تسجيل الدخول

مشاهدة النسخة كاملة : خياطة يا خياطة

ام مرية
2012-02-06, 14:04
ا لسلام عليكم ورحمة الله وبركاته
كيفكم يا البنات نشاء الله لاباس انا عندي استفسار من الاخوات الخياطات حابة نشري مشينة نتاع خياوتصلح طة للبرودي بلا ما تفسد كي نحولها من الخياطة للبرودي والعكس واش من مركة تنصحوني بيها وتكون متوفرة في الجزائر ارجو المساعدة عارفتكم ما تردونيش يا الفحلات
fifiarch
2012-02-06, 14:15
والله اختي انا نحب غير نخيط
و الطريزة مانعرفش
شريت مشينة من مدة تطرز لكن مافيهاش بالزاف نقط نتاع طريزة
اسمها
super zig zag 820
شريتها بثمانمية الف
مليحة شوي
نصحتني بيها الاخت افاق لانها تخيط بيها عندها مدة
انا ممكن نكون مانيش موالفة بيها مليح على بيها تقلقني
كاين الاخت لالئ واحد المرة نزلت مودال قندورة مطروزة ممكن تعطيك ماركة مشينتها لما تدخل
ام مرية
2012-02-06, 14:28
مشكورةحبيبتي على الاهتمام ولعلمكم راني نحوس على مشينة البيدال واحسن ماركة سانجار ولا مارسيداس او اي ماركة خرى
ام هالة شهرزاد
2012-02-06, 16:09
السلام عليكم ختي راكي باغية نتاع بردي افريكان ولا عائلية انا ننصحك بسانجار
ام مرية
2012-02-06, 21:36
مشكورة اختي ام هالة شهرزاد على مرورك العطر ولكن كانت عندي سانجار وفسدت مين بديت نردها للخياطة ومن بعد للبرودي ونهايتها كانت الخردة حابة حاجة مزدوجة العمل
ام إثري
2012-02-06, 22:15
اي مشينة حبيبتيكي تبدليها من لخياطة للطرز ولا العكس راح تجيب مدة باه تتعدل
ننصحك اذا قادرة وامكانياتك تسمحلك اشري وحدة تاع خياطة من الصغار انا عندي طويوتا
وللطرز شريت وحدة انوستريال مدايرتها للطرز سنجر
ام مرية
2012-02-07, 15:16
شكرا اختي ام اثري راح نعمل بنصيحتك ولكن طيوطا شحال تسوا
ام إثري
2012-02-07, 15:49
انا تاعي شريتها عندها بزاف قريب خمس سنين شريتها بمليون ثلاثمية اكيد يكونو زادو
راهو كلش طلع للسما غير لعباد
لآلئ
2012-02-07, 16:20
انا نطرز بمشينة singer ونخيط بيها وعاجبتني
شريتها عندها مدة ست الى سبع سنوات لا اتذكر
ثمنها وقت ما شريتها 3 ملايين و700
ام مرية
2012-02-07, 16:34
شكرا لكل من اهتم بمساعدتي
omanis
2012-02-07, 20:42
انا تاعي شريتها عندها بزاف قريب خمس سنين شريتها بمليون ثلاثمية اكيد يكونو زادو
راهو كلش طلع للسما غير لعباد

انا اختي عندي تويوتا شريتها العام اللي فات بمليون و سبعمائة
انا نخيط بها برك