: ( بَدَأَ الإِسْلامُ غَرِيبًا ، وَسَيَعُودُ كَمَا بَدَأَ غَرِيبًا ، فَطُوبَى لِلْغُرَبَاءِ ) .

غَرِيبًا) أَيْ لِقِلَّةِ أَهْله وَأَصْل الْغَرِيب الْبَعِيد مِنْ الْوَطَن ( وَسَيَعُودُ غَرِيبًا ) بِقِلَّةِ مَنْ يَقُوم بِهِ وَيُعِين عَلَيْهِ وَإِنْ كَانَ أَهْله كَثِيرًا (فَطُوبَى لِلْغُرَبَاءِ) الْقَائِمِينَ بِأَمْرِهِ ، و"طُوبَى" تُفَسَّر

بِالْجَنَّةِ وَبِشَجَرَةٍ عَظِيمَة فِيهَا . وَفِيهِ تَنْبِيه عَلَى أَنَّ نُصْرَة الإِسْلام وَالْقِيَام بِأَمْرِهِ يَصِير مُحْتَاجًا إِلَى التَّغَرُّب عَنْ الأَوْطَان وَالصَّبْر عَلَى مَشَاقّ الْغُرْبَة كَمَا كَانَ فِي أَوَّل الأَمْر اهـ .

نور العقل

2012-02-11, 09:06

جزاك الله خير الجزاء على طرح الموضوع،وتنبيه للتحليل الهادئ دون جدال عقيم.
شكرا لك.
سؤالي عل النقاب عادة أم عبادة؟
وهل النقاب غاية في ذاته أم وسيلة لغاية أخرى؟
هل القصد من أمر أو نهي تقييد حرية الإنسان المسلم أم مصالحه ومنافعه؟
نسبة كبيرة من آيات القرءان الكريم تصبح بلا فائدة ،إذا اعتبرنا النقاب شريعة ربانية؟.
ويبقى الموضوع خارج إطار الفرض أو الواجب الشرعي.

الحضني28

2012-02-11, 09:36

صاحبة الموضوع تتكلم عن الآخرين كأنهم أغبياء وهي الوحيدة التي بلغت الذروة في العلم والفهم
إلى متى ونحن نتجادل في مثل هذه المواضيع وميدان العمل والانتاج متروك لغيرنا؟
اقتنعت بالنقاب تنقبي وكفى

الواثق

2012-02-11, 09:59

بارك الله فيك اختي الفاضلة ...............رزقكم الله خير الدنيا والاخرة...........وثبتكم الله على التقى والحرص على ارضاء الله ......................جزاكم الله خيرا

صاحبة الموضوع تتكلم عن الآخرين كأنهم أغبياء وهي الوحيدة التي بلغت الذروة في العلم والفهم
إلى متى ونحن نتجادل في مثل هذه المواضيع وميدان العمل والانتاج متروك لغيرنا؟
اقتنعت بالنقاب تنقبي وكفى

السلام عليكم
انت مقتنع بميدان العمل والانتاج وتريد اللحاق بغيرنا اذهب اعانك الله وكفى ....وهي مرأة تبحث عن دينها ومكانها بيتها وتربية اولادها وحفظ زوجها ورعايته .............اما زوجها مع كل هذا الدعم يجب ان برفع في ميدان الانتاج والعمل ......................والله المستعان

ام المنذر السلفية

2012-02-15, 00:45

السلام عليكم

بارك الله فيك اختي الكريمة
على الطرح المميز
جعله الله في موازين حسناتك
لا مشكل لدي مع النقاب وليس سرا اني اريد ان البسه
لكني اجد معارضة

وعليكم السلام
فيكم بارك
باذن الله كونى معنا نحل المشاكل باذن الله

ام المنذر السلفية

2012-02-15, 00:48

بارك الله فى اخوة التى ردت
والذين يريدون ان يناقشوا
عندهم واحة مناقشة
من لديه دليل من الشرع فاهلا بيه وسهلا

