ماسبب المرارة تاع البصل في المحجوبة

[ام ظافر]

اخواتي من عادتي نعمل ديما المحجوبة وتجيني مثل ما نحب لكن مؤخرا عملتها كم من مرة لما نقطع لبصل ونحب نخدم لحشو تجيني فيه طعمة المرارة في اخر الذوق يعني اريارقو مر من البصل ومن بعدها رجعت خدمتو بالروبو نفس الطعم وهكذا ماعرفتش واش من سبة تخلي البصل يطلق المرارة تاعو
الي تعرف السبب تقولي والله راني نتعب مع المحجوبة وفي الاخير تجيني فيها المرارة من البصل وراني متاكدة ماشي من حاجة اخرى لاتوابل ولا شيء اخر

[حب ربي*ملأ قلبي]

شوفي حنونتي أم ظافر
ممكن تكون من نوع البصل اللي شريتيه مش مليح
أنا شخصيا تجيني مرارة فالمرقة الحمرا ولقيت السبة الماء مالح و كي بدلت الما تطيب حلووووووووة
إن شاء الله يفيدوك البقية

[ام محمد ميدو]

اختي ام ظافر بالاك تكرملت معاك شوية على هذيك ولاات مرة؟http://smails.heeeh.com/up/heeeh%20(512).gif (http://smails.heeeh.com)

[مرام 1987]

اخواتي من عادتي نعمل ديما المحجوبة وتجيني مثل ما نحب لكن مؤخرا عملتها كم من مرة لما نقطع لبصل ونحب نخدم لحشو تجيني فيه طعمة المرارة في اخر الذوق يعني اريارقو مر من البصل ومن بعدها رجعت خدمتو بالروبو نفس الطعم وهكذا ماعرفتش واش من سبة تخلي البصل يطلق المرارة تاعو
الي تعرف السبب تقولي والله راني نتعب مع المحجوبة وفي الاخير تجيني فيها المرارة من البصل وراني متاكدة ماشي من حاجة اخرى لاتوابل ولا شيء اخر

shofi okhti ana kif sratli w kanat saba bsal ta3 lhab lhamra koun l basla bida mliha hlowa wala basla twila kif yjiw mhajab ta3ha haylin
:19:w rabi y33inak mara okhra nchallah

[fati05]

اختي انا استعملت اوراق البصلة الخضراء هما يعطيو الذوق المر

[نصيرة أمي الحبيبة]

جربي كي قطعي الحبة على زوج وديريها في ماء بارد مدة ربع ساعة و لا قدرتي كتر وكي تطيبي ضيفي ملعقة طماطم مركزة وهكدا تروح لمرورة و جي حلوة او نعرف بلي كي نزيدو الزرودية تتنحى مرارة البصل بصح في الجواز و لا كي تكوني تقلي ارمي حابة زرودية و في الاخير نحيها

اه كي تطيبيهم ابعتلنا هههههه

[omo mazen]

حرارة عالية يجعل البصل مريرة. When sautéing onions, always use low or medium heat. عندما القلي البصل ، ودائما استخدام الحرارة المنخفضة أو المتوسطة

[فرح1]

السلام عليكم اختي ام ظافر انا تاني راني مع مشكل الدوق المر في المحاجب منعرفش علاه خاصة وانو خطيبي يحب المحاجب لازم نلقاو الكود يا ام ظاافر توحشتك بزااااااااااااااااااف ونحبك من قلبي يا اختنا الكبيرة وتوحشت الغرفة السرية

[ام ظافر]

ممكن فعلا من البصل الاحمر الي يتباع هذو الايام ويكون حار اما البصلة الخضراء تاع الورق لم استعملها في المحاجب واذا على النار من عادتي نقلي البصل على نار هادية دائما
والاخت نصيرة ربي يرزقك ما تتمناي اذا على المحاجب ارواحي نعملك اخرين وان شاء الله يكونو مافيهمش المرارة
اختي فرح ربي يسعدك كيما اسعدني ردك كثيرا

[NIHELL]

oui, c'est vrai , l'onion vert des foie il a un mauvai gout, et cela est du à la qualité de l'onion, la faute n'est pas dans la cuisson mais de la terre, ,ya des région ou les agriculteur récolte un onion amer,,,,,,,, il faut juste savoir choisir quoi achter

[نصيرة أمي الحبيبة]

الله يخليك حبيبتي

[فرح العمر]

اختى انا صراتلى مره و السبب عرفت انو من الجهة الخضراء تاع البصلة استعملى غير الجهةالبيضاء تاع البصل

