شرب القهوة [الأرشيف] - منتديات الجلفة لكل الجزائريين و العرب

مشكلتي

2012-01-31, 10:45

السلام عليكم و رحمة الله و بركاته
إخواني و أخواتي أنا فتاة أتناول القهو كل يوم حاولت التوقف عن شربها عدة مرات لكن دون جدوى خاصة و أني عندما أعدها و أشمها سواءا كانت بنا أم عندما تحضر سائلا رائحتها تنعشنا فلا أستطيع مقومتها و لكنها تسبب لي التوتر و القلق و أحيانا تضر بمعدتي لكني أعود و أشربها هل من طريقة للتخلص من شرب القهوة من فضلكم ساعدوني و شكرا.

حسينة 36

2012-01-31, 13:56

يا اختي واش نقلك انا مريت بهذه التجربة وصرت عصبية ما تتصوريش وزيد نشربها ثقيلة ياسر لكن مرة صرالي مشكل وعصبت بلا سبب لدرجة قريب نتطرطق فكرهت نفسي جدا ودرت ارادة وعزيمة وبطلتها بالشوية خلاص حتى توقفت عليها تماما وليت نتحكم فيها بصح عوضتها بشرب قليل من الشاي

لذلك انصحك بان تقرري التوقف عن شربها وعوضيها بشرب العصير او الشاي الاخضر حتى تتمكني من نسيانها ومقاومة رائحتها

وربي يشافيك منها

أم البراء السلفية

2012-01-31, 14:51

السلام عليكم ورحمة الله وبركاته
ياخى راني كيفك انا القهوة نشربها الصباح وعلى العشرة وفي الفطور وعلى الثلاثة وفي العشا
كارثة
في الدار تلقايهم غير يهدرو لى عليها ويقولولى درك كاش مايصرالك لكن
من غير فائدة الله غالب نحبها بزااااااااااف
راني متابعة لموضوعك بصمت
كاش مانلقى حل معاك
بارك الله فيك

الواثق

2012-01-31, 15:04

حاولو تشربوها خفييييييييييفة وكل مرة خفوها وخفوها حتى تولي كيما الماء ..........رانا كامل مدمنين عليها لكن انا حسب مفهومي اني لو نرقد في الاوقات المحددة مثلا بعد صلاة العشاء مباشرة ونوض الفجر ونحافظ على ممارسة الرياضة رايح نبقى نشيط دائما ونحتاجش القهوة ابدا....................اما اذا كان العكس فالجسم دائما يبحث عن التنشيط خاصة اذا العمل كثير فبهذا يولي يطلب المنشطات ولانجدها الا في القهوة......................هذا رئيي والله اعلم بالصواب

النجمة القطبية

2012-01-31, 15:42

كيفاش ننصحك الحقيقة حتى انا نشربها ههههه
بصح مش بزاف انا نشرب حليب مع قهوة غامقة
شوفى انا هذا هو الحل اللى لقيتو خلطيها مع الحليب او الشاى
ومتشربيهاش وحدها اكثر من فنجان صغير فى النهار لانها مضرة خاصة للمراة
انا خويا يقولى القهوة للرجال هههههه
ومتنسايش تعوضى بحليب باش توفرى احتياجاتك من الكالسيوم
وفقك الله

MATRIX-DZ

2012-01-31, 15:53

أنا نشرب بكثرة القهوة لكـني لا أعصب الا نادرا

أنصحكـ باستبدالها رويدا رويدا بعصير فواكـه

أو مثلما قال الواثق

LUDIVINE

2012-01-31, 16:13

السلام عليكم
و الله تفكرت نفسي...انا عكسك تماما اذا شربت قطرة قهوة في الحليب يصيبني هيجان و تسارع في نبضات القلب و ما نرقدش 3 ايام ما كنتش عارفة علاه لكن من بعد عرفت اني اعاني من حساسية للكافيين :1:.
المهم انصحك بتعويضها بالشاي الاخضر فهكذا تفعل امي فهو ايضا منبه و منشط و الا حاولي تعوضيها بالعصائر .
كان الله في عونك اختي...هو صحيح صعب التوقف فجاة عن شربها لان شربها يعتبر نوعا من الادمان لكن كل شيء ممكن بالارادة.
تقبلي مروري.

janino

2012-01-31, 16:44

تعودى مضغ اللبان بنكهة حارة سيسيك طعم القهوة

hamzagolf6

2012-01-31, 17:53

اخي او اختي القهوة رائعة انا نحبها ومانفكرشباش نبطلها
اشربي فنجان الصباح باش تفطني بالبيان و فنجان في المساء باش ماتنعسيش

