المساعد الشخصي الرقمي

مشاهدة النسخة كاملة : conservation الحفاظ على المعدنوس في الثلاجة

"جنة فردوس"
2012-02-09, 16:06
السلام عليكم و رحمة الله و بركاته

قبل كل شيء نشكر كل الساهرات على هذا القسم

:sdf:

سؤالي من فضلكن حول الاعشاب بصفة عامة و المعدنوس و القصبر بصفة خاصة اذا كان عندنا كمية كبيرة كيف يمكن لنا الاحتفاظ بها في الثلاجة بدون ما تفسد

شكرا حبيباتي
"جنة فردوس"
2012-02-09, 18:17
و لا جواب.....................

وينك يا mina و حبييبة افيدوني ماعنديش خبرة كبيرة في الشغل نتاع الدار بزاف فنيان شوي :o:o
ام امجد14
2012-02-09, 18:33
السلام عليكم اختى انا كنت درت موضوع على كل ما يوضع فى المجمد تقدرى ترجعى للمواضيع السابقة لكن نزيد نفيدك
كل من المعدنوس او الحشيش تاع الشربة او كرافس قطعيهم بعد الغسل و وضعيهم فى علب و حطيهم فى المجمد يبقاو مدة طويييييييييييييييييييييييييييييييييييييييييييييييي ييييييييييييييييييييييييييييلة لكن وضعيهم بكميات صغيرة باش ما يتعرضوش للهواء واى استفسار نحن فى الخدمة
"جنة فردوس"
2012-02-09, 18:40
السلام عليكم اختى انا كنت درت موضوع على كل ما يوضع فى المجمد تقدرى ترجعى للمواضيع السابقة لكن نزيد نفيدك
كل من المعدنوس او الحشيش تاع الشربة او كرافس قطعيهم بعد الغسل و وضعيهم فى علب و حطيهم فى المجمد يبقاو مدة طويييييييييييييييييييييييييييييييييييييييييييييييي ييييييييييييييييييييييييييييلة لكن وضعيهم بكميات صغيرة باش ما يتعرضوش للهواء واى استفسار نحن فى الخدمة

الله يحفظك اختي

على كل انا جديدة في هذا القسم نضل في قسم العرائس و التجهيزات اللي هبلونا ما شفتش المواضيع القدم

انشاء الله انحوس على موضوعك و نطبق باذن الله
ام شرفو
2012-02-09, 20:00
السلام
انا نغسل الحشائش ونشفهم اي نقطرهم في كسكاس وانقصهم مثل العادة ونحطهم في المجمد وبعد ان يتجمدو نجبدهم وانكسرهم اي نفتتهم و نرجعهم داخل اكياس في المجمد باش نستعمل الكمية اللي انحب
"جنة فردوس"
2012-02-09, 20:07
السلام
انا نغسل الحشائش ونشفهم اي نقطرهم في كسكاس وانقصهم مثل العادة ونحطهم في المجمد وبعد ان يتجمدو نجبدهم وانكسرهم اي نفتتهم و نرجعهم داخل اكياس في المجمد باش نستعمل الكمية اللي انحب

الله يحفظك اختي

فكرة مليحة تاني

مشكورة اختي
نينا
2012-03-10, 20:34
اختي اعسليه مليح وديريه في علبة نتاه بلاستيك تكون عندها غطاء واغلقيها وحطيها ف التلاجة يشدلك اسبوع او اكتر
السيدة كرمين
2012-03-12, 08:20
عزيزتي

