طلبة علوم تجريبية تفضلوا ...

[عاشقة النجاح]

اها فرحتيني منة والله راني شوية مع ذي الوحدة والوقت مكاش باه نلهالها
وين راك يا اخي اكدلنا اذا رانا صح ولالا

[AmArJsK]

بالنسبة للتركيزه وجدته 0.0175

[AmArJsK]

راكي ناسية السوال الموالى

[عاشقة النجاح]

اها كيفاش درت اخي حطلنا الحل

[عاشقة النجاح]

يا جماعة راكم ثقال ضرك يكمل وقتي

[AmArJsK]

http://hh7.an3m1.com/Sep/an3m1.com_13284503121.jpg

[روعة الوجود]

الســـــــــــــــلام عليكم

[عاشقة النجاح]

بصح هنا ماشي مطلوب عند التكافئ
على ما اظن هذا السؤال راه ممبعد انا فهمت التمرين هاك كون عند التكافئ علاه حسبنا الكتلة
منظنش يطرحولنا سؤال منحتاجوهش ولا وش رايكم

[عاشقة النجاح]

اهلا امينة وعليكم السلام وش الاحوال

[AmArJsK]

http://hh7.an3m1.com/Sep/an3m1.com_13284507161.jpg

[AmArJsK]

الله اعلم اخي تبانلي مارانيش فاهم التمرين
دقيقة

[روعة الوجود]

اهلا امينة وعليكم السلام وش الاحوال

اهليــــــــــن الحمدلله معا البـــــرد

[عاشقة النجاح]

ايه ممكن نغيرو لتمرين اسهل رانا مش متمكنين من الوحدة وهكا رانا نضيعو في الوقت باطل

[روعة الوجود]

على حسب مافهمتـــــــــــه

ان السؤال منفصل عن البيان يعني مع جدول التقدم

سارةطريقتك صحيحة على حساب مافهمت

لكن تبقى النتائج متقاربة اليس كذلك

[عاشقة النجاح]

ايه امينة لكن الطريقة راهي هي الاهم
رانا 3متفاهمين على الطريقة يعني اخي اعد التمرين

[AmArJsK]

اظن ان طريقة الاخت صحيحة
شوفو السؤال لي وراه راني حطيت الحل
ما رايكم

[عاشقة النجاح]

انا هذاك السؤال معرفتش نحسبو

[روعة الوجود]

على حسب علــــــــــمي طريقتك صحيـــــــــحة اخي

[روعة الوجود]

اخي لو سمحت انت من اي ولاية

[عاشقة النجاح]

انا لقيتها m=0.48

[AmArJsK]

عين تموشنت

[عاشقة النجاح]

امينة علاش قالو بلي التيارتية هما لي عندهم قرص تجربتي انا قاع حوست في تيارت ومكانش

[AmArJsK]

نعم بقيمة التركيز الدي انتم وجدوتها تساوي 0.48

[ghost_4d]

كل واحد يحط الحل نتاعو ومباعد نقارنو الحلول ونشوفو الصحيح.. ،،

[AmArJsK]

لان العضو ياسرون الجزائري مصمم القرص من تيارت
معدرة على التدخل

[AmArJsK]

كل واحد يحط الحل نتاعو ومباعد نقارنو الحلول ونشوفو الصحيح.. ،،

اخي حل وحط الحل لاننا متفقين على السوالين 1 و2 باقيلنا 3

[روعة الوجود]

امينة علاش قالو بلي التيارتية هما لي عندهم قرص تجربتي انا قاع حوست في تيارت ومكانش

واقيلا اصاحب هاد القرص يدرس بتيارت وهوما بوزعووه مجانا على ليغرفوهم ويحكوهم فالمكتبات يتباعو
على هادا حبو كاش واحد عندو يعاونهم فالرفع

[عاشقة النجاح]

لالا اخي عادي برك بغيت نعرف اذا كاين عضو راه يعرف وين نلقى القرص يقولي باش نجيبو هذا مكان

[روعة الوجود]

لان العضو ياسرون الجزائري مصمم القرص من تيارت
معدرة على التدخل

العضو ياسرون يدرس بتيارت وهو من ولاية جيجل هذا مااعلمه

[روعة الوجود]

عين تموشنت

الله يبارك ...اخي

[عاشقة النجاح]

اها متعرفوش الاخ ياسرون منين ixact

[عاشقة النجاح]

اها جيجل حطيتو تيارتي خلاص القرص مكاش منها يلحقنا
معليش خيرها في غيرها

[nor4ever]

شكرا لك أختي على الموضوع المفيد..

[روعة الوجود]

اها جيجل حطيتو تيارتي خلاص القرص مكاش منها يلحقنا
معليش خيرها في غيرها
هــــــــــــو يدرس بتيارت وتقدري تتحصلي عليها


كما انو كاين عضو تبعثيله اي عنوان بالبريد يبعثلك القرص

[روعة الوجود]

شكرا لك أختي على الموضوع المفيد..

العـــفو اهلا بـــــــــــــك

[عاشقة النجاح]

aha amina sa7 wechkon hada rani me7taja cd
enti b3atilo wela la

[AmArJsK]

اظن هو راجي رحمة الله

[روعة الوجود]

لالا

انا كي سمعت منذ اشهر حبيت نسال على المكتبة واوصي بها احد يجيبهاليا من تيارت لكن لم اعلم بالمكتبة

تراجعت
شوفي رد الاخ في هاداك الموضوع
http://www.djelfa.info/vb/showthread.php?t=857937


http://www.djelfa.info/vb/showthread.php?t=849871&page=6

[روعة الوجود]

اظن هو راجي رحمة الله

هذا العضو له علاقة لكن هوام لا لا اعلم

اخي واش رايك اضفت كل المواضيع اللي درناهم في الصفحة الاولى

[عاشقة النجاح]

ايه امينة انا ثاني حوست في الولاية ومكانش

[روعة الوجود]

شوفي هاداك الموضوع الاخ راه يقوول يبعثلنا النسخ ونعاونوه فالرفع

[♫ وهج الأمـل ♫]

هذا العضو له علاقة لكن هوام لا لا اعلم

اخي واش رايك اضفت كل المواضيع اللي درناهم في الصفحة الاولى



نعم أختي هو العضو راجي رحمة الله ...

[روعة الوجود]

لم اكن اعلم شكرا لك منة

[♫ وهج الأمـل ♫]

أختي سارة نظن بللي بعثتيلي مرة تقييم حبيت نعرف نتي ولا لا ؟؟ لأني ماعرفتش شكون اللي بعثاتو بالضبط ..

كيفاه راكي تبعثي في التقييمات

عندي مدة وأنا نحاول ما قدرتش نبعثهم ..

[روعة الوجود]

أختي سارة نظن بللي بعثتيلي مرة تقييم حبيت نعرف نتي ولا لا ؟؟

كيفاه راكي تبعثي في التقييمات

عندي مدة وأنا نحاول ما قدرتش نبعثهم ..

اختي منة ممكن تسجلي بمنتدى سارة اللي بالتوقيع وتقدري تبعثيلي رسائل خاصة مباشرة

[عاشقة النجاح]

ايه منة بعثتلك تقييم
منة روحي لرمز اضافة التقييم شكلو كلميزان واكليكي عليه يجيك اطار اكتبي فيه وش بغيتي

[AmArJsK]

جماعة واش رايكم لو كان نتلقاو لعشية على 8/30
واش رايكم

[روعة الوجود]

هي ما تقدرش تبعث

[♫ وهج الأمـل ♫]

دوك نشوف أختي ...

