في الجزائر بدراهمك وماكش عايش

[thorpe]

السلام عليكم


مسا الخير


اليوم يا اخواني احببت النقاش في امر جد مهم


كالعادة احب ان آتي من الواقع الجزائري المرير


ذات مرة ذهبت لشراء بعض الخضر والفواكه ولما وصلت الى احد الاسواق السوداء الصغيرة اتجهت الى احد الباعة

سلام عليكم
اعطني كيلو من هذا وكيلو من ذاك


طبعا السلعة الموجودة او المعروضة كانت سلعة جذابة
لكن ما وضع في كفة الميزان كان امر اخر

قلت له توقف

قال لي لماذا وبنبرة حادة :mad:

قلت له يا خويا ديرلي من هذا فهذا الذي جذبني

قالي في طعام ربي وتخيروا ياو كامل كيف كيف

قلت له ايه مالا كي عادو كيف كيف انا حاب هذا

اتعرفون كيف كانت ردة فعله ؟؟

رمى كفة الميزان وقال لي ما نبيعش



ماعليش


ذات مرة ايضا توجهت لاحد الاسواق لاقتني بعض الفاكهة
وحين وصلت للخضار راى اني احمل كيس فيه طماطم

قلت له اعطني كيلو من التفاح

قال لي ماكانش

احترت والله

قلت له هاهو التفاح (( بما انه كان رجل كبير في السن )) قلت بالاك راه ما تولهش

قال لي لا يوجد روح

حينها احترت ومددت يدي الى صندوق التفاح لؤريه له :D

اتعرفون كيف كانت ردة فعله ؟؟؟


قسما بالله هز حديدة وجا يجري موراي

هههه الحمد لله الي قدرت نجري ما فهمت والو

بعدها عرفت انه شعر بالغيض لاني لم اشتري الطماطم من عنده


المهم اخواني
تتعدد الاسباب والمواقف لكن العقلية نفسها :D


الطاكسيور يشنف ويشرط ويهز المواطن وقت ما يحب

في الحافلة يقعد بيك ساعة ما يهموش وكون تريكلامي يقولك احكم طاكسي

في المقهى يخزر فيك لانك تجي تشرب قهوة غير كي يكونو المباريات تاع البارصا (( يشفا على الناس يا بو قلب ))

ووووووو
الكثير من هاته المواقف



وهنا احب ان اقول لمن قالو لي ان هذا الوقت بدراهمك تعيش

اقول لهم
لا
والف لا

في الجزائر بدراهمك وماكش عايش


ربي يهدينا

جازاكم الله كل خير
اخوكم حسين thorpe

:1::1::1::1:

[السَّحابة البيضاءْ]

احيانا نحس بلي جزائريتي تنحصر في بطاقة التعريف الوطنية فقط

[دكتورة ان شاء الله]

بسم الله الرحمن الرحيم
السلام عليكم
قريت الموضوع نتاعك و مالقيت مانقول
الله يهيدينا ويهدي جميع المسلمين

[madjid H]

هههه غريب و الله
حتى انت يا حوحو راك كارثة بالاك راك تتمسخر بالخظارة عادو يكرهوك

[thorpe]

احيانا نحس بلي جزائريتي تنحصر في بطاقة التعريف الوطنية فقط

السلام عليكم

اهلا بيك اخي ضوء الخيال

فعلا اخي احيانا تحس انك غريب حتى بين اهلك
والله امر جد محزن ان لا تشعر بالامان مع بني جلدتك ووطنك
جازاك الله كل خير وبارك الله فيك
:1::1::1::1::1:

[thorpe]

بسم الله الرحمن الرحيم
السلام عليكم
قريت الموضوع نتاعك و مالقيت مانقول
الله يهيدينا ويهدي جميع المسلمين

وعليكم السلام
اهلا بيك اختي دكتورة ان شاء الله
وانا اقول بروفيسورة ان شاء الله
:1::1:
وهذا ما نقوله جميعا
ربي يهدينا
حكومة غريبة وشعب اغرب
:1::1::1::1::1:

[thorpe]

