بكل صراحة

[razine]

لدى طلب من رواد هذا المنتدى المحترمين والمتمثل فى وضع شهادات صادقة للذين حالفهم الحض فى الحصول على منصب عمل من غير واسطة لانه ساد الاعتقاد وان من الناس الذين بدا الشك و الياس يذب فى قلوبهم فيما يتعلق فى النجاح من غير واسطة و لا معرفة حيث اصبح ذلك ضربا من الخيال سواء فى اختبارات على اساس الشهادة او الاختبار فرجاء من كل من تحصل على منصب بجهده الخاص ان يدلى بشهادته و خبراته و تجاربه فى المسابقات و ذلك شحنا للهمم و بارك الله فيكم مسبقا.
ملاحضة : الرجاء التحلى بالصدق و الموضوعية فى الطرح و ذكر الحقائق كما هي بلازيادة ولانقصان وابتعاد عن الكذب .

[sarl02]

الواسطة والمعريفة لم ولن تزول فالجزاير لكن الحق يقال انها نقصت مقارنة بوقت فات خاصة في المسابقات على اساس الاختبار التي اصبحت فيها مصداقية كبيرة واجزم لك ان اكثر من 90/100 من الناجحين فيها بدون واسطة ولا معريفة خاصة في السنتين الاخيرتين وهذا عن تجربتي في مجال المسابقات ومعرفتي للكثيرين الذين نجحو بدون واسطة وفي مختلف الميادين .....وانا واحد منهم والحمد لله اني نجحت في منصب وصلت رشوته في السنوات القليلة الماضية 70.80 مليون سنتيم بشهادة من دفع واستلم......لذا اقول لاخواني لا ترسخو اعتقاد الواسطة في اذهانكم ...ادفع وجوز مسابقات وانسى حتى ربي اجيبها فالصواب وقسما بالله كي تنكتبلك حتى واحد ما انحيهالك والسلام عليكم.

[fady111]

يا أخي ربي خير من كل واسطة طالع و ثقف نفسك قدر الإمكان لتنمي قدراتك الثقافية أولا و تستفيد منها للمسابقات ثانيا يكون ولا تنسى التوكل على الله حسن التوكل و لن يخيبك بإذن الله
ربي يوفقك و يعطيك خدمة كيما تحبها

[zeineb12]

والله يا اخي
واش راح نقولك ، انا قبل مانتخرج كان عندي يقين اني مانلقاش خدمة، لانو من الشيئ الي شايفاتو قدامي اختي متخرجة من 2003 ومالقات خدمة وخويا تخرج في 2006 وما لقى خدمة، قلت من سابع المستحيلات اني نلقى خدمة
حتى كي تخرجت عقود ماقبل التشغيل بالسيف ما صلحتلي فاها
تعرف انا تخرجت ليسانس 2009 والماستر 2011
كنت كي نسمع باي كونكور مانحبش نشارك فيه
مالا سمعت بكونكور مفتش محلل الميزانية ومحلل رئيسي
كي لقيت على اساس الشهادة ويحسبو المعدل تفائلت شوي لانو معدي الاخير تاع الليسانس 13.5 وفي الماستر كان عندي معدي 14
حكت قلت نشارك فيهم في زوز، عيطت للمديرية الجهوية قلتلهم بالماستر نشارك في الرئيسي قالولي لا شاركي في المركزي، كان عندي شك على هديك قلت نحط باليسانس والماستر والاعمال على ربي سبحانو
قبل مانطلع سمعت الاسئلة الي سالوهم الي قبلنا حضرت روحي مليح، ورحت عملت مقابلة، صدقني ماكنتش مامنة روحي راح ننجح
لاني دايما نقولهم ماعندي حتى معريفة معريفتي ربي سبحانو،
الاسباعو الي فات كي عيطولي قالولي راكي نجحتي ماصدقتش، لاما طلعت للمدريةي كملت الدوسي بعد النجاح وقلولي في 1 فيفري تدخلي تخدمي ولحد الان مانيش مصدقة بلي نجحت حتى ندخل نخدم صح باه نصدق
مانيش مصدقة بلي نجحت بلا محسوبية ومعريفة
بالصح ماكنش فوق من ربي سبحانو
والاغرب
انو هذا اول كونكور نعقبو في حياتي، كاين الي شاركت فيهم ومارحتش عقبت
المهم خويا هذا مثال للشباب الوقت
الله يرزقكم كيما رزقني
وفي الاخيييير الحمد لله