هل يمكن ان يذهب منصبي ؟؟ افيدوني لمن يعرف بالقوانين

[sissi123]

السلام عليكم

انا نجحت في مسابقة ما عيطولي ما بعثولي استدعاء فقط أخي راح سال قالولو ايه ربحت

من بعدها بيوم رحتلهم لانو كيفاش رابحة و ميعيطوليش ؟ المهم قلتلهم ربحت و جيت نسنيي قالك ماشي اليوم

ولي بعد 15 يوم ، و ليت فهاداك التاريخ لي قالولي عليه سنييت محضر التنصيب و لم يعطوني نسخة منه

و سأتلهم ماذا أكمل في الملف قالولي مازال ؟؟ و الله ما فهمت حبة وهادي تقريبا 17 يوم ملي سنييت

و لحد الآن ماعيطولي ما والو ماذا أفعل ؟؟

خصوصا انه وصلني خبر مؤكد انهم يريدون ادخال ابن شخصية نافذة مكاني و انا ماعندي حتى و رقة

تثبت بلي ربحت او سنييت هل يمكن أن يذهب منى المنصب ؟

[toufik316]

اتصل بالوظيف العمومي واخبريهم وهم يملكون محضر النتائج وسوف يتصلون بالادارة ولا تتهاوني واتمنى لك التوفيق.

[مريومة2011]

اختي قفزي على روحك وكيما قال اخي اتصلي بالوظيف العمومي .كيفاش مكملتيش الملف راكي راقدة بزاف.المهم اختي ربي يسهلك

[sissi123]

بصح كلما نمشيلهم يقلك مازال هادي 3 خطرات وانا ماشي جاية

[صابرينة 2012]

كل شيء ممكن في بلادنا شوفي كاش معريفة .

[mizouhamza]

بصح كلما نمشيلهم يقلك مازال هادي 3 خطرات وانا ماشي جاية
أختي روحي الى مديرية الوظيف العمومي تجدينها في مقر الولاية بتوفيق ان شاء الله

[toufik316]

اتصلي بالوظيف العمومي

[tarek1981]

كيما قالولك الجماعة غير اقفزي على روحك روحي للوظيف العمومي و تبعي بالشوية حتى تبداي

[fayter]

السلام عليكم

انا نجحت في مسابقة ما عيطولي ما بعثولي استدعاء فقط أخي راح سال قالولو ايه ربحت

من بعدها بيوم رحتلهم لانو كيفاش رابحة و ميعيطوليش ؟ المهم قلتلهم ربحت و جيت نسنيي قالك ماشي اليوم

ولي بعد 15 يوم ، و ليت فهاداك التاريخ لي قالولي عليه سنييت محضر التنصيب و لم يعطوني نسخة منه

و سأتلهم ماذا أكمل في الملف قالولي مازال ؟؟ و الله ما فهمت حبة وهادي تقريبا 17 يوم ملي سنييت

و لحد الآن ماعيطولي ما والو ماذا أفعل ؟؟

خصوصا انه وصلني خبر مؤكد انهم يريدون ادخال ابن شخصية نافذة مكاني و انا ماعندي حتى و رقة

تثبت بلي ربحت او سنييت هل يمكن أن يذهب منى المنصب ؟
لا تقلقي مادام انك امضيتي محضر التنصيب فقط هدا اجراءروتيني بعد محضر التنصيب عادي لانو في اجراءات ادارية مع الوظيف العمومي وهده الفترة حرجة لتسوية كل الوضعيات فكل ادارة وطريقة توظيفها المهم ماعليك سوى ان تحضري نسخة من محضر التنصيب وهدا حقك فقط كي يرتاح بالك لانهم لا يستطيعون توظيف شخص اخر مكانك مدام انك امضيتي وحضرتيفي المدة التي لم تتجاوز الشهر بعد اعلان النتائج كدلك عليهم ابلاغك في حالة عدم التحاقك بالمؤسسة في المؤسسة المعنية بالوقت المناسب فلا تقلقي الاجراء عادى في الادارة الجزائرية

