عقدة الحجاب الشرعي لفتيات اليوم؟

[krimo09]

طرحت هذا التساؤل اخواني واخواتي لكي نعرف اصل المرض ان صح التعبير ، لان هذه العقدة موجودة حتى عند من يحفظن كتاب الله،وفي البيوت المحافظة.
هل الامر عائد لتربية الوالدين او البيئة المحيطة او الوازع الديني او لانه امر رجعي او لشخصية الفتاة نفسها او لماذا...لماذا .. يااخواتي.

[samssou]

الله المستعان اخي

[*أميرة الكون*]

والله ما علابالي انا عن نفسي أرتدي حجاب شرعي و اختي المتزوجة هي الاخرى كذلك اما أختي التي تصغرني فترتدي حجاب هذو ليامات اك تعرف سروال و زعمة حاجة طويلة و كي نسقسيوها علاه ما ديريش كيما احنا تقول مانيش حابة ندفن روحي بالحياة و تقولي بلي راني دفنت روحي على خاطر كنت نلبس غير لباس اخر موضة و تخليت عليه لقناعاتي الشخصية و كرهت من تلميحات الشباب يعني كرهت نكون كيما الواجهة تاع الحانوت اللي يجي يتفرج مالا قررت نعزز روحي و نغطي روحي حتى ما نكونش تاع الناس كامل و انا الحمدالله بحجابي هذا حاسة بلي مكانش كيفي فالدنيا الحمد الللللللللللللللللللله و عمري شفت مع وحدة و قلت علاه راها لابسة هكا سوا مغطية سوا عريانة كل واحد مسؤول على روحو و ربي يهدينا كامل للصواب و ربي يستر علينا

[djfr]

ربي يهديهم.............

[فتـ حييةـاة]

شكرا اخي المجتمع اللي رانا عايشين فيه مايساعدش يا اخي بالرغم من اننا نعيشوا في دولة فيها اسلام بصح مازال ينظر الى من يقتدي بالسلف الصالح انه متخلف
اللي تلبس خمار ابيض وترخيه على الساجدة يسموها فرماجة
واللي لابسة جلباب يقولو لابسة باش وراها تسيق فالزنق بجلبابها
واللي يربي لحية يعيطوله بولحية
واللي قصر ملابسه يقولوله السلافي ولا اخ علاش الاخرين عديان كامل رانا اخوة
اما اللي تلبس فيزو ولا الميني يقوللها civilisé يعني متحضرة
واللي يلبس سروال قريب يطيح يقولوله artiste
حتى لبسة تاع دار مستورة صعب باش نلقاوها تتباع ااذا لقينا نلقاوها ديمودي بصح اذا بغينيا نسترو رواحنا وفي نفس الوقت نموشو مع المودة مانلقاوش
وكيما يقول اخونا الواثق دايمن في مشاركاته ..... .........والله المستعان
ارضاء الناس غاية لاتدرك لهذا يجب علينا ان نفعل مايرضي الله وان لم نفعل فلا نحتقر من يفعل ذلك شكرا

[القدس تنادينا]

اخي شكرا على الطرح انا عن نفسي خطبت وحدة وكانت باغيتني بمعنى هذه الكلمة لا افسر اكثر لما درنا العقد الشرعي رغم انها متخلقة شرط عليها ارتداء روب مونطو وخمار طويل قاتلي غير هذ الشيئ انساه حتان يولي في عمري 30 فما فوق ونفكر في الامر والعجيب في الامر انا اهلها اسرة محافظة جدا وهي مستوى ماجيستار لكن كانت القطرة التي افاضت الكأس وقبل العرس بشهر بطلت وعاهدت روحي مهما عجبتني الطفلة نشوف واش حاب ياغي خيمار طويل نروح لخيمار طويل ونهني راسي هي زوجت ربي يهنيها والله المستعان للاسف الشديد انا ايضا اخواتي ملتخلقات ماشاء الله لكن يرفضن الخمار الطويل حقا حقا حجابنا مستور سروال وليكات
ربي يهدي كل واحد وخلاص

