مشكلة 25

[مشكلتي]

السلام عليكم
اليوم قدمت الى هنا لاطرح مشكلتي التي ارجو ان تساندوني في ايجاد حل لها
صراحة مشكلة عموما تافهة نعم تافهة

مشكلتي انني لما انتقلت هذا العام الى الثانوية تعرفت على بنت ... البنت احبتني قبل ان اعرفها اصلا وتعلقت بي بصورة كبيرة جدا ...
انا مستغرب قليلا وراسي بمعنى اخر كان خشين يعني حبيت نسيي ما يعرف بالصداقة ...
كانو يخبروني انها حرام ... ولما اروح اقول لاخر انها حرام يقولي نعم حرام لان هناك من ينوي الشيء المؤذي او الممس بالكرامة
ولاكن حبك ونيتك صافية عادية نورمال ...
انغرست هذه الفكرة في بالي ...
قلت لها انني معجب بها و و و و
فزاد تعلقها ...
في يوم من الايام هداني الله فقررت ان ابتعد عليها
بالفعل اخبرتها ان الحب للزواج لا غير لذا فاعتذر منكي لانني ساهتم بدراستي ...
اغمي عليها وخرجت من فرض الرياضيات ...
انا خلعت بزاف ...
المهم بقيت في رأيي
من جهة اخرى لدي صديقي تحبه صديقتها (اوووف جرة ) والمشكلة انه كان حتى هو معجب باخرى ولم يعطها انتباهه ... مذا فعلت ؟ امسكت سكين وضربة يدها 4 ضربات الى ان وصلت الى المستشفى ... coma
بعد مدة رجعت نورمال وبدات ترتاح
نرجعو وين كنا ..
هذه العقلية ل البنت الي تحبني ايضا وخايف كشما دير في روحها ومنيش حاب نكون سبب
انا حبيت نرضي ربي . اوك نصلي وندير غير وش قال .
نرضي نفسي . ندير وش بغا ربي .
ونرضيها كيفاش؟ اعطوني الحل باش نرضيها ونقولها بلي تعافني انا صح حبيتها بصح خلاص حبي لربي لا غيره .بدون ما تدير في عمرها اي حاجة .
المشكلة هذه الايام اشدت مرضا وتعبا وشيانت ..
جاتني زميلتي قاتلي حرام عليك تعذب بنت الناس وتخليها تهمل قرايتها
اوك قتلها قوليلها بلي راه يحبك وميحبش يوقف معاك في الثانوية
خلي حبك بجهة وحبي ربي والمكتوب مخبي اسرارو ان شاء الله انتي ام ابنائي
اه زعما انا كبرت خليت قرايتي وناقصني نتزوج (افففففف كرهت حاب نغسل روحي ونصبح على اساس لا اعلم شيء )
البنت زاد حبها اكثر واكثر ولاكن المشكلة انا حاب نهنيها وترجع لقرايتها
من جهة (لانها يتيمة والمتفوقة في منزلهم ) ملازمش نكون سبب فشل احد ابناء آدم(لانني تفوقت عليها في المعدل بفاصل كبير والحمد لله ميش نفوخ بصح منيش حابها طيح
ومن اخرى انا علابالي بلي متاثرش في قلبي على قرايتي مادام راني كرهت الحوايج هذو يعني منحبهاش كيما بكري نورمال بنت صح مميزة بصح نورمال

اسمحولي طولت عليكم ...

اذا كان عندكم رأي او تجربة وتعرفو كيفاش الحل نتاعها قولولي .
مستعد ندير المستحيل باش نرضي ربي ونرضيها ونرضي نفسي ويرضاو عليا والديا

ومن جهة حاب قدري يبق الفوق عند الجميع

لعلمكم مكانش حاجة تأثر على قرايتي

زيدو قولولي وش رايكم فلي يقول لازم تجرب قبل المشية وتعرف عقلية البنات لانك ستكبر وتندم لانك لا تعرف هته الاشياء وتعود تتغدر بسرعة ومتقدرش تفهم الــ domain هذا (تسوفري)
واتمنى ان تشاركوني رأيكم في اقرب وقت .
بارك الله فيكم ,

[hmz.hmz1]

من يريد ان يعرف سبب العنوسة او تاخر الزواج فلاننا تقدمنا في سن العلاقات
الله يهدي

[ما وراء الطبيعة ؟؟؟؟]

ساهلة ماهلة..............