هههه غريب و الله
حتى انت يا حوحو راك كارثة بالاك راك تتمسخر بالخظارة عادو يكرهوك

السلام عليكم

اهلا بيك اخي مجيد

ممكن يا اخي لكن حتى لو كان يكرهني هاؤلاء فهل يكرهون كل الشعب
ههه اشك انهم كارهون لانفسهم كذالك
جازاك الله كل خير
شرفني تواجدك
:1::1::1::1::1:

[BAROUD]

في هد البلاد ياحسين

http://a8.sphotos.ak.fbcdn.net/hphotos-ak-ash4/431314_360157570662733_193805820631243_1434447_101 9747151_n.jpg

هكدا خير

[thorpe]

في هد البلاد ياحسين

http://a8.sphotos.ak.fbcdn.net/hphotos-ak-ash4/431314_360157570662733_193805820631243_1434447_101 9747151_n.jpg

هكدا خير

السلام عليكم

ههههه اضحك الله سنك اخي بارود
هههه ربي يحفظك

وي خويا والله صدقت

ربي يعيشك منين جبت الصورة هاذيك ؟ هههه انت تاع هدات صح هه
:1::1::1::1::1:

[جسور المحبة]

اهلا باخي حسين
والله عندك حق انا كنت نظن انو غير المتسول لي يشنفو عليع بصح ظهر حتى لي بدراهمو ويتقلشو تغيضني هذي المواقف لما نسمع بيها لاني الحمد لله مزال ما صرات ليش بصح لو صرات والله يولي فيها ضرب الطابلة ومكانش السكات والصاع بصاعين والله يظهر لي العقليات هذي عندنا غير في الدزاير
الله يهدي ما خلق

[محمد جديدي التبسي]

بارك الله فيك أخي حسين على الموضوع الرائع كالعادة

أرى أن المشكلة تكمن في العقليات المتحجرة والغريبة فأمثال هؤلاء موجودين بكثرة عندنا

والله ساعات تركب مع طاكسيور ولا تشري من عند واحد وتندم تلقاه مشنف ومكشر تقول داير فيك مزية ... الله يهدينا ويصلحنا

حتى لو تضحك معاه وتبتسم والو تقول تحكي مع حجر ... الله المستعان

أرى أنهم مشكلة تاع تربية وعقلية متحجرة

بارك الله فيك عالموضوع أخي حسين

[رابحي نـائل]

وعليكم السلام
مرحبا بأخي الحسين
فعلا ظاهرة مقززة عند البعض بدراهمك وماتسلكش
يفرض عليك السيئ من السلع ويحتكر الباقي لزبائنه
هذه الظاهرة لا توجد عندنا نهائيا ن وإن وجدت لا محالة تكبر ويشتد فيها الكلام والعراك
لكن لن أتفق معك في عنوان الموضوع ..في هذا الزمن الدراهم مبدأ مهم في حياة البعض
شكرا لك
http://www12.0zz0.com/2012/02/04/09/430235671.jpg

[thorpe]

اهلا باخي حسين
والله عندك حق انا كنت نظن انو غير المتسول لي يشنفو عليع بصح ظهر حتى لي بدراهمو ويتقلشو تغيضني هذي المواقف لما نسمع بيها لاني الحمد لله مزال ما صرات ليش بصح لو صرات والله يولي فيها ضرب الطابلة ومكانش السكات والصاع بصاعين والله يظهر لي العقليات هذي عندنا غير في الدزاير
الله يهدي ما خلق

السلام عليكم
اهلا بالاخت الطيبة جسوووووووووور
نتمنى يكون المزاج تعدل وما بقاش كيما خليتك البارح ؟
:1::1:
يا اختي كثير من الناس يعتقد انه يعمل بالمزية
الي يبيع يشوف في نفسو راه سيد على الشاري
والشوفير يشوف في روحو راه سيد على الراكب
تقلبت الدنيا
في اوروبا ناس مثقفين
باش يسوق منتوج يكون متعلم
قاري تسويق
مربي
ويخدم المواطن
احنا هنا تروح تشري يبيعلك وش يحب هو وتسكت
ربي يجيب الخير
وميرسي عليك
:1::1::1::1:

