البنت تقول لن اتزوج الا المتعلم بمعنى منتزوج لي مش متعلم

[ورود الشتاء]

ما رايكم مكمل لموضوع اختى الكريمة النجمة القطبية فى هدا المنتدى
ما نظرتكم للبنت لى تقول لن اتزوج الا القارى و لى يعمل لى عندو النيفو مارايكم

[Shampo0o]

معها كل الحق ..

[خديجة13]

نعم هذه الظاهرة منتشرة كثيرا بين الفتيات الجامعيات ربما يعتقدن انهن لا يستطعن التفاهم مع من هو دون مستواهن و هذا شيئ منطقي يا ختي كل واحد يدي النيفو ديالو هكدا باش يتفاهمو و ما تكونش مشاكل في المستقبل
تخيلو واحد ما وصلش حتى مستوى سنة سادسة يخطب جامعية اوحتى طبيبة!!!iصادفت حالات كثيرة كيما هكدا بصح مالقيتلهاش تفسير مخي حبس بكل صراحة

[محمد جديدي التبسي]

لا أظن أنهن موجودات بكثرة فمعظم البنات يردن الرجل الصالح الخدام على روحو وانتهى الأمر والله أعلم

[جوهرة الغرب.]

فعلا اختي المستوى الثقافي مهم لكن اظنه ليس بشرط ان لم يكن يتجاوز الامر المعقول مثلا كما قالت الاخت انسان لم يتجاوز السنة السادسة ويرتبط بمن هي طبيبة او متحصلة على شهادة عليا هذا امر غير عقلاني ومتناقض ...لكن عندما يتعلق الامر بالتقارب الثقافي دون النظر الى حجم الشهادة فهنا المشكل ينحل ..يعني انه احيانا في واقعنا تجدين من هم اقل مستوى يعني لا يحملون الشهادات لكنهم اكثر نضج واكثر ثقافة ممن لديهم عشرات الشهادات ...
لهذا اعود واكرر ان المهم والاهم في التقارب الثقافي وليس في حجم الشهادات ...والله اعلم

[ابوايهاب]

مليح القاري والمثقف والمتدين ووووو

-ومليحة القارية والمثقفة والمتدينة ووووو


- الله يكون في العون

["زينب"]

الجامعيين تاع هاد لوقت لا سمحيلي, الثقافة و الفهامة معندهاش علاقة بالمستوى العلمي
الجامعي لي ميصليش وميعرفش دينه نعتبرو دون المستوى

[دادي84]

حالات كثيرة كيما هكدا بصح مالقيتلهاش تفسير مخي حبس بكل صراحة

المكتووووووووووووووووووووووووووووب

[اصيل الشرق]

انا نعرف رجل لديه مستوى تعليمي 6 ابتدائي تزوج طبيبة وعايشين انتيك
المهم يكون راجل والتفاهم مطلوب بنسبة كبيرة للحفاظ على هذا الزواج

[عبد الرحمان محمد]

السلام عليكم

السائل له الحق في أن يحب و يختار ما يشاء

فقط تنبيه :التعليم لا ينحصر فقط في الإبتدائية، المتوسطة، الثانوية و الجامعة ، (القاري) ليس الشخص الذي قضى وقتا في المؤسسات اللمذكورة سابقا، لهذا يقال (أعطيني واحد فاهم ولاهلا قرا.) يوجد أشخاص كثيرين مرو على تلك المؤسسات لكن لا يفقهون شيئا.

(القاري) ممكن تكون الظروف علمته و مشاكل الدنيا بالإضافة الى التعلم الخاص ( يعني عصامي التعلم) و لنا في تاريخنا الإسلامي الكثير من الأمثلة.

النقطة الاخيرة يستحسن للمرأة أن تتزوج بمن ترضى به دينا و خلقا فهل التدرج في المؤسسات المذكورة يكفل لنا التخلق و العلم الديني؟ ك (كيفية الصلاة) ، و معرفة واجبات الزوج و حقوقه و واجبات الزوجة و حقوقها ،الفقه و السيرة ..الخ ؟

الموضوع برمته يدور حول تناسب المستوى المعرفي بين الزوج و الزوجة كي تيسر العشرة ولا يكون إختلاف في أبسط الأشياء..

