ادخلوا واختار من اطباق السيدة صليحة

[نبيلة المهبولة]

1- بوزلوف وطريقة طهيه
2-الكبدة + الطيحان
3-كعك العيد الخطير
4-ليسابلي ( قاطوا نتاع المعجون )
5-معجون الليمون
6-معجون البرتقال
7-جراك العريان
8-الغريبية
9- حساء
10-معجون سفرجلهليلات
11- هليلان بنوات كوكو
12- شفلور
13-طريقة تحظير تليتلي
14-خبز للحساء
15-ديسار
16- ليميني بيتزا
17-معجون الجزر والبرتقال
18-تحلية
19-الرشتةة
20-شاربات الليمون
اخوتي الكريمات كل من جربوا وصفات السيدة صليحة نجحوا فيها وبامتياز
اذا اردتم اي وصفة من هذه الوصفات راني نمدهالك وبالتفصيل الممل وصراحة وصفاتها اقتصادية وسهلة وبسيطة
اطلبوها وانا سوف اضعها ان شاء الله وجربوا ولن تندموا

[miri_27]

شكراااااااااااااااااااااا عزيزتي انا كذلك من متتبعات السيدة صليحة ربي يخليها و يخليك حنونة

[الصوامعية]

1- بوزلوف وطريقة طهيه
2-الكبدة + الطيحان
3-كعك العيد الخطير
4-ليسابلي ( قاطوا نتاع المعجون )
5-معجون الليمون
6-معجون البرتقال
7-جراك العريان
8-الغريبية
9- حساء
10-معجون سفرجلهليلات
11- هليلان بنوات كوكو
12- شفلور
13-طريقة تحظير تليتلي
14-خبز للحساء
15-ديسار
16- ليميني بيتزا
17-معجون الجزر والبرتقال
18-تحلية
19-الرشتةة
20-شاربات الليمون
اخوتي الكريمات كل من جربوا وصفات السيدة صليحة نجحوا فيها وبامتياز
اذا اردتم اي وصفة من هذه الوصفات راني نمدهالك وبالتفصيل الممل وصراحة وصفاتها اقتصادية وسهلة وبسيطة
اطلبوها وانا سوف اضعها ان شاء الله وجربوا ولن تندموا


هذي غيبة مراكيش كامل تباني على سلامتك
ما شاء الله يا نبيلة المهبولة راكي موسوعة أنا ايضا أملك كل هذه الوصفات كل مرة نجرب وحدة حتى نكملهم

[islam1aya]

شكون السيدة صليحة عرفيني بها احتي نبيلة

اذا امكن وصفة الشاربات والتحلية من فضلك اختي

[fatima zohraa]

السلام عليكم ادا ممكن وصفات dessert

[imi122009]

السلام عليكم ادا ممكن وصفات

[samia_87]

صباح الخير ممكن وصفة الهللات بنوا دكوكو شكرا

[الصوامعية]

شكون السيدة صليحة عرفيني بها احتي نبيلة

اذا امكن وصفة الشاربات والتحلية من فضلك اختي

أختي islam1aya السيدة صليحة هي مقدمة برنامج للطبخ في إذاعة عين الدفلى يومي الإثنين والجمعة على الساعة 09 صباحا


http://im9.gulfup.com/2012-02-05/1328429754492.jpg (http://www.gulfup.com/show/X461y4nzy7e)

[linat]

بارك الله فيك -تحلية

[نبيلة المهبولة]

COLOR="Magenta"]1- البوزلوف [/COLOR]
طريقة الغليان :
*مرحلة 1: نضع البوزلوف مقطع الى اطراف في قدر فيه ماء مغلي يغلي لمدة 15 د وبعدها نصفوه
وبعدها نضع طنجرة فيها
كاس خل
2حبات قارص
كمشة حبوب القصبر
كمشة حبوب فلفل الاسود
كمشة سكنجبيل اخضر او يابس
حبة بصل كبيرة نكروشو فيها عيدان قرنفل
رند عراف
سنينات ثوم
ملح
وبعدها نديروا كامل الزلوف يغلي مع هذه المقاديرحتى نشوفوا لي طاب ونصفوه ونحتفظ بالمرق .*ترقيدة الزلوف
نضع في صحن غامق نعصر فيه حبة ليمون ونسكرفجوا قشوره +مغرف زيت + راس ثوم مسكرفج + قصبر مقطع+معدنوس + ملح + فلفل اسود+ كمون + سكنجبيل + مغرف قصبر مطحون + مغرف خردل
هذا الخليط نخلطوه كامل مع بعض نتحصلوا على خليط نضع فيه كامل الزلوف ونتبلوه مليح
بعدها اذا اردت سيدتي انك طيبيه او تخبيه في الثلاجة خبيه وهو متبل .

