هل أخبر خطيبي أم لا؟

[مشكلتي]

لقد خطبت منذ 7شهور وخطيبي انسان ذواخلاق ومتدين وانا كذلك ولكن لحد الان لايعرف ان ابي يشرب الخمر احيانا
فهل يجب على ان اخبره بالامر ام اذا اخفيت عنه الامر اكون قد كذبت عليه.لاني اخاف اذا اخبرته بهذا الامر ان ينظر الى نظرة مختلفة
فاشيرو على الله ينوركم فهذا الموضوع يسبب لي تعب كثيرا

[samir 1990]

سوف سيتزوج بك ليس بأباك !!!!أستري على أبيك فإذا كان الله سبحانه و تعالى يستر على العبد إذا أذنب فكيف نحن لا نستر على بعضنا الله يهدي أباك إن شاء الله

[مريم الصابرة]

السلام عليكم اختي الكريمة هذا إختبار من خلاله تعرفين فيه مكانتك عند هذا الرجل تقولين أنه ذو اخلاق ومتدين من الاحسن أن تخبريه وهو يعلم أنه لا ذنب لك وأنك صارحته والحقيقة تبقى الأفضل مهما كانت مرة وهو يعلم كذلك ان الله يهدي ما يشاء وسيهدي والدك إن شاء الله لذلك لم يهمه الأمر لأنه يعرف أخلاقك أنت وهذا هو المهم وإن كان موقفه سلبي فهو لا يستحقك ولا يعرف دينه لانك غير مذنبة وأنصحك ان تخبريه لانك إن اخفيت الامر سيظن انك قادرة على الكذب في أي أمر وسيشك بك صارحيه وأتمنى أن يكون موقفه إيجابي وفقك الله

[ketkouta]

لا يا اختي انا انصحك باخفاء الامر عنه ولا تخبريه ولا تفضحي والدك هداه الله
وحتى اذا جاء يوم واكتشف الامر بنفسه مثلي انك تفاجات انت كذلك ولا تخربي حياتك و تهدمي مستقبلك ببدك من اجل ذنب لم تقترفيه
استري والدك يا اختي فمن ستر عن مؤمن ستر الله عليه في الدنيا والآخرة
وبالتوفيق اختي الكريمة

[manina_dr]

نن رايح يتزوج بيك ماشي بباباك متخبريه موالو حنونة هو مكان مدخلو في باباك يخي يعرف اخلاقك نتي و حتاااااااااا و اذا سمع من عند الناس ميش حاجو غراف باسك مخبيتيش عليه حاجة تتعلق بيك نتي خبيتي على باباك و امر باباك ميخصوش خلاص و زيد يخي مهوش رايح يسكن مع باباك وش الغرض من اخباره و متتخلعي ما تتعذبي والله حنونة ميش حاجة صدقيني و راكي درتي الصواب

[جيهان13091991]

واش دخلو وعلاه انت لي تشربي ياخي باباك هاذي حاجة تخص باباك متخصكش انت و انا كون جيت في بلاستك مانقولوش و اذا فاق نورمال نقولو ميش حاجة متعلقة بيك و بيا حاجة لي تخص فاميلتك و الا فاميلتو ماداخلوهاش في حياتكم اذا باباك و الا باباه لي يشرب و الا خوك والا خوه بعيد الشر فالسجن هذا مايعنيش بلي انت و الا هو ماتصلحوش لان تكونو ازواج

[عبد الرحمان محمد]

ذواخلاق ومتدين وانا كذلك
هذا سبب مشاركتي في موضوعك

تخيلي إمرأة لديها أم تقوم بالسحر أو زيارة السحرة هل من حقها ستر هذا الأمر على خاطبها ؟

المشكل الذي يطرح نفسه أختي الفاضلة هو أن العلاقة بين الزوج و الزوجة لا يوجد فيها أسرار و لا تقبل شيء إسمه ( ستر)

إن كنت تظنين ان سبب شرب الوالد الخمر سبب فسخ الخطوبة فهذا السبب سيكون نفسه السبب لفسخ الزواج .

