عصيييييدة لنهار الثلج من مطبخي

[fifiarch]

http://www.hala-ksa.com/uploadcenter/uploads/01-2012/PIC-930-1326542064.gif
اهلا و مرحبا بكل الاخوات
اليوم جايبتلكم وصفة من مطبخي
هي من عادات ناس تبسة
نديروها كي يطيح عندنا الثلج
و يسموها عصيدة

http://im9.gulfup.com/2012-02-06/1328478423811.jpg

المقادير
نترك كمية من الماء تغلي مع قليل من الزبدة والملح
بعد غليان الماء
نضيف الدقيق شيئا فشيئا
مع التحريك المستمر والنار تكون متوسطة
حتى يثقال الخليط قليلا فقط
يعني عينكم ميزانكم
مانقدرش نقوللكم ديرو كمية معينة لاني تعودت نديرها حسب ماتشوف عيني
نحركو مليح و باستمرار مدة نصف ساعة الى ساعة الا ربع
حتى نلاحظو انو هاذاك الدقيق بدا يطيب يعني ولا يتنحى من على جوانب الكسرونة الي نطيبو فيها
مبعد اول ما تطيب نحطوها في صحن
ونسرعو نديرو شوي غرس وو زبدة و نذوبوه شوي و مبعد نحطوه في قلب العصيدة
ممكن اضافة بعض البهارات للغرس
و نرشو السكر من فوق
والف صحة وعافية على قلبكم
راها تدفي في البرد
وبنيييينة

[remadna]

يعطيك الصحة
شفيت مرة جارتنا دارتها بمناسبة خروج ابنها من الخدمة الوطنية
دارت عصيدة حلوة و اخرى مالحة

[fifiarch]

الله يسلمك اختي

[ام ظافر]

فكرتيني بيها
حنا كانو العرايس تاع زمان بكري يجيبوها اهلهم في الصباحة تاع بنتهم وكانو يتقابضو بيها مثل ما يفعلو بالثلج وكلهم يتعمدو يوسخو العروس .......مزية تنحات هذه العادة والا راحت لاكواف والمكياج الي بالشيء الفلاني وزيد نعمة ربي تتكل ماشي هكذا
الف شكر ليك فكرتيني فيها

[fifiarch]

العفو اختي
والف شكر على مرورك العطر

[بيان 5]

يعطيك الصحة حنا ثاني درناها
لعصيدة هايلة

[أم مالك*]

تشهي فيا في نهار اليوم مع الثلج حرام عليك http://wow.mrkzy.com/smiles/performings/16.gif (http://www.mrkzy.com/)

وكان غير قعدت في داري وطيبتها عندنا برد ماتنفع فيه غير عصيدتك هذي


http://wow.mrkzy.com/breaks/thank/15.gif (http://www.mrkzy.com/)

[فرح العمر]

و الله يا اخت فيفى غير الصباح طيبتها و فطرت بيها حنا نطبوها بالحليب و على الاخر نذوبو الزبدة و نصبوها فوقها مع السكر تجى تهبل

[nouna-12]

وصفة جديدة و مانعرفاش
مرسي حنونة

[ام راضية]

مشكورة علي الوصفة انا من تبسة لكن ما نعرفهاش عصيدة بالغرس
نعملو عصيدة بالشكشوكة الحمراء والا تاع العسل والزبدة
ان شاء الله نجربها للاولاد ونردلك الخبرhttp://www.alamuae.com/gallery/data/media/123/0163.gif

[أم محمد رياض]

احنا عندنا يديروها بالزبدة والسكر للمرضى والرضع

[miri_27]

يعطيك الصحة حنونة يما تحبها بزاف و ديما تطيبها احنا نعملوها بالسكر من الفوق و الزبدة

[هاجر 76]

ya3tik saha okhti fifi hadi okla na3rafha bassah ma kontch na3ref beli ykouloulha 3ssida
w hata jamais jarabtha m3a date
chokran ya hbiba inchaallah njarebha kima wasfatek

[fifiarch]

الف شكر لكن اخواتي على الردود و تواجدكن بصفحتي زادها دفئا
مع البرد في الخارج
يالا بسم الله راكم معروضين للعصيدة

[chiraz16]

والله غير راكي سخفتيني اختي فيفي العصيدة شحال نحبها من يدين امي لعزيزة راني متوحشتها عندي شحال ماكليتهاش حنا نديروها كيما قلتي في طاجين فخاروفي النهاية نسقيوها بالعسل مدابة فيه الزبدة ونتلمو عليه قاع العائلة ناكلو من هاداك الطاجين ومانقولكش شحال بنين واللمة تزيدلو البنة بصحتكم

[- بصمة خير -]

شششكرا كنت نحوس على الوصفة


بصحتك

ربي يوفق و صلوا على الرسول افضل الصلاة و السلام