[thorpe]

بارك الله فيك أخي حسين على الموضوع الرائع كالعادة

أرى أن المشكلة تكمن في العقليات المتحجرة والغريبة فأمثال هؤلاء موجودين بكثرة عندنا

والله ساعات تركب مع طاكسيور ولا تشري من عند واحد وتندم تلقاه مشنف ومكشر تقول داير فيك مزية ... الله يهدينا ويصلحنا

حتى لو تضحك معاه وتبتسم والو تقول تحكي مع حجر ... الله المستعان

أرى أنهم مشكلة تاع تربية وعقلية متحجرة

بارك الله فيك عالموضوع أخي حسين


السلام عليكم
اهلا بالاخ الغالي على قلبي محمد
نتمنى تكون بخير وتعدل مزاجك انت كذالك
:1::1::1:
فعلا والله يا خويا
اصبحنا نرى انفسنا خدم لذى الباعة
نورمالمو هو الي يخدمك رجعت انت الي تخدمو
هو يشوفها هاكض
كلي راه داير مزية فالشعب
كلي راه يدير فيها بلاش؟
وهو كون ما يركبوش معاه الناس يعرف قيمة الشعب

ياو هنا تعقدت
تعرف خويا
2 دكاكين قدام بعضهم
هذا يعس في هذا
وليت ما نشري منهم ونروح بعيد
مرة واحد قالي علاش تشري من عند الاخر
كي شافني جايب الخبز
قلتلو علاش عندك خبز ؟
هههه بيناتنا الخبز كان قدامي
من بعد قالي هاهو واش ما شفتوش
قلتلو يا عمي علاش هذا خبز تاعك ؟؟ حاشا طعام ربي
وريتلو الخبز الي جبتو كان سخون
ههه سكت
:1::1::1::1::1:

[مشكاة الهدى]

السلام عليكم


عندك حق خويا حسين
والله كلامك صح
الواحد قريب يعود يشري راحتو في دارو بالدراهم
ربي يهدي ما خلق

[بنت الباهية]

اللهم صلي على محمد و على آل محمد كما صليت على إبراهيم و على آل إبراهيم في العالمين إنك حميد مجيد و بارك على محمد و على آل محمد كما باركت على إبراهيم و على آل إبراهيم في العالمين إنك حميد مجيد
صلوا على رسول الله

[thorpe]

وعليكم السلام
مرحبا بأخي الحسين
فعلا ظاهرة مقززة عند البعض بدراهمك وماتسلكش
يفرض عليك السيئ من السلع ويحتكر الباقي لزبائنه
هذه الظاهرة لا توجد عندنا نهائيا ن وإن وجدت لا محالة تكبر ويشتد فيها الكلام والعراك
لكن لن أتفق معك في عنوان الموضوع ..في هذا الزمن الدراهم مبدأ مهم في حياة البعض
شكرا لك
http://www12.0zz0.com/2012/02/04/09/430235671.jpg


السلام عليكم

اهلا باخي الحبيب رابحي
والله يا اخي ليست فقط مقززة بل انها منرفزة وتثير الاشمئزاز والغيض والغضب
ثقافة هاؤلاء ومعتقدهم ان المواطن وجب عليه ان يشتري منهم
نورمالمو يديرو في بالهم بلي هم في خدمة المواطن
وتقدر تشارع انسان رفض يخدمك ويبيعك منتج
لكن اين المثقفون ؟
الجهلة احتكرو السوق
ربي يجيب الخير

اما بخصوص عنوان الموضوع يا خويا ارى انه صحيح
وكلامك ايضا صحيح
لكن الدراهم بلا ثقافة ما عندهم حتى مفعول ولا بنة
جوزيت كل خير
:1::1::1::1::1::1:

[thorpe]

السلام عليكم

لا والله يا غالية جزائريتي اكبر من تلك البطاقة الخضراء
واافتخر بها رغما عنهم
لن يتمكن هؤلاء السماسرة او غيرهم من تجريدي من وطنيتي
محال