[freeman2008]

أختي رانا في بلاد القومية و الحركى و ما عليك غير تقفزي ، و أنا لكان تاخذي برايي اشري 5 لتر انتاع بنزين و شمخي روحك و قولي ليلهم اذا ما حضرش الوالي و دخل لمدير المؤسسة لراكي قمتي بالامضاء فيها على محضر التنصيب راني رايحة نحرق روحي ، هكذا ربما الوالي و المدير ايخافوا على مناصبهم لا خاطر راها جاتهم تعليمة بلي الجزائري ( لي ما عندوش قيمة في بلاد الحقرة ) اذا حرق روحوا و دار كما بوعزيز انتاع تونس رايح مسؤولي هذه المؤسسة والوالي ايخلصوها غالية ، اختي الله ايعيش انوحس ثورة في الجزائر نقلبوها اعلى هذون الكلاب بصح انوصيك بعدي النار على جسمك الله ايخليك و كما قال المثل ( الخلعة للذيب خير من شي اجنابوا )
الله غالب أختي الفاضلة رانا في عصر الحركى لراهم شدوا البلاد

[ouk_nasser]

بما أنك امضيتي على محضر التنصيب ان شاء الله يكون خير مي كيما قالوا الجماعة روحي للوظيف العمومي هو لي يفريهالك ولا روحي للمراقب المالي هو ذاني يعقبوا عليه محاضر التنصيب ان شاء الله ايكون فيها خير

[zahra rimal]

اولا مبروك عليك النجاح و انشاء الله مايكون غير الخير انا وقع معي نفس الموقف امضيت محضر تنصيب و لم يعطوني نسخة إلا بعدما تأشر قرار التعين لدى الوظيف العمومي و حسب علمي انه في هذه الفترة يوجد ضغط عمل بزاف لدى الوظيف العمومي لأنهم يأشرو في هذه الفترة على قرارات إدماج الموظفين الخاصة بالبلديات ممكن هي مسألة وقت فقط

[sissi123]

شكرا على تفاعلكم مع الموضوع ان شاء الله نمشي للوظيف العمومي و نشوف ، ربي يجب الخير

[djo761]

لاحظت أن أغلب الردود تتحدث فقط عن الوظيف العمومي ..لماذا لا تذهب الى مركز الامتحان الذي أجرت فيه المسابقة و تسحب نسخة من محضر النجاح و أكيد اسمها موجود في هذا المحضر و من ثم تتجه الى الوظيف العمومي ...ربي يوفقك أختي.

[djo761]

أختي رانا في بلاد القومية و الحركى و ما عليك غير تقفزي ، و أنا لكان تاخذي برايي اشري 5 لتر انتاع بنزين و شمخي روحك و قولي ليلهم اذا ما حضرش الوالي و دخل لمدير المؤسسة لراكي قمتي بالامضاء فيها على محضر التنصيب راني رايحة نحرق روحي ، هكذا ربما الوالي و المدير ايخافوا على مناصبهم لا خاطر راها جاتهم تعليمة بلي الجزائري ( لي ما عندوش قيمة في بلاد الحقرة ) اذا حرق روحوا و دار كما بوعزيز انتاع تونس رايح مسؤولي هذه المؤسسة والوالي ايخلصوها غالية ، اختي الله ايعيش انوحس ثورة في الجزائر نقلبوها اعلى هذون الكلاب بصح انوصيك بعدي النار على جسمك الله ايخليك و كما قال المثل ( الخلعة للذيب خير من شي اجنابوا )
الله غالب أختي الفاضلة رانا في عصر الحركى لراهم شدوا البلاد

لماذا هذا اليأس ....فلنكن صناع حياة لا صناع موت ..و بالحياة نتصدى و ندافع عن حقوقنا و نتشبث بها و ما ضاع حق وراءه طالب.

