مقادير حلوياتي لمن طلبها

[ام رحوقة]

البنيون
http://im13.gulfup.com/2012-02-08/132868880311.jpg (http://www.gulfup.com/show/X3a812en72pdi)
150غ جلجلان محمص
150غ لوز مطحون ومحمص
فانيلا
150 غ جوز الهند
100غ حلوة الترك
125غ زبدة ذايبة
حليب مركز محلى نيستلي
نخلط الكل ونلم بالنيستلي حتى تبدا تتشكل كرات
نكورهم ونخليهم شوية ينشفو باه يتماسكو
نذوب الشكلاتة في حمام مائي ونغطس فيه الكرات من النصف الفوقاني برك ونحطهم ينشفو
نزينهم من الفوق بالفارميسال ولا بالشكلاتة البيضاء حسب الرغبة
ممكن مانلتزمش بالمقادير ونحط حسب الرغبة مثلا انا مانحبش نوادكوكو قللت منها وزدت البندق مكانها

[looona]

يعطيك الصحة

[ام رحوقة]

بيسكوي رولي والجنواز
http://im22.gulfup.com/2012-02-08/132868888111.jpg (http://www.gulfup.com/show/X3a7txcf4ey38)
http://im19.gulfup.com/2012-02-08/1328689092381.jpg (http://www.gulfup.com/show/X16k6h8mucpu)

5 بيضات
150 غ سكر عادي
150 غ فرينة
يضرب البياض مليح حتى يتضاعف مبعد نزيد نصف كمية السكر بالشوية وانت تخلطي بالخلاط الكهربائي ولما تكملي خلطي الصفار مليح مع السكر الباقي وفرغي الصفار على البياض وخلطي شوية حتى يمتزج
مبعد بملعقة خشب زيدي الفرينة بالصفاية غير بالشوية وخلطي من اسفل الى اعلى
وفرغيها في قالب وطيبيها على نار متوسطة ومن الافضل يكون القالب الي ينفصل من الجوانب مثل هذا
http://im9.gulfup.com/2012-02-08/132868984891.jpg (http://www.gulfup.com/show/X3a8vso62b6n4)
ولما تصفار شوية دخلي فيها عود الاسنان او طرف السكين واذا خرج ناشف معناها طابت
خليها في السنيوة لدقيقة ولا اثنين ثم خرجيها وخليها تبرد تماما حتى تقسميها على زوج
والرولي نفس الطريقة ونفرشوه في سنية الكوشة مسطحة وفيها ورق الشمع باه مايلصقش
واول مايطيب نحط فوقه طرشونة ونلفوه ونخلوه حتى يبرد نعاودو نفتحوه ونحطولو المعجون ونلفوه والفوق نذرذرو عليه السكر البودرة

[ام رحوقة]

ديسار بثلاث طبقات
http://im21.gulfup.com/2012-02-08/1328690171121.jpg (http://www.gulfup.com/show/X16kieti9xnv)
2كوب ونصف حليب اي حوالي 60 سل
100غ سكر بودرة
2ملاعق كبار جيلاتين بودرة اي 40 غ
1ملعقة صغيرة فاني
6 صفار البيض
300غ كريم شانتيي
200 غ فراولة
200غ مشمش مجفف
قومي بنقع المشمش في الماء المغلي لثلاث ساعات حتى يطرى
وارحي الفريز في الخلاط والمشمش ايضا
ضعي الجيلاتين في 6 ملاعق كبار ماء
في اناء اخفقي الصفار والسكر والفاني يضاف الحليب ويخلط جيدا ثم يوضع على نار قليلة مع الخلط المستمر واول ما يبدا الغليان نحيه من النار
ضفي له الجيلالتين وخلطي مليييح ثم ضفي الكريم شانتيي المخفوقة بعدما يبرد الخليط
وخلطي مليح
قسمي الخليط الى ثلاث الاول خليه ابيض والثاني ضفيلو الفريز والثالث ضفيله المشماش
في كيسان فرغي الاول طبقة من الابيض وخليه في الثلاجة قد ما يجمد شوية مبعد فرغي فوقه خليط الفريز وخليه يبرد شوية
مبعد الخليط تاع المشماش وحطيه بالثلاجة ليلة كاملة وقبل التقديم يزين بالكريم شانتيي ولا الفواكه المجففة

[ام رحوقة]

