اللهجة الجلفاوية ... كفاش نوصلها للآخر ؟؟؟

[نائل]

السلام عليكم

راودني الموضوع كي شفت بعض المشاركات بالجلفاوية... :19:

بمعنى ..مادام المنتدى يطمح باش يدخل أي بيت... يعني أي واحد يتكلم عربي ...من أقصى الدنيا إلى أقصاها ....

لازم نوصلو شوية اللهجة الجلفاوية لاخوانا العرب، .... ميش كي لطرش فالزفة.......

على الأقل باش يتعرفوا على هدرتنا أكثر ...بالاك فيها تشابه مع كاش قبيلة .. ولا كاش كلمات تتشابه و عندها أصول مع كلمات أخرى ... و هكذاك...

حتى باش يشاركونا المواضيع و الردود....محسوب حج و حاجة ....

و حتى الدزيريين جابلي ربي قا حسوة ...هههههه ...مع هدرتنا :sdf:

و اللي قادر..... من الهدرة انتاعنا..... يديرلنا قاموس صغير يكون قدم خدمة كبير لمدينتنا....لأنه يقولو هدرة انتعنا قريبة للفصحى....

أنا فتحت الباب على هذا الموضوع.... و اللي يزيد يقدم تجاربه في المنتديات الأخرى ...أو اقتراحات ...ماذا بينا...

و يعطيكم الصحة كيقريتو موضوعي كاملا........و مشكورين

[السيف العامري]

ياستاذ نائل انا سعيد بكلامك هذا ويبدو لي انك قادر بعد الله على ذلك

واسلوبك مفيد لان كلامك الان ادخلت فيه كلمات استطعت من خلال السياق

العربي الفصيح ان اعرف مهناها

وارجو الاجابه هل اللهجه الجلفاوية هى اللهجه الشعبيه لدى كل اهل الجزائر

او هي مختلفه وشكرا

[cd_nail]

والله قطوحتلي على القوسطو ياذا النايلي--------بصح الجلفاوية انتاعنا راها اتخلطت امع الفرنسوية والهدرة انتع لزالجيروا

انا راني امعاك لوكان انديرولها جيهة اوحدها في المنتدى

[الكهف الجزائري]

نحن هنا أخي مستعدون للمساعدة في أي قت

[perla]

السه الســــــــــــــــه


تاع الصح فكرة هايلة باش السيد العامري ما يطلبش مترجم:19: :19:

[ismail]

مالا حنا الباتنيه واش نقولوو
هههههههههههههه

[حامد 17]

السلام عليكم .. والله فكره مليحا الاخ نائل
..انا راني معاكم في الفكره بصح نزيدو نشوفو مع ردود الاعضاء
ونشوفو مع الادارة ..بارك الله فيكم

[mostafa_dj]

السلام عليكم .. والله فكره مليحا الاخ نائل
لو تفتحولها قسم خاص به أيكن احسن

[MOH]

(فكرة مريقلة تهرد لوكان اديرنا منتدى خاص بلهجتنا روعة روعة راني معاك في كل ارائك نتمنى
لو كان الادارة ادرنا هذا المنتدى الى اللقاء)

[حامد 17]

تم فتح قسم باللهجات بما فيها النايلية ..ننتظر مشاركاتكم بارك الله فيكم ..

[أختكم]

بارك الله فيك أخ حامد أجد هذه الفكرة رائعة على أن لا ننسى باقي المنتديات...

[التلمسانية]

واش رايكم في الهضرة تاع تلمسان

[التلمسانية]

حنا راحنا في بلاد وحدة واللهجة تتبدل من ولاية لولاية

[التلمسانية]

ياله نتعاونو ونوصلو هضرتنا لاخوانا العرب باش نتفاهمو قاع

[حامد 17]

اكيد الاخت التلمسانية ..اللهجة التلمسانية من احدى اللهجات الجزائرية ..

[الأسمر]

طبعا الفكرة هايلة وهدرتنا ثاني هايلة ومتتصوروش قد من راني متوحشها
وهذه الفكرة الأقرب باش توصلهالنا
وفي نفس الوقت نحاولو نحو الكلمات الفرنسية ويعطيكم الصحة
:19: :19: :19: :19:

[nadire_b_dz]

وانا ايضا موافق على هذا الرائ يا اخواني شكرا

[خالد]

اخي اللهجة الجزائرية لهجة وهي تتبدل من ولاية لاخرى واولاد نايل عرب اقحاح صح ام لا

[nadire_b_dz]

مامعنى كلمة (اقحاح) اخي الكريم لو سمحت

[محمد]

اضن ان لهجتنا هي الاقرب الى الفصاحة لذا لا يجب تغير لهجتنا

[الباشق]