[ام ظافر]

اخواتي انا لم استعمل ابدا البصل تاع الحشيش كيما نقولولها الي تتباع ربطات وانما نستعمل بصل الحب الكبارالي تتباع بالميزان ولكن لونها فعلا موف واحمر

[janino]

نوع البصل اكيد اختى ام ظافر صراتلنا خطرة عند بيت شيخى

[زينب81]

البصل لا يقلللللللللللللللللللللللللللللللللللللللى في زيت ساخن_البصل نحطوه في زيت بارد ونبدا القلي

[ام إثري]

المراة من الما تاع البصل
خاصة اذا كا ترحيه بزاف يطلق الما تاعو
مالا كي ترحيه صفيه من الماء نتاعو

[omanis]

السلام عليكم
اختي اظن انو نوعية البصل اللي تستعملين البصل اللي عندو القشرة الحمراء اللي رايح للموف يجي مر في الطياب مر عودي خيري البصل تاعك بدلي الخضار هههه

[soussou_saida]

salam
bassal kassmih ala 2 w nahilou kaleb ueji lawnou akdar wela abyad prck houwa li yemed ta3m merar

[سوسو الطموحة]

صح يا ام ظافر انا كذلك حسيتلو و صح من البصلة الحمرا .....راكي شاطرة مانظنش تروحلك.

[sidali 2007]

سلام عليكم ....المشكل فلمرارة تع لبصل كترابه لزم تقطعيه رقيق بلموس وبلكي دريه فروبوكيفكيف
يطلق لمرار اتمنى نكون افدتك

[moukhetar2]

هذه الطريقة تجعلك تتخلصين من هذه المشكلة تماما لما ترحي البصل في الروب اعصريها بين يديك حتى يخرج كل الماء اورايحة تدعيلي

[بسمة تنتظر فرحة]

اختي ام ظااافر البصلة الحمرا هي اللي تكون فيها طعم مر هادا اللي نعرفو وكيما قالو لبنات صفيها مليح من الماء اللي كانت فيه

[ام ضياءالدين]

البصل كي مايكونش اجديد ولونو احمر يتلق لمرارة

ونعطيك نصيحة مدتهالي اعجوزتي وهي رائعة كي اكون البصل قديم ارحي لبصل انتاعك وصفيه من الماء الي فيه وستخدميه تروحلك هذيك لمراة

للان المرارة تجي مكن هذاك الماء

ان شاء الله الخطرة الجاية اجوك مهمش مرين وبصحتكم ومتنسايناش كي ديريهم اعرضينا

[bissan.sousou]

لما ديري بصل قبل لا تحطيه على نهار كل شوي ديريله ملح باه مايجيكش مر

[نجمة ساطعة]

شوفي لانك ديري البصلة نيّة و لكن حابة تجيك بنينة حمسي البصلة في شوية زبدة و بعدها ضيفيها للصوص راح تجيك تهبل

[ام ملاك.]

تعرفي واشن هو المشكل قالتلي ماما كي ترحي في الرويو يطلق الما نتاعو بزاف انا مرة طيبت هكطاك والماكلة قع مرة ماتتكش رميتها وعاودت جديدة
هي من الاحسن الصل يتقطع باليد
وكابن نوع من البصل ماعرفتش واش من نوع يجي مر وكي ترحيه يولي مر كثر

[هبة الكوثر]

كي يقطعي البصل اعصريه من الماء تاعو هو لي يدير لمرارة اختي وسيرت كي تقطعيه بالروبو

[درة بيتي]

سبب مرارة البصل انك ترحيه فالروبو ولا تقليه وكاين لي يرحي ويقلي في نفس الوقت أنا نقطعه رقيق خلاص ومنقليش ويطيبو المحاجب تاعي على نار هادئة والزرودية راجلي مايحبهاش نخدم تاعنا بيهاتع راجلي نحيها بلاش وفي زوج يجو رووووعة ومستحيل تطعمي فيهم مرارة بالتوفيق حبيبتي

[catia]

اختي ام ظافر
المحجوبة اتجي امليحة بالبصلة الطويلة ماشي انتاع لكعابر واذا استعملت لكعابر اعصريها امليح من الماء راح تتخلصي من المرارة او ربي يوفقك

[مجيد.]