الكورنيات
http://im11.gulfup.com/2012-02-08/1328690733501.jpg (http://www.gulfup.com/show/Xwuk6dp4ratjk)
العجينة
4 عبار فرينة
عبيرة سمن ولا زبدة ناقصة شوية برك على العبيرة
نصف كوب سكر بودرة
2بيضات
ماء زهر
قرصة ملح
نخلط النواشف ونلم بماء الزهر
نحلها بالحلال ونفوتها في مشينة البقلاوة ونعاود حتى ثلاث او اربع ارقام
تكون رقيقة العجينة ونقطعها شرائط طويلة بالجرارة ونجيب الكورنيات
http://im9.gulfup.com/2012-02-08/1328691156461.jpg (http://www.gulfup.com/show/Xbtqelmfhkzo)
ونبدا نلف في الشرائط ابتداءا من اسفل القمع ونلف للفوق ونخلي اطراف العجينة تتلاقا مع بعض باه ماتتفكش لما تطيب
نحطها في سنيوة والقمع مرفوع للفوق اي مانحطهاش راقدة لانو تتحرق من الجهة التحتانية
واول ماتصفار نخرجها ونغطسها في عسل بارد والعسل يكون مخفف بماء الزهر اي نحط ثلاث عبار عسل ثقيل مع عبيرة ماء زهر ونخلوهم يغلو
نحضر العقدة
عبيرة قاطو بيمو مرحية
عبيرة لوز مرحي
فاني
شوية حلوة الترك حسب الرغبة مي ماتكثريش
نحك اللوز بشوية زبدة ذايبة ونلم بالعسل

ونحشي بيه الكورنيات المعسلين ونرمد الجهة الفوقانية ناع الكورنيات الي تكون في العقدة نرمدها في الفستق المرحي

[mina3]

جزاكي الله كل خير حبيبتي كل وصفة احسن من الاخرى يعطيك الصحة

[بيبيone]

يعطيك الصحة
سلااااااااااااااااام

[ام رحوقة]

المقروط المقلي
http://im13.gulfup.com/2012-02-08/1328691775451.jpg (http://www.gulfup.com/show/Xbtp6orrld36)
3 كيلات تشيشة
نصف كوب فرينة
كيلة ونص سمن والنص مايكونش للنص بل شوية ناقص
ماء وماء زهر
نحك التشيشة والفرينة بالسمن ونزيد الماء وماء الزهر ونخلط حتى تبدا تتلم
نخليها ترتاح شوية
ونحضر التمر
نفتح العجينة طويلة على شكل حربوش ونفتحها في الوسط ونحط التمر نغلقها مليح ونقطع
نقليه في زيت غازر ونار شوية قليلة حتى يحمار
ونحاولو مانحركوهش لانه يتفتت
واذا لاحظتي انه يتفتت خليه في الهواء بلا غطا حتى ينشف تماما مبعد عاودي اقليه والاحسن تجربي حبة برك قبل ما تكملي كل العجينة
ولما يخرج نعسلوه في عسل دافي

[الجزائرية المحبوبة]

روعة يسلموا هذوك اليدين

[ام رحوقة]

التشيز كيك
http://im14.gulfup.com/2012-02-08/1328692340881.jpg (http://www.gulfup.com/show/X94hy44qmdkow0)

http://im14.gulfup.com/2012-02-08/1328692341162.jpg (http://www.gulfup.com/show/X3a9c7mdw6j8s)
الطبقة الاولى
400 غ بسكويت مطحون
80غ زبدة ذايبة
2ملعقة كبيرة سكر عادي
نخلطهم مليح ونفرغهم في القالي الي ينفصل ضرورييي لانك مبعد ما تقدريش تنحيه
ونضغط مليح باليد عليه وندخلوه للثلاجة يبرد ويتماسك
الطبقة الثانية
25 حبة جبن لافاش كي ري
170 غ حليب مركز محلى اي نيستلي
14غ جيلاتين بودرة ولا اذا عندك ورقات حطي اربع ورقات
حوالي 140 غ بودرة شانتيي نخفقها
نخلط الجبن مليح بالخلاط حتى يبدا كما الكريمة
ونكون من قبل خفقت الكريم شانتيي
نضيف النيستلي للجبن مع الخلط ثم نضع الجيلاتين البودرة في ملعقتين ماء دااافئ ونخلطو مليح حتى يذوب مبعد نضيفه لخليط الجبن
والاخير نضيف الشانتيي ونخلط ونفرغه فوق طبقة البسكويت ويبقى في الثلاجة لاكثر من 12ساعة حتى يجمد مليح
نفرغ فوقو الصلصة تباع جاهزة بانواع الفواكه واذا لم تتواجد نعمل معجون مطحون ولا الجيلي البودرة الي يتباع نفرغو عليه ماء حاار ونفرغوه فوق التشيز كيك ونخلوه في الثلاجة يجمد
انا لم اجرب المعجون ولا الجيلي للامانة بل اشتريت الصلصة جاهزة

[سَلْسَبِيّلْ]

بارك الله فيك حلويات رووووووعة ان امكن صورة قاطو الكورني

[ام رحوقة]

بارك الله فيك حلويات رووووووعة ان امكن صورة قاطو الكورني

الصورة فوق اختي هنادي

[halimahalo]

