قطتي

[مروى70]

ربما تجدون موضوعي تافها لكنه بالنسبة لي غير دلك فانا كانت لدي قطة ربيتها مند ان كانت صغيرة هي مثل ابنتي اقسم لكم كنت ادللها تلعب معي تداعبني تنام معي كانت تفهم وتفعل كل ما امرها به كانت رائعة جدا احببتها كثيرا وتعلقت بها اكثر لكن عندما حملت زوجة اخي طلب منا الطبيب ان نخرج القطة من المنزل لانها خطر على صحة الجنين فنزل علي الخبر كالصاعقة فاخدت بالبحث بنفسي عن عائلة تستطيعالحفاظ عليها ووجدت العائلة وسلمتها بنفسي لكن قطتي هربت من عندهم ولم تعد الى الان مع العلم ان اولادها بقوا عند تلك العائلة وعمرهم 6اشهر وغيابها دام 10ايام والى الان انا حزينة جدا وابكيدائما كلما اتدكر الطقس البارد وهي متعودة على الجلوس امام المدفاة لو انها ماتت لصبرت لكنني لا اعلم عنها شيئا فهي تخاف كثيرا تخاف من الحيوانات والبشر وكل شيء خارجي تخافه ما دا افعل من حصلت عنده مشكلة مثلي فليخبرني هل ستعود قطتي الي ام الى ابنائها ام لا تعود ابدا ارجوكم ردو علي

[khado586]

nti hayla hhhhhhhhhhh nchalah twalilak

[مروى70]

ان شاء الله شكرا على الرد

[جسور المحبة]

ربي يصبرك بصح تقدري تجيبي اخرى ودلليها عادي

[دعاء شيماء]

شوفي القطة راهي تشفى على الطريق حتى وتقعد شهر كامل
انا تاني عندي قطة سيامو ربيتها وحد المرة راحتلي 3 ايام ما بانتش وقلبي تحرق على جالها وما ناكل ما نشرب.
ولكن ايامات ورجعت
القطة كي تلقى الماكلة وتلقى القطط راهي مترجعش
متقلقيش روحك
راني حاسة بيك.لازم تنسايها وديري في بالك بلي راهي لقات باصة تقعد فيها.
هادو هوما القطط.
واحد المرة ربينا قطة لكنها ولدت وجابت 5 قطط ديناهم بلاصة بعيدة وكي روحنا الكل يبكي في الدار لاننا والفناهم.
نصيحتي اذا تحبي تربي قط لازم يكون ذكر باش متمحنيش مرة اخرى

[عبد الرحمان محمد]

السلام عليكم

أختي أحيي فيك رفقك بالحيوان هذا سلوك نبيل.

أنت فعلت ما عليك من عطف و تربية و الباقي خارج عن إرادتك.

[مروى70]

الف شكر لكم جميعا اتمنىمن كل قلبي ان تعود

[manina_dr]

ختي قصة قطتك مل قصة قطتي تماما جات مسكينة هامة من برا و ربيتها و زدت جابت وحدها صغير منبعد نحطلك لي فوتو نتاوعهم تشوفيهم و ربيت بينتها ثاني و ديما نلعب معاها و ترقد معايا و دائما تحب ترقد وراء المدفأة و نوكللها بزاف السردين و مبعد بابا حلف عليهم في زوج باسك حنا نسكنو في الباطيمات و شعر نتعها يلصق بزاف في القش و بابا حلف بعدما زادت زيدت جابت 3 اخرين يتسما الله غالب و مبعد دديناهم لبيت خالي بالصح بعد اسبوع صدقيني الكبيرة هربت وولاتلنا بالرغم انها ميش متعودة تخرج و الصغيرة داها ولد خالي لوحد الجزار ومن هذاك النهار و انا نبكي عليها اما الكبيرة و اولادها الصغار 2 ماتو و بقا 1 رانا ديناها معاه للريف توال اخرين نعرفوهم مسكينة فكرتيني فيها ميعد نحط لي فوتو كون تشوفيهم تحيري كيفاش متصورين وقاعدين توال بعضاهم

[مروى70]

شكرا على مروركم وردودكم بارك اله فيكم ادعو معي ان تعود

[z.abdo]