ام المنذر السلفية

2012-02-15, 00:58

بسم الله الرحمن الرحيم
(2)
السلام عليكم ورحمة الله وبركاته
سؤال بيطرح نفسه http://akhawat.islamway.com/forum/public/style_emoticons/default/excl.gif
مش اللى عايز يعمل حاجة لازما ولابدا يعرف ايه فوايدها. ..دلوقتى هقول الفوائد الظاهرية
والفوائد الباطنية طبعا عارفينها انه افضل وانه قربي لله تعالى
وسبحان الله تستر المرأة الكامل له فوائد جميلة جدا مايحسهاش الا اللى لبسوه(وعلى لسانهم)
هى فوائد عجبانى شخصيا حتى من قبل ما البس النقاب
مثلا في الميكروباص لما تيجى تركبي كأن في حالة لبس حصلت فيه كله بيوسع للمنتقبة احتراما لها(وانا لا ازكيهم على الله في ان شكل الحجاب ده مثير للاحترام) بس ده اللى بيحصل فعلا....ولو قدر الله ان قعد جنبها رجل برضه يوسع لها وبيبقي كأنه قاعد مش على بعضه خايف انه يمسها....
سبحان الله!! انتى كده بنقابك خدتى عليه كذا ثواب
اولا :اعنتيه على غض بصره
(ومن دعا الى هدى كان له من الاجر مثل اجور من تبعه لا ينقص من اجورهم شيئا)
ثانيا: اعنتيه انه لايمس بدنك
(لأن يطعن في رأس احدكم بمخيط من حديد خير له من ان يمس امرأة لاتحل له)
ثالثا :خارج الميكروباص في الكلية بيخلصك من آفة الاختلاط سبحان الله مثلا كنتى بتكلمى ولد وانتقبتى مرة واحدة سيبك من انه مش هيعرفك بس مش هيجرؤ انه يجى يكلمك هيحس بهيبة تانية
ده غير طبعا وانتى لابسة القفازين محدش هيسلم عليكى بالايد
رابعا : تستر وعفة وطهارة من جوة
خامسا : بييعينك انتى نفسك على غض البصر وبيعين غيرك معاكى
سادسا :بيقرب منك صحبة صالحة ماتعرفيش ازاى لانهم هيتوسموا فيكى الخير وهتلاقيهم هم نفسهم بيدعوا لك بالثبات
سابعا :هتحسي بقرب شديد من ربنا سبحانه وتعالى هو اللى انعمه عليكى واختصك به
ثامنا :بيحميكى من اسمرار البشرة في الصيف بالذااااات لو خدتى بالك وانتى محجبة بتلاقي في فرق في اللون بين برة وجوة لكن في النقاب بيبقي في homogenity في اللون
وكفاية كده النهاردة
السلام عليكم ورحمة الله وبركاته

الحضني28

2012-02-15, 14:59

الأخت تدعو إلى تفتيح المسام المنغلقة أيها الأخ الواثق
أليس هذا اتهاما للآخرين بعدم الفهم ؟
ثم لماذا تحشرون الاسلام في فهم منغلق وهو فضاء واسع؟
أنت تعرف أن عمر بن الخطاب رضي الله عنه كان يضرب البعض بدرته ...هل تعرف هذا البعض؟
لمادا لاتحبون النقاش والصدر الرحب ياأخي الواثق؟
أنا لم أتهم الأخت في التنقب أم في غيره ...هي مقتنعة فليوفقها الله...المسلم لايدعي امتلاكه للحقيقة إذا سمع شيخا أو(عالما) يفتي أو يدلي برأيه
إياك وسوء الظن

ام المنذر السلفية

2012-02-16, 02:26

بسم الله الرحمن الرحيم
(4)
السلام عليكم ورحمة الله وبركاته
سؤال تانى ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟
وممكن لو قالت لك عقبالك تقولى يارب
انا بقول الكلام ده للاخوات اللى بتروح لاختها المنتقبة تبارك لها مش تقولها ايه اللى انتى عملتيه في نفسك ده ؟ ليه عملتى كده؟ انتى لسه صغيرة!!