الله يبارك يعطيك الصحة

[ام رحوقة]

الكيش بالدجاج وصلصة البشاميل
http://im20.gulfup.com/2012-02-09/132878100511.jpg (http://www.gulfup.com/show/X16qa9gijvwc)
العجينة
125 غ زبدة طرية مش ذايبة
250 غ فرينة
حبة بيض
شوية ملح
نحك البيضة مع الزبدة مليح ونلم بالفرينة حتى تبدا عجيبنة نحطها في الثلاجة نص ساعة ولا اكثر
نحضر الحشو
نسلق الدجاج في الماء مع البصل والملح وشووويية قرفة ثم نفتته
نحضر صلصة البشاميل
50غ فرينة
50 غ زبدة وزيت مخلطين
نصف لتر حليب
ملح وفلفل اسود
ندوب الزبدة والزيت ونضيف الفرينة ونخلط مليح بالضراب اليدوي ثم نضيف الحليب ونخلط على نار قليلة حتى يخثر المزيج
نخلط الدجاج المفتت مع البشاميل
نفرغ العجينة في قوالب الكيش ونخدمها بالاصبع من القاع ونسوي الاطراف ونثقبها بالشوكة
ونفرغ فوقها الدجاج وندخلها الفرن على نار قليلة حتى تنضج ونحمرها شوية من فوق

[ام رحوقة]

البقلاوة
http://im20.gulfup.com/2012-02-09/1328781730351.jpg (http://www.gulfup.com/show/X3ap9mq2myjyq)
العجينة
4 كيلات فرينة
كيلة زبدة ذايبة بصح الكيلة ناقصة حوالي 2سم مش معمرة
ما وماء زهر
نحك مليح الفرينة بالزبدة ونلمها بالماء والماء الزهي حتى تبدا عجينة متماسكة
نقسمها كرات ونحطها في كيس
الحشو
3عبيرات لوز مطحون
كيلة سكر عادي
ماء زهر نلمو بيه العقدة بصح مش تتعجن بل تبقى مثل الكسكس حبات
العجينة نحلها بالحلال ونفوتها في مشينة البقلاوة ابتداءا من اكبر رقم الى اصغر رقم
نحط طريق من العجينة على السنيوة المدهونة ونحط جنبه طريق اخرى حتى تتغطى طبقة السنيوة
ونرجع ندهن وندير الطبقة الثانية عكس اتجاه الطبقة الاولى
وهكذا حتى نكمل 7 طبقات نفرش العقدة مليح ونبدا العجينة بنفس الطريقة الاولى
نقطعها ونزينها بالوردات ولا بحبة لوز
نطيبها على نار شوية قليلة
واول ما تخرج نعلسها بالعسل الدافئ

[ملاك7]

يعطيك مليون صحة على الوصفات

[ام رحوقة]

النوقا
http://im12.gulfup.com/2012-02-09/1328782433321.jpg (http://www.gulfup.com/show/X3aoyl8a33zvi)
العجينة نفس عجينة البقلاوة نحلها في المشينة ونرمدها مليح في الفرينة ونفوتها في جهة الرشتة اي الرقيقة كامل
نرمدها في الفرينة مرة اخرى ونخليها على الطابلة تنشف مليح حتى قريب تيبس نقلوها في الزيت ونحطوها في الكسكاس تقطر
مثلا لو العجينة كانت رطل نحضر رطل لوز نطحنوه و250غ جلجلان محمص و150غ حلوة الترك وحوالي 100غ زبدة وعسل
نحط الزبدة في قصعة ونحط القصعة على النار حتى تذوب نفرغ العجينة ونخلط حتى تتشرب بالزبدة
نضيف باقي المكونات ونفرغ العسل بالشوية حتى تبدا تتلم
نفرغها في سنيوة مفرش فيها ورق الزبدة ونسطحها بملعقة وخليها تنشف اكثر من 24اعة
لما تنشف قطعيها وزينيها بالشكلاطة البيضاء والسوداء

[salima14]

الله الله يعطيك الصحة روعة ماعندي مانقول10000000شكرا و قليل

[نور الرحمان1986]

يعطيك الصحة ياشاطرة

[cherinou]

يم يم يعطيك الصحة وتبارك الله عليك اختي

[زهرةالعمر]

شكرا وبارك الله فيك

[linat]

بارك الله اختي

[ادرارية]

يعطيك الصحة

[الأمنيات]

http://im18.gulfup.com/2012-04-06/1333716750631.gif

[omrami]

baraka alaho fik rabi yjazik raw3a

[selma-chirdent]