روح خطبها.................وزوجوا................

الصباح أحملا حقائب الدراسة معا....................

وأذهبا للثانوية ثم الجامعة..................وهكذا

...............................................

هههههههههههههههههههههههه

اللهم أني مغلوب فأنتصر

[loulou88]

الصراحة لم اكمل القراءة
اخي انصحك بدروسك

[loulou88]

والله انا راح نهبل من تفكير شبابنا و اطفالنا نعم واش يديكم لحاجة كبيرة عليكم
الله الله الله يهديكم

[ملك كوسوفي]

نوصيك خويا بلاك اتكمل هذي العلاقة.لخاطر انت ماراكش رايح تتاثر في دراستك مي هي رايح تعاني بزاف ضيع دراستها وتانيك حياتها. انت وحدك المسؤول

[- بصمة خير -]

زيدو قولولي وش رايكم فلي يقول لازم تجرب قبل المشية وتعرف عقلية البنات لانك ستكبر وتندم لانك لا تعرف هته الاشياء وتعود تتغدر بسرعة ومتقدرش تفهم الــ domain هذا (تسوفري)

هذه تندم عليها طول حياتك لوكان تبع واش راهو يقولو

تولي موسوس من بالبنات بشكل فضيعععععععع لانو تولي تقول البنات كامل راهم كيفكيف و كي تكبر و جي تتزوج تشك في الزوجة تاعك و تعذبها و تتعذب انت تاني

لازم تكون نيتك صافية مع ربي و تأكد اذا كانت علاقتك مليحة مع ربي اكييييييييد ربي يرزقك على حساب نيتك

+

الطفلة هذه اللي راك تهدر عليها واش دير معاها ؟؟؟؟؟

ممكن راهي دير هكذا باش تأثر فيك و ممكن صح راهي تعاني

انت شوف بطريقة كيفاه تعرف اذا نقيتها تمثل اخطيك منها و ماتخمم فيها و لا أي شي

و اذا صح راهي تخمم فيك هكذاااااااا اهدر معاها صراحة و قوللها مانيش نخمم فيك و حرام واش راكي تحوسي -اذا راهي تحوس على علاقة- باش تفهمها تقطع الامل فيك الان -و لكن المستقبل حتى واحد يعرفو-

تكون قاسي شوي في الكلام تاعك معاها باشششش تفقد الامل كليا

و مانتزيدش تخمم فيها و بعد عليها


+

ربي يوفق و صلوا على الرسول افضل الصلاة و السلام

[هائم في البوادي]

أخي الكريم

لا شيء في تصرفك وقطعك لعلاقتك بها ...

بل لو وصلتها وواصلت علاقتها بك فهنالك ستقع في المحظور

لم يكلفك الله بأن تعصيه من أجل فلانة من الناس التي تراهق ويظهر لها أنها تحبك وقد تفعل في نفسها وتفعل !!!

لا شأن لك بها !

وتلك التي جاءتك تعذلك وتؤنبك بأن صنيعك حرام لأنك تعذب بنت الناس لا عليك منها
تعرف لم ؟

لأن أسباب الفساد في يومنا هذه كثير منها يرجع لسعاة الشر ووسائط البلاء ودعاة الفساد، ولو قُطع دابر هؤلاء لخف المنكر الذي نراه.