وعليكم السلام
:19::19::19::19::19:
احييييييييييييييك على هاته النزعة الوطنية

ليس بغريب على بنت الاوراس


بارك الله فيك
ومن يتجرا على محاولة تجريدنا من وطنيتنا
سنبرحه ضربا بكرات الثلج هههه
https://fbcdn-sphotos-a.akamaihd.net/hphotos-ak-ash4/425918_2331414863989_1808292278_1480269_1043943488 _n.jpg

خوك هنا قناص ههه
اشكون حاب يدي الخبط ؟
:1::1::1::1::1:

[thorpe]

السلام عليكم


عندك حق خويا حسين
والله كلامك صح
الواحد قريب يعود يشري راحتو في دارو بالدراهم
ربي يهدي ما خلق


وعليكم السلام
اهلا بيك اختي زينووووووووووووووووبة الطيووووووووبة
:1::1:
ايه انا ديما عندي الحق والي يقول غير هذا ما تفراش هه
فعلا اختي والله ولينا نشريو العافية لا المنتج

كرهنا من دفع البلا

الثورة لن تكون ضد النظام فقط في الجزائر انما ضد النظام والشعب هههه لكن من يقوم بها ؟؟؟ هه
جوزيت كل خير
:1::1::1::1::1:

[thorpe]

اللهم صلي على محمد و على آل محمد كما صليت على إبراهيم و على آل إبراهيم في العالمين إنك حميد مجيد و بارك على محمد و على آل محمد كما باركت على إبراهيم و على آل إبراهيم في العالمين إنك حميد مجيد
صلوا على رسول الله

عليه الصلاة والسلام

جازاك الله كل خير اختي بنت الباهية

:1::1::1::1::1::1:

["تسنيم"]

:mad:ارى أن المشكل الاساسي هو افتقادنا لثقافة التجارة

لو كان جاو صح تجار لو كان داروا تكوين في التعاملات التجارية قبل الولوج في هدا النشاط ههه



التجارة = كسب الزبون قبل كسب المال و لكن عند الناس الفاهمين برك

[رغد احسان]

كل شيء صار يمشي بالعكس اخي .
الله يجيب الستر
مشكور على الموضوع القيم

[ز م أمين]

ههه موضوع جميل
عندما أجد الحل ساخبرك

[مجنونة لاسباب عصرية]

ya khouya intik rak f dzayer w bla had l7waij tmsat wla nn ?? lool

[حمزة ملياني 121]

مانهدرش اسكت ماعندك واش ادير مع هذه الناس راها الناس ماعلباليش واش صرالها .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ. هم يضحك هاهاهاهاهاهاها

[thorpe]

:mad:ارى أن المشكل الاساسي هو افتقادنا لثقافة التجارة

لو كان جاو صح تجار لو كان داروا تكوين في التعاملات التجارية قبل الولوج في هدا النشاط ههه



التجارة = كسب الزبون قبل كسب المال و لكن عند الناس الفاهمين برك

السلام عليكم

اهلا بيك اختي نور
والله يعطيك الصحة
التتجارة كسب للزبون يعطيك الصحة كلام صواب
اما بخصوص التكوين خلي عند ربي
تقول تكونو في السجون وخرجو للاسواق والمجتمع
الروسوفار ماهو روسوفار والشوفار ماهو شوفار والبائع ماهو بائع
كلهم محاربون مستعدون للمشاكل
ربي يستر
جوزيت كل خير
:1::1::1::1:

[thorpe]

كل شيء صار يمشي بالعكس اخي .
الله يجيب الستر
مشكور على الموضوع القيم

كل شيء صار يمشي بالعكس اخي .
الله يجيب الستر
مشكور على الموضوع القيم


السلام عليكم
اهلا وسهلا بالاخت الجيدوكة
ههه علابالي بلي تجي لانو امر يستحق الجودو هه
فعلا اختي كل شيء بالمقلوب لكن الى متى ومن هو المسؤول وكيف نعالج هاته القضية المتجذرة ؟؟؟
اسئلة كثيرة تطرح
جوزيت كل خير
:1::1::1::1:

[عطر الملكة]