[♫ وهج الأمـل ♫]

ايه منة بعثتلك تقييم
منة روحي لرمز اضافة التقييم شكلو كلميزان واكليكي عليه يجيك اطار اكتبي فيه وش بغيتي


المشكل هذاك الإطار ما يجينيش

و ما نقدرش نبعث التقييم كل مرة يقلي لقد أعطيت تقييم أكثر من اللازم خلال 24 ساعة الماضية ..

[♫ وهج الأمـل ♫]

جماعة واش رايكم لو كان نتلقاو لعشية على 8/30
واش رايكم


تقصد اليوم أخي ؟؟

مش متأكدة لكن نحاول نلقا دالة ولو في الميكرو الآخر ..

[♫ وهج الأمـل ♫]

شوفو يا بنات ...

دوك نفتح موضوع في قسم الدردشة ...

و تم نحكيو أوك ؟؟؟

[روعة الوجود]

اخي الكريم يحتى انا مش متاكدة من اني نقدر ندخل من بعد

ساحاول

[عاشقة النجاح]

حددو الوقت والمادة من فضلكم

[روعة الوجود]

اوووووووووووووووووووووك منة لكن بسرعة بقي دقائق على خرووجي

[عاشقة النجاح]

منة اذا انت azate في مملكة العلم والمعرفة ادخلي غي ثم للدردشة علاه قاع ديري موضوع

[♫ وهج الأمـل ♫]

لا أنا مش مسجلة في المنتدى أختي ...

حابة نسجل فيه مي الوقت تاعي قريب يكمل

ممكن في أي لحظة يجي أبي ومايخلينيش نكمل التسجيل ..

الموضوع راهو تقريبا واجد وجدتو من قبيل وحبيتو نفتحو بصح غير دوك تفكرتو كانت أختي قاعدة هنا ..

[عاشقة النجاح]

اوكي رانا نستناو في الموضوع خفي حتى انا حابة نروح نحفظ شويا

[♫ وهج الأمـل ♫]

............................

[AmArJsK]

الى الملتقى دمتم بود

[روعة الوجود]

شكرا الى الملتــــــــــقى
موفق

[sam41]

هل من احد للمراجعة

[lola22]

مساء الخير حابة نراجع معاكم معليش ؟

[sam41]

سلام عليكم ماذا تراجعون

[lola22]

واش رايكم نراجعو علوم ؟؟؟؟؟؟؟

[selma07]

شكرا اخي الكريم ولكن يجب الاتفاق من اجل ان نكون في وقت واحد

[sam41]

daccord ..............

[عاشقة النجاح]

السلام عليكم شكون لي هنا نكملو التمارين

[زهور الياسمين]

انا راني هنا امينه
وش رايك نحلو شويه جبر
ياك نتي تقني ؟

[عاشقة النجاح]

واه اختي مي انا سارة مش امينة
حدي تمرين ونحلوه

[زهور الياسمين]

اه نسيت اسفة

اوكي دقيقه

[عاشقة النجاح]

ايا زهور وين راكي

[زهور الياسمين]

راني هنا
لاكونيكسيو سمحيلي

http://www.djelfa.info/vb/showthread.php?p=8748426#post8748426


ختاري تمرين من هادو

[ghost_4d]

هناك سلسلة وضعها احد الاخوة.. انصح بحلها ،فيها الكثير من الافكار الجديدة ،، وملمة بكل الجوانب تقريبآآ ..
هذه هي
http://img252.imageshack.us/img252/9788/img001fk.jpg
http://img3.imageshack.us/img3/5603/img002mup.jpg

[عاشقة النجاح]

زهور وش رايك في سلاسل الاخ
بصح انا جاوني شوي صعاب

[زهور الياسمين]

بزااااااااااااااااااااف صعاااااب

ghost انت تفهم الجبر تعاونا ؟

[عاشقة النجاح]

واه زهور شوفولنا تمارين اسهل ديجا الجبر صعيب

[زهور الياسمين]

السلسله لي مديتهالك خير
تع الاستاذ حميد ابو نوفل

[ghost_4d]

شويا شوي ،، نتعاونو ونحلوهم نشالله ..

[عاشقة النجاح]

واه اني شفتها واش من تمرين نبداوه

[ghost_4d]

بالنسبة لسلسلة الاستاذ نوفل ،، كل تمارينها سهلة ولا تحمل افكارآ جديدة ..
واعتقد ان حلها مجرد تبديد للوقت بدون فائدة ..

[عاشقة النجاح]

ايه وش نحلو امالا
هذوك التمارين صعاب بزاف معرفت فيهم والو بكل صراحة

[زهور الياسمين]

نبداو ب 2 شوي ساهل

من السلسله تع الاخ

[زهور الياسمين]

............................

[ghost_4d]

محاولتي في السؤال الأول - التمرين 1 ..
http://img210.imageshack.us/img210/7684/018hli.jpg

[زهور الياسمين]

منتفاهمش مع التعداد خلاص ههههه
هو سبب تدهور حالتيي و علامتي

[ٱڶنسـږღٱﻶ۾ًـلْ]

يمكن المحاولــة في حل هذا الموضوع

http://img04.arabsh.com/uploads/image/2012/02/06/0c33464864f6.jpg
عذرا على التدخل

[bacdz.2012]

بالنسبة لنهاية الاخ بهاء النتيجة تجدها 1/4-
أرجوا التدخل وشكرا

[sam41]

بالنسبة لنهاية الاخ بهاء النتيجة تجدها 1/4-
أرجوا التدخل وشكرا

نعم صحيحة اخي

[bacdz.2012]

بارك الله فيك

[bacdz.2012]

تجدها انطلاقا من تغيير المتغير والاستعانة كذلك بالنهاية الشهيرة ( ex-1/x)
سلام.

[ghost_4d]

أخي تم حل النهاية ،، تجد الحل في الصفحات السابقة ..

[AmArJsK]

محاولة في تمرين الفزياء فيه كتير من الخربشات و الغلطات
http://hh7.an3m1.com/Sep/an3m1.com_13285302931.jpg
http://hh7.an3m1.com/Sep/an3m1.com_13285302932.jpg

[bacdz.2012]

أخي تم حل النهاية ،، تجد الحل في الصفحات السابقة ..

الحمد لله وجدت الحل بنفسي يا اخي بوركت

[AmArJsK]

السلام عليكم
..

[روعة الوجود]

السلام عليكم
..