[krimo09]

والله مشكورين يا اخوتي واخواتي اسعدتونا بردودكم ، على كل حال من خلال الردود التي تفضلتم بها خلصت الى ان المشكل يتعلق في الفتاة بحد ذاتها
في عقليتها ومدى التزامها بدينها وقناعتها بأن الحجاب الشرعي فرضه عليها رب العباد وليس العباد ،
وللأمانة طرحت هذا التساؤل مخافة الوقوع فيما وقع فيه الاخ القدس تنادينا.

[أم البراء السلفية]

السلام عليكم ورحمة الله وبركاته
حتى انا مش فاهمة واش السبب
يمكن يعجبوهم سراول ولا مانعرف
يمكن والديهم ماعلى بالهمش بيهم عاطينلهم حريتهم والله اعلم
كل واحدة وكيفاه اتخمم ربي يهديهم ان شاء الله

[أم البراء السلفية]

اضحك الله سنك
نورمال خيتو اذا درتى على هدرة الناس مارايحة تقدمى مارايحة تاخرى الله غالب
والله مرة رحت عند لافامى وكنت بالجلباب مشيت عليهم هاكدا حتى نطقت واحدة هادي لاه غامة روحها هاكدا
وواش القيطون اللي حاطاتو عليها تبلووووكيت لتم ومن بعد رحت ليهم وقعدت نفهم فيهم قاتلى الله غالب ابنتى مكانش
اللي يقولنا ويوريلنا رانا نتبعو برك
ونضن حتى لبنات كون تقبضيها وتهدري معاها توعيها والله ممكن تروح للطريق الصح كاين اللي يحبو يلبسوه برك مكانش اللس يشجعهم
المهم ربي يهديهم ان شاء الله
ونقولهم انو والله كي تلبسو الباس الشرعي تندمو على الايام اللي فاتو واللي كنتى تلبسي فيه سروال سليم وبودي مزير
ونص طابلية
سيي برك ياختى اللي مش دايرة حجاب طبعا اقعدي في الشمس انت وواحدة دايرة الجلباب
وشوفي للضل نتاعكم انتم الاثنين
اتشوفي روحك وكانك مش لابسة والله راني مجربتها
اسمحيلى امل اقتبست ردك مش الهدرة الكل موجهة ليك
شكرا اخي المجتمع اللي رانا عايشين فيه مايساعدش يا اخي بالرغم من اننا نعيشوا في دولة فيها اسلام بصح مازال ينظر الى من يقتدي بالسلف الصالح انه متخلف
اللي تلبس خمار ابيض وترخيه على الساجدة يسموها فرماجة
واللي لابسة جلباب يقولو لابسة باش وراها تسيق فالزنق بجلبابها
واللي يربي لحية يعيطوله بولحية
واللي قصر ملابسه يقولوله السلافي ولا اخ علاش الاخرين عديان كامل رانا اخوة
اما اللي تلبس فيزو ولا الميني يقوللها civilisé يعني متحضرة
واللي يلبس سروال قريب يطيح يقولوله artiste
حتى لبسة تاع دار مستورة صعب باش نلقاوها تتباع ااذا لقينا نلقاوها ديمودي بصح اذا بغينيا نسترو رواحنا وفي نفس الوقت نموشو مع المودة مانلقاوش
وكيما يقول اخونا الواثق دايمن في مشاركاته ..... .........والله المستعان
ارضاء الناس غاية لاتدرك لهذا يجب علينا ان نفعل مايرضي الله وان لم نفعل فلا نحتقر من يفعل ذلك شكرا

[محمد جديدي التبسي]

السبب الرئيس هو ضعف الوازع الديني وغياب التربية السليمة أو التربية الناقصة الناتجة عن عدم وعي الآباء بضرورة الحجاب الشرعي

فكثيرا ما نجد فتيات متبرجات وهن قمة في الأدب وحسن الخلق، لم ذلك؟ لأنهم لم يدركوا معنى الحجاب الشرعي ومقاصده