في مجتمعنا الجزائري يوجد عادات كثيرة من بينها هته العادة السيئة الستر( الذي يستخدم في غير محله) ، هته العادات هي الاسباب الرئيسية للطلاق.

لا يوجد عيب حين علم خاطبك أن والدك أحيانا يشرب الخمر، لكن طريقة إخباره هي المشكل او الحل : لاحظي الفرق :

1. تتصلين بخطيبك : السلام عليكم اليوم أريد أن أخبرك بشيء هام جدا لم أخبرك به : والدي يشرب الخمر...!!!

2. يتصل بك خاطبك: السلام عليكم، تردين و عليكم السلام و رحمة الله: يقول كيف الحال؟ تردين بخير الحمد لله و أنتم يرد بخير الحمد لله : يقول و كيف حال الوالد : بخير إدعو لنا من صالح دعائك ... إلى أن يعرف بنفسه

أنصحك أختي الفاضلة بشيء هام : لا تقبلي على الزواج بشخص لا تعرفينه لماذا؟ لأن خاطبك سيكون زوجك و أب اولادك.

أفضل أن يطلقني و انا خطيبته على أن يطلقني وانا أم أولاده...

كلامي كله يدور حول : الحكمة في إخبار الخاطب حول العيوب الموجودة. بحيث إن قبلني يقبلي كما أنا و إن رفض يرفضني الآن أحسن من أن نضيع سنين..

الله يعطيك الهناء و الله يهدي الوالد الفاضل.

وفقك الله لما يحب و يرضى.

[- بصمة خير -]

أختي انت قوليلو من باب الاعلام بالأمر

و انت ادري و لكن لوكان يعرف من الناس واش تكون ردة فعلوا ؟؟؟

حاجة متتخباش

صلوا على الرسول افضل الصلاة و السلام

[فتـ حييةـاة]

اختي بعد اللي قالو الاخ عبد الرحمن محمد مابقالي مانقول
الله يهديه ان شاء الله

[manina_dr]

ختي لعنداااااااااااااااااااااااااااااااااااااااااااااا ااااااااااااااااااااك معندو مداك متقوليلوش خلاص لخذيتي رايي و ربي يهديني شي ناس هنا يهدرو على الطلاق بعيد الشر وراني قتلك والله يا يعرف خطيبك من الناس ميزعف بزاف منك و ميكبرهاش لهذيك الدرجة و رايح يتفهم عدم اخبارك ليه
و زيد انا معععععععععععععععععععععععععععععع فكرة ان تكون اسرار بين الزوجين في امور كي هي يا ختي البيوت اسرار متخرجيش سر والديك وداركم كون جات حاجة فيك صح نأيدك و نقوللك روحي قوليلو و لازم متدرقيش عليه وغير هكذ ميسالكش خطيبك غير دعوة الخير متضخميهاش خلاص و حتا اذا قلتيلو عادي علابالي باللي ميدير والو لانها حاجة متخصوش يا ختي راه رايح يتزوج بيك ميش بباباك و اذا حب يفهم قوليلي اذا راك مهتم هكذ كون سقسيت على بابا قبل متجي تخطبني و زيييييييييييد ممكن يكون والد زوجك يشرب و تلقاي راجلك ميخبركش خلاص خلاص بالرغم من انك رايح تسكني معاهم و انا شخصيا ميغيضنيش الحال

[حميدو09]

أولا هل سألك و أجبت بالنفي؟
إن كان كذلك أخبريه عند أول فرصة و بالحكمة،حتى لا يفقد ثقته بك
و إن لم يكن كذلك فلا تخبريه ،استري والدك يا اختي فمن ستر عن مؤمن ستر الله عليه في الدنيا والآخرة.
و لعل الله يهديه

[nazim74]

لا تخبريه............................................ ...............................

[خولة لبابة]

أنا رأيي أن تخبريه.....لأنه اذا اكتشف الامر سيظنكي تكذبين ربما سيغب منكي.....من المستحسن ان تخبريه.....و اذا كان رجل ذو دين و خلق سيفهم انه ليس بيدكي.....اخبريه احسن لكي......اليوم قبل الغد.....و الله اعلم في كل الاحوال....