[amine-maghnawi]

لاحظت أن أغلب الردود تتحدث فقط عن الوظيف العمومي ..لماذا لا تذهب الى مركز الامتحان الذي أجرت فيه المسابقة و تسحب نسخة من محضر النجاح و أكيد اسمها موجود في هذا المحضر و من ثم تتجه الى الوظيف العمومي ...ربي يوفقك أختي.

من تكون انت لتحصل على محضر النجاح و من مركز الامتحان الله يهديك و الله ما تديه

الحل هو ان الانسان لازم يعرف الاجراءات

كان من باب اولى انك تاخذي منحضر التنصيب ليس منطقيا امضاء المحضر و عدم الخصول على نسخة اصلية

------- هنا اللعبة ممكن اذا تعديتي المدة راخ يقولوك ارسلنالك اعذارات و لم تلتحقي اذا قررنا اخذ من يليك في القائمة

الحل : هو التوجه مباشرة الى المفتشية الولائية للوظيفة العمومية الموجود بمقر ولايتك

و الذخول عند المفتش العام و سرد التفاصيل و من انتم كلش شيئ سوف يعود لصالحك

هيا انطلقي

[djo761]

من تكون انت لتحصل على محضر النجاح و من مركز الامتحان الله يهديك و الله ما تديه

الحل هو ان الانسان لازم يعرف الاجراءات

كان من باب اولى انك تاخذي منحضر التنصيب ليس منطقيا امضاء المحضر و عدم الخصول على نسخة اصلية

------- هنا اللعبة ممكن اذا تعديتي المدة راخ يقولوك ارسلنالك اعذارات و لم تلتحقي اذا قررنا اخذ من يليك في القائمة

الحل : هو التوجه مباشرة الى المفتشية الولائية للوظيفة العمومية الموجود بمقر ولايتك

و الذخول عند المفتش العام و سرد التفاصيل و من انتم كلش شيئ سوف يعود لصالحك

هيا انطلقي

يا أخي أنا لا أتحدث من فراغ ...فمؤخرا و قعت نفس الحادثة تقريبا لاحد الاصدقاء فقد ترشح لاجراء مسابقة و نجح و كان ترتيبه الثاني و كان المنصب المقترح منصب واحد فقط , و لكن متصدر القائمة كان مقصى في أحد المواد بالرغم من حصوله على المعدل و تصدره القائمة مما يحيل المنصب اوتماتيكيا لصديقي و لما اتصل بالادارة المعنية رفضوا تعيينه فاتصل بمركز الامتحان و اكدوا له انه هو الناجح و بان متصدر القائمة مقصى و تأكد من الخبر لدى مديرية الوظيف العمومي .

[مينيفر]

اذهبالى الى الوظبف العموميواشرحه لهم حالتك هكذا فعلت زميتي لانهم يريدون نزع منصبك وكل يوم اذهب واستفسر عند الشركة

[KRIMO TIARET]

يا ختي ما تأمني في حتا شي، اجري على روحك و شوفي كاش واحد يعرفهم يروح يهدر معاهم قبل فوات الاوان..ربي معاك..سلام

[نور التفاؤل]

انا راني في 5 اشهر ملي عيطولي قالولي ربحتي لي راه محيرني بطاو بزاف ومعنديش دليل يثبت بلي نجحت حتى هاد المرة عيطولي باه نمدلهم بعض المعلومات ويبعثوهم الجزائر راني نستنى وخايفة الله يجيب الخير

[kimo43]

الله المستعان ، في اي ادارة نجحتي الأخت soumia mosta ، لأن أربعة أشهر وما اتصلوش بيك بزاااااااااف صراحة ؟؟ من المفروض يتصلو بيك مباشرة وتمضي محضر التنصيب وتبداي تخدمي على طول .