محب السلف الصالح

2012-01-31, 18:02

أنا لو تخطني لا أفتح الجهاز أصلا

أشرب بمعدل تقريبا لتر ومرا ت ازيد

وماعنديش مشكلة هههههههههههههه

يسر الله أمرك أختي

نجمة ساطعة

2012-01-31, 18:08

انا مشكلتي مع التاي ... كارثة الناس تشرب كأس صغير انا نشرب زوج خلالط
الى غاية ما جاتني كريز وصلت للموت بسبب المصران الخشين وقتها كرهت كل شيء
لكني ما نحشمش غير بريت رجعت نشربو بصح الخوف يخليني نشرب غير كأس صغير
برك
يعني كي تلقي طريقة قوليلي

جيهان13091991

2012-01-31, 19:07

انا لا اشرب القوهوة و لهذا لا اعلم تأثير رائحتها فهي لا تأثر فيا و تهنيت منها نكراها مافيها حتى بنة و لكن انصحك بالانقاص منها حتى تتوقفي نهائيا و يجب ان تكون عزيمتك قوية , ربي يوفقك

عُضو مُحترم

2012-01-31, 19:22

هههه اختي ام البراء مثل امي تماما

هههههههههه

========================

شوفي يا اختي

ساهلى تقطعي القهوة

ديري فيها الفلفل الاسود( الحرور)

أم البراء السلفية

2012-01-31, 19:29

هههه اختي ام البراء مثل امي تماما

هههههههههه

========================

شوفي يا اختي

ساهلى تقطعي القهوة

ديري فيها الفلفل الاسود( الحرور)

اضحك الله سنك اخى
ماشاء الله ربي يخليهالك الوالدة ان شاء الله
المشكل انو تانيك نحب الحرور راني نحب كلش
وماجاتش في بالى انو نبطلها رغم انو دارنا يضلو معايا صديقاتى حتى كي كنت نقرى يعنى راني ملى كنت في الابتدائى هاكدا
بزاف صعيبة عليا نقطعها لازم كاش حاجة صح تفيد مثل دواء ولا شيء حاجة
والله اعلم

اية الرحمن1988

2012-01-31, 19:55

أختي بالنسبة للقهوة ممكن مع الوقت تأثر عليك سلبيا
واقتراح العضو ( الواثق) جيد حاولي تتخلصي منها تدريجيا
علابالك من مرض القلقة ديرلك الضغط الله يعافيك منو
بلا ما ننساو المعدة والقولون كلشي فيها مرض في مرض
حاولي تتجنبي حتى أنك طيبيها باش متغلبكش نفسك
ربي يسهلك ان شاء الله وتتهناي منها

zoro_2009

2012-01-31, 20:41

أنا ممكن عندي حل: إذا أردتك التخلص من أضرارها اشتروا النوع café décaféiné

هائم في البوادي

2012-01-31, 22:02

أين المشكلة ؟

كلنا يشرب القهوة، أنا أشربها ، أمي تشربها كذلك جدتي ...

[المفارقة أن أبي لا يشرب القهوة !]

فنجانان من القهوة يكفيان ولا يضران ...

طيب القلب

2012-01-31, 23:36

أنا لو تخطني لا أفتح الجهاز أصلا

أشرب بمعدل تقريبا لتر ومرا ت ازيد

وماعنديش مشكلة هههههههههههههه

يسر الله أمرك أختي

اضحك الله سنك اخى العربي أعرف أنك مثلي تحب القهوة وخصوصا ان كانت من البن الأخضر تنحي الغمة

nourelhouda619

2012-02-01, 10:17

السلام عليكم
راح نحاولنتوقف على شربها المشكل أنو عندما نطيبها و نشمها سواءا في علبة البن ياي ما نحكيلكمش و لا كي تطلع في لبراس و لا كي نشوف هذاك الفنجان الصغير تاعها هاهاهاها ما تضحكوش عليا حتى الفنجان ما لازمش نشوفو ربي يقدرني عليها.

soudjoud.as

2012-02-01, 10:46

قرأت موضوعكي عزيزتي و قد كانت لي نفس المشكلة لكن أستغل فترة شهر رمضان للتخلص من جميع عاداتي السيئة في الأكل و الحمد لله أتغلب عليها بإدن الله
و الله عزيزتي هي قضية عزيمة فقط لا غير .......يجب أن تعقدي العزم على التغيير و سوف ترين ذلك بأم عينك .....................اتمنى لكي التوفيق أختي

ucif

2012-02-02, 10:16

كانت واحد الوقت هي الفطور والعشا حتي مرضت منها عدت غير نتقيا كاين حتى لقالولي دير سكانير قريب مت الحمد الله راني بطلتها وقريب نبطل روحي ثاني ههههههههههههههههههههههه