ختي قصة قطتك مل قصة قطتي تماما جات مسكينة هامة من برا و ربيتها و زدت جابت وحدها صغير منبعد نحطلك لي فوتو نتاوعهم تشوفيهم و ربيت بينتها ثاني و ديما نلعب معاها و ترقد معايا و دائما تحب ترقد وراء المدفأة و نوكللها بزاف السردين و مبعد بابا حلف عليهم في زوج باسك حنا نسكنو في الباطيمات و شعر نتعها يلصق بزاف في القش و بابا حلف بعدما زادت زيدت جابت 3 اخرين يتسما الله غالب و مبعد دديناهم لبيت خالي بالصح بعد اسبوع صدقيني الكبيرة هربت وولاتلنا بالرغم انها ميش متعودة تخرج و الصغيرة داها ولد خالي لوحد الجزار ومن هذاك النهار و انا نبكي عليها اما الكبيرة و اولادها الصغار 2 ماتو و بقا 1 رانا ديناها معاه للريف توال اخرين نعرفوهم مسكينة فكرتيني فيها ميعد نحط لي فوتو كون تشوفيهم تحيري كيفاش متصورين وقاعدين توال بعضاهم

قلتي داها ولد خالك للجزار علاش باش بيعا للشناوة هههههههههههههههه

[z.abdo]

على كل نرد على الأخت اللي ظاعتلها القطة نقلك لازم تصبري
وتحسي بالناس اللي ظاعولهم اولادهم واهلهم ربما هذا امتحان من عندي ربي تخيلي لو عندك بنتك وظاعت او اختطفت اذا احمدي ربي كي راها قطة وربي راح يجازيك على احسانك ممكن تدخلي الجنه .ونظن تعرفي امراة يهودية دخلت الجنة بسبب اطعام قطة لهذا نقول على الناس ما يضحكوش عليك كي تحزنى على قطتك لان ربي دخل على جالها ناس للجنة وكاين ناس دخلو للنار على جال قطة ونظن تعرفو كذالك قصة امراة دخلت النار بسبب قطة
والسلام عليكم

[مروى70]

ان شاء الله وشكرا على تفهمكم

[SOUSOU. DZ]

نشاء الله تلاقايها لخاطر انا تاني نحب الحيونات الاليفة وراني حاسة بيك

[manels]

السلام عليكم

لا اجدك تافهة فانا ايضا احب القطط كثيرا وكان لدي قط دائما معي وفجاه غادر ولم نجده كنت كلما ذهبت للعمل ابحث في الشوارع المحيطة ببيتنا عساني اجده خاصة في الشتاء لانه متعود على المنزل المهم يا اختاه احس بك فالحياوانات عندما نربيها تصبح فردا من العائلة ولحد الان مازلت احتفظ بصوره اه فكرتيني بميمي

ان شاء الله ترجع ليك

[ivaoran]

السلام عليكم
حقيقة عندما تكون المرأة حامل
يجب عليها ان تبتعد عن القطط
لذلك يجب ان تتفهمي موقف عائلتك من ابعادهم
لقطتك عنك


اما عن قطتك فهناك بعض التفاصيل ناقصة
1- الناس اللي مديتيهالهم بعاد و لا قراب؟؟

بمعنى اديتيهالهم و انت رافدتها في يديك
و لا اديتيها في السيارة؟؟

لانه اذا اديتيها في السيارة و لا نقلتيها
داخل شيء مقفل وين ما تقدرش تشوف
اذا ما تقدرش تتفكر الطريق و لن ترجع اليك

2- هاذ الناس اللي خليتيها عندهم شحال بقات عندهم؟؟
اذا مدة طويلة 3 ايام فما فوق فيمكن انها ترجع لانها تكون
خزنت المعلومات في الذاكرة تاعها اما اذا كان اقل
من ذلك فلا ربما تكون تاهت و انا انصحك ان تبحثي
عنها في الجوار لانها لن تبتعد
القط اللي يتربى في الدار ما يبعدش
شوفي الحدائق المنزلية عند الجيران
ولا كاش حوانيت فارغين و لا ...

اما بالنسبة لاحتمال انها ترجع لاولادها علما ان اولادها
بلغو 6 اشهر حسب ما فهمت فهذا احتمال غير وارد اطلاقا
لان 6 اشهر بالنسبة للقطط يكونو بلغو و ليسو في حاجة الى
امهم لذا يمكن ان تتركهم لوحدهم

ابحثي عنها ستجديها بالتأكيد

[حفيدة النبى 012]

السلا م عليكم اختى انا ايضا مثلك كنت املك قطا ولاكنه كان يذهب ثم يعود وفى احدى المرا ت ذهب عنى بمجرد انه اتت قطة اخرى كانت حاملا فقلت فى نفسى انه لن يعود. ليكن فى علمك القطط حساسة اى انها تصيبها الغيرة بمجرد انها تراك تتهتمين بغيرها . ولاكن عاد بسبب البرد وشتاء اذا كانت قطنك موالفة تدخل وتحرج ماتخافيش تولى خاطرش تعرف الدار. والموصوعك ليس بتافه اخيتى واسال الله ان يعيد لك قطتك سالمة غانمة يارب العالمين لانه جربت هاذا الاحساس.

