علبالك بالي بنت الناس راح تكمل قرايتها وتخدم وانت تروح تبطلها

[ورود الشتاء]

السلام عليكم ورحمة الله
بما انو هذا اولموضوع لي نهدر عليه جاد حبيت نناقشكم في موضوع حساس شوي
عقلية الشاب الجزائرية وخدمة المراة قبل الزواج
انا لاحظت في مجتمعنا الجزائري انو بناتنا يتعبو ويجتهدو ويتعبوا والديهم معاهم حتى ينجحو ويتخرجو يبذلو كل جهدهم باش الطفلة تنجح وتتخرج وتخدم وتعاونهم في المصروف ولا حتى ترجع القليل من تعبهم ..................
من بعد الطفلة تتخطب http://www.4algeria.com/vb/images/smilies/re_gards.gifمن شاب يتقدم ليها وهي تقرى في الجامعة وعلبالو بالي هي تقرى وتتعب باش تخدم على روحها لانو وقتنا صعيب ياسر لكن الشاب بعد فترة يولي يرفض عليها رايو ويقولها تتخرجي مي متخدميشhttp://www.4algeria.com/vb/images/smilies/sadwalk.gifhttp://www.4algeria.com/vb/images/smilies/sadwalk.gifهنا تولي مشاكل الطفلة تجي مابين امرين يا راجل يا الخدمة كيما يقول هو يا خدمتك يا انا http://www.4algeria.com/vb/images/smilies/o_o.gifhttp://www.4algeria.com/vb/images/smilies/o_o.gifالطفلة تهبل تقول قرايتي منحبسهاش حتى كون واش يكون تبطل على الراجل .............................. ....http://www.4algeria.com/vb/images/smilies/showoff.gifولا تتنازل على الخدمة وتتزوج وتولي بطالة كي قرات كي مقراتش وتقعد مسكينة في الدار تكالي لحيوط
انا منعارضش المراة تدي بكلام راجلها ولا تطيعو
مي علاش يارجل علبالك بالي بنت الناس راح تكمل قرايتها وتخدم وانت تروح تبطلها ؟ موضوع للنقاشواختم حاضرة لاي استفسار

[عُضو مُحترم]

ها خليها تقرى و تخدم

و هو يروح يشوف وحدة ما تخدمش

و انتهى الامر

[جسور المحبة]

مش كامل لي قرات راح تخدم ولا حابة تخدم كاين لي تقولك المهم شهادة وكاين لي تقرا ارضاء لوالديها رغم انها مش تع قراية اصلا

[AMARAGROPA]

السلام عليكم ورحمة الله وبركاته.

لازم على كل رجل يخمم في الزواج التقدم لخطبة فتاة - غير خدامة - والخدامة يخليها تتزوج خدمتها وهكذا تتعادل الغير خدامة مع الخدامة ... هذيك تربح دار وذراري وهذيك تربح الصرف - قصدي الدراهم وترد لأهلها الخير .

سلام ...

[madjedh]

السلام عليكم
حاب نشاركم خاوتي...
علابالكم راني نشوف في حوايج تحبسلك راسك.......كما هادي نتاع طفلة لازم تخدم ....كلش مبين روحو خاوتي راهي خدمت طفلة ومبعد...واش راهم دراري يتلاوحو فالزنق ...يتكيفو زتلة.......
فالسوجي" قلتي تولي بطالة كي قرات كي مقراتش وتقعد مسكينة في الدار تكالي لحيوط"
علابالك والله ما يطلعو العرب ..كفاش تلعبو بالمزان نتاع ربي...نعطيك مثال ...ربي كي خلق البشر دار ادم وحوة ..الرجال ما تقدرش تصبر لكان تقعد في الدار مي ربي عطا الصبر والحنان للمراة باش تقدر على الدار والدراري وطلعهم مسلمين والراجل يخدم ويجيب القوتب بصح حبو يولو هم الرجال وشوف وشراه صرا ..
كل واحد ربي عطاه مهمة في الحياة ما لازمش نشوهوها ...المراة تقعد في الدار تربي اسرة راهي ماشي ساهلة
شكرا

[الواثق]

تخدم على روحها .............بالنسبة لي ما نفاجئها ماوالو تحبس لقراية وماتخدمش قالت لا لا نقلها السلام عليكم مانعذبها ماتعذبني ......................هذا رئيي ولا الزم به احد

[اللؤلؤة النادرة]

خروج المراة للعمل أضعف دورها فى تربية جيل صالح للمجتمع

[قطرة ندى حنونة]

السلام عليكم
شكرا اولا على الموضوع القيم والذي يطرح فعلا امرا من امور مجتمعنا
لكن انا رايي ربما مختلف تماما فنحن لا نستطيع الان تقييم الامر بدلالة اختلاف الفكار والعقليات
فهناك من يراهن على ان زوجته تعمل
والاخر يرفض او يخطبها وينتظرها الى حين التخرج
فكل وطريقته الخاصة في التفكير

[djfr]

ماراهش يضغط عليها
عندها طريقين.....الزواج ولا الخدمة
والمراة العاقلة تزوج خير لها.

[ل..ب..ن..ى]

السلام عليكم

ماراحش نشارك في الموضوع
من جميع نواحيه
الا انه لي تعقيب صغير فقط جاء في آخر الموضوع اختي ورود

((ٍ ولا تتنازل على الخدمة وتتزوج وتولي بطالة كي قرات كي مقراتش وتقعد مسكينة في الدار تكالي لحيوط ))

ماترجعش كيما اللي قرات كيما اللي ماقراتش
يعني كاين فرق

====================

المهم الزواج يتّافقوا عليه الطرفين من الاول
اذا كانت حابة تخدم ,,,, تقولو راني حابة نخدم ,,,, هو اذا يقدر يكفيها
ومايحبهاش تخدم
ولا خدمتها ماتعجبوش
يقوللها فوالا فوالا

واذا هو حاط في راسو بلي وكان يلقى مايتعشاش ومرتو ماتخدمش
يقولهالها من الاول
ايا وكل واحد يشد طريقو

سلاااااااااااااام

[و.وحيد]

السلام عليكم

من قوانين المنتدى
لا نكتب الا باللغة العربية الفصخى
مغلق الى حين تغيير ما ينبغي تغييره

سلام