[اسيا 86]

شوفي اذا راكي عارفة بلي هادي الحاجة ماتطولش و تتخبى قوليلو بصح حتى تفوتي تجبديه ليك وتعلقيه بيك واعرفي كيفاش تجيبيهالو قوليلو انا مانيش حابة نخسرلك وربي مايحاسبناش على حاجة داروها مالينا كيفاش نتا راح تحاسبني قوليلو انا راني متمسكة فيك ونحمد ربي صباح وعشية عليك مادا بيا اولادي يترباو في جو اسري هادىء على اسس متينة ......وقوليلو راك تعرف سيرتي بصح اذا حبيت تفسخ خطوبتك انا ماعندي ماندير ربي ان شاء الله يعوضني بانسان حنين حاولي استعطافه اذا كان انسان مليح وذو اخلاق ديري المستحيل باش تشديه المراة في هدا الوقت ماشي دايما يصحلها انسان متخلق و مربي واذا راكي عارفة بلي باباك يشرب الخمر ولكن خفية عن الناس و ماراحش ينكشف امرو استريه وما تقوليلوش يعني الامر صعيب ربي يحسن عونك

[manina_dr]

نزيد نككر بللي مهيش حاجة تخصو يا ختي كون عينو كون سقسا النهار الاول على باباك يا ختي وش دخلو يشرب ولا ميشرب حاجة تخص باباك وحدووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووو
و يعني حتا واذا سمع نورمال وينو المشكل يخي رايح يتزوجك نتي و يخي باباك حاجة شخصية نتاعو كونو يشرب ربي يهديه وخلاص المهم يخي خاطي الناس

[رحيق الايمان]

اختي اخبري خطيبك بالامر يسمعها منك خير ما يسمعها من غيرك و ديري في بالك مليح بالي اكيد سقسى عليك و على عائلتك و احتمال كبير انه عرف الموضوع مالا يا اختي انت اختاري الوقت المناسب باه تخبريه وكيما قالولك راح يزوج بيك انت يعني انت الي تهميه بالصح لازم يعرف امر كهذا وخممي انه لو ما عرفوش منك راح يعرفو من غيرك كيما قلتلك قبل و ايضا ما تنسايش انه الزواج عمر يعني لازم يجيه نهار و يلقى باباك في هذيك الحالة واش ديري عندها كي يقولك خدعتيني ادعي لباباك بالهداية و خبري خطيبك الموضوع

[رحيق الايمان]

نزيد نككر بللي مهيش حاجة تخصو يا ختي كون عينو كون سقسا النهار الاول على باباك يا ختي وش دخلو يشرب ولا ميشرب حاجة تخص باباك وحدووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووو
و يعني حتا واذا سمع نورمال وينو المشكل يخي رايح يتزوجك نتي و يخي باباك حاجة شخصية نتاعو كونو يشرب ربي يهديه وخلاص المهم يخي خاطي الناس

مانينة انا معاك انه امر يخص باباها بالصح راجلها يسمع منها خير ما يسمع من غيرها لانه كي تقله هي نورمال امر ما يخصوش بالصح كي يسمع من غيرها و لا بعد الزواج كانش نهار يشوف نسيبه شارب ما يدورش عليها و يتهمها انها خدعاته

[مومي23]

اختي العزيزة
هل ابوك يسرق ممتلكات الناس
هل ابوك يظلم الناس
هل ابوك ياتي بالنساء الى البيت و يمارس الفاحشة
ابوك يشرب الخمر الله يهديه ان شاء الله مشكلته مع نفسه و مع ربه
الاكيد ان خطيبك يعلم بالامر هذه الامور لا تخفى
اخبريه هذا الامر سيزيده ثقة فيك

[hamzagolf6]