فتشي بينك وبين نفسك اختى هتلاقى سبحان الله ميل غريزى انك تبقي متسترة تبقي غالية مكنونة في حجابك والا ماكنتيش قلتى لها مبروك او قلتى يارب يرزقنى زيها

نقطة كمان بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا انه رزق

حتى اختى الغير محجبة برضه بتلاقي في نفسها نفس الميل ده للتستر وللحجاب مثلا تقولى لها نفسي اشوفك لابسة الحجاب... تقول لك ادعى لى ان ربنا يهدينى والبسه..
يعنى هى مقتنعة وعايزة تلبسه بس الشيطان مانعها... مقيدها...مسلسل ايديها ورجليها انها تنزل تشترى الحجاب اللى تستر به نفسها والقرآن الكريم بيحكى لنا خطة عمل الشيطان في افساد الشعوب(ليريهما ما وورى عنهما من سوءاتهما) تخيلوا اللعين عايز العرى ينتشر !!
وكانت هى دى خطته من زمان المحجبة يقول لها ده انتى بنت كده خلاص انتى عملتى اللى عليكى كفاية عليكى كده... خليكى كده
فيفتنها ويصرف تفكيرها انها تعدل في حجابها او تطور نفسها فيه ان كان قصير تطوله
ان كان في زينة تبعد عنها
وان كان بنطلون ماتلبسوش
يقولها ده البنطلون عملى وكمان لما تيجى تركبي الميكروباص محدش يقدر يشوف منك حاجة!!!
والغير محجبة ينسيها (بالرغم من انها بتشوف نفسها في المراية كل يوم وبتسرح شعرها الصبح ) ينسيها فرض الله الا وهو الحجاب وتسأل عنه يوم القيامة تلاقي نفسها مش عارفة تقول ايه وتخيلى اختى من اللى بيسألك....الجبااار....سبحانه وتعالى
انا مش بخوفك اختى لكن بالله عليكى ماتضيعيش فرض الله انتى مسئولة طول ما انتى بالغة ورشيدة مسئولة
وفوايد الحجاب جمييييلة وكتيييييرة بس انتى انوى والبسيه
السلام عليكم ورحمة الله وبركاته

محمد 1392

2012-02-16, 07:20

بارك الله فيكم أختنا على الموضوع

ام المنذر السلفية

2012-02-17, 22:06

بسم الله الرحمن الرحيم
(5)
السلام عليكم ورحمة الله وبركاته
طب بعض الاخوات تقول ادعى لى ان ربنا يهدينى الاول وبعد كده البسه !!
طب انتى وانتى لابسة حجابك(غطاء الرأس) لما كبرتى قعدتى تقولى لما ربنا يهدينى !!
انا بقولك ده على اساس انك لسه مقتنعة ان هو ده الحجاب الشرعى اقصد انى مقلتش هنا النقاب فرض ولا حاجة....
لا مقلتيش كده.... بالرغم من انك في قرارة نفسك لابسة غطاء الرأس على انه فرض
اذن تنفيذك لفروض ربنا ومنها حجابك وتسترك مالوش علاقة بدرجة الالتزام والهداية
يعنى مش طول الحجاب مقياس على درجة الالتزام !!
لكن لا ننكر انه عامل مهم انه بيضعك في صورة محترمة وصورة نساء المؤمنين

(والله يهدى من يشاء)
البسي الاول وهتلاقي النقاب نفسه بيضفي عليكى مشاعر وموجبات الالتزام منها غض البصر ليكى وبتعينى غيرك بيه وخفض الصوت وطبعا مفيش اختلاط مفيش سلام باليد مفيش تبرج في حجابك ولا زينة في نفسه ولا لباس شهرة
طب في اخوات بيقولو اخاف البسه وبعدين اخلعه تانى؟؟؟
يعنى اذكر حاجة غريبة
الشيوخ اللى بيدعوا لسنن اعفاء اللحية بيقولوا ايه في موضوع زى ده
بيقولوا"خلى لحيتك تربيك"
"واللحية مش مجرد شوية شعر في وجهك واذا ربيت لحيتك وقصرت بنطلونك وما اتصرفتش بما يقتضيه عليك هذا المظهر فلحيتك قذارة في وجهك !!"
اقصد بالرغم من دعوتهم للموضوع ده بالحسنى لكن من باب تربيتهم للأخوة الشباب بيعنفوا بشدة :Ooohtu: اللى بيعملها ومش بيتصرف بمقتضياتها !!
وبغض النظر عن هذا وذاك فاللحية حكمها عند الرجال واجبة ويؤثم حالقها !

