صديقاتي

[مشكلتي]

انا فتاة عمري 22 سنة خطيبي عمرو 26 سنة الحمد لله اوضاعوا واوضاعي المادية جيدة
اعرف انه يحبني فهو يحاول ان يفعل اي شئ لارضائي في الاول انا ما كنت احبه ولما يجي يزورنا في البيت كنت لا اهتم به ابدا وكنت نحاول امي كنت نقلها قوليلوا اي ماتت مانيش حابة نشوفوا
لكن الان اصبحت متعلق به الى حد بعيد اصحبحت احبه جدا وهو ايضا يحبني وكيما اتلاقاو ديما يقعد يقلي بلي راهو مستعد يعمل اي شيئ من اجلي وراهو يستنا وكتا نعود حلالو وبلي راهو حاب اولاد مني .................................
لكن المشكلة صديقاتي ديما يقولولي اتعاملي معاه بجفاء وهو يكره الطريقة هذي يقولولي ما تبينيش بلي راك سعيدة معاه وهو يصقصيني ويقلي خولة انتي سعيدة معيا
وكيما اجينا للدار نعود متلهفة نشوفوا لكن امبعد نعود ما نلقا مانقول ووجهي يطلع احمر ونعود نتنفس بسرعو وهو يعود يضحك

ارجوكم انا حابة نكون صريحة معاه انصحوني هل اترك صديقاتي

[!?زين الدين?!]

انا فتاة عمري 22 سنة خطيبي عمرو 26 سنة الحمد لله اوضاعوا واوضاعي المادية جيدة
اعرف انه يحبني فهو يحاول ان يفعل اي شئ لارضائي في الاول انا ما كنت احبه ولما يجي يزورنا في البيت كنت لا اهتم به ابدا وكنت نحاول امي كنت نقلها قوليلوا اي ماتت مانيش حابة نشوفوا
لكن الان اصبحت متعلق به الى حد بعيد اصحبحت احبه جدا وهو ايضا يحبني وكيما اتلاقاو ديما يقعد يقلي بلي راهو مستعد يعمل اي شيئ من اجلي وراهو يستنا وكتا نعود حلالو وبلي راهو حاب اولاد مني .................................
لكن المشكلة صديقاتي ديما يقولولي اتعاملي معاه بجفاء وهو يكره الطريقة هذي يقولولي ما تبينيش بلي راك سعيدة معاه وهو يصقصيني ويقلي خولة انتي سعيدة معيا
وكيما اجينا للدار نعود متلهفة نشوفوا لكن امبعد نعود ما نلقا مانقول ووجهي يطلع احمر ونعود نتنفس بسرعو وهو يعود يضحك

ارجوكم انا حابة نكون صريحة معاه انصحوني هل اترك صديقاتي

انا اقول لك تعاملي معه بصدق وصراحة لانه سيكون زوجك يعني نصفك الثاني
اتقبلين ان تعاملي نصفك الثاني بجفاء كما قالت لك صديقاتك بين قوسين الغيورات طبعا
غيورات لانه لو يحبون لك الخير لما قالو لك عامليه بجفاء
وليكن في علمك اختي ان من اسباب التعاسة بين الزوجين هو الجفاء وطبعا النصائح الشريرة من طرف الصديقات والاخوات و بعض الامهات
صديقات مثل هؤلاء حطمو الكثير من البيوت السعيدة
ونقولك بكلام عامي
ديري واش يقولك قلبك وصارحيه بحبك له ولا تخجلي وعيشي على طبيعتك لانه سيكون زوجك واساس نجاح الزواج هو الحب والصراحة
والله ولي التوفيق

[رقة الحياة]

السلام عليكم

يا اختي خولة كان من الضروري عدم ذكرك لأسمك في الموضوع

ثم اريد ان اسألك سؤال اذا كان يحبك و انت تحبينه و داركم قابلين بيه و هو خطيبك يعني انت مخطوبة
فلما تريدين معاملته بما تنصحك به صديقاتك ؟؟؟؟

[لؤلؤة الايمان]

السلام عليكم و رحمة الله تعالى و بركاته

اختي خولة اولا اريد ان ابارك لك الخطوبة و عقبال ان شاء الله على زواجك ....اختي خولة لا انصحك بان تاخذي بكلام صديقاتك لانهن حتما يردن التفرقة بينكما ....و اتبعي القول الذي يقول لاتكن لينا فتعصر و لاتكن صلبا فتكسر ....تعاملي معه في نطاق الشرع و المحدود يعني هو خطيبك فصارحيه انك سعيدة معه و انت ايضا تبادلينه نفس الشعور و لكن في نطاق الشرع يعني هو الان خطيبك فقط ...و عند الزواج يجب ان تتخلصي على تلك الصديقات المزعجات لانهن سوف يخربن حياتك بعدها اكثر فاكثر ....اتمنى لك السعادة الدائمة مع باذن الله