[مروى70]

شكرا على تفاعلكم و تفهمكم قطتي اخدتها هده العائلة في السيارة في مكان خالي نوعا ما من السكان واكتشفنا بعد دهابنا الى هاته العائلة ان عندهم عدد من الكلاب كرم الله وجوهكم وبجوارهم غابة فيها الدئاب وهم عندما اخدو مني القطة وصفوا لي المكان عكس ما قالوا المهم ليس بجانبهم الا جار واحد وسالناهم لكن لم يروها هي خائفة من الكلاب واعرف ان قطتي لا تبتعد كثيرا فهي عندما تخاف تختبيء ولقد مكثت عندهم اسبوع تختفي في الصباح وتعود اليهم بالليل عندما تحس بالامان لكن في اليوم السادس خرجت دون ان تعود حسب قولهم الى يومنا هدا يعني انها غائبة مدة 6ايام تقريبا فهل ممكن ان تكون مازالت حية في هدا البرد القارص اتمنى عكس دلك اتمنى ان تكون بخير وتعود يا رب توحشتها دائما ابكي واحس بالدنب

[ivaoran]

شكرا على تفاعلكم و تفهمكم قطتي اخدتها هده العائلة في السيارة في مكان خالي نوعا ما من السكان واكتشفنا بعد دهابنا الى هاته العائلة ان عندهم عدد من الكلاب كرم الله وجوهكم وبجوارهم غابة فيها الدئاب وهم عندما اخدو مني القطة وصفوا لي المكان عكس ما قالوا المهم ليس بجانبهم الا جار واحد وسالناهم لكن لم يروها هي خائفة من الكلاب واعرف ان قطتي لا تبتعد كثيرا فهي عندما تخاف تختبيء ولقد مكثت عندهم اسبوع تختفي في الصباح وتعود اليهم بالليل عندما تحس بالامان لكن في اليوم السادس خرجت دون ان تعود حسب قولهم الى يومنا هدا يعني انها غائبة مدة 6ايام تقريبا فهل ممكن ان تكون مازالت حية في هدا البرد القارص اتمنى عكس دلك اتمنى ان تكون بخير وتعود يا رب توحشتها دائما ابكي واحس بالدنب

لا تخافي اخيتي
اللي خلق ما يضيع
ما تخميش بزاف

ان شاء الله ترجعلك

[الدكتور سام]

هههههههه.قطتي الصغيرة و اسمها .........
لازم ديري اعلان بحث في فائدة القطة
الرجاء لكل من شافها او يعلم عليها كاش خبر يتصل بالحصة(اه نسيت .يتصل ب منتدى الجلفة)
.بالنيبة لنصيحة الطبيب تمام صحيح.و هو مرض طفيلي يسمىtoxoplasmoseو يشكل خطر على الجنين
اما بالنسبة لقطتك المسكينة ان شاء الله ستعود. اليك .

[مروى70]

شكرا لكم اخوتي الكرام اتمنى دلك

[جزائرية]

واش راح نقولك يا مروى ربي يرجعهالك سالمة


واذا رجعت طمنينا عليها

[أم البراء السلفية]

السلام عليكم ورحمة الله وبركاته
ماشاء الله
انا ماعنديش تجربة معاهم لانو نحب الزواوش لكن في الدار مايخلونى نربي والو
المهم القطة ترجعلك للدار ان شاء الله لانو هي تشفى على الطريق
والله اعلم

[** أم عبد الرحمن **]