[خديجة13]

لا أظن أنهن موجودات بكثرة فمعظم البنات يردن الرجل الصالح الخدام على روحو وانتهى الأمر والله أعلم

اخي انا اتحدث عن الجامعيات خاصة اللواتي في مقتبل العمر اغلبيتهم ان لم اقل الكل لا يرضين بهذا

[محمد جديدي التبسي]

اخي انا اتحدث عن الجامعيات خاصة اللواتي في مقتبل العمر اغلبيتهم ان لم اقل الكل لا يرضين بهذا
ربما عندما تكون تدرس
لكن بعد التخرج ومع عدم وجود عمل أو حتى وجوده
تصبح تبحث عن زوج ناس ملاح وخدام والسلام
ويبقى لكل وجهة نظر
شكرا أختي خديجة بارك الله فيك

[عُضو مُحترم]

هاه يا سيدي

انا قاري و مثقف وولد عائلة محترمة و ووسيم الى حد ما

و الحمد لله ملتزم قدر المُستطاع و لا اُزكي نفسي على الله


و ما قبلونيش

واش رايك؟؟؟؟

القضية قضية دراهم يا اختي لا قاري لا عسكري لا بوقوص لا والو

يكون عندك تيكي يقبلو

ما يكونش تطّفرت فيك


==========

ارجوا ان تتقبل الاخوات رايي بروح رياضية فهذا هُو الواقع و لستُ اقوم بالتعميم

فهناك الصالحات القانتات و لسوء حظّي لم التقي باحداهُن

ادعولي ربي يرزقني واحدة منهن

[ورود الشتاء]

الدراااااااااااااهم عماو الناااااااااااااااااس

[النجمة القطبية]

يا اختى الواقع يثبت ان الموضوع ليس بالمستوى الدراسى
فكم من متعلم وقارى ومستواه عالى لكن امام الناس فقط وهو فى الواقع صعب التعايش معه متعصب لافكاره ولا يقبل الحوار
شوفى انشتاين وانتى تعرفى :1:زوجته لا تدخل اليه الا بالمواعيد كى لا تقطع حبل افكاره
شوفى انا جامعية والحمد لله وما يهمنى طريقة التفكير وان يكون هين لين يؤمن بان الحياة تبادل وتكامل
احسن من انشطاين ونيوتن وو
يا اختى الزواج تعاون بين اثنين وتبادل فى الافكار
المهم يكون متواضع يعلمنى مما يعرف ولو كان من خبرته فى الحياة واساعده بما اعرف هذا المهم
خير ما يكون قاضى كبيير نخاف نهدر معاه يدخلنى للسجن :)
تقبلى مرورى

[ورود الشتاء]

شكرااااااااااااااااااااااااااااااااا

[الواثق]

انا عندي ملاحظة خاصة في الجامعة ليس كل جامعي المعنى ان له مستوى جامعي .................انا بالي في الجامعة ليس الاختصاص هو لي يعطيلك مستوى اجتماعي فتعدد الطلبة ومن كل ولاية وخاصة الاجواء في الاقامات هي من صنعت الكثير من شخصيات الرجال بغض النظر كن اختصاصي وواش قريت.......................الجامعة علمتني اختلاف الناس اختلاف عاداتهم اختلاف لهجاتهم علمنتي المناهج والفرق وكل حزب بما لديهم فرحون علمتني معادن الرجال منها الذهب ومنها القصديري ومنها لصدأ.............علمتني التحمل ولصبر علمتني المسؤولية وعدم الهروب من المواجهة ..............انا هنا ارى الفرق .....................وليس الفرق في هذا يقرا طب وهذا ادب وهذا ماجيستير وهذا دكتور ووووووهادي شهادات حقيقة تعيننا في الحصول على وضائف وعمل وليس لها دخل في العقليات ولتصرفات والمستوى الفكري الاجتماعي ............فممكن تلقى المرأة رجل دو شهادة عالية لكن حياته الاجتماعية غير منسجمة مع الاخرين .................................وكاين لي خبرتو في المعاملات مع المجتمع تخليه انسان فاهم وواعي ورجل بالرغم انه لايحمل مستوى او شهادة.............................والله اعلم بالصواب

[عماد المحب]