التشيز كيك
http://im14.gulfup.com/2012-02-08/1328692340881.jpg (http://www.gulfup.com/show/x94hy44qmdkow0)

http://im14.gulfup.com/2012-02-08/1328692341162.jpg (http://www.gulfup.com/show/x3a9c7mdw6j8s)
الطبقة الاولى
400 غ بسكويت مطحون
80غ زبدة ذايبة
2ملعقة كبيرة سكر عادي
نخلطهم مليح ونفرغهم في القالي الي ينفصل ضرورييي لانك مبعد ما تقدريش تنحيه
ونضغط مليح باليد عليه وندخلوه للثلاجة يبرد ويتماسك
الطبقة الثانية
25 حبة جبن لافاش كي ري
170 غ حليب مركز محلى اي نيستلي
14غ جيلاتين بودرة ولا اذا عندك ورقات حطي اربع ورقات
حوالي 140 غ بودرة شانتيي نخفقها
نخلط الجبن مليح بالخلاط حتى يبدا كما الكريمة
ونكون من قبل خفقت الكريم شانتيي
نضيف النيستلي للجبن مع الخلط ثم نضع الجيلاتين البودرة في ملعقتين ماء دااافئ ونخلطو مليح حتى يذوب مبعد نضيفه لخليط الجبن
والاخير نضيف الشانتيي ونخلط ونفرغه فوق طبقة البسكويت ويبقى في الثلاجة لاكثر من 12ساعة حتى يجمد مليح
نفرغ فوقو الصلصة تباع جاهزة بانواع الفواكه واذا لم تتواجد نعمل معجون مطحون ولا الجيلي البودرة الي يتباع نفرغو عليه ماء حاار ونفرغوه فوق التشيز كيك ونخلوه في الثلاجة يجمد
انا لم اجرب المعجون ولا الجيلي للامانة بل اشتريت الصلصة جاهزة

بارك الله فيك اختي العزيزة على الوصفات الراااائعة وجزاك الله خيرا

عندي بعض الاسئلة لو سمحت :
عادي كي استعملت لافاش كي ري ؟؟؟ مع انو مالح ؟ ماجاش طعم غريب ؟؟؟ لانهم هوما يستعملو جبن كريمي مش مالح
امممم الجيلي البودرة موجودة عندنا في الجزائر ؟؟؟ ولا تقصدي الجيلاتين البودرة ؟؟؟ اذا الجلي البودرة ولي بالاذواق موجودة قوليلي من فضلك واش اسم الماركة لاني سألت وقالولي مكاااش للاسف :((
وبخصوص هاديك العلبة ... واش استعملت انت ؟ تاع كرز و ماذا ايضا ؟؟؟؟ وتاني واش الماركة تاع هاديك العلبة ؟؟؟ انا جامي شفتها ، واش نقول للبائع واسمها ؟؟؟

واسمحيلي على كثرة الاسئلة *-*

[oum anas 69]

allah ybarak ya3tik asaha

[ام سلمة الجزائرية]

بااااااااااااااااااااارك الله فيك

[fyfy_top216]

كامل هايلين يعطيك الصحة
لوكان غير اضفتيهم في الصفحة الاولى مش على شكل ردود لان نت راها ضعيف هاد يمات
بوركتي اختي

[mounia nouna]

تعطيك الصحة قمة في الروعة

[هجيرة1]

http://www.gulfup.com/show/Xwuk6dp4ratjk
الله يبارك يعطيك الصحة
http://im11.gulfup.com/2012-02-08/1328690733501.jpg (http://www.gulfup.com/show/Xwuk6dp4ratjk)

[أسية24]

شكرا جزيلا اختي بارك الله فيك الجنواز ما فيهاش خميرة الحلويات؟

[عبير ريمة]

رائعة يعطيك الصحة ، باينة بنينة جمعتي فيها ما لذ و طاب

[MAYA07]

روعة ماشاء الله

[kika85]

ممممممم كامل هايلين يعطيك الصحة

[kawthar1983]

baraka allah fik okhti

[nadia_24]

بارك الله فيك ما شاء الله ..روووووعة..

[كريمة بسكرية]

اعطيك الصحة اختي

[ام ندى 87]

مشكورة اختي على الوصفات افكارك هايلة واقتصادية

[algerienour]

Merciiiiiiiiiiiiiima soeur 44444444444444444444444

[ابداع جزائرية]

مالقيت مانقول
ماشاء الله عليك

[نجوى لحلوة]

بوركتي حبيبتييييي

[lamia zina]

يعطيك الصحة ننتظر المزيد من الوصفات

[soumaaa]

انا نحيوووووووووووووووو

[ام رحوقة]

شكرا اخواتي..بالنسبة للجينواز لا مافيهاش الخمارة

[daif_etbh]

الله يبارك اختي وان شاء الله نشوفوا المزيد شكرا على الوصفات.

[zako-ben]

طلب اقتباس نوع من الحلويات

[zako-ben]

روعة يسلموا هذوك اليدين

شكرا جزيلا

[fatimahoda02]

يعطيك الف صحة