السلام عليكم ورحمة الله وبركاته
والله أخيتي في هذا الموضوع يمكن أن أكثر واحدة تفهمك
قطتي معي الآن منذ : 10 سنوات تقريبا (منذ أواخر2001) ، يعني منذ كنت صغيرة ، تربت معي و هي مثلما وصفت قطتك....
في عام 2007 إذا لم تخني الذاكرة ، أخذ أبي قطتنا وكان عازما أن يعطيها لصاحبه ولكن لعلمه بتعلقي الشديد بها لم يخبرني بأنها لن تعود ، ولكن ما حصل أن القطة المسكينة هربت من ذلك المنزل وبقيت في الشارع بدون أكل وشرب ، وهي لا تحب القطط الأخرى و تخاف من الآخرين بحكم أنها قطة منزلية ، المهم دام غيابها 15 يوما ،ولكن في الأخير وبعد إصراري عليهم بإيجادها ، بحثوا عليها كثيرا في ذلكم الحي و أتذكر أن أمي المسكينة حفظها الله طافت على كلّ القطط السيامية (siamois) لكي تتأكد إن كانت قطتنا وفي الأخير وجدتها امرأةٌ وهي تسكن بالحي الذي هربت منه واتصلت بنا و عادت إلينا وهي حتى الآن معنا.
لذلك لا تقلقي بإذن الله ستعثرون عليها.
ولكن إن قدر الله ولم تعثروا عليها فاعلمي أنك فعلت الواجب ولله الحمد ، والله يأجرك على رفقك بها إن شاء الله.

ملاحظة : موضوع الحيوانات الأليفة لا يحس به إلا من جربه

[فتـ حييةـاة]

شوفي اختي القطط توالف المكان وترتبط به ماترتبطش بالانسان بزاف يعني لوكان تكوني انت مربتها فالبيت ويجو ناس اخرين يسكنوا في بيتكم تقدر تعيش معاهم عادي عكس الكلاب اللي توالف الانسان وتخلص فحبها ليه
يعني القطة ضرك ترجع للمكان اللي تربت فيه اي لبيتكم

[مروى70]

ان شاء الله وشكرا لكم جميعا وانا مازلت ابحث واعود الى دلك المنزل مرة على مرة ربما اجدها وساواصل بحثي واملي في الله كبير
لقد رفعتم معنوياتي بارك الله فيكم

[hamzagolf6]

انا نحب الكلاب
تخيلي كلبي بقيمة 20 مليون دراهمنا + مصاريف التنقل و التلقيح والشاهدات نتاعو والباسبور نتاعو و الماكلة نتاعو كل ماتخلص نروح 150 كلم باش نجيبها وكل ما يمرض نديه لطبيب بالدراهم

[*الحواس*]

و الله غير فكرتيني ................ أنا كان عندي قط من النوع المشعر و كان لونه رمادي ,و كنت نروح نصيف 03 شهر ونجي ونلقاه مازال عاقل على الدار و ما يهربش

ملاحظة : قطي كان متسكع , يعني فالنهار تلقاه فالدار و فليل أرواح نتا جيبه ........ و كان هو المافيا تاع الحي ......... لكن ولد جارنا قتله بالرهج ............ علا خاطر هو كان مربي الحمام , و راكم عارفين التكملة .................

ما تخافيش قطتك ترجعلك ...........:19:

[مروى70]

شكرا لكم
ولي عندو حيوان عزيز عليه ربي يخليهولو ويتهالا فيه مليح ولي ماتلو ربي يصبرو عليه وكي يموت احسن من يروح وما تعرف عليه والو هل ماكل ولا واش صرالو في هاد البرد بالخصوص الحيوان المدلل اللهم ياجامع الناس ليوم لا ريب فيه اجمعني على ضالتي

[nilly]

انا ايضا احب الحيوانات كثيرا
هذا شيئ جميل

[منتهى الرقة-*]

و الله انا تاني موت على القطط و كون نحس نربي كل قطط العالم

كان عندي قط تخيلي كنت مقلشاتو تخيلي جابوهولي و هو صغير من عند امو

كنت نملا القاروره نتاع القطرة نتاع العينين بالحليب و نفتحلو فمو و نرضعوو الاكل غي الكاشير و الفرماج و نشريلو العلب تاع الاكل سبيسيال نتاعهم

مره بابا تنارفا منو و رماه ف المستشفى مع القطط و من بعد بابا ندم

في هادك الوقت بقيت نغيب عن دراستي و كنت نروح للمستشفى نبحث عليه بصح للاسف ما لقيتوش

و تعرفي شحال بكينا عليه انا و ماما

بصح ضرك زدت جبت قط من الصغر و راني نكبر فيه و تبانلي هذا القط خير من الاول يعني يروح وين ما يروح و يرجع و كو نشوفه تاخر يومين نروح نبحث عليه و راهو مربي مليح

[مروى70]

ربي يخليهولك اختي انا مازلت نحوس على القطة تاعي ولم افقد الامل بعد لقد عدت اليوم الى دلك المكان وبحثت لعل وعسى ولكن دون جدوى المهم انا ادعو الله دائما ان يرجعها لي سالمة الف شكر لكم جميعا