انا عندي ملاحظة خاصة في الجامعة ليس كل جامعي المعنى ان له مستوى جامعي .................انا بالي في الجامعة ليس الاختصاص هو لي يعطيلك مستوى اجتماعي فتعدد الطلبة ومن كل ولاية وخاصة الاجواء في الاقامات هي من صنعت الكثير من شخصيات الرجال بغض النظر كن اختصاصي وواش قريت.......................الجامعة علمتني اختلاف الناس اختلاف عاداتهم اختلاف لهجاتهم علمنتي المناهج والفرق وكل حزب بما لديهم فرحون علمتني معادن الرجال منها الذهب ومنها القصديري ومنها لصدأ.............علمتني التحمل ولصبر علمتني المسؤولية وعدم الهروب من المواجهة ..............انا هنا ارى الفرق .....................وليس الفرق في هذا يقرا طب وهذا ادب وهذا ماجيستير وهذا دكتور ووووووهادي شهادات حقيقة تعيننا في الحصول على وضائف وعمل وليس لها دخل في العقليات ولتصرفات والمستوى الفكري الاجتماعي ............فممكن تلقى المرأة رجل دو شهادة عالية لكن حياته الاجتماعية غير منسجمة مع الاخرين .................................وكاين لي خبرتو في المعاملات مع المجتمع تخليه انسان فاهم وواعي ورجل بالرغم انه لايحمل مستوى او شهادة.............................والله اعلم بالصواب
السلام عليكم ورحمة الله وبركاته
لكن اخي الطاهر هناك فرق بين المستوى العلمي والمستوى التعليمي

[النجمة القطبية]

يا هل ترى ما يبقاش يتحسس من كلامها لما تحكي في موضوع هو مشي فاهمه غاية........اذا كان لا ...معناه يصلح الزواج بينهما

و لو اني لا افهم لماذا يختار الرجال نساء ذوات مستوى علمي اكبر و يترك خيرة البنات المتدينات بمستوى علمي اقل ...و هذه الظاهرة سائدة
واش ميفهمش مثلا
انتوما راكم تمدو نظرة عن القارية وكانها لازم تهدر عن تخصصها طوال الوقت
المفروض قرايتها تستخدمها فى تطوير شخصيتها
وفى بيتها وتربية اولادها
المفروض قرايتها تخليها تتميز فى دارها وعقليتها وهنا راح يفهم كلش ههههه اما ان كانت ملى تنوض وهى تهدر على تخصصها هنا سينورمال ميفهم والو حتى ويكون عالم من العلماء

[hydraulique51]

حياتها وهي لي غادية تعيشها



وعندها الحق الى حد معين

[ورود الشتاء]

انا عندي ملاحظة خاصة في الجامعة ليس كل جامعي المعنى ان له مستوى جامعي .................انا بالي في الجامعة ليس الاختصاص هو لي يعطيلك مستوى اجتماعي فتعدد الطلبة ومن كل ولاية وخاصة الاجواء في الاقامات هي من صنعت الكثير من شخصيات الرجال بغض النظر كن اختصاصي وواش قريت.......................الجامعة علمتني اختلاف الناس اختلاف عاداتهم اختلاف لهجاتهم علمنتي المناهج والفرق وكل حزب بما لديهم فرحون علمتني معادن الرجال منها الذهب ومنها القصديري ومنها لصدأ.............علمتني التحمل ولصبر علمتني المسؤولية وعدم الهروب من المواجهة ..............انا هنا ارى الفرق .....................وليس الفرق في هذا يقرا طب وهذا ادب وهذا ماجيستير وهذا دكتور ووووووهادي شهادات حقيقة تعيننا في الحصول على وضائف وعمل وليس لها دخل في العقليات ولتصرفات والمستوى الفكري الاجتماعي ............فممكن تلقى المرأة رجل دو شهادة عالية لكن حياته الاجتماعية غير منسجمة مع الاخرين .................................وكاين لي خبرتو في المعاملات مع المجتمع تخليه انسان فاهم وواعي ورجل بالرغم انه لايحمل مستوى او شهادة.............................والله اعلم بالصواب
كلامك صحيح اخى واثق بروكت

[ورود الشتاء]

يا هل ترى ما يبقاش يتحسس من كلامها لما تحكي في موضوع هو مشي فاهمه غاية........اذا كان لا ...معناه يصلح الزواج بينهما

و لو اني لا افهم لماذا يختار الرجال نساء ذوات مستوى علمي اكبر و يترك خيرة البنات المتدينات بمستوى علمي اقل ...و هذه الظاهرة سائدة
من قال لك ان القاريات غير متدينات

[صاحبة السمو الفكري]

ايها الفتى الصغييييييييييير
اضرب دورة من جيهتنا وخطاك الشي
هناك من تريد الدين والاتزام وخبزة وشكارة حليب
اذا عندك؟؟ حياك الله

[صاحبة السمو الفكري]

اعطيهني فاهم لاهلا قرا
رانا قرينا في الجامعات وشفنا التخمام كييفاه دااير
ببساطة شفنا وعفنا

[merzouguiyoucef]

مال لماعندهمش مستوى دراسي ميتزوجوش........................!