طب بعض الناس بيقولوا ان اللى بتلبس النقاب بتبقي غاوية"منظرة" وبتهتم بالمظهر وتترك الجوهر !!
احنا لم ندخل في نوايا وسرائر الناس حتى نحكم عليها هكذا والاهتمام بالجوهر في تزكية نفسه وعباداته -واكيد احنا لم نراها بالكلية- وحتى لو رأيناها مش احنا اللى نحكم عليها
وربنا سبحانه وتعالى بيقول
{إن أكرمكم عند الله أتقاكم}
انا عن نفسي لما بشوف واحدة ملتزمة اكتر منى بقول يا ترى هل انا أكرم عند ربنا أم هى؟
وهل اللى انا اخترته كشكل لنفسي مثلا فيه تقوى لربنا 100% اذا فضلت على نفس حالى عشان اضمن انى اكون اكرم عند ربنا ولا لما اعمل زيها؟
وعن تجربة لما بقف مع نفسي هذه الوقفة بتدفعنى نفسى لحاجات كتير
شوفي يا اختى المفروض انك لابساه ابتغاء لوجه الله تعالى وامتثالا لاوامره يبقي تبقي مسلمة بيه وتدعى لنفسك بالثبات عليه وهتلاقي سبحان الله الصحبة الصالحة انجذبت ليكى وهتدعى لك بالثبات ان شاء الله
وان شاء الله انا وكل اخواتى هنا من اول الناس اللى هيدعوا لك بس انتى خطى الخطوة الاولى في الطريق ده وربنا هياخد بايدك صدقينى

اخوات تانيين ممكن يقولوا طب والشغل؟؟؟؟؟
اااه جينا لنقطة جميلة جدا...في اية كريمة جميلة بتقول(وقرن في بيوتكن ولاتبرجن تبرج الجاهلية الاولى)شوفي معايا كلمة( وقرن في بيوتكن) اد ايه جميلة تحسى ان الاسلام فعلا دين بيعزز المرأة وبيكرمها
تفتكرى لو زوجك قالك اقعدى في البيت ماتشتغليش هتطيعيه ولا لا http://akhawat.islamway.com/forum/public/style_emoticons/default/icon_arrow.gif ؟
طب ده ربنا عز وجل هو اللى بيأمرك ليه ماتطيعيهوش !!!
وتدبرى معايا اختى ان ربنا قرن(ولاتبرجن تبرج الجاهلية الاولى) بالخروج من البيوت ومخالفة امره بالقرار فيها
وانا مش بقولك خليكى في البيت محبوسة لحد مايجيلك كبت...لا ابدا....
اسلامنا عمره ماكان دين شدة وعنف بينا وماكان الله سبحانه وتعالى ليكلفنا مالا نطيق
انتى مأمورة انك تتعلمى(طلب العلم فريضة) ولكن تلتزمى في خروجك بالضوابط الشرعية كغض البصر وعدم الخضوع بالقول وعدم الاختلاط
والنقطة الاخيرة (عدم الاختلاط) كلنا للاسف مش عارفين نحققها لانها موجودة في كل حتة في الكلية..... في الاسواق.... في الشغل.....انا دلوقتى مش بناقش فرضية النقاب بس بفكر معاكو بصوت عالى
لذا كيف السبيييييييل؟؟؟
واقولك يا اختى عليكى انك تنفذى الاية بشكل متحور شوية بانك تبقي برة بيتك زيك كأنك جوة بيتك.....انتى لما بتكونى في بيتك حد بيبقي شايفك...لا...الجدران والستائر والاغطية مغطياكى......طيب نفذى الاية بقي اخرجى وانتى متغطية
فعليكى بالحجاب الكامل...اللى ينفذ لك الاية ويحفظك....
طب في الشغل اضمنى لى انه مايبقاش في اختلاط وانا اقولك اشتغلى...هو عموما انتى مش مأمورة بالشغل لانك ملزومة من زوجك-ان شاء الله- واهلك بانهم يصرفوا عليكى
فان كان ولابد اوى فاشتغلى واقتضت ضرورة واحفظى نفسك بنقابك وان شاء الله ربنا هيحفظك
السلام عليكم ورحمة الله وبركاته

pro24

2012-02-17, 22:51

http://up13.up-images.com/up/viewimages/874a20aa3b.gifhttp://up13.up-images.com/up/viewimages/874a20aa3b.gif

