المساعد الشخصي الرقمي

مشاهدة النسخة كاملة : كيف ازيل بقع الشاي على الرخام والبلاط

&أسيل&
2012-01-28, 08:08
السلام عليكم ورحمة الله تعالى وبركاته
اللي تعرف طريقة مجربة في ازالة بقع لاتاي من الرخام والبلاط تساعدني وبسرعة بليز
حبييبة
2012-01-28, 10:50
صباح الورد و الفل و الياسمين
على أحلى أسيل

راني قريت سؤالك حبيبتي
الصباح
بصح ما حبيتش نرد عليك
حتى نكون متأكدة من إجابتي
أنها فعلا رايحة تنفعك و تعطيك نتيجة فعالة

حاليا ممكن ننصحة
تذرذري ملح على رخامة البوتاجي
و تحطي عليها نصف ليمونة
و تفركي البوتاجي بيها

و من بعد على السريع تمسحيها بمنديل نظيف

تاني ممكن تجربي منظفات الاسطح
و تصبري شوية مرة على مرة رايحة يتنحى
كامل التصبغات
اللي بقات على الرخامة
جربي إيغل للأسطح
و ممكن تاني تجربي جيف البخاخ الاصفر
تاني هاذا وين راني درته للبوتاجي و الجدران و فركته و امسحته على السريع
مالازمش يبقى بزاف

أما الأرضية
من الطبيعي تاش نتاع الشاي و القهوة ما تبقاش على الارض بعدما تنظفيها
جربي ذرذري عليها بيكاربونات الصوديوم و قطري عليها الماء
و افركي
و خليها مدة 10 دقائق
و افركي و نظفيها
بإذن الله رايحة تتنحى معا الوقت
تاني فرك الارضيات المتواصل و الدوري بالمنظفات
خاصة بإستعمال النظاف العلبة الصفراء
لكن مخفف في الماء
تاني ينحي كامل التصبغات اللي في الارضية


رايحة نزيد نبحثلك على طرق أخرى ان شاء الله تنفعك
و تعطيك نتيجة سريعة

أما الآن اسمحيلي
راني كملت الميناج اليومي
و رايحة نبدا تطبيق البرنامج
و بعد الظهيرة رايحة نرجع
أراك على خير بإذن الله
&أسيل&
2012-01-28, 11:49
ماشاء الله عليك مرأة ونصف ربي يخليك وان شاء الله راح نطبق واش قلتيلي ادعيلي بالتوفيق

ياحلى حبيبة
ام محمد ميدو
2012-01-30, 15:27
انا شخصيا ساحلي لاتاي على الكارلاج درتلو جافيل Bref مركز يعني ما زدتش الماء وخليتو وكي غسلتو راح نورمال
ام محمد ميدو
2012-01-30, 15:44
انا شخصيا ساحلي لاتاي على الكارلاج درتلو جافيل Bref مركز يعني ما زدتش الماء وخليتو وكي غسلتو راح نورمال
كريم المهدي امين
2013-08-31, 13:14
انا شخصيا ساحلي لاتاي على الكارلاج درتلو جافيل Bref مركز يعني ما زدتش الماء وخليتو وكي غسلتو راح نورمال

و لكن هل يمكن ان يحول الكارلاج بعد ما ديريلو البراف bref او يتبدل لون الكارلاج للبياض ؟؟؟؟