وعليكم السلام

[AmArJsK]

كراكم دايريين مع القراية و التلج

[روعة الوجود]

كيفاش باغي نكونو برد وتلج والقرايةواالوو

هههه نتمسخر انا المنظقة اللي فيها التلجج كامل داب درك رانا مع الامطاروالريييح

لكن ريحت في هادو يوميين من ضغظ لقراية

[AmArJsK]

ههه احسن
وين راكم واصلين فزياء و مات

[AmArJsK]

حنا فزياء مكانيك ومات الاعداد المركبة وعلوم كمون الراحة

[روعة الوجود]

الفيزياء معايرة ph

الرياضيات رانا في تمارين اعداد مركبة كملناها يعني

[روعة الوجود]

العلووم

الادماج العصبي

[روعة الوجود]

تصبح على خــــــــــــــــــــــــير احلام سعيدة

الى الغد ان شاء الله

[AmArJsK]

ان شاء الله

[روعة الوجود]

السلام عليكم

[listoma]

السلااااااااام عليكـــــــم .. و رحمـــــة الله و بركـــــــاته .. /
هل يمــــــــــــــكننـــــي المشاركــــــــــة معـــــــــكم .. استنيت العرضـــــــــة ,, ... ما كااش .. ما عليش نعرض روحي بروحي .. . هه.ه.ههه .. نقصر بركـ ..
كيفااش رااكم مع القرااية خاوتي ... أنا و الله قيت مي حااس بروحي ما درت فيها والو ... .
المهم .. نقدر نعرف على شحاال تكونو هنا .. ؟؟؟؟؟؟ .. نظــــــــن فالليل ..
المهم ربي يكوون في عونكـــــــــــم ..
في ألأماان الله ....

[روعة الوجود]

السلااااااااام عليكـــــــم .. و رحمـــــة الله و بركـــــــاته .. /
هل يمــــــــــــــكننـــــي المشاركــــــــــة معـــــــــكم .. استنيت العرضـــــــــة ,, ... ما كااش .. ما عليش نعرض روحي بروحي .. . هه.ه.ههه .. نقصر بركـ ..
كيفااش رااكم مع القرااية خاوتي ... أنا و الله قيت مي حااس بروحي ما درت فيها والو ... .
المهم .. نقدر نعرف على شحاال تكونو هنا .. ؟؟؟؟؟؟ .. نظــــــــن فالليل ..
المهم ربي يكوون في عونكـــــــــــم ..
في ألأماان الله ....

وعليكم السلام

طبعا يمكنك ذلك .... واتاسف على الي ماعرضناكش ( نظنمن الوقت اللي فتحنا فيه الموضةع راك تنتظر فالعرضة ههههه)

نتمسخر برك

مرحبــــا بيك معانا نتشرفوووووووو بدخولك معانا

الوقت كل واحد راه يدخل ف وقت .. الدعوة مخلطة

آميــــــــن عونا وعونك اخي
ممكن وين راكم واصلين

سلاام

[♫ وهج الأمـل ♫]

السلام عليكم كل واحد راه يدخل في وقت ...

خاصة في هذو الأيامات تاع الفروض تخلط كل شي ..

إن شاء الله بعدهم نرجعو ونتفاهمو على وقت واحد ...

[روعة الوجود]

إن شــــــــــــــــــــــــــــــــــاء الله

[♫ وهج الأمـل ♫]

أختي حابة نسقسيك ....

دايرة برنامج تاع مراجعة ؟؟

[روعة الوجود]

عملت واحـــــــــــــــــــد لكن صادف هاد الاسبوعين تاع الفرووض لم التزم به بتاتا

[♫ وهج الأمـل ♫]

..............................................

[روعة الوجود]

اوكـــــــــــــــــــــي

[princesse sofi]

هل من احد للمراجعة

[أم الشهداء]

السلام عليكم ورحمة الله تعالى بركاته
,, آنا هنا ,,

[princesse sofi]

اهلا و سهلا يا ام الشهداء

[أم الشهداء]

وبك أهلا,, لو سمحت اقترحي موضوعا نناقش فيه
..

[princesse sofi]

اقترح مادة الفيزياء ان شاتي طبعا

[أم الشهداء]

أجل لما لا ,,..
فلتضعي استفساراتك او تمرين ما نحاول فيه

[princesse sofi]

لم اجد سلسلة تمارين تشمل درس "تطور جملة كيميائية نحو خالة توازن"

[أم الشهداء]

صراحة لم ننهي بعد الوحدة ,., لما لا نقوم بحل اختبار من الفصل الأول حتى نسترجع الدروس الأولى ..,,

[princesse sofi]

مقبول......

[♫ وهج الأمـل ♫]

السلام عليكم ....

[listoma]

سلاااااااااااااام

[♫ وهج الأمـل ♫]

نبداو المراجعة ولا نزيدو نستناو يجيو أعضاء أخرين ؟؟

[minou770]

السلام عليكم

[minou770]

ممكن مساعدة في القيمة المطلقة ؟
خاصة في كيفية رسم المنحنيات البيانية والمستقيمات المقاربة ......

[النجم رابح]

السلام عليكم ورحمة الله تعالى وبركاته

هل من الممكن أن أنضم إليكم؟؟؟

[الملكة بلقيس 2]

السلام عليكم كيف حالكم
ممكن مساعدة في الاعداد المركبة
سلام

[النجم رابح]

ممكن مساعدة في القيمة المطلقة ؟
خاصة في كيفية رسم المنحنيات البيانية والمستقيمات المقاربة ......

كي تكون عندك دالة رسمتها من قبل بين القيمة المطلقة

الرسم اللي يكون فوق محور الفواصل تخليه واللي يكون تحتحه
تقوم بعملية التناظر مع محور الفواصل وهكذا تتحصل على المنحنى المطلوب

أما المستقيمات المقاربة تخرجها من النهايات
وأمبعد ترسمها نورمال

[النجم رابح]

السلام عليكم كيف حالكم
ممكن مساعدة في الاعداد المركبة
سلام

قولينا فاه بالاك نقدروا نعاونوك

[الملكة بلقيس 2]

الشكل الاسي والمثلثي اذا ممكن
سلام

[النجم رابح]

الشكل الاسي والمثلثي اذا ممكن
سلام

في الشكل المثلثي تخرجي الطويلة والأرقومو( قيس الزاوية)

مثال

Z=-1+i
الطويلة هي جذر 2
والزاوية هي 5بي على4

الكوس راهو رايح يكون سالب والسينوس يكون موجب

[النجم رابح]

وفي الشكل الأسي تطبقي القانون rفي أسية iتيتا

[ghost_4d]

تفضلي ملف عن العداد المركبة.. يشرح كل صغيرة وكبيرة بخصوصها
للأمانة هو منقول من الموقع الغني عن التعريف http://www.mathsmak.com
http://www.mathsmak.com/forum/richedit/cliparts/062yqgw2.gif
اقدم لكم ملخص درس الاعداد المركبة وفق البرنامج الجديد.للاشارة معادلات من الدرجة الثانية ذات معاملات اعداد مركبة خــــــــــارج البرنامج ...
عمل شخصي راعت فيه بعض المكتسبات تهمل احيانا منها تذكير النسب المثلثية على الدائرة المثلثية...
بدون اطالة اليكم المشاهدة و التحميل
http://img232.imageshack.us/img232/8928/sanstitre1xh.png

التحميل من هـــــــــــــنــــــــــا (http://www.mediafire.com/?ybfn2tl4c3qcpgg)
http://www.mathsmak.com/forum/richedit/cliparts/112de4.gif

توقيع:❖MAKHLOUF Laid❖ (http://www.mathsmak.com/forum/member.php?action=profile&uid=5)

[روعة الوجود]

شكــــــــــــــــــــــــرا جزيلا لك

[G44]

مِِِِِِِِِِِِِِِِِِِِِِِِِِِِِِِِِشكــــــــــــــ ــــــــــــــــــــــــــــــــــور

[sam41]