والله أعلم

[فتـ حييةـاة]

اضحك الله سنك
نورمال خيتو اذا درتى على هدرة الناس مارايحة تقدمى مارايحة تاخرى الله غالب
والله مرة رحت عند لافامى وكنت بالجلباب مشيت عليهم هاكدا حتى نطقت واحدة هادي لاه غامة روحها هاكدا
وواش القيطون اللي حاطاتو عليها تبلووووكيت لتم ومن بعد رحت ليهم وقعدت نفهم فيهم قاتلى الله غالب ابنتى مكانش
اللي يقولنا ويوريلنا رانا نتبعو برك
ونضن حتى لبنات كون تقبضيها وتهدري معاها توعيها والله ممكن تروح للطريق الصح كاين اللي يحبو يلبسوه برك مكانش اللس يشجعهم
المهم ربي يهديهم ان شاء الله
ونقولهم انو والله كي تلبسو الباس الشرعي تندمو على الايام اللي فاتو واللي كنتى تلبسي فيه سروال سليم وبودي مزير
ونص طابلية
سيي برك ياختى اللي مش دايرة حجاب طبعا اقعدي في الشمس انت وواحدة دايرة الجلباب
وشوفي للضل نتاعكم انتم الاثنين
اتشوفي روحك وكانك مش لابسة والله راني مجربتها
اسمحيلى امل اقتبست ردك مش الهدرة الكل موجهة ليك

اسلام عليكم اختي
راني فاهمة ومقتنعة بكل واش قلتي ومع اني مانيش لابسة الجلباب بصح عمري ماقلت عليه باش ولا قيطون ولا خيمة هههه لا بالعكس نحترم بزاااااف اللي تكون لابساته ومحترماته يعني بكل شروطه خاصة المتزوجات
يا اختي اذا جات على درجة حرارة الصيف نظن بلي درجة حرارة جهنم اشد واشد
شكرا اختاه وربي يسترنا
اختي انا عمري مانزعف من الكلام اللي مايزعفش مع اني راني عارفة بلي تعشقي مشاركاتي ودايمن تقتابسيها وتضرب بيا المعاني يعني الهدرة عليا والمعنى على جارتي وراني سامحتلك هههه شكرا

[السَّحابة البيضاءْ]

انا عن نفسي لاارتدي الحجاب الشرعي

[krimo09]

لم يا أختي ضوء الخيال فالحجاب الشرعي فرض على المرأة البالغة كالصلاة وسائر الفرائض.

[السَّحابة البيضاءْ]

اضع خمارا فقط وملابسي فضفاضة يعني لا ارتدي الجلابة او الجلباب

[krimo09]

المهم أن يكون له مواصفات الحجاب الشرعي ليس شرطا ان يكون اسمه الجلباب.

[السَّحابة البيضاءْ]

وهو كذلك اخي كريمو تسعة ههههههههه

[اميرة الجزائر2010]

السلام عليكم
الحجاب هو لباس المراة الشرعي و كل من وضعت كما يقال الان ليكات وشروال موقنة انه ليس هو الحجاب الشرعي بدون اطالة ولا تهويل ولا اي شيء كل بنت موقنة بما هي ترتديه و الحجاب امر لا نقاش فيه فهو واجب واجب واجب
و الحجاب ليس هو الجلباب المهم يكون له المواصفات التي نعرفها جميعاا اما بالنسبة للبس الحجاب فهناك فئتين فئة تجبر بناتها على لبسه فتلبسه و فئة لا تجبر البنات على لبسه و يتفرع منه امرين اما ان ترتديه البنت من محض ارادتها او العكس
ليوم كنت عند الطبيب رايت امراة كبيرة في السن بدون حجاب قلت في نفسي هذه كبيرة و لم تطع امر الله بقيت متعجبة ربي يسقم لحوال حنا رانا هكذا و انا عن نفسي راني نحس نفسي راني مقصرة في حق الله

