ورود الشتاء
2012-01-28, 21:42
*كيفكم ان شاء الله انتم بالف خير*
*عسى دائما ان شاء الله*
موضوع اليوم عن صنف الرجال-يعني جزئ منهم فقط..الرجال الي يشنف على خدمة المراة-
يعني هي: نحنا الفتيات نعجنوا نخبزوا نطيبوا نسيقوا
وكاين منا الي تخدم خدمتها برى وكي تروح للدار زيد تخدم شغل الدار
واذا قالت تعبت
http://www.elmaha.com/vb/imgcache/16621.imgcache.gif
يقوللها هو:واش خدمتي حتى تتعبي
*الكلمة الطيبة ماكانش هذا ماننتظروه منكم يا شباب اليوم..........نحدمولكم وفوق هذا التشناف..*
هي:تعاون امها في شغل البيت
تجهز الفطور
تغسل
هو:يعوم ينحي قشه ويطيشه في المشينة-كلي هي حتغسل وحدها
يتقشمع-يعني يلبس ويعدل روحه-ويجي خارج ........كي الشيكور
http://www.elmaha.com/vb/imgcache/16621.imgcache.gif
هي:تخدم واجبات البيت...تلبس للصغير تغيرله قشه...تساعده في حل التمارين والواجبات المنزلية..
هو:اذا طلب منو اي واجب مايخدموش.........اذا جاه ولده طلب مساعدته في حل فروضه يجاوبه-روح لماماك هي الي تعرف-كلي هو مايعرفش مي القهوة شكون يقعد فيها
http://www.elmaha.com/vb/imgcache/16621.imgcache.gif
هي:تحاول ترضي رغبات كل واحد ..هذا مايحبش الملوخية مثلا..هذا مايحبش المعجنات
هو:يما واش طيبتي راني ميت بالجوع..توجدله..هاك اوليدي ولا هاك يا زوجي العزيز......مممم واش هذا مالقيتي ماطيبي راني قتلك ماناكلهاش
http://www.elmaha.com/vb/imgcache/16621.imgcache.gif
-هيه ماتاكلهاش على الاقل راعي تعبها طول النهار وهي توجدلك.وفي الاخير تتكسل وتشنف عليها من الفوق-
-وين راحت الكلمة الطيبة ولا القبلة على الجبين او الراس...تلصق فيك اذا قلت صحيتي يما..ولا صحيتي اختي-
http://www.elmaha.com/vb/imgcache/16621.imgcache.gif
هي:كاخت كبيرة اذا غابت امها لازم تنوب عليها في شغل البيت واموره..
..تخدم تسيق تخبز..
..وطيب العشاء والغداء..
هو:كاخ .اووووووووووو هذي ماكلة هذي ..الكسرة تقول عليها ماطابتش ضرك..
الماكلة مالحة-وهي مامالحة ماوالوا
المهم يطيح وخلاص
http://www.elmaha.com/vb/imgcache/16621.imgcache.gif
هي:تروح لخدمتها على 07 وهو كيف كيف-الراجل-تخدم شغلها وتروح على 12 تجهز الغادء وتفقد ولادها وتجيب هذا وتدي هذا
تخبز او تجيب في يدها الخبز للغداء
-تخمم على خدمتها برى وتخمم على الدار-
http://www.elmaha.com/vb/imgcache/16621.imgcache.gif
وفي الاخير اذا قالت تعبت
يجيب هو -الراجل-*لو خدمتي خدمتي راح تنتاحري في اول يوم*
هي:لا يغمض لها جفن حتى تكمل عملها كموظفة كدارسة وعملها كزوجة او كاخت
..لا تنام حتى تطمئن على ابنها المريض او على اخيها -الي عندوا الحمة
هو:ينام مرتاح البال -لانوا كاينه اموا او اختوا او مرتوا يعول عليها تخدم وتهتم بالامور..........
وفوق هذا
قولك والله مارقدت مليح
ولا تعبان ماجانيش النوم في الليل--وهو ليل كامل وهو يشخر ..وماخلاهاش ترقد بشخيروا....
http://www.elmaha.com/vb/imgcache/16621.imgcache.gif
وعلاش هذا كامل ..واجبها وي عارفة هالشئ وما قلتش اخدموا خدمة المراة...مي واجبها انها تتحمل رذالتك وصحانيت وجهك..وقلقتك..وعياطك على امور تافهة
وتمسخيرك على خدمتها حتى لو كان مسقم..