Extrait de la préface du dernier jour d’un condamné
Victor Hugo, 1832



TEXTE


Ceux qui jugent et qui condamnent disent la peine de mort nécessaire. D’abord, -parce qu’il importe de retrancher de la communauté sociale un membre qui lui a déjà nui et qui pourrait lui nuire encore. S’il ne s’agissait que de cela, la prison perpétuelle suffirait. A quoi bon la mort vous objectez qu’on peut s’échapper d’une prison? Faites mieux votre ronde, si vous ne croyez pas à la solidité des barreaux de fer, comment osez-vous avoir des ménageries?
Pas de bourreau où le geôlier suffit.
Mais reprend-on, il faut que la société se venge, que la société punisse. Ni l’un, ni l’autre,. Se venger est de l’individu, punir est de Dieu. La société est entre deux. Le châtiment est au-dessus d’elle, la vengeance au-dessous. Rien de si grand et de si petit ne lui sied. Elle ne doit pas « punir pour se venger »; elle doit corriger pour améliorer. Transformez de cette façon la formule des criminalistes nous la comprenons et nous y adhérons.
Reste la troisième et dernière raison, la théorie de l’exemple. Il faut faire des exemples! Il faut épouvanter par le spectacle du sort réservé aux criminels ceux qui seraient tentés de les imiter!
Voilà bien à peu près textuellement la phrase éternelle dont tous les réquisitoires des cinq cents parquets de France ne sont que des variations plus ou moins sonores. Eh bien! Nous nions d’abord qu’il y ait exemple; nos nions que le spectacle des supplices produise l’effet qu’on en attend. Loin d’édifier le peuple, il le démoralise, et ruine en lui toute sensibilité, partant toute vertu.
















j 'ai besoin le compte rendu objectif

[sam41]

slt................

[روعة الوجود]

الســـــــــــــــــــــــــــلام عليكم


كيف احوالكم مع الامتحانات ان شاء الله تمام

بالتوفـــــــــــــــــــيق لكم جميعا

[روعة الوجود]

الســـــــــــــــــــــــــــلام عليكم
كيـــــــــــف احوالكمـــ ؟؟؟

اتمنى ان نعود للمراجعة معا هنـــــــــــــــــــــــا..
كما لدي سؤال حول بنية الجسم المضاد ....انتوما واش قالولكم عليها ؟؟؟

[♫ وهج الأمـل ♫]

تقصدي التركيب أختي ؟!!!!

[روعة الوجود]

تقصدي التركيب أختي ؟!!!!

لالا ثالثيـــــــــــة أم رابــــــعية لقد تصفحت دلك الموضوع لاحد الاعضاء هنا بالمنتدى واحترت علما انا استاد الدرورس الخصوصية اكد لي انها رابعية

[أم الشهداء]

السلام عليكم ورحمة الله تعالى وبركاته
ويبقى اجدل حول نفس الاشكآل

الأجسامـ المضادة ذو بنية ثالثية بالرغم من أنها تحتوي على أربعة سلاسل بيبتيدية و انما فهي مربوطة بجسور كبريتية لهذا فإن هذه الجسور أعطت للأجسام المضادة بنية مستقر حيث لا تتأثر بتغير درجة الحرارة إلا اذا كانت هناك اماهة كلية أي درجة حرارة عالية و ووسط حامضي كبير و هذا ما يمير البنيات الثالثية
و بالتالي مكن الخروج بنتيجة أن الجسم المضاد هو أيضا بنية ثالثية


بالتوفيق للجميع
و السلامــــ’’’ـــــ

[روعة الوجود]

السلام عليكم ورحمة الله تعالى وبركاته
ويبقى اجدل حول نفس الاشكآل

الأجسامـ المضادة ذو بنية ثالثية بالرغم من أنها تحتوي على أربعة سلاسل بيبتيدية و انما فهي مربوطة بجسور كبريتية لهذا فإن هذه الجسور أعطت للأجسام المضادة بنية مستقر حيث لا تتأثر بتغير درجة الحرارة إلا اذا كانت هناك اماهة كلية أي درجة حرارة عالية و ووسط حامضي كبير و هذا ما يمير البنيات الثالثية
و بالتالي مكن الخروج بنتيجة أن الجسم المضاد هو أيضا بنية ثالثية


بالتوفيق للجميع
و السلامــــ’’’ـــــ

بـــــــــــارك الله فيــــــــــــــــك اختي
لكنني عند مناقشتي للاستاد في الدروس الخصوصصية لم يقتنع وقال البنيات الرابعية هي ايضابها نفس روابط البنية الثالثية

وحتى الاستاد ابو حفص قال رابعية
كيــــــف اقنعه ...

[AmArJsK]

اظن انها بنية تالتية لانها تتالف من تحت وحدة فقط

[أم الشهداء]

سلام مجددا

نعمــ البنية الرابعية ما هي في الأصل الا بنية ثالثية حدث لها انطواء أكثر فأدى الى تشكل روابط جديدة ضعيفة بين هذه تحت الوحدات
نعلمـ أن الجسور الكبريتية هي روابط قوية و هي التي جعلت البنية الثالثية تكون أكثر استقراء و تعقيد
اما لو قلنا أن الجسم المضاد ذو بنية رابعية فالجسور الكبريتية تلغي ذلك لأن الذي يربط بين السلاسل عبارة عن جسور جعل هذه البنية مستقرة


بالتوفيق
و السلامــ’’’ـــ

[روعة الوجود]

اظن انها بنية تالتية لانها تتالف من تحت وحدة فقط

شكرااا لك .. ماذا عن استادكم ماذا قال ؟؟؟

[روعة الوجود]

سلام مجددا

نعمــ البنية الرابعية ما هي في الأصل الا بنية ثالثية حدث لها انطواء أكثر فأدى الى تشكل روابط جديدة ضعيفة بين هذه تحت الوحدات
نعلمـ أن الجسور الكبريتية هي روابط قوية و هي التي جعلت البنية الثالثية تكون أكثر استقراء و تعقيد
اما لو قلنا أن الجسم المضاد ذو بنية رابعية فالجسور الكبريتية تلغي ذلك لأن الذي يربط بين السلاسل عبارة عن جسور جعل هذه البنية مستقرة


بالتوفيق
و السلامــ’’’ـــ

وعليكم السلا م
البنية الرابعية ههي بنية تتكون من بنيتين ثلاثيتين فاكثر تسمى كل منها وحدة

شكراا لكن
استادكم قال انها ثالثية ؟؟؟

[أم الشهداء]

وعليكم السلا م
البنية الرابعية ههي بنية تتكون من بنيتين ثلاثيتين فاكثر تسمى كل منها وحدة

شكراا لكن
استادكم قال انها ثالثية ؟؟؟

اسلام عليكمـــ’’’ـــ
/
/

وهل السلاسل البيبيتيدية المكونة للجسم المضاد و أقصد بذلك الخفيفتين و الثقيلتين كل منهما عبارة عن بنية ثالثية ؟

اضافة الى ذلك لو كان الجسم المضاد بنيته رابعية لما ظهرت الجسور الكبريتية بين كل سلسلتين و انما لاحظنا وجود روابط ضعيفة أخرى

و يبقى الاشكآل مطروحآ , قد يلزمني الأمر أن أستشير أستاذ الفلسفة عله يجد حل لهذه الاشكالية ـــ
سلامـــ’’ــ

[روعة الوجود]

اسلام عليكمـــ’’’ـــ
/
/

وهل السلاسل البيبيتيدية المكونة للجسم المضاد و أقصد بذلك الخفيفتين و الثقيلتين كل منهما عبارة عن بنية ثالثية ؟

