لو كنت مكاني ماذا تفعل

[z.abdo]

انا عاطل عن العمل اليوم الصباح نهضت باكرا وصليت الفجر في الجامع وبعد طلوع النهار علابالكم واش صرالي
جاتني 400 دج في الهاتف نتاعي ما علابليش المصدر منين انتظر كاش واحد يكلمني يقلي رجعهالي لم تصل أحد
لو انتم صرالكم نفس الامر واش الديرو قولو الصراحة

[بنت الحجاج]

صراتلي مرة

فليكساولي 50 الف

و الغدوة

طلبو مني نرجعهم .

[جسور المحبة]

ممكن ربي رزقك بيها
علاه شرط يكون واحد بعثهالك غالط

[hananazziza]

قارع خويا ايدا ما عيط حتى واحد راهي ملكك استغلها في الكلام الحلال نصيحة

[janino]

الارزاق يا اخى توزع وقت صلاة الفجر نشاالله تلقى خدمة و لفليكسى مدام حتى واحد ما عيطلك حلال عليك ربى يرزقك دام على صلاة الفجر و تتحل كل مشاكلك بقدرة الله

[mimi-dz]

انا صراتلي والمبلغ كان 750 دج عيطلي مولاهم ورجعتلو 600 دج الباقي حلف عليا نخليهم ليا

[z.abdo]

بارك الله فيكم على الردود لكن راني لاحظت عدد المشاهيدن أكثر من عدد المشاركين بردودهم يعني انهم حدث لهم نفس الشيء لكن لم يردوها لأهلها أم ماذا ؟؟؟؟
ههههههههههههههههههههههههه ههههههههههههههههههههههههههههههههه

[ما وراء الطبيعة ؟؟؟؟]

يا أخي لا تستعملها

وإذا طال الوقت ولم يتصل أحد...........

تصدق بالمبلغ على الفقراء والمساكين

أي أعتبر وكأنك فليكسيت

ولكن حين تصدقك ضع نية أن يعود الأجر على صاحبها

[z.abdo]

يا أخي لا تستعملها

وإذا طال الوقت ولم يتصل أحد...........

تصدق بالمبلغ على الفقراء والمساكين

أي أعتبر وكأنك فليكسيت

ولكن حين تصدقك ضع نية أن يعود الأجر على صاحبها

نتصدق بيها أنا اصلا عمر ما فليكسيت 400 دج كيف راح اتصدق بيها وزد على هذا انا راني محتاج صدقة ههههههههههههههه

[hano.jimi]

انتظر اذالم يتصل بك احد اذهب للتاكسي فون وبعهالو واستفد من المبلغ شكرا

[فتـ حييةـاة]

يا خويا شكون يفليكسي 400دج ؟؟؟ غير الللي عنده الدراهم واللي عنده الدراهم خلاص 400دج ماتبانلهش خلاص من المفروض ثم ثم يعيطلك انت اصبر نهار واذا مكان والو بصحتك حتى انا غدوة نروح نصلي الفجر فالمسجد بلاك توصلني 1000دج هههه

[sibettar]

لو كنت مكانك اتصرف بها و كانها من مالي الخاص لكن اذا اتصل بي صاحبها في اي وقت و لو بعد اعوام فمن الواجب ان اعيدها له

[hamzagolf6]

اخي واحد المرة كنت دورو لا ماتغديتش واش نقولك قمة الفقر تصور قداه جاتني
تقريب 2000 دج هههه
خرجت رحت لتاكسي فون بعتهملو ورحت تغديت بعد 3 ايام اتصل بيا مولاهم قالي اذا تقدر رجعملي قتلو سرفتهم قالي السماح

[z.abdo]

بصحتك خويا

[kap2011]

عادي ماهيش حاجة كبيرة ...جاتك من فضل ربي ....اكتيفي ودور واخلاص.

[دموع الحيــاة]

هي مرّة واحد أخطأت امرأة
وبعثت لي ب 200 دج

واتصلت بي لكي تسترجع نقودها ... وبعثتها لها .
واتصلت بها لكي أطمئنّ بأنّ النقود وصلت .



غير ذلك فلم يخطيء أحدا

وعندما تأتيني نقود فتكون أبي أو أحد إخوتي .






وأمــّا عنك

... فانتظر علّ أحدهم يتصل بك

وإن لم يحدث فلك الحرية في التصرف فيها ...

[nadjouta]

انا وحدة كون يغلط فيا واحد نرجعهملو و ندير اونديري انا فليكسيت لروحي
انا خويا صراتلو مرة و رجعهم من هاداك النهار و لا يموت عليه هاداك الراجل و ديما يقولو ارواح زورني ولاو صحاب حتى و هوما بعااااااااااااااااااااااااااااد

[z.abdo]

راهي خلاصت الدراهم اللي جاتي ذاك النهار غلطة ومزالك تتكملو عليا ههههههههههههههههههههههههه
راني نتمسخر معاك برك بصح صح خلاصت هههههههههههههههههه

[عُضو مُحترم]

ممكن واحد صاحبك او حبيبك

بعثهالك و مش حاب يقوللك