السلام عليكم
فكرة رائعة لو تستثمر بشكل صحيح و الرجوع للأصل فضيلة
كلمة اقحاح الاخ نذير تعني :
يقولون عن الشيء انه قح اذا كان اصلي
وهي كلمة من صميم اللغة العربية الفصحى
شكرا لكم اخوتي الكرام

[linatery]

اعثقــد ان العـــامل النفسي له اثـــر كبيـــرا في اللهجـــة و منـــه :
مــا لازمــش نسحـــاو بلهجتنــــــــا
نتكلمـــا بدون عقــدة أو مــركب نقــص و هـذا هو الأهم في رأيـــي و الله أعـــلم

[سمـ مصر ــا]

أنا مش فاهمة حاجة

ياريت لو فعلا من خلالكم نتعرف على اللهجات الجزائرية

بس كمان تضيفوا معاها المعنى بالعربية لأن أنا وغيرى

ممكن نتعلم شئ جديد عن لهجات الجزائر من خلال منتداكم

[فيصل]

[[ها السلام عليكم يا خويا نائل فكرتني يفكرك في الشهادة هاذي فكرة مليحة اخاطر قداه مرة نتحدثو على هاذ الشي ونقولو انو هدرة الجلفة ونواحيها راها قريبة نزها للفصحى نتاع قبائل مضر في الجزيرة العربية بدليل لون الخيمة عندهوم يشابه نزها للخيمة النايلية . ياصديقي المشارك فرق لي ترا يش بين ذالكلام وبين الفصحى.تحياتي.اصبحوا على خير .للهم صل على محمد وعلى آله وصحبه أجمعين.:[/

[fateh.laiche]

احنا السوافةعندنا مجموعة من اللهجات في نفس الولاية
بصح ماعناش مشكل في فهم اغلب اللهجات عدا الامازيغية
اما عن اللهجة الجلفاوية على وجه الخصوص تروقني كثيرا
هي وناسها.

[سناء]

حنا رانا قاع جزايريين
مظنيتش بلي هدرتنا مختلفة
ياك بلاد وحدة ، الفاظ وحدة قاع نستعملوها في الدزاير
متكونوش يا خاوة مبالغين في اللهجة الجلفاوية
اختلاف يكمل في طريقة لفظ مش بزاف
هدا انتقاد متحسبوهس ...
و سلام

[المشاغب]

أخويا الكريم بارك الله فيك على هذا الموضوع
توجد طريقة بسيطة للتكلم باللهجة الجلفاوية بسهولة
وهي ..
كل من يريد التكلم باللهجة ما عليه سوى نطق الكلام
نقريبا الفصحة بقليل مع الترخيم في الاسماء وكذلك
إضافة حرف القاف في أول الكلمة للدلالة على التقليل يعني شوي
مثلا قشوي =قليل ,قهنا = هنا , قرواح = تعال
وكذلك توجد ألفاظ أخرى ستتعرفون عليها مع الوقت إنشاء الله
ومـــــــــــــــشكورون
أخوكم المشاغب جنكي

[karboua]

كل طير يلقى بلقاه بصح ويوك انديرو الترجمان انتاعنا

[aniss_kattou]

انتم ناس تلمسان تقولو على كلمة الهدرة = هضة و الا راكي غير اغلطتي ؟؟؟

[الكهف الجزائري]

وأنا أضم رأييي إليكم فعلا لهجتنا موجودة حتى لدي المشرقيين وبشهادتي أنا

[مولاى]

واش الحالة لباس عليكم و بارك الله فيكم

[oussama abdelali]

wach alhala

[oussama abdelali]

salut a tous bon soir

[كويتي]

الحقيقه انا قرأت الموضوع كاملا كما انى قرأت الردود كاملتا ولا اخفيكم سرا ان الكثير من الالفاظ في هذا الموضوع لم افهمها :confused:

ولكنى فهمت من سياق الكلام انكم تقولون كلمة ((هذره))

وهذه الكلمة تقال عندنا في الكويت لانسان الذى يتكلم كثير دون توقف يقال ((بس لاتهذر وايد)) بمعني لا تتكلم كثير

[هبة الحياة]

إذا كنت تقصد كلمة"هدرة" بمعنى الكلام أي هدرت بمعنى تكلمت هدرة بالدال وليس الذال

[كويتي]

إذا كنت تقصد كلمة"هدرة" بمعنى الكلام أي هدرت بمعنى تكلمت هدرة بالدال وليس الذال

اهلا بك اختي

بالكويت يقولونها بالذال ((هذره))

وعموما هي كلمة سلبيه وليست ايجابيه فالذى يهذر عندنا هو الانسان الذى يتكلم بكثره ويصدع بالرأس

[loto30]