المهم أخي أن تنتبه لدرسك وتركز على نفسك وأقبل على ربك والتزم ظاهرا وباطنا ليبتعد عنك المشوشون والمشوشرون

وعلائق المراهقة هذه التي يسمونها حبا [وهم بذلك يشوهون الحب] اجعل بينك وبينك سدا حتى إذا جاء الوقت لتحب فستفعل وستحب وستسعد بحبك وتهنأ به.

أما الآن فالاشتغال بهاته المراهقة مفسدة للروح والبدن والشباب مطية الخير فلا تفسده وتذهبه في هاته العلائق الموبوءة

إنتبه ! إن كررت التفكير في هذا الأمر فستترنح ! ولا يغرنك أنك الآن لم يؤثر فيك الموضوع ! فالنفس البشرية لوامة والشيطان مترصد.

أما تلك الفتاة فلست وليها ولا وكيلا عنها، تزيان تشيان تسمن ترقاق يسقط شعرها بل حتى ولو سقطت أسنانها جميعا !

لا عليك منها ! .............
يوجد الطبيب ويوجد الطبيب النفسي ..........................!

حينها فقط ستثوب لرشدها وتقطع اليأس منك !

[أما مرضها العارض ففقط لأن بنات هذا الزمن (فراجيل) فأزمة صغيرة تسقطها ولا تنسى أمرا آخر مهما وهو أن المرأة قد تبكي من حيث لا ترغب أن تبكي إنما لتصطاد الفريسة الساذجة؛ والفريسة هي أنت ! فانتبه !

وتذكر ما يٌقال عن دمــــــــــــــــوع التماسيح !

قد ذكرت لك شيئا من خصال النساء مما لو شرحته لك وفصلت لخرج في تأليف يستحق النشر وكان لمنتدى الجلفة حقوق الطبع :)

فتسلح فإن كيدهن عظيم !

وقد قيل أن الصياد لا يتذكر من السمك الذي يصطاده إلا السمك الكبير جدا، والرجال هم السمك والمرأة الصياد !

ففتاتنا ستنساك لأنك أفلتّ من الشبكة وستتذكر غيرك من السمك الساذج الطامع !



ودمت متألقا

وأشكرك فلقد امتنتعت عن الزواج من الجامعيات [ لا أتهم الجامعيات حتى لا أفتح صفحة على نفسي، هذه قناعة شخصية أرجوا أن تتقبلنها بصر رحب كما اتقبل أنا كل القناعات] ولعلي الآن أفكر جديا في فتيات الثانويات !

كلما نسمع بقصة نسقط لبنة للأسف

[saydek xxo]

السلام عليكم ورحمة الله تعالى وبركاته

قد تبدو مشكلتك تافهة ....اظن انني في مثل عمرك.....ما قراته بين السطور هو انك تعيش صراع داخلي ...من جهة تريد ارضاء الرحمان ومن جهة خائف على الفتاة...صحيح توجد فتيات كثيرات قد تقدم على ايذاء نفسها(رايتهن بام عيني) .....لن اطيل عليك ..

ارضاء الرحمان اهم من اي شيئ في الدنيا....لست مسؤول عن الفتاة انت اخطات يوم تكلمت معها...اوكي افقت من خطاك....عرفت الصح...تربح
خوفك على الفتاة و...و...هذه كلها وسواس الشيطان

انت كمن يقول' ساتوب واستغفر الله لعله يغفرلي مافعلت لكن خوفي من.......لكن من الشيطااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اان

امضي في طريقك ...ساعطيك طريقة طبقتها شخصياا
كل ما تراها قل في قلبك استغفر الله ولا تنظر اليها ....اذا مرت بجانبك او نظرت اليك قل اللهم اهدني ويسر الهدى لي ..كرر كرر كرر ....

(امشي مع ربي صحيح متزلق ما طيح)

[نجمة ساطعة]

بصراحة احبابنا عادوا حساسين و يزعفوا من الردود
لذلك اكتفي بربي يصلح الحال و الاحوال

[ناصرالدين الجزائري]

كان الله في عونك أخي ...