[عُضو مُحترم]

ايها الفتى الصغييييييييييير
اضرب دورة من جيهتنا وخطاك الشي
هناك من تريد الدين والاتزام وخبزة وشكارة حليب
اذا عندك؟؟ حياك الله

هههه يا اختي ربي يحفظك

و لكن السكن و العمل ووووووووووو

:1::1::1::1::1::1::1:

[sidahmed2003]

لا اعتقد ان المستوى الدراسي مطروح بحدة ولكن المشكل في توفر الرجال الرجال ما كانش والا ما حبوش يكونو المستوى كل واحد يدي على حسابو

[فتـ حييةـاة]

ادو القاري والفاهم اعطوهلي

كاين وحد القاريين بناقص منهم يعلوا القلب

لازم يكون راجل ونص وفحل وقلبه حار ويغير عليا مايخليني نروح للمرشي نشري الخضرة ومايخلينيش نسافر وحدي ومايخلينيش نخدم يروح هو دير كلش برا وانا يخليني معززة ومكرمة فالدار

[BAROUD]

راهم غير يتكلموا

تكلموا الكلام باطل ...ياك هكدا

ما يتزاوجوا حتئ يتشابهوا !!!

[جسور المحبة]

انا تعبني هذا الموضوع وبطلت ما نتزوجش خلاص كرهههههههههههههههههههههههههههههت

[رقة الحياة]

انا تعبني هذا الموضوع وبطلت ما نتزوجش خلاص كرهههههههههههههههههههههههههههههت

تهدري في ليتساع برك نهار لي تحسي بروحك قربتي من منطقة العنوسة راهي تبانلك هذي الهدرة

[خديجة13]

مال لماعندهمش مستوى دراسي ميتزوجوش........................!

يتزوج لكن بمن تقاربه في المستوى

[mamia20]

السلام عليكم و الله كاين ل شهادة الله يبارك بصح فارغ لا دين لا ثقافة و كاين لمستوى متوسط بصح معندي منقول دين و ثقافة و تربية لا يجب ان نحكم على الشاب على اساس الشهادة المحمولة يوجد في النهر مالا يوجد في البحر يمكن ان تتزوجي بشاب مستوى الدراسي متوسط و تعيشي مليح و يفهمك و يحترمك و يقدرك و اتمنى لكل بنات ان يرزقهم الله ازواج صالحين يخافون الله

[ورود الشتاء]

بصح راهم بناتنا كامل عادو يخمو هك

[السيدة كرمين]

ان كان هذا شرطها فهو مشروع وحقها الطبيعي وين المشكل؟

[نجمة ساطعة]

موضوع افتراضي الفتاة تتزوج اللي كتبولها ربي هذا ماكان

[النجمة القطبية]

[quote=النجمة القطبية;8787793]واش ميفهمش مثلا
انتوما راكم تمدو نظرة عن القارية وكانها لازم تهدر عن تخصصها طوال الوقت

شكون حنا.....هو مجرد تساؤل
المفروض قرايتها تستخدمها فى تطوير شخصيتها
وفى بيتها وتربية اولادها
المفروض قرايتها تخليها تتميز فى دارها وعقليتها وهنا راح يفهم كلش

أكيد.........صدقت اختي......و الصح يظهر بعد سنين (ثمرة تربية اولادها)

اختي متحصلة على ليسانس و زوجها 3 ثانوي و دائما تمدحه و تقول ان الحياة علمته الكثير.....و لكنت ظننت ان هذه الحالة نادرة لان الشاب خلوق و فااااااهم كيما قلتوا



كما ان والدي دائما يقول لي يا بنتي الثقافة حاجة و القراية حاجة اخرى و الدليل الفارق بيني و بينه


بالنسبة للشطر الثان للاخت ورود الشتاء
ما اراه على الاقل في منطقتي اغلب الشباب يختارون المتعلمات و الماكثات في البيت القلة منهم من تزوجت......فاختلطت علي الامور....
قريبتي خطبها رجل متدين و هي استادة كزوجة ثانية كيما قال الزوجة الاولي غير مثقفة و لا تعرف كيف تتناقش معه في ابسط الامور

شكرا على الاضافة.....منكم نستفيد

اعلم اختى ان الاغلبية يبحثون عن المتعلمة وهذا ما لاحظته ايضا ولكن لا نعمم
يقولك قارية وتقعد فى الدار وهذا منتشر صح
وانا برك اردت ان احدد وجهة نظرى الشخصية لا اكثر
وعجبتنى تع منكم نستفيد هههههه يعطيك الصحة اختى