اللهجة تبقي لهجة والعربية الفصحي البسيطة هي الواسطة بيننا وبين اخواننا العرب وكل لهجة تبقي خاضعة لضروفها البيئية والموروثها وفي حدود جغرافيتها
الله خلق التنوع وجعلوا من اياته فقد تجد منطقة معينة تحمل كثير من لهجات النايلية والسوفية والشاوية والدزيرية ولهجة لعنانبه

[سناء]

و الله لهدي يسموها المبالغة تع صح

انا سمعت صحاب الجلفة كيفاه يهدرو

عادي اختلاف يكون في طريقة نطق مش اكثر

ولا كانت هاكا مالي ديرو كل ولاية كيفاه يهدرو

و متاكدة صحاب ولايه وحدة ميهدروش كيفكيف

مالي نديرو كل مدينة وهدرتهم هدا هو الصح

[**/مها/**]

شكرااااااااااااااا على الموضوع الرائع والفكرة الاروع

[zohir20]

يعجبني التكلم عن اللهجة الجلفاوية القريبة الى العربية ............ولكن لا يكون على حساب اللغة الام التي بدات في زمن مضى لعدم تمكن الفرد العربي النطق بها سليمة........... و...

[محمد قاسم أحمد]

يا نعم سيدي كيفاه نتعلموا هدرة بالكتيبة؟! نظن أجماعة بلي لازمنا نهدروا بيناتنا بالصورة والصوت على خاطر الهدرة تدخل فيها تعابير الوجه ... والا واش قلتوا اجماعة... ها سبحان الله!!

[aflawi]

شكرا على الفكرة

[right click]

بوركتhttp://www.ksu.edu.sa/Pages/default.aspx

[kadero3]

يعطيكم الصحة على كل اللي قلتوه في التعقيبات نتاعكم بصح ما لازمش نخلطو بين اللغة و اللهجة و مفهوم اللهجة هي طريقة نطق اللغة اللي تختلف من مكان لمكان واحد آخر مش بالضروري من مدينة لمدينة ممكن يكون في نفس المدينة العديد من اللهجات ولهذا نتمنى باش تعم الفائدة و نتمكنو نهدرو مع بعض من شتى بقاع الوطن العربي بدون مركب نقص و لا حتى خجل لأن اللهجة من مقومات الشخصية شكراً جزيلاً على المنتدى و لمقترح الموضوع

[صفراني]

فكرة رائعة اقلك القدام رانا هنا

[حسام الدين محمد]

فكرة جميلة نرجو من أبناء الجلفة إثراءها

[zazou.mima]

وشنهي هالحديث ياسقارين راهو قصبني الوقت باش نهدر معاكم شوية وتلقاوها زينا

[milta]

بايتين سحاته و قبضنا ضلعات من الليل

[المناجي]

شوف خويا نائل ..... لهجة الجلفة كما لهجة معظم المدن السهبية ........ فانا نرطح عليك راي زين وهو علاش مانقولوش لهجة سهبية ونتوكلوا على ربي ونعملولها قاموس .... ونخلوا خاوتنا في ربوع الوطن وفي بعض البلدان العربية يتعرفوا عليها اكثر وبلاك من قرائتهم الدائمة لها يعرفوا هدى كلمات ويامزينها لهجة المنطقة السهبية ............. بارك الله فيك خويا نائل وعلى بركة الله نتوكلوا على هذا الراي .

[hairless17]

اللهجة الجلفاوية هي الأقرب إلى العربية

[hairless17]

:dj_17:اللهجة الجلفاوية هي الأقرب إلى العربية

[أبن الطايشة]

ياسيدي فكرة زينة حية باه الناس و لزناش و العروش يتعلموا هدرتنا .رانا هنا باه نزيدوا نفهموا القاشي .

[الأخ سعيد]

يا جماعة الموضوع هايل، لازم نهتموا بيه على خطراش الشبيبة التالية بجباها عادت ما تعرفش اللهجة الجلفاوية الاصلية
كاين حتى اللي مع الاسف يشوفوا فيها تخلف وللا رجعية،
بصح نقولكم حاجة ، انا مشيت و شفت ، والله يا جماعة قاللي يهدر بلهجتو ورافع بيها راسو والله قالناس قع تحترمو،
ويفرض روحو ويفرض الاحترام لنفسو،و العكس بالعكس...
نتمنى هذا الفكرة تروح بعيد و رانا مع مول الفكرة ونشالله ندوا الفايدة من عد بعضانا...
...في نفس الموضوع نحكيلكم حوار بين طبيب و شيخ جلفاوي قح:
الطبيب: وش بيك يا الحاج
الشيخ: يابني، يامس في التماسي جيت نمشي، و ثناتني مثناني، و نتقلب و نتشقلب ، و نترفد ونتخبط ، و نطيح قًَََقمر
و يصفقلي صطر بين ضلوعي، و نقول نتباوع،و تاخضني فشلة....
اللي فهم يفهمنا و يفهم الطبيب المسكين...
سلام...