ام المنذر السلفية

2012-02-18, 20:35

بسم الله الرحمن الرحيم
(6)
السلام عليكم ورحمة الله وبركاته

سؤال بدعوكى اختى انك تسأليه لنفسك :thin: ...بالنسبة للاخوات اللى بيبقو نفسهم يلبسوا النقاب واهاليهم مش موافقة ليه تلاقيهم بيجاهدوا مع اهلهم كتييير وبيبكوا :tears: ويتوسلوا ويقبلوا انهم يتحرموا من حاجات كتيييييير عشان يلبسوا النقاب؟؟
وتسمعى ان اخت اهلها قعدوها في البيت لما بس فتحت سيرة النقاب مع اهلها واصرت عليه
واخت تانية امها بهدلتها وفضلت تعاملها زى الشغالات في البيت وهى بنت اسرة كبيرة لما جت تلبس النقاب
واخت تالتة والدها حلف عليها انها ماتلبسوش طول ماهو عايش لحد مايموت لدرجة انها لبسته من وراه http://akhawat.islamway.com/forum/public/style_emoticons/default/icon_smile.gif
واخت رابعة امها قومت عليه الاهل والمعارف كله يقعد ينغزها بكلمتين
واخت ابوها حبسها في البيت وكتييييييييييييييييييييير كتييير

واعرف من قصص اخوات كانت ساعدت بنسبة كبيرة في تثبيتى لما جيت البس النقاب قصص مع النقاب جميييلة جدا واشعر من خلالها بصدقهن مع الله وان شاء الله يصدقهم الله
وماتخافيييييييش مش كل الاهالى بالدرجة دى من السوء والغلظة والشدة

في اهالى تانيين فرحوا ببناتهم جدا لدرجة انهم بكوا من الفرح لما جت بنتهم بلغتهم بارتدائها النقاب
وفي اهالى نفسهم جو الاسرة بتاعهم من الاول بيشجع على النقاب

وبالعقل ايه الاولى؟؟
ان الاهل يعطوا لبناتهم الحرية في لبس الضيق او اللى لبس اللى فيه زينة او يكون الحجاب قصير؟؟؟ ام انهم يعطوهم الحرية في الاستزادة من الاحتشام؟؟

وفي تجربة شخصية حضرت عقد زواج واحدة صاحبتى منتقبة وكنت لسه منتقبة جديد

ماشاااء الله ذهلت من عدد المنتقبات اللى حضروا وكنت اول مرة اشوف كده
مش هقولك الاسرة نسائها منتقبات...... لا ......معظم نساااء العيلة والمعارف واصحاب البنت واصحاب الام منتقبات ورجال العائلة من الملتحين(ولو انى والحمدلله ماشفتش الرجال ولكن سمعت ورأيت بس عدد من الرجال داخل قدرا وانا داخلة).....
منظر بجد يفرح تحسي انه مجتمع اسلامى جميييل يرجع بينا لعهد النبي صلى الله عليه وسلم وصحابته ولا اشبههم بهم ولكن ده الله جه في بالى ساعتها
وتحسب بجو من الالفة واكيد فيه تثبيت لكِ ان شاء الله

السلام عليكم ورحمة الله وبركاته

محــــــ النقاب بــــة

2012-02-28, 20:03

موضوع راااائــــــــــــــــــــــــــــــــــــــــــع أخية....

و الله كل سطر اقرأه ازداد اشتياقا للنقاب ....

أمانة أخية و كل من يقرأ ردي ... ان يدعو لي بتيسير أمر النقاب و ان البسه عاجلا يااارب العالمين ....