اضافة الى ذلك لو كانت ثلاثية لما ظهرت الجسور الكبريتية بين كل سلسلتين و انما لاحظنا وجود روابط ضعيفة أخرى

و يبقى الاشكآل مطروحآ , قد يلزمني الأمر أن أستشير أستاذ الفلسفة عله يجد حل لهذه الاشكالية ـــ
سلامـــ’’ــ

مــــــــــعك حق ربما اساتذة الفلسفة يستطعون ذلك

انا هذا مايحيرني ...حتى مرة اعطانا موضوع عن انزيم هيكسوكيناز يتكون من سلسلتين احداهما ثلاثية والأخرى عبارة عن سلسلة آلفا

معنى ذلك انها ثلاثية

قال انها رباعية

اعذريــــــــــني اختى على تفاهتي فحيانا احس انني تافهة لدرجة ... لا تحمتل في الاسئلة

[أم الشهداء]

سلامـــ

آبدآ أختآه بل نحنُ مجبرون على طرح تساؤلاتنآ و ان كنا نحس أنها تافهة فقد نندم لو لا نجب عليها فمحتمل أن يرد أي سؤال أمامنا يوم الشهادة

على العموم بالنسبة لانزيم هيكسوكيناز الذي أول مرة أسمع به
فكما قلت أنه ييتكون من سلسلتين ثالثتين و أخرى سلسة ثانوية ألفآ , فبغض النظر عن هذه السلسلة الأخيرة ألفا سيكون حتما ذو بنية رابعة لآنه يتكون من سلسلسلتين ثالثتين فهذآ يكفي للحكم أنه ليس بنية ثالثية و بالتالي سيكون رابعية ـــ

سلامـــ’’’ـــ

[روعة الوجود]

سلامـــ

آبدآ أختآه بل نحنُ مجبرون على طرح تساؤلاتنآ و ان كنا نحس أنها تافهة فقد نندم لو لا نجب عليها فمحتمل أن يرد أي سؤال أمامنا يوم الشهادة

على العموم بالنسبة لانزيم هيكسوكيناز الذي أول مرة أسمع به
فكما قلت أنه ييتكون من سلسلتين ثالثتين و أخرى سلسة ثانوية ألفآ , فبغض النظر عن هذه السلسلة الأخيرة ألفا سيكون حتما ذو بنية رابعة لآنه يتكون من سلسلسلتين ثالثتين فهذآ يكفي للحكم أنه ليس بنية ثالثية و بالتالي سيكون رابعية ـــ

سلامـــ’’’ـــ

صدقت اختي

هو يتكون من سلسلتين احدهما ثالثية والأخرى ثانوية (آلف) كيف تكون رباعية -- وقد قلنا انها تكون رابعيةادا تكونت من سلسلتين ثالثيتن ؟؟

[أم الشهداء]

السلامُ عليكم روحم الله تعالى وبركاته
وما اتيتم من العلم الا قليلآ

حسب ما فهمتُ انه وبمجرد اضيفت له سلسلة آخرى فوق السلسة الأولى الثالثية فهو لم يبقى ذو بنية ثالثية نعمـُ أن البنية الثاية عبارة عن تكتل وآحد اذا زاد عن هذا التكتل طبعا لا يمكن القول ثالثية ونصف و بالتالي سنقول أنه رابعية بغض النظر عن أن الرابعية تتكون من سلسلتين ثالثيتين أو أكثر , وقد يكون هنآك سبب آخر جعل هذى الانزيم ذو بنية رابعية
و الله أعلمــ’’ــ

[سومية1]

السلآمـ عليكــم ، لآبــآس ؟؟
بنيةالجسم المــضآد رآبعية .

[روعة الوجود]

السلآمـ عليكــم ، لآبــآس ؟؟
بنيةالجسم المــضآد رآبعية .

وعليكم السلام الحمد لله وانت

[AmArJsK]

سلام
نتمنى لو يرجع النشاط لهدا الموضوع
يمكن نتلاقاو هنا لعشية

[zizou93]

سلام
نتمنى لو يرجع النشاط لهدا الموضوع
يمكن نتلاقاو هنا لعشية
تفاهمنا لعشية ان شاء الله نكون فالموعد

[♫ وهج الأمـل ♫]

سلام
نتمنى لو يرجع النشاط لهدا الموضوع
يمكن نتلاقاو هنا لعشية


إنـ شاء الله

منـ بعد نرجعـ إذنـ

[AmArJsK]

8/30 مليحة
وجيبولنا معاكم كاش تمارين ملااح
موفقين

[♫ وهج الأمـل ♫]

ok

إذنـ على 08:30 نتلاقاو هنا

في أمانـ الله .....

[zizou93]

8/30 مليحة
وجيبولنا معاكم كاش تمارين ملااح
موفقين
مايكون غير خاطرك
على 8.30 ان شاء الله

[أم الشهداء]

السلامــ’’ــ عليكم ورحمة الله تعالى وبركاته

قد أكون بينكمــ’’ـــ بعد قليل ــ’’ــ
بانتظآر تماريناتكم المقترحة

سلامــ’’ــ

[أم الشهداء]

سلامــ

آآه راودتني فكرة الآن
ماذا لو ؟


لو نقم بحل التمارينات التي تقترحها جريدة الخبر اليومية جماعيآ , هذا حتى تنتطلع على جميع الأفكار في الحلول

ويبقى مجرد اقتراح’’’

سلامــ’’’ـــ

[AmArJsK]

اختي ام الشهداء تمارين جريدة الخبر تكون مرفوقة بالحلول
هدا رايى في انتظار اراء البقية

[أم الشهداء]

اختي ام الشهداء تمارين جريدة الخبر تكون مرفوقة بالحلول
هدا رايى في انتظار اراء البقية

ولكن الحلول تنشر في اليوم الموالي
على العموم و ان كان هذا اقتراحي فلن أكون بينكم في سائر الأيام الدراسية
لكمـ اختيار التمارين المناسبة

متتبعة من بعيدــ’’’ـــ

سلامــ’’’ـــ

[AmArJsK]

مافهمتينيش يعني التمارين التي بها حل تقدري تحليها وحدك وتقارني مع الحل
نريد تمارين بلا حل ونحلوها
واش رايك .........

[أم الشهداء]

مافهمتينيش يعني التمارين التي بها حل تقدري تحليها وحدك وتقارني مع الحل
نريد تمارين بلا حل ونحلوها
واش رايك .........

كمآ تُريد أخي الفاضل ـ’’ـ
ان كنت متواجد حآليا بامكانك اقتراحُ أي تمارين في أي مادة الى أن ينضم البقية ــ’’’ــ
سلامــ’’ــ

[AmArJsK]

...............................ok................. ...