اختي راني شاب ونعرف عقلية الشباب
مثلا ابداو تهدرو على فاميلتكم ومباعد قوليلو لوكان خطبت وحدة باباها يشرب واش دير وشوفي الجواب نتاعو
انا في رائي صارحيه بالامر خير لوكان يسمع وحدو راح طيحي من عينيه

[hamzagolf6]

اختي لوكان تخبريه نتي بالعكس راح يزيد يحبك لانو قبل مايخطبك سئل عنك وماقلولوش هاد الامر وكي تقوليهولو نتي راح يفرح ويقول ديت بنت الفاميليا وزوجة صالحة ان شاء الله
بون شوووونص

[hana bac]

بسم الله الرحمن الرحيم اما بعد: اختي العزيز اذا ارتي ان تاخذي نصيحتي ان تصارحيه احسن لانك اذا صرحتيه يعود عند تيق فيك يجب تكن علاقتكم الزوجية مليئة بالصدق والصرحة كلما ياختي تكوني صريحة يكون يشتيك اكثر كما يقول الصرحة براءة والحب وفاء هذه نصيحتي ياختي الكريمة

[hamzagolf6]

اختي العزيزة
هل ابوك يسرق ممتلكات الناس
هل ابوك يظلم الناس
هل ابوك ياتي بالنساء الى البيت و يمارس الفاحشة
ابوك يشرب الخمر الله يهديه ان شاء الله مشكلته مع نفسه و مع ربه
الاكيد ان خطيبك يعلم بالامر هذه الامور لا تخفى
اخبريه هذا الامر سيزيده ثقة فيك

الخمر فقط نعم
اخي كيف كيف كي الخمر كي كل الفواحش
انا شخصيا لوكان خطبت وحدة وسمعت من برا ولا من عندها بلي باباها يشرب ثم نفسخ الخطوبة وربي يسهل
وللاسف ومانيش على صاحبة الموضوع وهي ماشي لافوت نتعها
مثلا واحدة ولا واحد ولاداتو يماه ولقا بابه يسكر راح يخرج هو يصلي ومايشربش الا القليل القليل
+ لا اقبل الناس يقولولي تزوجت بوحدة باباها يسكر + ولادي تاني مانحبش يجدهم يكون يسكر
وديزولي بزاف

[manina_dr]

مالا قولولي وخلاص يا ختي و كي تقوليلو حنونة زيدي اكتبي موضوع تابع لاخبر خطيبي ام لا

[مومي23]

الخمر فقط نعم
اخي كيف كيف كي الخمر كي كل الفواحش
انا شخصيا لوكان خطبت وحدة وسمعت من برا ولا من عندها بلي باباها يشرب ثم نفسخ الخطوبة وربي يسهل
وللاسف ومانيش على صاحبة الموضوع وهي ماشي لافوت نتعها
مثلا واحدة ولا واحد ولاداتو يماه ولقا بابه يسكر راح يخرج هو يصلي ومايشربش الا القليل القليل
+ لا اقبل الناس يقولولي تزوجت بوحدة باباها يسكر + ولادي تاني مانحبش يجدهم يكون يسكر
وديزولي بزاف


اخي انا لا اقلل من شان هذه الفاحشة
ما اقصده ان اباها ذنبه بين نفسه و ربه لو يقلع غدا و يستغفر الله يبنتهي كل شيئ و ممكن يكون انسان حنون و يحب الخير للناس و الله يا اخي اعرف واحد تزوج من فتاة ابوها يشرب يوميا و لكن كل الناس تحبه تصور بعد سنة اولى زواج تاب الله عن ابوها و حج اكثر من اربعة مرات دون حساب العمرات
هناك فواحش و جرائم ستضرك حتى لو ابتعدت عن نسائبك مشاكلهم ستطالك اليوم او غدا

[miri_27]

و الله ياعزيزتي أخبريه حتى تعرفين ردة فعله فإذا كان يريدك سوف يقبل بك و بعائلتك و إذا كان لا يريدك فإنه يجعل من الامر سببا للفراق و هو يعرف يعرف سواءا قلتي له ام لا لان السنة الناس لا ترحم و ربي يهدي الناس اجمعين