نصيحة لكل من تريد ان تنتقب :

* الدعـــــاء اخية ... و عليك بسهام الليل فإنها لا تخطئ..

* حاولي اخية قدر الإمكان التقليل من الخروج إلا لضرورة..

* ان كان الاهل معارضين للنقاب.. كوني لطيفة في ابراز فضائل النقاب .

* كوني فطنة في الرد على الانتقادات التي يحاولون ابرازها في النقاب .

* و الأكثر تأثيرا معاملتك لأهلك .. فلا تكوني فظة غليظة..

http://img105.herosh.com/2012/02/28/119527262.jpg

ام المنذر السلفية

2012-02-28, 23:28

ام المنذر السلفية

2012-02-28, 23:38

سم الله الرحمن الرحيم
(7)
السلام عليكم ورحمة الله وبركاته
من بعض الكلام الذى يقال عن النقاب وقد قيلت لى من احدى الاخوات
انها تكره النقاب وتعتبره هذا الغطاء الاسود سجن يحيط بالمرأة وتعتبره شكل لاانسانى http://akhawat.islamway.com/forum/public/style_emoticons/default/icon_smile.gif ...بل وتشعر بالمرارة الشديدة كلما رأت فتاة ترتديه وتسأل نفسها لماذا هذا اللباس؟؟
انه اهانة للمرأة التى كرمها الله ولم يهنها...واننا لسنا بمخلوقات خطيرة او عجيبة ليتم تغطيتنا بهذا الشكل اللانسانى
واتذكر انى رددت عليها اننا فعلا لسنا بمخلوقات عجيبة او خطيرة كي تتم تغطيتنا ولكننا درر مكنونة علينا حفظها وسترها عن اعين الطامعين ونحن لانزكى انفسنا فالله اعلم بمن اتقي
ولكن ااقول ذلك من واقع اهتمام الاسلام بنا الذى يحفي بنا ويعاملنا كأننا ملكات و والله والله الاسلام يحبنا ويهتم بنا
والا ما كان الرسول صلى الله عليه وسلم يستوصي بالنساء خيرا ويقول ذلك في خطبته الاخيرة قبل وفاته صلى الله عليه وسلم
ويقول(استوصوا بالنساء خيرا) ويقول في موضع اخر(خيركم خيركم لاهله) وفي موضع اخر يقول(رفقا بالقوارير)

وضربت لها مثال عن طالبات الكليات العملية المرموقة كالطب والصيدلة والهندسة كيف بهن؟؟كيف يدرسن ويعملن ولايؤثر نقابهن عليهن؟؟

ومثال لذلك كلية الصيدلة اللى انا فيها وهى كلية عملية جدا تتطلب استخدام الفم لشفط بعض المحاليل في اكثر من مادة
وتتطلب استخدام العين للرؤية خلال الميكروسكوب
وتتطلب استخدام الايدى في حقن وتشريح بعض الحيوانات
ولم اسمع عمن وجدت مشكلة تذكر لدرجة ان تشكو او تتضجر منها او تندم على ارتداء النقاب....ولااقول هذا تحيزا للنقاب والا ودعينى اسأل هذا السؤال معكى والا كيف تخرجت في من هن اكبر ومروا بكل الاعوام الدراسية ومن هن لبسن النقاب من زمان؟
وسألتها
ولماذا تكرهين النقاب؟؟
هل تكرهين تستر اخواتك المسلمات؟
هل تكرهين صون وحفظ اللحوم العارية عموما وان نبقي احنا الحسنة الوحيدة بجانب العرى الشديد في المجتمع؟؟