[نور التفاؤل]

rbaht f cpa wlah fawat fi juillet 2011 w3aytoli f septembre complitalhom dossier
wfi novembre galoli jibi pv d'instalation yathbat bali konti takhadmi préemploi
wfi janvier aytoli galoli 3amri wahd les imprimer
mazel mamditch mahdar tansib
min nroh modir f mohammadia ygoli ma3labalich wmin nroh direction oran ygoli mazel
l3am fatli ril hak mafawat les concours mawalo tma3t fhad poste

dsl tawalt bazef falhadra rani m3amra

[winhouse]

moi aussi le meme probléme et presque pire que vous

[winhouse]

moi je suis dans la liste aditive et j'attend toujours k'on m'appele

[fayter]

rbaht f cpa wlah fawat fi juillet 2011 w3aytoli f septembre complitalhom dossier
wfi novembre galoli jibi pv d'instalation yathbat bali konti takhadmi préemploi
wfi janvier aytoli galoli 3amri wahd les imprimer
mazel mamditch mahdar tansib
min nroh modir f mohammadia ygoli ma3labalich wmin nroh direction oran ygoli mazel
l3am fatli ril hak mafawat les concours mawalo tma3t fhad poste

dsl tawalt bazef falhadra rani m3amra
لي اخ حصل معه نفس الموقف من سنة 2004 وفي نفس القطاع اتعرفون مادا وجد ان المنصب وهمي اي لايوجد منصب مالي لكنه احتفظ بكل الوتائق الاعلان بالجريدة ونسخة من مقرر النجاح وبعد مرور 7 سنوات وبعد ان تحسن وضعه المالي واصبح مرسم في منصب اخر رفع دعوى قضائية خسرها في الاول تم استانف وربحها واخد المنصب الدى نجح فيه سنة2004 يعني لازم تعرفو قوانين التوظيف كي لاتهدر الحقوق ومن ضمنها الالتحاق بالمنصب بعد النجاح في مدة اقصاها شهر والا فهناك شئ يتير الريبة فهناك ادارات تقوم بالاعلان عن المناصب الغير موجودة فعليا بل متوقعة والتى تاتي فيما بعد في مارس او افريل يعني هم لاينتظرون وصول المناصب ولكن يوجد ادارات تعلن عن المناصب المالية المتوقعة واظن هدا ما حصل معكم وللاسف لا اظن انه قد جاءهم المنصب المالي المتوقع لدلك لم يستكملو التوظيف

[kimo43]

rbaht f cpa wlah fawat fi juillet 2011 w3aytoli f septembre complitalhom dossier
wfi novembre galoli jibi pv d'instalation yathbat bali konti takhadmi préemploi
wfi janvier aytoli galoli 3amri wahd les imprimer
mazel mamditch mahdar tansib
min nroh modir f mohammadia ygoli ma3labalich wmin nroh direction oran ygoli mazel
l3am fatli ril hak mafawat les concours mawalo tma3t fhad poste

dsl tawalt bazef falhadra rani m3amra

والله يا أختي نتمنالك تتثبتي في منصبك في اقرب وقت ان شاء الله ، في الحقيقة اجراءات التوظيف في القطاع الخاص أو الاقتصادي بالأحرى تختلف عنها في قطاع الوظيفة العمومية ، لأنه في هذه الأخيرة أقصى أجل لامضاء محضر التنصيب هو شهر واحد من تاريخ اعلان النتائج ، اما خارج قطاع الوظيف العمومي فالأمور ممكن تكون مختلفة وأنا حقيقة لست على دراية بما يجري هناك ، لذلك لازم تشوفي مع أهل الاختصاص ممكن يفهموك مليح وبالتوفيق لك عزيزتي

[بنت الأمجاد]

السلام عليكم
أختي أول شيئ أمضيت محضر التنصيب وفترة الإنتظار هذه عادة ما تحصل عادي مع الإجراءات الإدارية
لكن إذا راودك الشك اتصلي مؤكد بالمديرية الوظيف العمومي

إذا كان هنك تلاعب فالوظيف العمومي ما معاهش اللعب
إلا عندك حق فالمنصب واحد ماراح يديهولك ......فقط روحي للمديرية تكلمي مباشرة مع المفتش في كل الأحوال ماخسرتي والو
والروحة مهيش تخوف ..مرهاش النازا ....راهم عباد كيما نتي ...ومهمتك تستفسري عن وضعيتك فقط

أرجو لك التوفيق