بالنسبة للحشائش هناك أكثر من طريقة وكلها ناجحة

* إذا كان التجميد لفترة قصيرة اغسليهم و قطريهم مليح

وبعدها ضعيهما في أكياس ورقية - تع لباتيسري -

* إذا كان لفترة طويلة تقدري تستعملي الأكياس البلاستيكية

وتعملي على اخراج الهواء بالكامل

* أو تقطعيهم وفي علب بلاستيكية ايضا حاولي لهواء ما يدخلهمش
نيفرتيتي.
2012-03-12, 10:12
اختي بعد ماتغسليهم وتقطريهم حطيهم في مكعبات الفريزر وفي كل مرة تستعملي مكعب نتمنى انك تكوني فهمتيني.
djihene21
2012-03-12, 14:18
dirihoum f des boites en plastiques w zidi chwiya melh fihoum ki tkherjih tehesbi hada wine chritih diriha w rodili lkhbar wellah hadi par expérience
هبة الكوثر
2012-03-13, 20:27
غليفيه في اوراق الجريدة بدون ان تغسيليه احفيطيه في الثلاجة بعيدا عن الماء ويشدلك اكثر من شهر
لان ورق الجريدة يمتص الرطوبة لي تخليه يتعفن
المستغفرة1
2012-03-16, 21:24
لقد استفدت من سؤلك بارك الله فبك وفى اللواتى قمن بالرد عليك بارك الله فيهن جميعا
nina015
2012-03-23, 07:04
السلام عليكم .بالرغم من ان هده الطرق -المجمد-الا انها غير صحية .تجربتي انا هي وضع الحشيش في كاس فيه ماء و وضعه في باب التلاجة .جربوه و رجعولي الخبر .ما تبخلوش و ادعولي
نورسان2014
2012-03-23, 23:20
انا نغسل المعدنوس مليح ونقطعو من باعد نحطو في سيرفيات تاع لورق ونحطها في porte mangée ونخليها في ليفريجيدار نورمال
hindoucha02
2013-01-21, 10:52
أغسليه و خليه ينشف ثم قطعيه و ضعيه في علب خاصة بالثلاجة
فراشات العمر
2013-01-22, 07:59
انا نغسلهم ومقطعهم ونديرهم في الثلاجة المجمد
TAHAR32
2013-02-26, 00:00
انا نيبسهم وكي تستعمليهم كيما نعناه تحطيهم بعد ما تنضفيهم مليح فوق بوال بسرعة يبسوا وحطيهم في كرطوانة وجبدي منهم وقت ما تحتاجي انا هذا واش ندير على خاطر عندنا البرد لبوالات قاع ما يطفاوش نستغلهم في تيباس هده الصوالح كيما ثوم والقصبر والمعدنواس وقشور الطماطم بعد ما تملحيهم قشور الليموان والبرتقال كلهم روعة جربي وادعيلي
ام طيري الجنة
2013-03-01, 23:36
السلام عليكم
انا قرات طريقة في النت وجربتها وفعلا كانت ناجعة اذا كنت لا تحبين المجمد مثلي لانه يقضي على النكهة فضعيه دون ان تغسليه في انية زجاجية ( بوقال كما نقولو حنا ) وتغلقيه وتضعينه في الثلاجة ويبقى ل 15 يوما او اكثر عن تجربة ولا تغسلي الا الكمية التي تحتاجينها عندما تخرجينها
catia
2013-03-02, 06:20
اختي اقطعي شوي من السيقان ثم ضعيه في كاس به ماء وقرصة صغيرة سكر سيدوم عدة ايام ويعطي منظرا جميلا داخل الثلاجة وكانه باقة ورد (ليس في المجمد) جربيه وسترين
nabila3883
2013-03-06, 15:10
انا تبانلي ماهيش طريقة عملية ....

ننضحك الحشيش اي نوع اغسليه و نشفيه بقطعة قماش جافة .....و ضعيه في علبة زجاج ومحكمة الغلق لا يدخ فيها الهواء ......كزجاجة انسكافيه مثلا ..طبعا بعد غسلها و تنشيفها ..... و شوف تستطيعين الاحتفاظ به الى غاية 15 يوم
ام رهام
2013-03-08, 10:31
غسليه نشفيه امليح لويه في منشفة وضعيه في الثلاجة يبقى لمدة اسبوع
مليكة31
2013-03-08, 21:50
بعد الغسل قطعيه وعليك والفريزر
ام غالية
2013-03-09, 18:24
طريقتى انا منغسلش بالماء بلعكس نلفه فى جريدة يبقى اخضر اغسليه عند الاستعمال مجرب
djazia87holi
2013-03-10, 15:54
حبيبتي عن تجربتي الخاصة وعمري كامل استعملها بدون ما يذبل او يصفار او يتعفن تغسلي المعدنوس او الكسيبرة ونشفيها في سرفستة نضيفة وقومي بتنقيتها من بعد حطيها في باطة بلاستكية بالغطاة نتاعها وفي الثلاجة تقعدلك الفكرة هادي 20 يوم بالتجربة لكن تاكدي انو ناشف من الماء وغطيه في العلبة وعلى ضمانتي حنونة
ام عبودة
2013-03-11, 14:47
انا نحكم الربطة بلا ما نغسلها ونديرها في قطعة قماش
ونخبيها في الثلاجة وتشدلك مدة طويلة
كنت من قبل نغسل ونقطع وندير في المجمد ما كانتش مليحة يولى اسود والبنة تروح