نتمنى ربي يهدينا الى سواء السبيل و نطيحو في ايدي مؤمنة لنبقى نسير على هذا السبيل امين ربي العالمين

[krimo09]

الاخت أميرة الجزائر 2010 مشكورة على مرورك، الخير في أمة محمد -ص- الى يوم القيامة ، على عكس مارأيت أختي عند الطبيب رأيت في اطار عملي بالوزارة نساء كبيرات في السن وصغيرات يرتدين الحجاب الشرعي وينظر اليهن باحترام كبير ،لذا نصيحة لكل فتاة مسلمة ان تضع رأي الناس جانبا فيما يخص الحجاب ، وصدقوني يااخواتي انه في وقتنا الحالي اصبح الشباب الملتزم وغير الملتزم يبحث عن الفتاة الملتزمة ، اسهمها في ارتفاع مستمر.

[بنت الحجاج]

ربي يهديهمْ ...

[بنت البحر]

جزاك الله خيرا على هذا الموضوع . فعلا نحن بنات اليوم لدينا عقدة من الحجاب الشرعي رغم أننا نعرف بأنه أمر من الله أنا عن نفسي ألبس الحجاب كما يقال بالعامية حجاب مطلوق و لكن حجابي ليس كثيرا فضفاض ( سيرطاي )
. المهم لما كنت صغيرة كنت أقول أنا لما أكبر البس الحجاب الشرعي و بإذن الله أتزوج من رجل متدين ذو لحية و يلبس قميص و ................ و أنا الحمد لله فعلا صرت كبيرة و كأية بنت تنتظر عريسها و المشكلة أنو في هذه الأيام جاء عريس لخطبتي بنفس المواصفات التي تمنيتها في صغري و هو أيضا طلب مني لبس الجلباب إلا أني لم أوافق عليه و لا أدري لماذا خفت لما قال لي عن الجلباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[ياسمين16]

علاه يا أختي هذه هي الغلطة تخافي من اللي يخاف ربي و لوكان واحد قالك ماتديريش حجاب ......... راح يعجبك ؟

[fahima48]

السلام عليكم........و الله الكل يعود الى شخصية الفتاة ومدى تدينها وايضا حيائها.........و ان ذهبت الاخلاق و الحياء ذهب معه الحجاب الشرعي و الله انا احس نفسي اميرة و حجابي هو تاجي و خاصة احس باحترام الناس لي و الله يهدينا و يجعلنا من عباده الصالحين....و انا الان اتوجه الى الاخت التي تتردد في ان ترتدي الحجاب الشرعي....فانا عن تجربة اقول لكي لا تترددي ولا تضيعي الوقت فانه هو مصدر ارتياح و ثقة في النفس و حب لله تعالى و انه يضفي على الفتاة الجمال كما انه طاعة لله سبحانه تعالى....فلا تترددي اختاه.

[alaa0503]

السلام عليكم
والله أشكرك أخي الكريم على الموضوع الرائع
عن نفسي أنا أرتدي الحجاب الشرعي والحمد لله منذ كنت صغيرة في المتوسطة
لا ننسى أنه فرض من عند الله عز وجل وعلى كل فتاة وامرأة ستر نفسها في الدنيا كي تفوز بالآخرة

لكن لاحظت ظاهرة مغربة مؤخرا وهي أن شباب اليوم صاروا يلاحقون هذا النوع من البنات في الشارع وقد حدثت معي شخصيا
فلم لا يحترمون هذه البنت؟ على الرغم من ارتدائها للحجاب الشرعي
ألهذه الدرجة ينقصون من قيمتها؟
أعتذر ربما خرجت عن الموضوع لكن كان مجرد سؤال فقط
لا أنسى أن دور الوالدين والمحيط الذي تربت فيه الفتاة هو من يجعلها تقرر فعلا
ربي يهدي جميع بنات وشباب المسلمين ويرزقهم من فضله
وسلام الله عليكم