..علاش تلصق فيك كلمة:الله يخليك يما..الله يخليك اختي..
على الاقل راضيونا بكلمتين طيبتين
على الاقل قولوا الحمد لله بلي انتم في حياتنا ومهنيينا من خدمات بزاف
على الاقل احمدوا ربي وقوموا بواجباتكم ناحيتنا وجازيونا بالكلام الطيب
http://www.elmaha.com/vb/imgcache/16621.imgcache.gif
علاش هذا قولولي شكون الي تعب اكثر
الي تخدم لبرى ولداخل
حتى لو كانت ماكثة في البيت حتى هيا تتعب
ولالا
ولا انت الي تخمم غير على خدمك في البيرو
ماقلتش عاونونا يا شباب
الي حابة نوصلوا
على الاقل اقنعوا وراعيونا شوي.. على الاقل بالكلمة الطيبة .صاحيتي يما الله يعيشك لينا.....صحيتي اختي الله يخليك..
اسئلتي:
-هل انت من هذا النوع الي يحب صلاحوا وفقط
-هل تجازي امك او اختك بتلفظ كلمة طيبة ترضيهم بعد تعبهم وعنائهم وسهرهم على راحتك
/كل يوم مش مرة على مرة/ ولا من المناسبة للمناسبة/ ولا كي تشريلك حاجة/
-هل تعامل امك او اختك هكذا
-هل اخطات يوما وتصرفت بمثل هذا التصرف
-هل طلبت العفو
-هل شغل الرجل اكبر من شغ المراة ام العكس
سؤال ملح
-علاش كي تتزوج حتى الكسرة المالحة والمعوجة تقول عليها بنينة
وكي كانت امك/ او اختك ديرهالك تقول ماناكلهاش وتشنف عليها
-واش رايك انت
عبر في منتدى واش راك تهدر
*دمتم بالف خير*
*ونتمنى يتقبل الموضوع *
*حفظكم الله ورعاكم*
*عسى دائما ان شاء الله*
موضوع اليوم عن صنف الرجال-يعني جزئ منهم فقط..الرجال الي يشنف على خدمة المراة-
يعني هي: نحنا الفتيات نعجنوا نخبزوا نطيبوا نسيقوا
وكاين منا الي تخدم خدمتها برى وكي تروح للدار زيد تخدم شغل الدار
واذا قالت تعبت
http://www.elmaha.com/vb/imgcache/16621.imgcache.gif
يقوللها هو:واش خدمتي حتى تتعبي
*الكلمة الطيبة ماكانش هذا ماننتظروه منكم يا شباب اليوم..........نحدمولكم وفوق هذا التشناف..*
هي:تعاون امها في شغل البيت
تجهز الفطور
تغسل
هو:يعوم ينحي قشه ويطيشه في المشينة-كلي هي حتغسل وحدها
يتقشمع-يعني يلبس ويعدل روحه-ويجي خارج ........كي الشيكور
http://www.elmaha.com/vb/imgcache/16621.imgcache.gif
هي:تخدم واجبات البيت...تلبس للصغير تغيرله قشه...تساعده في حل التمارين والواجبات المنزلية..
هو:اذا طلب منو اي واجب مايخدموش.........اذا جاه ولده طلب مساعدته في حل فروضه يجاوبه-روح لماماك هي الي تعرف-كلي هو مايعرفش مي القهوة شكون يقعد فيها
http://www.elmaha.com/vb/imgcache/16621.imgcache.gif
هي:تحاول ترضي رغبات كل واحد ..هذا مايحبش الملوخية مثلا..هذا مايحبش المعجنات
هو:يما واش طيبتي راني ميت بالجوع..توجدله..هاك اوليدي ولا هاك يا زوجي العزيز......مممم واش هذا مالقيتي ماطيبي راني قتلك ماناكلهاش
http://www.elmaha.com/vb/imgcache/16621.imgcache.gif
-هيه ماتاكلهاش على الاقل راعي تعبها طول النهار وهي توجدلك.وفي الاخير تتكسل وتشنف عليها من الفوق-
-وين راحت الكلمة الطيبة ولا القبلة على الجبين او الراس...تلصق فيك اذا قلت صحيتي يما..ولا صحيتي اختي-
http://www.elmaha.com/vb/imgcache/16621.imgcache.gif
هي:كاخت كبيرة اذا غابت امها لازم تنوب عليها في شغل البيت واموره..