[AmArJsK]

Ok

مسائل عامة (فيزياء)

ثا / بودرنان الجيلالي - ثنية الحد - تيسمسيلت هني بهية 58

[AmArJsK]

http://www.guezouri.org/Pages/particip_ter2009.htm


او هدا
http://www.guezouri.midoun.net/guezouri/participations/Ter_2011/Avril01/Compo2A_Hirech.pdf

[أم الشهداء]

http://www.guezouri.org/pages/particip_ter2009.htm


او هدا
http://www.guezouri.midoun.net/guezouri/participations/ter_2011/avril01/compo2a_hirech.pdf

الموضوع الثاني أحسن
ــ اختبار ثانوية حيرش عبد المجيد ـ شلغوم العيد ــ

[أم الشهداء]

على بركة الله نبدأ

بسمــ الله ــ’’ــ

[AmArJsK]

هل نحل هدا الموضوع ام لديك موضوع اخر احسن

[AmArJsK]

بالنسبة للحل عادة ما نكتب في ورقة ونضعها هنا
على كل حال لي تساعدك اوكي

[أم الشهداء]

فلنحل موضوعك المقترح ــ

بالنسبة للتمرين الأول
1- المنحنى 1 يمثل توتر الدارة E ((لأنه ثابت دائما )) أما المنحنى 2 فهو يمثل تغير التوتر بين طرفي المقاومة (( وهذا لوجود علاقة طردية بين ur وi حسب قانون أوم كمأ أنه عندما تكون القاطعة مغلقة فأن شدة التييار تتزايد و بالتالي فإن ur أيضا يتزايد ))

أما عن الجزء الثاني للسؤال الأول فلمـ أفهمه

...

[zizou93]

راني جيت وين راكم

[أم الشهداء]

راني جيت وين راكم

نحنُ هنآ:D

http://www.guezouri.midoun.net/guezo...o2a_hirech.pdf

سلامــ’’ـ

[AmArJsK]

رانا نحلو في هد الموضوع

[AmArJsK]

ختي ام الشهداء نحلو سوال بسوال ولا لي يكمل الحل يكتب الحل نتاعه

[أم الشهداء]

ختي ام الشهداء نحلو سوال بسوال ولا لي يكمل الحل يكتب الحل نتاعه

سؤال بسؤال أحسن

[AmArJsK]

محاولة في الجزء 1http://hh7.an3m1.com/Sep/an3m1.com_13312373001.jpg

[AmArJsK]

http://hh7.an3m1.com/Sep/an3m1.com_13312373001.jpg

[♫ وهج الأمـل ♫]

السلام عليكم جميعا

آسفة على التأخر

سأبدأ بالمحاولة حالا

[أم الشهداء]

http://hh7.an3m1.com/Sep/an3m1.com_13312373001.jpg

شكرا اخي الفاضل

ولكن بالسنبة للسؤال الخاص بشدة التيار الكهربائي لم تجب عليه

في المطلب ك بالاعتماد على البيان
لدينا المنحنى 2 يمثل تغيرات التوتر بين طرفي المقاومة
ولدينا ur =R.i
ومنه i= ur/R
و لدينا في النظام الدائم ur = 8 (v)l
ومنه I = 8 / 20 = 0.4 (a)l

و الله أعلمــ’’ـ

سلامــ’’ـ

[أم الشهداء]

سلامــ
أخ عمار
القيمة التي تحصلت عليها = 8 تلك ققيمة التوتر بين طرفي المقاومة ليس قيمة شدة التيار الكهربائي
و بالتالي فباقي القيم خاطئة
و الله أعلمــ’’ــ

[AmArJsK]

نعم لم جب عليه اكتفيت بالتوتر ونسيت نجيبقيمة الشدة
شكرا لكي

[AmArJsK]

صح قيمة المقاومة الداخلية نجدها 2.5 وليس 18

[AmArJsK]

وقيمة الداتية 6.75

[أم الشهداء]

السلام عليكم ورحمة الله تعالى وبركاته
بالنسبة لباقي الأسئلة في الجزء الأول
E= ul+ur
في النظام الدائم الوشيعة تلعب دور ناقل أومي اذا ul = r.I
و ur= R .I
ومنه E=I(R+r)l
اي أن E/L-R=r
بالتعويض نجد r= 2.5 ( ouhm)l
ـــ ثابت الزمن TO هو فاصلة نقة تقاطع المماس عند t=0 و المستقيم ذو المعادلة y= E فنجد TO = 3 ms=3.10^-3 s
ــ ايجاد الذاتية
لدينا TO =L/R+r
ومنه TO . (R+r ) =L
بالتعويض نجد
L=67.5 mH

و الله أعلمــ’’ـ

[أم الشهداء]

وقيمة الداتية 6.75

قيمة الذاتية = 67.5 ميلي هنري
كن على يقين أن ذاتية الوشيعة غاليا ما تكون قيمها أقل من 1 هنري هذا للتأكد من أن اجابتك صحيحة

بالتوفيق
و السلامـ’’ـ

[♫ وهج الأمـل ♫]

اسمحولي لازم نروح ما قدرتش أو موا نركز مع الأسئلة

الحالة اللي راني فيها ما يعلم بيها غير ربي سبحانه .....

أدعيولي خاوتي

++ قولولي غدوا وقتاه تدخلوا باه ندخل معاكم إذا قدرت

[أم الشهداء]

اسمحولي لازم نروح ما قدرتش أو موا نركز مع الأسئلة

الحالة اللي راني فيها ما يعلم بيها غير ربي سبحانه .....

أدعيولي خاوتي

++ قولولي غدوا وقتاه تدخلوا باه ندخل معاكم إذا قدرت


السلامــ عليكم ورحمة الله تعالى وبركاته
لا بأس أختاه
كان الله معكـــ’ـ

ـــــ

[AmArJsK]

http://hh7.an3m1.com/Sep/an3m1.com_13312396382.jpg


http://hh7.an3m1.com/Sep/an3m1.com_13312396221.jpg

[AmArJsK]

قيمة الذاتية = 67.5 ميلي هنري
كن على يقين أن ذاتية الوشيعة غاليا ما تكون قيمها أقل من 1 هنري هذا للتأكد من أن اجابتك صحيحة

بالتوفيق
و السلامـ’’ـ



خطا في الحساب 0.675 هنري

[أم الشهداء]

السلام عليكم ورحمة الله تعالى وبركاته
بالنسبة للمعادلة التفاضلية اليك محاولتي : :


لدينا حسب قانون جميع التوترات
E = Ul+Ur
E= L .di/dt+ri+Ri
ومنه
E/L= di/dt + i(R+r)/L
أي أن E/l=di/dt+ i/TO
و لدينا في النظام الدائم E= iI(R+r)l
ومنه نعوض قيمة e في المعادلة التفاضلية فنجد
i (R+r)/L = di /dr + i /TO
ومنه i/TO = di/dr + i/To


و الله أعلمــ
سلامــ’’ـ

[أم الشهداء]

http://hh7.an3m1.com/Sep/an3m1.com_13312396382.jpg


http://hh7.an3m1.com/Sep/an3m1.com_13312396221.jpg

السللام عليكم ورحمة الله تعالى وبركاته
E=/= i

سلامــ’’ـ

[أم الشهداء]

السلام عليكم ورحمة الله تعالى وبركاته

تسجيل خروج
على أمل اللقاء قريبا

بالتوفيق للجميع
و السلامــ’’ـــ

[*أســيـــــرツالــبــســـمـــة*]

اسمحولي لازم نروح ما قدرتش أو موا نركز مع الأسئلة

الحالة اللي راني فيها ما يعلم بيها غير ربي سبحانه .....