اوضح لكم اخواتى ان نسب الجمال متفاوتة جدا بالنسبة للرجال
فهناك من تجدونها ذات وجه عادى جدا وتعجب رجلا وهناك من هى اكثر منها جمالا ولاتعجبه فجمال الوجه ليس في ذاته ولكن في الشخصية التى تحمله....واديكو شايفين الشباب في الشوارع والطرقات بيعاكسوا http://akhawat.islamway.com/forum/public/style_emoticons/default/icon_smile.gif زى مابيقولوا عندنا في مصر(العامشة والكحيلة http://akhawat.islamway.com/forum/public/style_emoticons/default/icon_smile.gif ) مابتفرقش معاهم حتى المنتقبات كمان بيتعاكسوا
ولا اعتبر النقاب مطلقا اهانة للمراة بل هو تكريم جليل وحفظ لها
وادعوكم انكم تسألو انفسكم معى السؤال ده
اشمعنا النساء في السعودية كلهم كلهم بيلبسوا النقاب ليه دول بالذات؟
ليه ده حصل بالذات في بلد النبي صلى الله عليه وسلم؟؟
اجيبكم انه ليس امرا سعوديا وليس تشدد من علماؤهم ولكن ده توارث العلم والحضارة الاسلامية هناك هم كبروا لقوا نسائهم وامهاتهم لابسينه وهم النساء دول جابوه او اعرفوه منين الا من اللى قبلهم واللى قبلهم وهكذا....ده غير اصلا ان علماؤهم بيعتبروه فرض هناك و لانه عرف سائد ايضا فبالتالى اللى هتخالف العرف بتبقي جاذبة للنظر صح؟

وبالنسبة ان العلماء اختلفوا فيه
فاقول خلاص احنا لما نلاقي اختلاف قدامنا حل من اتنين
اننا نرجع للكتب وكتب التفاسير ونقراها بتمعن متخلصين من كبائل هوى النفس
او اننا نسأل من اكثر من هؤلاء العلماء علما
واتفق معكم اننا وجدنا من يحلل ويحرم لدرجة اننا شعرنا بالضياع لانعرف لمن نرجع ونذهب لذا فعلينا بالرجوع للاصوووول
السلام عليكم ورحمة الله وبركاته

ابوالعلاء

2012-02-29, 00:04

نحن ليس علينا هداية التوفيق بل هداية الارشاد ’ النقاب رمز الحشمة والانوثة الحقة ,من منهن لا تستخف بالنقاب فالاكيد انها مسترجلة

ام المنذر السلفية

2012-03-09, 00:34

بسم الله الرحمن الرحيم
(8)
السلام عليكم ورحمة الله وبركاته
سألتنى احدى الاخوات في منتدى اخر سؤال غريب جدا وبصراحة لم استطع الاجابة عليه وادعوكم معى لمن فتح الله عليه بعلم في هذه الجزئية ان يجيب عليه معى فقد قالت

إقتباس
"أخواتي المنقبات ربنا يزيدكم من فضله و يبارك لكم بس عندي سؤال آخر الأديان السماوية كلها من عند الله فلماذا لم تؤمر النساء في الديانة المسيحية مثلا بتغطية و جهها علما بأن الراهبات يلبسن ما يشبه الحجاب"