..تخدم تسيق تخبز..
..وطيب العشاء والغداء..
هو:كاخ .اووووووووووو هذي ماكلة هذي ..الكسرة تقول عليها ماطابتش ضرك..
الماكلة مالحة-وهي مامالحة ماوالوا
المهم يطيح وخلاص
http://www.elmaha.com/vb/imgcache/16621.imgcache.gif
هي:تروح لخدمتها على 07 وهو كيف كيف-الراجل-تخدم شغلها وتروح على 12 تجهز الغادء وتفقد ولادها وتجيب هذا وتدي هذا
تخبز او تجيب في يدها الخبز للغداء
-تخمم على خدمتها برى وتخمم على الدار-
http://www.elmaha.com/vb/imgcache/16621.imgcache.gif
وفي الاخير اذا قالت تعبت
يجيب هو -الراجل-*لو خدمتي خدمتي راح تنتاحري في اول يوم*
هي:لا يغمض لها جفن حتى تكمل عملها كموظفة كدارسة وعملها كزوجة او كاخت
..لا تنام حتى تطمئن على ابنها المريض او على اخيها -الي عندوا الحمة
هو:ينام مرتاح البال -لانوا كاينه اموا او اختوا او مرتوا يعول عليها تخدم وتهتم بالامور..........
وفوق هذا
قولك والله مارقدت مليح
ولا تعبان ماجانيش النوم في الليل--وهو ليل كامل وهو يشخر ..وماخلاهاش ترقد بشخيروا....
http://www.elmaha.com/vb/imgcache/16621.imgcache.gif
وعلاش هذا كامل ..واجبها وي عارفة هالشئ وما قلتش اخدموا خدمة المراة...مي واجبها انها تتحمل رذالتك وصحانيت وجهك..وقلقتك..وعياطك على امور تافهة
وتمسخيرك على خدمتها حتى لو كان مسقم..
..علاش تلصق فيك كلمة:الله يخليك يما..الله يخليك اختي..
على الاقل راضيونا بكلمتين طيبتين
على الاقل قولوا الحمد لله بلي انتم في حياتنا ومهنيينا من خدمات بزاف
على الاقل احمدوا ربي وقوموا بواجباتكم ناحيتنا وجازيونا بالكلام الطيب
http://www.elmaha.com/vb/imgcache/16621.imgcache.gif
علاش هذا قولولي شكون الي تعب اكثر
الي تخدم لبرى ولداخل
حتى لو كانت ماكثة في البيت حتى هيا تتعب
ولالا
ولا انت الي تخمم غير على خدمك في البيرو
ماقلتش عاونونا يا شباب
الي حابة نوصلوا
على الاقل اقنعوا وراعيونا شوي.. على الاقل بالكلمة الطيبة .صاحيتي يما الله يعيشك لينا.....صحيتي اختي الله يخليك..
اسئلتي:
-هل انت من هذا النوع الي يحب صلاحوا وفقط
-هل تجازي امك او اختك بتلفظ كلمة طيبة ترضيهم بعد تعبهم وعنائهم وسهرهم على راحتك
/كل يوم مش مرة على مرة/ ولا من المناسبة للمناسبة/ ولا كي تشريلك حاجة/
-هل تعامل امك او اختك هكذا
-هل اخطات يوما وتصرفت بمثل هذا التصرف
-هل طلبت العفو
-هل شغل الرجل اكبر من شغ المراة ام العكس
سؤال ملح
-علاش كي تتزوج حتى الكسرة المالحة والمعوجة تقول عليها بنينة
وكي كانت امك/ او اختك ديرهالك تقول ماناكلهاش وتشنف عليها
-واش رايك انت
عبر في منتدى واش راك تهدر
*دمتم بالف خير*
*ونتمنى يتقبل الموضوع *
*حفظكم الله ورعاكم*