[sila07]

ياختي البنات في هدا الوقت متمنيهمش
راهي غيرة لا اكثر ولا اقل
وخاصة ان كانوا ماشي مخطوبين بلاكي منهم
ومبروك عليك وربي يكمل لما فيه الخير

[asma2021]

انا نقولك تعاملي معاه على اساس شعورك اتجاه و واش يقولك قلبك و عقلك بصح بحكم فترة الخطوبة
و ربي يكمللكم بالحلال انشاء الله بالسعادة و ماديريش على صديقاتك لانهم مايحبولكش الخير و ماتحكيلهمش على صفاته
تصرفاته معاك هذا مانقدر نقولك

[samir 1990]

لا تسمحي أبدا لصديقاتكي بالتدخل بينكي و بين خطيبك لأنك إن سمعت لهن الآن فلا تحتاري لما تتدخلن في حياتك الزوجية غداأي بعد الزواج هذا خطيبك يعني أن أكثر شخص يعرفه و يجيد التعامل معه هو أنت فمن الواضح أنك غالية عنده كثيرا و لهذا يسألكي إن كنت سعيدة معه لأن سعادتك تسعده لا تكترثي لقول صديقاتك و تعاملي مع خطيبك ببساطة و إن غيرتي طريقة تعاملك معه سيتغير هو أيضا فقد يفهم أنك لم تعودي تشعري بالسعادة معه لكن هذا لا يعني أن تتركي صديقاتك فهن يعتقدن أنهن ساعدنك ربي يوفقك و لازم يبقى وجهك يحمر و تتنفسي بصعوبة ههههههههه

[- بصمة خير -]

أولا انت غالطة تحكي على علاقتك مع خطيبك لصديقاتك

نظن هذا الشي لازم يبقى بينك و بينو -ماشي غير الحياة الزوجية-

و اكيد احكي معاه و قولي اللي في قلبك

ربي يوفق و صلوا على الرسول افضل الصلاة و السلام

[samir 1990]

أولا انت غالطة تحكي على علاقتك مع خطيبك لصديقاتك

نظن هذا الشي لازم يبقى بينك و بينو -ماشي غير الحياة الزوجية-

و اكيد احكي معاه و قولي اللي في قلبك

ربي يوفق و صلوا على الرسول افضل الصلاة و السلام

صلى الله عليه و سلم

[ام ظافر]

تعاملي معاه بكل عفوية وخلي نفسك على طبيعتها ما تتصنعيش المشاعر لانها تبان متصنعة ونقصي الحكايات على خطيبك مع البنات ماتعرفيش منين يجيك البلا وربي يزين سعدك

[hamzagolf6]

اخطيك من الصديقات الغيارات

[lola22]

اختي خولة شوفي اللي يخرج عليك مش على صحاباتك وتبعي قلبك واش يقلك هذاك هو

مبروك عليك وربي يكملك ويهنيك ....

[SOUSOU. DZ]

هاذو صديقات السوء اخطيك منهم

[soussoudarine]

السلام عليكم اختي ما تسمعيش لكلام صديقاتك مهما حاولوا يقولوا ويقنعوك لانهم اكيد بنصيحة مثل هذه مايحبوش ليك الخير واما خطيبك اتعاملي معاه حسب شعورك وكوني معاه على طبيعتك في حدود الشرع والدين وراح تزيدي تجذبيه ليك اكثر وربي يكملك ويحفظك

[عميروش الحر]

اكبر غلطة انكي دخلي صديقاتك في حياتك الخاصة...خصوصا مع الخطيب او الزوج

[ghada91]

نقولك حاجة ختي خولة اذا راكم حابين بعضاكم لهاذي الدرجة عجلو الزواج لأنو الحب الحقيقي يجي بعد الزواج و يكبر يوم بعد يوم و نتي راكي كبيرة و تفهمي فيما يخص صحاباتك ... ماشي كل اللي يقولوه يكان صح دايمن...
و الله يجيب اللي فيه الخير

[حميد.ص]

انا لا ارى في جوهر المسألة اي مشكل و انما بالعكس خطيبكي و لله الحمد يحبكي و انتي أصبحتي تبادلينه الشعور و الخجل ليس عيبا و انما بالعكس....
انا أدعو الله من كل قلبي أن يسعدكما و من حولكما الى يوم تلقونه فيدخلكما جنته.....