أدعيولي خاوتي

++ قولولي غدوا وقتاه تدخلوا باه ندخل معاكم إذا قدرت


استجاب الله دعائك أختاه


==========================

السلام عليكم ورحمة الله تعالى وبركاته

خاوتي ماعليش نريفيزي معاكم؟

قولولي كيفاه راكم تريفيزيو وان شاء الله راح نكون معاكم

أمينة ختي وين راكي؟

[zoldek 7]

هناااااااااااااااا

[*أســيـــــرツالــبــســـمـــة*]

كــــــيـــــــف؟؟؟؟

[روعة الوجود]

استجاب الله دعائك أختاه


==========================

السلام عليكم ورحمة الله تعالى وبركاته

خاوتي ماعليش نريفيزي معاكم؟

قولولي كيفاه راكم تريفيزيو وان شاء الله راح نكون معاكم

أمينة ختي وين راكي؟

وعليكم السلام ورحمة الله وبركاته

اهــــــــــــلا بك اخي وعودة ميمونة
كيـــــــــــــف احوالك اخي شعيب ان شاء الله تكون في تمام الاحوال

طبعا ممكن
كل مرة وكيفـــــــاه نرجعو نحلو مواضيع ونصحو لبعضانا وتعرف وكل واحد وظروفو فالدخول

[*أســيـــــرツالــبــســـمـــة*]

وعليكم السلام ورحمة الله وبركاته

اهــــــــــــلا بك اخي وعودة ميمونة
كيـــــــــــــف احوالك اخي شعيب ان شاء الله تكون في تمام الاحوال

طبعا ممكن
كل مرة وكيفـــــــاه نرجعو نحلو مواضيع ونصحو لبعضانا وتعرف وكل واحد وظروفو فالدخول


الله يسلمك ختي

والله الحمد لله وأنت؟

ان شاء الله راح نحاول نكون مشارك في المراجعة

شكرا على الاستقبال

الله يوفقك ويوفقنا أجمعين

سلااااااااااام

[ورود الشتاء]

اهلا شعيببببببببببببببب عاش من شافك اك نسيتنا قع نشاله نسيتنى و الله منتفاهمو ههههههههههههههههه واش مع الباك راك جايبها هادى غيبة يا خو

[روعة الوجود]

الله يسلمك ختي

والله الحمد لله وأنت؟

ان شاء الله راح نحاول نكون مشارك في المراجعة

شكرا على الاستقبال

الله يوفقك ويوفقنا أجمعين

سلااااااااااام


الحمد لله انك بخير

ماذا عن دراستـــــــــــك ؟؟(جايبها ولا والو )

موفق باذن الله

[♫ وهج الأمـل ♫]

السلام عليكم

كيف الأحوال أختي أمينة ؟

التحضير ياخي ماشي مليح ؟

[AmArJsK]

السلام عليكم

[روعة الوجود]

السلام عليكم

كيف الأحوال أختي أمينة ؟

التحضير ياخي ماشي مليح ؟

وعليكم السلام

الحمــــد لله على كل الاحوال

وانت اخبارك

اما عن التحضيــــــــــر ... ماعندي مانقول افمي نتي ......!!!

[روعة الوجود]

السلام عليكم

وعليكم السلام كيف الاحوال ؟؟

[*أســيـــــرツالــبــســـمـــة*]

اهلا شعيببببببببببببببب عاش من شافك اك نسيتنا قع نشاله نسيتنى و الله منتفاهمو ههههههههههههههههه واش مع الباك راك جايبها هادى غيبة يا خو

أهليييييييييييييين مونة كيراكي ختي؟

واش الأحوال؟ واش هاذ الغيبة؟

كيفاه ننساك يا بنت سطيف العالي؟

نهار السبت فيها مقابلة معاكم شكون تسيبورتي؟

ياك سطيف؟

واش لقراية مونة جايبتها؟

راني نستنى في خبارك

ربي يوفقك

[*أســيـــــرツالــبــســـمـــة*]

الحمد لله انك بخير

ماذا عن دراستـــــــــــك ؟؟(جايبها ولا والو )

موفق باذن الله


الدراسة لحد الآن مليحة لكن دون نتائج

ان شاء الله راح نكونوا موفقين في الباك أجمعين

وأنت شحال كان المعدل نتاعك؟

سلااااام

[ورود الشتاء]

أهليييييييييييييين مونة كيراكي ختي؟
رانى هااااااااااااايلة كى نشوف اصدقائى مينساونيش


واش الأحوال؟ واش هاذ الغيبة؟
الاحوال راهى مليحة لحد الان و الغيبة هادى راك انت لى وليت متبانش ما انا رانى ساعة على ساعة نطل هنا هههههه

كيفاه ننساك يا بنت سطيف العالي؟
هههههههههههههه تعيش خويا لعزيز
نهار السبت فيها مقابلة معاكم شكون تسيبورتي؟
ادا كانت سطيف لى رابحة تلعب بياااااااااااانسير سطيف نموت عليها هيا برك منفرطش فيها

ياك سطيف؟
حاجة باينة بلاما تسقسى

واش لقراية مونة جايبتها؟
نقدر نقول الحمد لله رانى مع لفرونسيه ولونجلى شويا الفصل الاول كنت شويا مى دك رانى طلعت هدا الفصل الحمد لله نشاء الله الفصل الثالث نزيد نطلع و فى البكالورياء نحطم الرقم القياسى ههههههههههههههههه نشاء الله و انت

راني نستنى في خبارك
مام انا نشتنى اخبارك ونفس الاسئلة لى وجهتهالى نعاود نوجهالك ياك معليش


ربي يوفقك
امين يوفقنى ويوفق جميع الطلبة

ايا فى اماااااااااااان الله

[ماجد93]

السلام عليكم
ماجد من العلمة
شعبة علوم تجريبية

[AmArJsK]

السلام عليكم
هل يمكن ان يتجدد لقائنا اليوم بعد صلاة الجمعة

[AmArJsK]

http://www.djelfa.info/vb/showthread.php?t=541758
للمحاولة في هده التمارين الرائعة

[zizou93]

http://www.djelfa.info/vb/showthread.php?t=541758
للمحاولة في هده التمارين الرائعة
السلام عليكم
ان شاء الله نكون معاكم اذا قدرت باسكو راني مريضة في حالة مي ماعليش
سلاااااام

[*أســيـــــرツالــبــســـمـــة*]

ايا فى اماااااااااااان الله

آه يا مونة حرام عليك تقولي أنا ننساك

ماعليش غيبة محتمة وان شاء الله ماتتعاودش

أيا مليح كي عدتي تسيبورتي سطيف ان شاء الله نربحو

مازلتي في مشكل مع الفرنسية والإنجليزية؟ ربي يصبرك هههه ان شاء الله تحطمي الرقم القياسي في كلش في الباك تجيبي المعدل لي حابك تجيبيه. ياك علابالك قداه؟

مازلتي تبروفيتي في الأسئلة برك؟ هههههههه والله كي لعسل ختي

الأحوال الحمد لله ولقراية ماهيش مليحة مريت على ضروف صعبة ودركا الحمد لله لازم نريكيبيري بالشوي وربي يجيبها في الصواب ان شاء الله

الله يوفقك ختي

تهلاي في روحك

سلااااااااااام

[*أســيـــــرツالــبــســـمـــة*]

السلام عليكم
هل يمكن ان يتجدد لقائنا اليوم بعد صلاة الجمعة

أرجو المعذرة أخي

بعد الصلاة نقرى ليكور ان شاء الله

لكن أن على وعد أن أطلع على كل مراجعتكم وأحاول وضع بصمتي فيها ان شاء الله

الله يوفقكم أجمعين

[AmArJsK]