ببساطة أنت تريد الاستقامة على الطريق الصحيح .. و تلك البنت تريد جرك الى طريق الخبائث
فكيف تريد التوفيق بين ما تريده أنت و ما تريده هي ؟
هذا أمر مستحيل
و قد لاحظت أخي أن حلولك التي فكرت بها كانت كارثية بل و زادت من تعقيد مشكلتك .. بل و انتهى بك الأمر بأن وعدتها بالزواج
إعلم أخي أنك غير مسؤول عن تلك البنت و عن ما تحس به نحوك .. فأنت صغير و هي ربما اصغر منك لكنها مكلفة بأفعالها و لست مكلف بارضائها و الله تعالى لن يسالك عن رضا الناس عنك .. ارضي والديك عنك فقط أما بقية خلق الله فلست مسؤول عنهم ...
لذا انصحك أن تقطع هذه العلاقة نهائيا .. و هذا بأن تخبرها أنك لا تريد اتباع طريقها و انصحها أن تكف عن هذه الاعمال و أن تتوب الى الله ..
فإن قبلت هي نصيحتك فاللهم بارك و ستنال الأجر باذن الله .. و إن أصرت على حالها فليس عليك هداها و ستنال أجر المحاولة باذن الله .. و دعها تبكي و تندب حالها حتى تتعب ثم ترجع الى رشدها ...

و أنصحك ايضا أن لا تفكر في حلول كارثية كأن تُسمعها ما تريد سماعه منك ..


و الله تعالى اعلم ...

و بالتوفيق إن شاء الله ...

[حسينة 36]

اقرا قرايتك وعيش حياتك وخليها هي مع الشيطان تدبر راسها واحد ما ضربها على يديها

الله يهدينا مازالك صغار وراكم دايرين هكة اماله كي تلحقو 125 لفوق واش تديرو

لا حول ولا قوة الا بالله

[سمراءجيجل18]

مشكلتي انني لما انتقلت هذا العام الى الثانوية تعرفت على بنت ... البنت احبتني قبل ان اعرفها اصلا وتعلقت بي بصورة كبيرة جدا ...
ياأخي يعني عمرك 16سنة أو أقل وهدا ليس سن الحب .....هدا اعجاب المراهقة اهتم بدراستك و الله المستعان .

[nilly]

راني نتفرج على واحد مسلسل مكسيكي ابطال المسل اعمارهم 16 سنة يقراو في الثانوية تزوجوا وانجبوا اولاد وبنات وكل صباح يروحوا يقراو وهما ساكنين عند والديهم..... دير بحالهم
- عن اي حب تتحدث ياابني يكفينا مانلاحظه بالمسلسلات لا انت تعرف مامعنى الغرام ولا هي. رايت انك تتكلم كثيرا عن الزواج كانك تريد الارتباط؟ وانت تجهل تماما مضمون زواج فزواج ليس رومانسية كما تعتقد وكما تعتقد فتاتك انما مسؤولية كبيرة انت في غنى عنها تحمل مسؤوليتك اولا وذلك بان تكون طفل مستقيم مطيع لوالديه ومطيع لربه ومهتم بدراسته ومخلص لاصدقائه فهذه هي مسؤوليتك الان . اما مستقبلا فبدون شك سوف تواجه مسؤوليات وتحديات كبرى لكن انذك شوف يكبر تفكيرك وسوف ينضج اكثر حتى تستطيع التاقلم معها .
شوف يااخي صغير لا تفكر في هذه البنت فالذي تحس بيه والذي تحس هي به ماهو الا اعجاب وسوف يدوم بضعة اشهر وسوف يزول نهائيا ليتحول الى شخص اخر فليس من المعقول انك كلما تحس باعجاب راح تفكر بزواج , طبيعي جدا مايحدث لكليكما الانكما في فترة حساسة جدا وهذا ماادى الى ارهاق تفكيركما وارهاق اعصابكما . لا تتظهر بحبك لها عند رؤيتها تجاهلها تماما سوف تفهم نفسها بانك لست مهتم بها ولا تخاف مراح يصير عليها شي . ماحدث مع الفتاة التي احبت صديقك ليس بضرورة يحدث مع هاته ربما الاولى تعاني من اضطرابات اسرية مما ادى بها الى الانتحار