السلام عليكم
اخي حسين
اغلب تجارنا هم يمارسون التجارة عن جهل و بعشوائية مثل ما هو كل شيء في حياة الجزائريين عشوائي المهم لا علينا
:1::1::1::1::1::1:
التجارة تعتمد اساسا على اسلوب المعاملة و جلب الزبون هناك من يجبرك على شراء سلع لم تكن اساسا تفكر في شرائها بالمعاملة و اللسان الحلو
و قد حدث معي كثيرا هذ الامر
بينما الشخص الذي يتعامل باسلوب هذ التاجر الذي تكلمت عنه سيجد نفسه لوحده خاصة انه بائع خضار سيتعفن هو و خضاره لانه لن يجد من يشتري سلعته بسبب اسلوبه في التعامل
ثم يجب ان يدرك امثال هذ التاجر ان التجارة ارزاق و مكاتيب واش فيها اذا اشتريت الطماطم من عند ذاك و التفاح من عند هذا وين المشكل بالضبط
تجدهم محلات جنب بعض و كل واحد يجيه مكتوبه لحد عندو
تنقصنا ثقافة التعامل بشكل عام
و اكبر دليل على ذلك اننا بلد يتوفر على مؤهلات سياحية لا توجد في بلد آخر و مع ذلك ثقافة التعامل تنقصنا في التعامل مع بعضنا فما بالك مع السائح الذي يتطلب معاملة خاصة
بالمناسبة بني ميزاب يعتبرون الانجح تجاريا بسبب معاملتهم الجيدة و بسبب انك لما تدخل لمحلاتهم تجد ما تبحث عنه غالبا تربيتهم تجارية بكل المقاييس
اشكر ك على الموضوع المميز كالعادة

[thorpe]

ههه موضوع جميل
عندما أجد الحل ساخبرك

السلام عليكم
الاجمل مرورك الطيب اخي امين

نحن في انتظار عودتك
وجازاك الله خيرا
:1::1::1::1::1:

[thorpe]

ya khouya intik rak f dzayer w bla had l7waij tmsat wla nn ?? Lool

السلام عليكم

هههه ما نعرف احنا نجربو نحيوهم قدر المستاطع واذا سماطت نرجعوه
فما اسهل الفساد واش قالت الاخت ؟؟
:1::1::1::1::1:

[thorpe]

مانهدرش اسكت ماعندك واش ادير مع هذه الناس راها الناس ماعلباليش واش صرالها .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ. هم يضحك هاهاهاهاهاهاها

السلام عليكم
اهلا بيك خويا حمزة
ههه نسكتو ؟؟؟
علاش نسكتو يا ويا
سكتنا بما فيه الكفاية
خايف كون نكملو فالسكات يدخلونا للديار
راهم يصربو يا راجل ماشي يبيعو

ربي يجيب اخير
وربي يحفظك
:1::1::1::1::1:

[thorpe]

السلام عليكم
اخي حسين
اغلب تجارنا هم يمارسون التجارة عن جهل و بعشوائية مثل ما هو كل شيء في حياة الجزائريين عشوائي المهم لا علينا
:1::1::1::1::1::1:
التجارة تعتمد اساسا على اسلوب المعاملة و جلب الزبون هناك من يجبرك على شراء سلع لم تكن اساسا تفكر في شرائها بالمعاملة و اللسان الحلو
و قد حدث معي كثيرا هذ الامر
بينما الشخص الذي يتعامل باسلوب هذ التاجر الذي تكلمت عنه سيجد نفسه لوحده خاصة انه بائع خضار سيتعفن هو و خضاره لانه لن يجد من يشتري سلعته بسبب اسلوبه في التعامل
ثم يجب ان يدرك امثال هذ التاجر ان التجارة ارزاق و مكاتيب واش فيها اذا اشتريت الطماطم من عند ذاك و التفاح من عند هذا وين المشكل بالضبط
تجدهم محلات جنب بعض و كل واحد يجيه مكتوبه لحد عندو
تنقصنا ثقافة التعامل بشكل عام
و اكبر دليل على ذلك اننا بلد يتوفر على مؤهلات سياحية لا توجد في بلد آخر و مع ذلك ثقافة التعامل تنقصنا في التعامل مع بعضنا فما بالك مع السائح الذي يتطلب معاملة خاصة
بالمناسبة بني ميزاب يعتبرون الانجح تجاريا بسبب معاملتهم الجيدة و بسبب انك لما تدخل لمحلاتهم تجد ما تبحث عنه غالبا تربيتهم تجارية بكل المقاييس
اشكر ك على الموضوع المميز كالعادة