[جزاائرية]

كل ونظرته للموضوع شكرا

[jihano0]

السلام عليكم ..
اظن انه مسألة ليست في التعلم وشهادات وانما في الوعي الفكري والثقافة ..
تجد كثير يحمل شهادات ولكنه تافه وليس له وعي بعدة امور ..وقد تجدين من لم يكمل دراسته ولكنه وااعي فكريا وثقافيا ..
اما بالنسبة للشرط فمن حقي ان اشترط ذلك لأنو يلعب دور كبير في مسألة المناقشة بين الزوجين والفهم ثم الفهم ثم الفهم

[ورود الشتاء]

اما موضوع المهر فحدث و لا حرج اخوتى ما رايكم

[هالة الجزائرية]

انا اختي استادة وخطبها واحد مستوى ثانوي او متوسط وقبلت لانه كل الناس تشكر في اخلاقة وصفاته بالرغم من انها كانت تحلم بالزواج من استاد وماهيش كبيرة في السن بصح خطيبها الله يبارك هو رب عائلته في مكان والدته
ماشي شرط المستوى العلمي المهم التفاهم

[lilou f lilou a]

أظن أنهن موجودات بكثرة فمعظم البنات يردن الرجل الصالح الخدام على روحو وانتهى الأمر والله أعلم

[nilly]

كل فتاة وتفكيرها هناك من تريده قاري وهناك من تريده خدام فقط . هذه حرية شخصية ليس من المعقول ان يفركن كلهن بالنفس الطريقة.
بالنسبة لي المهم يكون مثقف وعادي اذ مكنش قاري اي لم يتحصل على الشهادة

[sabiha tlemcen]

السلام عليكم انا اشاطر اخي الراي المشكل مشكل دراهم
ايضا عقلية الفتاة الجزائرية الجامعية اصبحت صعبة في الاختيار
اولا,,,,,,,,,,,,,,,,,,,,,,يكون عامل مرسم
ثانيا,,,,,,,,,,,,,,,,,,,,مشي لانام
المهر ,,,,,,,,,,,,,,,,,,,,غالي
و الله يعين الشباب

[ورود الشتاء]

عقلية البنات الجزائريات اصبحك اكل هكا الا من رحم ربى

[بنت الحجاج]

مستوى ثالثة متوسط مقبول جدا ،

المهم يكون خلوقْ ،

و خدّام

أما من تشترط المستوى ،

من حقها أن تشترطْ ،

[دموع الحيــاة]

من يعمل ولديه كثير من النقود وليس لديه مستوى

فصعب كثيراً التــّأقلم معه
- ويكون أيضاً مستحيلاً -

حينها تكون مشكلته عدم الفهم أو الفهم بالعكس
...

ومهما حاولت المرأة أن توصل له وجهة النظر الصحيحة فلن يتقبلها .. ويرفضها تماماً


لأنـــّه الرّجل الذي يجب أن يتكلــّم ولو كان مخطِئاً .. وهي المرأة التي يجب أن تسكت- ولو كانت على حق -

[عُضو مُحترم]

المهم انا قاري

اذا كتبلي ربي وحدة قارية نورمال

اذا كتبلي ربي وحدة مش قارية نورمال

ههههههههههههههه

[the black perl]

كلشي بالمكتوب

[hadjer.m]

مع هذا الراي
أريده في مستواي أو أعلى مني ( و لكل قاعدة استثناءات)

ملاحظة : قاري مش يعني شهادة و فقققققققققققط ،كاين قاريين لا تفرقينهم عن الجهلة
أي نعم الهادة مهمة و لكن لازم يكون معاها مستوى حقيقي و ثقافة حقيقة
و بالتوفيق للجميع

[الدكتور سام]

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
و في الاصل.الرجل المتدين و دواخلاق حسنة فهو قارئ منطقيا.و الله.عندما كنت ادرس في الجامعة جات وحد الفكرة في راسي و قلت نورمالو يدمجو شرط في الحصول على الشهادة الجامعية.ان تكون حافظ لكتاب الله و عارف بسنة نبيه عليه الصلاة و السلام.و هكدا يكون كل صاحب شهادة مثقف بمعنى الكلمة

[محمد...عبد النور]