ما هي المحجوبة ؟؟؟؟؟؟؟؟؟

[ريمة07]

شوفي اختي انا دايما نقطع البصلة بالسكين و تخرجلي هايلة ماكانش المرارة

لكن كيما جربت رحيتها في الروبو طلقت المرارة ، و من هذا ك اليوم و انا نقطعها بيدي

كاين حل ان شاء الله ينفعك

كيما تقطعي البصلة بالسكين ديريها في كسرونة و ضعيها على النار بلا ما تحطي عليها الزيت و خلي هذاك الماء الي فيها ينشف مليح ، خطراش هو الي يطلق لمرارة

و رديلي الخبر

[ام ضياء83]

السبب هو يااما ترحي البصل بالربو والا تربيه تطلق المرارة او العصبة الموجودة داخل البصلةولازم تنحيها وهي تعطي المرارة وهذه الاشياء الي تسبب المرارة وعلى تجربة. وليت نقطع البصل بيدي على طريقة جداتنا وجربي وردلي الخبر

[nour inasse]

الاوراق الخضراء نتاع البصل يا حنونة هي السبب وخاصة اذا زدتي رحيتيها في الروبو تولي مرة أكتر

[امونة الشاوية]

ايييه والله يعطيك الصحة اختى ام ظافر اللي طرحتي هاذ المشكل هكذا نلقاو الحل انا دائما عندي هاذ المشكل حتى نولي ندير مغرف صغيرة سكر و نكثر الهريسة و الطماطم

[ام ظافر]

شكرا للجميع على الردود الطيبة
من عادتي نقطع البصل ونقشر الطماطم ونقطعها هي ايضا بالسكين ونطول في العملية وهذا الشيء الي يتعب في المحجوبة لانو الباقي ساهل وايضا الحشو نطيبو ما شي نخليه ني وهذاك الماء كامل ينشف
الروبو جربتو مرة واحدة فقط وما عجبتنيش محجوبتو

[halary]

السلام عليكم اخواتي
خلاصة القول هو ان بصلة لمحاجب عمرها ما تترحى في الروبو تتقطع بالايدي والي حبت تزيد تهرسها شويه في المهراس وشكرااا

[nabila222]

شوفي يا اختي انا تاني تصرالي ولكن الان عرفت السبب وهو,انك كي تكوني تشري فل البصل ما تشريش الاحمر يعني اشري البصل الابيض وثاني سبب هو الماء استخدالماء المعلب كي تكوني تخدمي فل المحاجب ونشاله تجي نتيجة مليحة

[ملكة النصر~]

انا نفرحك ونقولك راني جبتلك الحل
كي تقطعيها بالسكين ولالا بالآلة راح تجيك المرارة على خاطر السبة في ماء البصل على هكاك لازم كي تقطعيها تديرها في ماء وملح مدة 5 دقائق ومن بعد تصفيها وهي في الكسكاس تفرغي عليها ولا تغسليها بالماء البارد ولغسيل مش كما غسيل الحوايج طبعااااا ومن بعد تدير دوزانك عادي

[ملكة النصر~]

ام ظاااااااااااافر انا جبتلك الحل بليز فرحيني بردك العطر

[زوجته]

اعطيك الحل وجربي لما تقطعي بصل غسليه بالماء مليح ومباعد غيري ماء ودردري سكر حرش وفركي بيه بصل وديريه يتصفى طريقة امي وطريقتي

[ام ظافر]

الله يجازيكم بالخير
اختي ملكة النصر ربي يجازيك كل خير اسمحيلي ماشفتش ردك لانو الموضوع قديم شوي نسيتو
باركك الرحمن

[اغادير]

أختي أنا المرارة تاع البصل أو الفلفل تجي غير لما نرحي خليط المحاجب في الروبو..... وبالتالي عدت نقطع الخليط ومانرحيشو لانو الرحي هو ليدير المرارة........ والله أعلم وحاولي تختاري نوع الكبير للبصل هو البنين ومافيهش مرارة.

[didou joujou]

اختي قطعي البصل ديري شوية قرفة خليها على نار هادئة حتى ينشف الماء ضعي باقي المقادير


شكراااااااا

[Z4MO]

جزاكي الله خيرا اختي انت فعلا مميزة واطباقك روعة ماشاء الله عليكي

[Z4MO]

جزاكي الله خيرا اختي

[sara tounsi]

الروووبووو هو الي يطلق المراره للبصل والماء هذاك يرجع مرررر بطلي تخدمي بيه اختي تجيك الماكله ابن واطيب

[نهلةن]

اختي كاين واحد الحليب في البصل لونو ابيض نلقاوه ساعات في البصل هذاك هو الي يمرر البصل او انو طاب على نار قاوية اما البصل الاخضر مليح للمحاجب عادي لازم تنقعي البصل في ماء فيه ملح باش يتنحى المرارة تاعو