[خولة1995]

الله الله يا الله يا مولانا الله الله يا الله كون معنا الله ................ هيا بزاف كثرنا ضركا نعودو ا لموضوعنا البسيط

شوف خو لا فيغيتي انا نشوف بلي قاعد تنافق في الطفلة وراك تعرف البنات بنص عقل اونتر باغونتاز راك قاعد تقلها في حاجة انت ماراكش حديرها عمرك كامل صافي انت خايف على قدرك ماشي على قدرها اتنازل شويا وقلها بالشويا والعقلانية بلي راك ناويلها الخير وبلي لوكان تكملوا مع بعضاكم رح تفسد عليها باسكو انت مارح تخسر والو وهي اللي رح تطفر فيها وما تحسسهاش بلي راهي غلطت غلط كبير لما .........اح.....ب...تك.ثاني ما تبينلهاش بلي راك شافق عليها كون تصيب اخرخ منها وخرجها منك باقل الخسائر
وما ديرش في روحك الشك بزاف على خاطر اول على اخر رح تنساك وكيما تكبر تتفكر وتقول كيفاش وسخت روحي بواحد ماوش شايفني وخليت الناس احنوا عليها
سي بور سا لازم تكون قوية وما تضعفش قدامك مرة ثانية .
وعندك انتا برك تمشي مع خلافها على خاطر لوكان تشوفك ولوكان جيت انا في بلاصتها ..............................

[miga]

ياخي يقولو اسال المجرب وما تسالش الطبيب
نصيحة من مجرب بداية قصتك مثل قصتي والنهاية هي الفراق
وبين اول يوم في الحب ويوم الفراق مررت بمراحل عصيبة حتى انني اصبحت هزيلا من شدة التفكير
فرطت في كل شيء من اجلها لكن بعدما احبتني ووصل الامر الى حد العشق قالت لي انت تستحق واحدة افضل مني
كنت ساتقدم لخطبتها لكن رفضت بحجة انها لا تستحق ان تكون اما لاولادي
هذا هو جزاء الحب عندما يفوق حده

[bina]

اخي ما بيك والو ماعندك حتى مشكل و العكس قراراتك عادية و صحيحة و بلغة علم النفس كوني اخصائية نفسانية صحية جدا و انصحك بان تركز بالدراسة المهم بالنسبة للبنت لا دنب لها هي ايضا كون الانسان لا يتحكم في مشاعره لانها تنبعت من القلب لكن الشيء المخيف ردود الفعل الي دير فيهم لاني اجهل وش من صورة راهي تشوف فيك ممكن لقات فيك شيء ناقص عندها هي تعاني من اضطراب معين و على الاهل نتاعها الانتباه لها فهي حابة تجدب انتباهك و الاكثر عاطفتك و شفقتك عليها انت ممكن تصير صديق عادي انت باين فيك تخاف ربي المهم عليك الانتباه ولا ترضخ لتهديداتها و عليك ايضا اعلام اهلها لانو من الممكن ان تتبع خطى صديقتك ايضا و ارى انها هي سبب المشكلة لانو افكارها اترت على هاد البنت المهم حاول مراجعتي بالمعلومات و ربي يستر

[صُبح الأندلس]

يا أخي خذ العبرة من قصة يوسف عليه السلام

[بلال الرومنسي]

باين فيك نية ياصحيبي ههههههههه وتلعبلك بعقلك http://www.djelfa.info/vb/images/icons/mh01.gifههههههههههههههه وربما كما تفعل معك هته الافلام تعمل مع غيرك ...... خدها من صديقك الرومانسي