السلام عليكم أختي وردة الشتاء
بارك الله فيك على الموضوع
صح الفتاة تتمنى الأفضل لنفسها و هذه هي طبيعة الإنسان ، مجبول على حب الخير لنفسه و عندها الحق ليا قالت هكذا من هذا المنطلق
لكن في النهاية كل شيئ بالمكتوب ،ممكن تجدين فتاة من حاملي الشهادات العليا إرتبطت بشاب على قد حاله و تجدينهم أسعد زوجين في الدنيا لماذا لأن الزواج قليل و الأسباب معروفة و لا داعي لذكرها
بارك الله فيك أختي على الموضوع المميز و جزيتي الجنة
ســــــــــــــــــــــــــــــــــــــــــلام

[اميرة الجزائر2010]

السلام عليكم
موضوع جميل اختي بارك الله فيك
يوجد الكثير من البنات لي تشرط هذا الشرط تقول لازم يكون قاري كيفي هههههه اولا القراية نتاع هذا الوقت لا تعتبر دراسة اطلاقا و الكل يعلم هذا اذن ما تقول هكذا فهي تباهي لا اكثر ولا اقل ثانيا هناك اناس ليس لهم مستوى دراسي كبير مي نلقاوهم ما شاء الله اخلاق و تربية و ثقافة و التعليم لا يعكس شيء المهم التربية و الدين و الاخلاق قبل كل شيء
يا بنت حواء اطلبي الستر ولا تطلبي العلم لما يتقدم رجل يعرف دينه و متخلق فنقول بسم الله نتكل على الله و الدراسة و المال و الجاه هم زينة لا غير
شكرا على الموضوع

[عوماري]

في الوقت هذا لا تفرق بين الجامعي والامي الكل في الهوى سوى الا من رحم الله

[ZAHIRZ]

المكتوب هو قبل كل شيئ وبعد كل شيئ او ماهي مرهونة لا في قراية ولا في نيفو ولا في والو كي يكون مكتوبك راح تديه

[piro]

طبعااا اكيييييد

المراة بفطرتها و بذكائها تفوق الرجل باربع مرات و عقلها يكبر الرجل باربع مرات ( انظر في قوقل )

و الجاهل يصعب التعامل معه صدقوني

[بتول8]

ما نظرتكم للبنت لى تقول لن اتزوج الا القارى و لى يعمل لى عندو النيفو مارايكم
عادي كل وحدة كما تحب و كل وحدة و القو تاعها

[ريمة89]

انا متزوجة من واحد نيفوا تيرمينال وانا جامعية والحمدلله
انا اناصر المثل القائل
اعطيهولي فاهم ولاه لاقرى
الصح ماشي فالقراية ولا الصح يكون معاك راجل وهدي باه تصيبيها يلزملك وانا الحمدلله اديت واحد ماشي قاري ف الجامعة قاري فالدنيا وهداك هو الصح عندي

[biologie2001]

كل واحدة و قناعاتها.... ادا راهي تشوف باللي متقدرش تعاشر واحد مقاريش عندها الحق و العكس كدلك

[ياسين مداني]

شكرا جزك الله

[Abdellah M]

لا أظن أنهن موجودات بكثرة فمعظم البنات يردن الرجل الصالح الخدام على روحو وانتهى الأمر والله أعلم

[نورسان]

c sure
خير ماتدفن روحها مع واحد لا niveau لا عقلية لا فهامة لا دراهم


كل واحدة تحط عقلها في راسها

[cryptographie]

وعلاش الاخرين مايتزوجوش

[mohamed160]

نعم هذه الظاهرة منتشرة كثيرا بين الفتيات الجامعيات ربما يعتقدن انهن لا يستطعن التفاهم مع من هو دون مستواهن و هذا شيئ منطقي يا ختي كل واحد يدي النيفو ديالو هكدا باش يتفاهمو و ما تكونش مشاكل في المستقبل
تخيلو واحد ما وصلش حتى مستوى سنة سادسة يخطب جامعية اوحتى طبيبة!!!iصادفت حالات كثيرة كيما هكدا بصح مالقيتلهاش تفسير مخي حبس بكل صراحة

سلام عليكم الاخت كاين المستوى المعيشى نسيتها الاخت . وبصح الاخت لزام يكون الانسان ما يخمم فى هدا الامورى لى يحب يعيش لزام يشوف ادى كان هدا الانسان ادى كان يخاف الله مشى كما راكى تحكى

[mohamed160]

وعلاش الاخرين مايتزوجوش

هههههههههههههههههههه صح خويا بصح البنات لى يخموا هكدا ما يتزوجوا ابدا . يبقوا بايرات