انا والرياضة

[مشكلتي]

انا فتاة 15 سنة هذه السنة b e m ولا أحب الرياضة لا أعرف حتى العب عندما يرمون لي الكرة لا امسكها تسقط من يدي وفي المؤسسة لا اعلب مع زملائي واحيانا لا أذهب لانني اكرهها
ارجوكم ساعدوني كي استطيع التغلب على الخوف من الكرة والرياضة
وكيف اصير احب الرياضة

[hamzagolf6]

اختي ماتخافي ماولو
في شهادة bem مايشوفو كيفاه تلعبي ماوالو يعطوك 19 هكاك برك

[أم البراء السلفية]

ديري شهادة طبية وتهناي منها

[تالا تسنيم]

صغيرتي الرياضة في معناها الحقيقي ضرورية لكل واحد منا ..........
فممـــــــارسة الريــاضة من أجل الفائدة الجسميّة ومن تكرارها وملاحظة فوائدها تُمارس بحب كبير لها...........


فأنا في سنك كنت اكرهها حتى اني اكره استاذها لكن مع اختلاطي بزميلاتي و اللعب معهم اعطوني نفس اخر..... حتى اني اصبحت احب كرة اليد........ لا تقلقي هي مرحلة و ستتجاوزيها لكن حاولي الاحتكاك بزميلاتك و مارسي معهن الرياضة لن تندمي ستستمتعين بها أكيد
.............. و في الاخير حنونتي أقول لك .....

حب الرياضة يمكن ان يصبح مكتسب لأن الانسان اللى يمارس الرياضة راح يلاحظ ان صحته بقت احسن وان جسمه بقى متناسق اكثر واكيد راح يحب الشىء اللى كان السبب ف ذلك

لكن بعيدا عن حب او كره ممارسة الرياضة فهى شىء مهم جدا في حياتنا لا يقل عن الأكل والشرب

دمت بصحة و عافية صغيرتي و أنتظر جديدك

أختك تالا

[loulou88]

انتي مثل اختي هي لعام لي فات خافت منها ماديرها ماوالو بضح كي عقبت دات 18
بصح تحيروني وعلاه متحبوش الرياضة؟؟
بالعكس مليحة تخليك نشيطة وتزهالك روحك
العبي مع لبنات والله تندمي عليها اختي
والرياضة مكانش لي قول منعرفهاش مافيها لفهامة لوالو
شكرا

[nesrine123]

السلام عليكم
اختي انا في مثل سنك وعندي الشهادة هذا العام انا ايضا لا احب الرياضة كثيرا ولكني امارسها من حسن لآخر فقط انا لا العب مع البنات حين يقول لنا الاستاذ خذن الكرة وافعلن ما تشئن بها احيانا اشارك واحيانا لا الصراحة البنات يقلقوني مع العياط ديالهم
انا نشارك في الفروض والاختبارات ودائما الساتاذ هايل يدير 18 و 19 وما تخافيش الاستاذ بروحو قالنا يعاونوكم في البيام كامل

[وصال الجنة]

ما تخافي ماوالو.....
بصح ننصحك ... لازم تكون عندك ثقة في روحك ...البالو يطيح لك وماتقدريش تحكميه على خاطر انتي ماعندكش ثقة في روحك وتخافي لايزيد يطيح لك ..وعلى هاذي نقولك مالازمكش تخافي وديري ثقة في روحك وقولي وعلاه لبنات لخرين يلعبوا نورمال وانا لا..هكذا باه تدفعي روحك وتعود عندك الإرادة وتعودي تحبي السبور ..
اجري وشاركي مع صحاباتك وتفرجي شوي فالتليفيزيو على بعض الرياضات باه تعرفي القوانين وتعرفي تلعبيهم وتعرفي تتحركي ...
وماتخافيش من bem ......أنا العام اللي فات حطولي 20 ...وأضعف علامة حطوها بين 17 و 18 ...
وحظ موفق إن شاء الله في الشهادة ...توكلي على ربي وماتخافيش ..

[faty05]

انا في الباك درت شهادة طبية
ارتأيت انه الحل الافضل لانهم صح عقدوني من الرياضة

[rania l]

ديريها شغل لعبة و حاولي تستمتعي بيها و ماتشوفيهاش على اساس انها حصة مجبورة الحضور اليها و ما تخافيش من الكرة مناه اي ماتقولش ااااااااااااااااااي
ربي يوفقك

[sissi123]

غريب حقا أنا في درانا و ندير السبور و نتمنا لوكان نشري كل المعدات لي يستعملوها الرياضيين

الرياضة تحافظ بصورة كبيرة على صحة الجسم و الجمال

[leila-bee]

اختي شوفي عليك بان تتخلصي من هد الخوف لانه يسبب لك عقدة وانا نظن انو الزملاء الي معاك مارا همش يوفرولك الجو اللزم لكي تتمكني من التخلص من هد الوضع لانو كانت زميلتي متحبش تلعب رياضة كي سقيبتها او فتحتلي قلبها قالتلي نخاف يضحكوو عليا كي يشوفوني نلعب ولا نخاف لوكاي يتمسخروو بيا ويديروني ضحكة كي ندخل روحي ونلعب بالكرة "وانا نقولك هدي كلها مجرد اوهااام الي انت تقولي يمكن تهز مكانتي بين الزملاء

[abdel02]

الرياضة قبل ماتكون جري ومشي وحركة...هي عبء نفسي يتحملو الرياضي...اتحدث عن رياضة النخبة ...اما رياضة المدرسة...العاب تسلية و استرخاء ليس الا...