وعليكم السلااااااااااااام

يا اهلا وسهلا بعطر الملوووووووووووووكة

فعلا اختي كل ما تفضلت به هو عين الصواب
تنقصنا ثقافة المعاملة عامة
سواء كانت تجارة او خدمات
استغلال
سوء المعاملة
اقتناص الفرص
كلها امور بين المواطن واخيه
اين الحكومة هنا ؟
حاشاها الحكومة

الشعب ماهوش مربي مع بعضاه

خلي عند ربي

صدق رسول الله صلى الله عليه وسلم حين قال
كما تكونوا يولى عليكم

احنا ما نليقوش
ربي سلط علينا جينيرالات ما ليقوش كيفنا
جوزيت كل خير

:1::1::1::1::1:

[الوسيلة]

مــــآ عــآدت القضيـة قضيـة أموآل أخي حسيـــن ،انمـــآ هي قضيـــة أخلـآق وفقط،،
وتلـكـ الأخيـــرة أحسبـهآ انقرضت،،
وربي ان صــآحب الخـلق في هذآ الزمن نــآدر ندرة المطـر بالصحــــرآء وأكثــــر،،
مظـــآهر يندى لهــآ الجبين في طرقــآت وشـوآرع يجوبـهآ مسلمـون ،،
ومـــع هذآ ،لــآ زآل الأمــل قــآئمـــآ،،
سلآمي،،
على فكـــرة كلمــآت توقيــعكـ رآئعة أخي،،
وأخـــر سطـورهـآ أروع "يكفيني أنه يخرس عندمــآ يلمح قدمي"
امممم ( في حدود الأخلآق طبعــــآ...صح؟):)

[thorpe]

مــــآ عــآدت القضيـة قضيـة أموآل أخي حسيـــن ،انمـــآ هي قضيـــة أخلـآق وفقط،،
وتلـكـ الأخيـــرة أحسبـهآ انقرضت،،
وربي ان صــآحب الخـلق في هذآ الزمن نــآدر ندرة المطـر بالصحــــرآء وأكثــــر،،
مظـــآهر يندى لهــآ الجبين في طرقــآت وشـوآرع يجوبـهآ مسلمـون ،،
ومـــع هذآ ،لــآ زآل الأمــل قــآئمـــآ،،
سلآمي،،
على فكـــرة كلمــآت توقيــعكـ رآئعة أخي،،
وأخـــر سطـورهـآ أروع "يكفيني أنه يخرس عندمــآ يلمح قدمي"
امممم ( في حدود الأخلآق طبعــــآ...صح؟):)

السلام عليكم

اهلا بيك اختي الوسيلة

اولا نقولك مرحبا بييييييييك بعد غياب طال عن اخيمة ما طال
نتمنى ان يكون مانعك خير او انك اعتزلتي المشاركة في خيمتنا ؟؟
هه

فلا بخصوص قولك
الاخلاق غابت وقد انعكس ذالك سلبا على كل مظاهر الحياة

الحل الوحيد في رايي هو بناء جيل جديد وزرع بذرة الاخلاق والقيم فيه قبل كل شيء

جازاك الله كل خير واسعدني تواجدك
:1::1::1::1::1:

[الوسيلة]

وبيـك أهلآ أخي،،
طبعــــآ ذآكـ هو الحــل الوحيـد،لكن مالسبيل اليـه يـآ ترى ؟!!
عن الغيــآب،هي الدرآسة فقط،،دعـوآتكـ لآ تنسـآنــآ منهـــآ،،
سلآم

[zinotcha]

اخـــي حسين :