[نبيلة المهبولة]

طريقة طهي البوزلوف
طريقة1 نضع لذلك الزلوف المرقد شوي زبدة + شوي خردل وندهنوه مليح ومبعد ندخلوه للفرن يتحمر .
مرحلة 2 طاجين زلوف
المقادير: مغرف سمن وزبدة
حبة بصل
4 سنينات ثوم
رطل طماطم طايبة مليح مسكرفجة
2 مغارف كبار طماطم مصبرة
ملح
فلفل اكحل وفلفل عكري
نضع كامل المقادير مع بعض ونقلوهم مليح بعدها زلوف مرقد ونفصو للنار والا حبيتي زيدي شوي ماء وكي تعقد نضع فوقها حبيبات الزيتون ونخلوه يغلي لمدة 10 د ونطفوه او نضعه في الفرن ونديروا فوقه فرماج رابي طريقة3 نسكرفجوا بصل وثوم +شوي زبدة وزيت ونقلوه مليح ونضع طماطم مصبرة و شوي حمص و كاس ماء و لما يغلي نضع زلوف مرقد ونقصولوا نار ونخلوه يتجمر .

[نبيلة المهبولة]

الكبدة والطيحان
الترقيدة
للشوي او للقلي نضع في صحن غامق نعصر فيه حبة ليمون ونسكرفجوا قشوره +مغرف زيت + راس ثوم مسكرفج + قصبر مقطع+معدنوس + ملح + فلفل اسود+ كمون + سكنجبيل + مغرف قصبر مطحون + مغرف خردل
هذا الخليط نخلطوه كامل مع بعض نتحصلوا على خليط نضع فيه كامل الكبدة او طيحان ونتبلوه مليح
بعدها اذا اردت سيدتي انك طيبيه او تخبيه في الثلاجة خبيه وهو متبل .
وبعدها اقليها او شوي كبدة
الطيحان نوجدولوا الحشو
نضع زيتون اخضر مقطع دوائر
وشوي كبدة مقطعة قطع صغيرة
شوي قصبر ومعدنوس
سنينات ثوم +ملح + فلفل اسود +مغرف كمون
شوي بصل وسكنجبيل
ونضعه في جيب الطيحان ونخيطوه كيما العصبان وندخلوه في الفرن وندهنوه مليح بالزبدة ونغلفوهكامل طيحان بالخردل و نغطوه بالالمنيوم وندخلوه للفرن يتحمر
ولا محبيتيش دخليه للفرن ضعيه في كوكوت ديري فيها شوي سمن وشوي بصل مسكرفج وحبة طماطم وورقات رند ومرقيه ومبعد حطي الطيحان وملح وفلفل اسو وطهيه
.

[نبيلة المهبولة]

ليسابلي [/b
[b]المقادير: 500 غ مقارين طرية
5 صفار بيض
كاس سكر رطب
كاس مايزينة
2 خمارة
4 مغارف لحظة
لفاني
وفرينة نلموا بيها العجينة
نضع في جفنة ونخلطوا كامل المقادير مع بعض لنتحصل على عجينة طرية ونشكلوها كيما ليسابلي وديكوريها كيما تحبي سيدتي

[نبيلة المهبولة]

ديسار:
1ل حليب
7 مغارف كبار سكر
عطر الشكولا
2 مغارف كاكاو
3 مغارف مايزينة
نقسموا 1 ل حليب على نصفين
نصف لتر حليب نضع فيه سكر ونخلطو مليح
ونصف ثاني نضع فيه 2 مغارف كبار كاكاو و 3 مغارف كبار مايزينة
ونحلوهم مليح في الحليب ومبعد نصفوه من هديك الحبيبات غير منحلة
وبعدها نخلطوا نصف لتر الحليب مع السكر ونصف لتر الذي خلطناه مع كاكاو ونديروهم فوق النار ونبداو نحركوا حتى نشوفوه بدا يثقل يبدا كيما لكرام ونطفو عليه نار ونديرولو عطر شكولا ونحركو
ومبعد نديروهم في مول ونخلوها تبرد في ثلاجة مليح .

[بسمة العمر]

شكرا اختي ارجو مواصلة باقي الوصفات . ارجو تفسيرا ......هل البوزلوف المرقد نعمل به المرقد او كل واحد وحده

[ALOULLA1]

ربي يخليكم اخواتي و الله شهيتوني حطولنا وصفاتها ربي يخليكم

[سليم66]

طلب الى السيدة ام رامي اريد كيفية تحضر بالبرغل ولك جزيل الشكر

[dqloulou]

صحيتي اختي اريد le mimni pizza انا ثان من الخميس بصح نخدم منقدرش نسمع السيدة صليحة اذا تقدري اكتبينا باقي الاطباق merci

[كريمة كوكة]

شكرا اختي ممكن طريفة المعجون البرتقال و الليمون و تحضير شيربات الليمون مشكورة مسبقا

[ام يمينة]

مشكورة اختي سمعتها وعجبتي كثير السيدة صليحة
رائعة في التقديم صح مع وصفاتها كثير اقتصادية
ان شاء الله الاخوات يزودونا بوصفاتها ليستفيد الكل

[aicha3357]

Ida momkin wasafatha