واجبتها
وبالرغم من ان سؤالك خارج عن منظور ماتتحدث عنه الغرفة هنا في الدعوة الى النقاب ويحتاج لمن اكثر منا علما وتحصيلا لكى يجيب عليه ولكنى ساجيب عليكى والله تعالى اعلى واعلم فعلا اختى ديننا الاسلام هو اخر الكتب السماوية ونزل متمما لما في قبله من الكتب السماوية
فالله تعالى قال(ان الدين عند الله الاسلام) ولو كان نبي او رسول عاش حتى نزل القرآن الكريم على الرسول محمد صلى الله عليه وسلم ماكان وسعه الا ان يتبعه حتى سيدنا عيسي بن مريم وهو حى الآن وعندما ينزل الى الارض في اخر الزمان لن يؤم الناس في الصلاة ولكن سيصلى خلف امام من المسلمين تسليما منه بان دين الاسلام هو اخر الكتب السماوية
.فقد نزل الاسلام متمما لنقائص الكتب السماوية السابقة ومحللا لبعض ماحرم عليهم مثل ماقال سبحانه وتعالى(كل الطعام حل لبنى اسرائيل الا ماحرم اسرائيل عن نفسه) وسيدنا اسرائيل هو سيدنا يعقوب فقد حرم على نفسه- كما قيل في الروايات- اكل لحم الابل فحرمته بنى اسرائيل على نفسها..وهناك قاعدة فقهية الاصل في الاشياء الاباحة الا ما نز به نص او اية او حديث بتحريمه
وبالنسبة لتغطية النساء لوجوههن في الديانة المسيحية...فلا اعلم...ولعلى اتساءل معكى ممكن يكون ده مما يتممه الاسلام على دينهم؟؟.
وسادرج لكم مداخلة اخت عجبت جدا لها وقلت سبحان الله وهعمل اقتباس منها كماقالتها بالظبط
إقتباس
السلام عليكم أخواتى,
ردآ على السؤال الذى كانت ترد عليه الأخت ماربل عن كون الأديان الأخرى ليس فيها ما يدعو للنقاب. أولآ كيف نحكم على هذا الأمر و الأديان الأخرى قد حرف كل شئ فيها حتى أصول العقائد, فما بالك بتلك الأمور, فمن أدرانا ربما كان للنقاب وجود فى المسيحية و اليهودية. ما يعزز هذا الأمر ما حكته لى أخت تعيش فى الولايات المتحدة, هذه الأخت منتقبة, ذكرت لى أنها قابلت يومآ امرأة أمزيكية كبيرة فى السن, هذه المرأة مسيحية و شديدة التدين. وعندما رأت تلك المرأة المسيحية أختنا المنتقبة دهشت و سعدت سعادة شديدة و قالت لأختنا: أنا شديدة السعادة أنى رأيت من يطبق تعاليم المسيح بهذه الدقة(تقصد النقاب), ولم تركز تلك المرأة على أن أختنا المنتقبة من ديانة أخرى و إنما ركزت على كون الأخت تنفذ تعاليم السيد المسيح فى أمر النقاب. شئ آخر يلفت الإنتباه كثيرآ هو أنتشار النقاب بشكل قوى جدآ فى أوساط الأمريكيات اللاتى يسلمن..." و الله متم نوره و لو كره الكافرون"

وبالنسبة للبس الراهبات(لا رهبانية في الاسلام)
ولا اعلم اى شئ في هذه المسألة
السلام عليكم ورحمة الله وبركاته

الساسوية

2012-03-09, 07:15

بارك الله فيك أختي

ابوالعلاء

2012-03-10, 18:26

قال تعالى " لكل جعلنا شرعة ومنهاجا " , فالعقائد نفسها بين جميع الرسل فكلهم ارسلوا ليعلموا الناس التوحيد ,لكن لكل منهم شرعة ومنهاجا , فليس كل ما احل لنا احل لغيرنا من الامم , والعكس صحيح , فلا ارتباط لنا الا بماهو في القران والسنة لا غير

محــــــ النقاب بــــة

2012-03-11, 21:08

بوركتِ اخيتي .. ثبتك الرحمن..

/// متابعة وفية لموضوعك//

اللؤلؤة النادرة

2012-03-11, 21:37

بارك الله فيك أختي وجعله الله في ميزان حسناتك......... أما عن نفسي فأنا أضع الستار منذ كنت في الجامعة .........والحمد لله........وأدعو لكل من تريد وضع النقاب أن ييسر الله لها السبيل إلى ذلك

محــــــ النقاب بــــة

2012-03-14, 15:45

مما أعجبني ....

زاد شوقي للنقاب
زاد إشتياقي إلى ذلك اليوم ...
اليوم الذي أخرج فيه بنقابي ..
أمشي بخطى ثابتة عزيزة أحمل راية الإسلام وسمت زوجات رسول الله ..
ما تزيدني نظرات من حولي إلا عزة وثباتا .. ثبات الجبال الشامخات ...
سيأتي هذا اليوم قريباً جدا رغم كل شيء .. ورغم كل الناس ...
قولوا عني ما شئتم !!! أنا لست غبية ولا زاهدة ولا متعصبة ...
أنا أحمل سعادتي في صدري ..
ووالله لو وضعت الدنيا كلها بين يدي لما أخذت منها إلا ما يعينني على طاعة ربي ...
اللهم بلغنا الجنة وأرزقنا فيها النظر إليك يا أرحم الراحمين

ام المنذر السلفية

2012-03-26, 12:40

فيكم بارك الله كلمات فى غاية الروعة اسال الله ان يرزقك بنات المسلمين النقاب والعفاف