بدراهمك تعيش في الجزائر كيما تعيش في بلد اخـر

وااش صراالك يفسر كما يلي : ( ظهر على وجهك انك زوااالي كبقية الجزائريين) وانت افهم الباااقي !!!§

[thorpe]

وبيـك أهلآ أخي،،
طبعــــآ ذآكـ هو الحــل الوحيـد،لكن مالسبيل اليـه يـآ ترى ؟!!
عن الغيــآب،هي الدرآسة فقط،،دعـوآتكـ لآ تنسـآنــآ منهـــآ،،
سلآم

الله يحفظك اختي الوسيلة

ربي يسهلك في دراستك
والله كامل رانا معاها
انا كي نتفكرها نفشل
لكن ما باليد حيلة
جوزيت كل خير
:1::1::1::1:

[thorpe]

اخـــي حسين :

بدراهمك تعيش في الجزائر كيما تعيش في بلد اخـر

وااش صراالك يفسر كما يلي : ( ظهر على وجهك انك زوااالي كبقية الجزائريين) وانت افهم الباااقي !!!§

السلام عليكم
اهلا بيك خيتي زينوشة

اممممم ارى انك تخالفيني الراي

يا اختي انا نقولك بدراهمك تعيش في بلد تاعي
في اوروبا بدراهمك تلقى احسن خدمة

هنا حتى بدراهمك وتلقا الخدمة بالتشناف
طبعا ليس الكل انما الظاهرة متفشية في هذا الوسط
وخير دليل شوفي ردود الاخوة والاخوات
وهذا ان دل انما يدل على انها ليست منحصرة هنا فقط

ربي يحفظك وميرسي على المشاركة القيمة
لكن لم افهم قصدك في السطر الاخير؟؟؟
:1::1::1::1:

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
السلام عليكم
إيـــــــــه يا الحو


وآآش راح تدير هاذي هي لبلاد [ملاحظة من المستحيلات باش نقلبو الحالة ]

انا نقولك الصح نتفرج فقط

مرة ريكلاميت قلت للبياع راك تحطلي في الخامر في الصاشي !! قالي تبغي تشري هاهو ما تبغيش ربي يسهلك قتلو ربي يسهلي ورحت خليتو هههههه هادو هما لعرب واش راح تديرلهم لهيهفي اوروبا تدخل للحانوت يحطك فوق راسو ويزيد يحطلك السلعة المليحة
ماشي كيما هنا لبرا السلعة لمليحة وفي الداخل السلعة البايخة... لي في القلب راو في القلب

ربي يعيننا على هاذ لبلاد
ملاحظة : في الجزائر باه يستعرفو بيك لازم تدخلو للحانوت وانت بعين واحدة وزيد موشم وعندك موس

تقدر تقول كيما هكا وما نعرف

http://images.wikia.com/spongebob/ar/images/c/c4/Patchy_The_Pirate.jpg


هديك الساعة يحطك فوق راسو ولا عودش يبيعلك بالبلاش ما تدريش الخوف يضرط مخلوف ههههههههههههههه
|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

[soliel d'or]

يا ولا بلاد مي البلدان الكل هكا ??!!

....اه ربما احيانا يجبرنا الصمت على ان نصمت احسن من الكلام يعني هنا نصمت و نقول ربي يهدي.

+++----**لكن...جزائرية ربما و افتخر..--+++**--+++

[المعتصمة بدين الله]

و عليكم السلام....... و الله ضحكت لما قرات الموضوع..... ما عسانا نقول امام عقليات مثل هذه تحس انك من عالم و هم من عالم اخر .... و ربما:1:..... و لتفادي مثل هذه المشاكل عندما اشتري اغراض و سادخل لشراء ما نسيت اثناء الطريق لمحل اخر اتفادى الدخول سواء تدخل اختي و ابقى في الخارج و انا احمل الاغراض او احيانا اعود الى البيت و اعود لشراء ما يخصني و هذا كله لتفادي الاحراج الناجم عن الحساسية الزائدة لدى تجارنا الاعزاء..... و ربي يسترنا في هذي البلاد كيما دير ما تلقاش روحك