السلام عليكم
ان شاء الله نكون معاكم اذا قدرت باسكو راني مريضة في حالة مي ماعليش
سلاااااام

وعليكم السلام
الله يشافي ختى بصح غير الخير مكاين والو

[zizou93]

وعليكم السلام
الله يشافي ختى بصح غير الخير مكاين والو
ماكان والو راك تعرف الجو هاذا تع الوهف يعني الناس كامل معرضين للمرض و انا واحدة منهم مي ماعليش مايكون غير الخير ان شاء الله نتلاقاو مبعدا ok

[حامل اللواء]

يا جماعة الميكانيك الميكانيك

لا يوجد تمارين على الانترنت ؟؟؟

[AmArJsK]

لا اخي يوجد تمارين
بداية من البكلوريات السابقة الى تمارين الاستاد فرقاني الى مساهمات الاساتدة في موقع قزوري وووووو

[zizou93]

يا جماعة الميكانيك الميكانيك

لا يوجد تمارين على الانترنت ؟؟؟
lممكن تلقى فالمراجع

[روعة الوجود]

الدراسة لحد الآن مليحة لكن دون نتائج

ان شاء الله راح نكونوا موفقين في الباك أجمعين

وأنت شحال كان المعدل نتاعك؟

سلااااام

الحمد لله على كل

معدلي 14لهذا الفصل :mad::mad::mad:

ماذا عنـــــــــــــك اخي

[ورود الشتاء]

آه يا مونة حرام عليك تقولي أنا ننساك


ماعليش غيبة محتمة وان شاء الله ماتتعاودش

أيا مليح كي عدتي تسيبورتي سطيف ان شاء الله نربحو

مازلتي في مشكل مع الفرنسية والإنجليزية؟ ربي يصبرك هههه ان شاء الله تحطمي الرقم القياسي في كلش في الباك تجيبي المعدل لي حابك تجيبيه. ياك علابالك قداه؟

مازلتي تبروفيتي في الأسئلة برك؟ هههههههه والله كي لعسل ختي

الأحوال الحمد لله ولقراية ماهيش مليحة مريت على ضروف صعبة ودركا الحمد لله لازم نريكيبيري بالشوي وربي يجيبها في الصواب ان شاء الله

الله يوفقك ختي

تهلاي في روحك


سلااااااااااام


سلاااااااااااااااااااام خويا حبيت نهنيك اليوم بالتفوق الجدير للوفاااااااااااااااااااااااااااااااااااق

[روعة الوجود]

السلام عليكم

كيف احوالك اختي مع الدراسة ؟؟؟

[زهور الياسمين]

السلام عليكم

شكون لي راه هنا

[روعة الوجود]

وعليكم السلام

[زهور الياسمين]

كيف الحال امينه

[روعة الوجود]

الحمد لله بخير وانت كيف احوالك ؟؟

[~خيرات حِسان~]

السلام عليكم
سؤال مهم
روحو كااااااامل لموضوع باك 2008 مادة الرياضيات
في الموضوع الأول و التمرين الثاني للهنندسة في الفضاء
السؤال الثالث و الاخير
3/ لتكن g مرجح الجملة )A.1),)B.a),)C.b
كيف نعين النقطة a حتى تنتمي النقطة G الى المسقيم *D* ذو تمثيل وسيطي معين ؟؟؟؟؟؟؟؟؟؟؟؟؟؟؟؟؟؟؟؟؟؟

راه عندنا ثلاث مجاهيل a?b?t ?

[زهور الياسمين]

السلام عليكم
سؤال مهم
روحو كااااااامل لموضوع باك 2008 مادة الرياضيات
في الموضوع الأول و التمرين الثاني للهنندسة في الفضاء
السؤال الثالث و الاخير
3/ لتكن g مرجح الجملة )A.1),)B.a),)C.b
كيف نعين النقطة a حتى تنتمي النقطة G الى المسقيم *D* ذو تمثيل وسيطي معين ؟؟؟؟؟؟؟؟؟؟؟؟؟؟؟؟؟؟؟؟؟؟




احسبي احداتيات g

ساوي التمتيل الوسيطي تع دالتا مع الاحداتيات و خرجي الفا تجيك ساهله لان بيتا هي 0 ادا لم تخني الذاكره

[~خيرات حِسان~]

احسبي احداتيات g

ساوي التمتيل الوسيطي تع دالتا مع الاحداتيات و خرجي الفا تجيك ساهله لان بيتا هي 0 ادا لم تخني الذاكره

وعلاش بيتا تساوي 0
و t تاع التمثيل الوسيطي راه مجهول تاني ؟

[زهور الياسمين]

وعلاش بيتا تساوي 0
و t تاع التمثيل الوسيطي راه مجهول تاني ؟



اختي حلي الجمله
عندك 3 معادلات و 3 مجاهيل عادي

ساويهم
خدمي ب معادلتين استعملي الجمع و التعويض

و عوضي فالتالته تلقاي قيمه الفا

اخدمي و لا لقيتي اشكال راني هنا

[~خيرات حِسان~]

اختي حلي الجمله
عندك 3 معادلات و 3 مجاهيل عادي

ساويهم
خدمي ب معادلتين استعملي الجمع و التعويض

و عوضي فالتالته تلقاي قيمه الفا

اخدمي و لا لقيتي اشكال راني هنا

اختي كيفاش نخرجو الفا راهي في البسط و في المقام هي و بيتا
و زيد كي نديرو ضرب الوسطين في جداء الطرفين راح ترجع معقدة و الفا مضروب في t ............:confused:

[زهور الياسمين]

معليش اختي دقائق نحلهالك و نبعتهالك

مي اصبري شوي اوك

[زهور الياسمين]

معليش اختي دقائق نحلهالك و نبعتهالك

مي اصبري شوي اوك

[~خيرات حِسان~]

واش ياسمــــــيــــــن ؟؟؟

[زهور الياسمين]

تفضلي من هنا (http://www.djelfa.info/vb/showthread.php?t=901049)

[*أســيـــــرツالــبــســـمـــة*]

الحمد لله على كل

معدلي 14لهذا الفصل :mad::mad::mad:

ماذا عنـــــــــــــك اخي

الحمد لله

مبروك عليك الـ14 بصح لازم تزيدي ان شاء الله

أنا اديت 13.97

ربي يوفقك

سلام

[*أســيـــــرツالــبــســـمـــة*]

سلاااااااااااااااااااام خويا حبيت نهنيك اليوم بالتفوق الجدير للوفاااااااااااااااااااااااااااااااااااق

يسلمك مونة

مبروك علينا الفوز السحيق

واش صرا في العلمة؟ كلاو بعضاهم؟ هههههههههه

شحال ديتي معدل مونة

[ورود الشتاء]

يسلمك مونة


مبروك علينا الفوز السحيق

واش صرا في العلمة؟ كلاو بعضاهم؟ هههههههههه


شحال ديتي معدل مونة

اسكت برك انى عميتها ديت 12.89 على سعدى لحكل ههههههههههههههه
العلمة راااااااهى تقلبت بصح بهدلناهم حنا السطايفية فوووووووووووووور

[*أســيـــــرツالــبــســـمـــة*]

اسكت برك انى عميتها ديت 12.89 على سعدى لحكل ههههههههههههههه
العلمة راااااااهى تقلبت بصح بهدلناهم حنا السطايفية فوووووووووووووور

12.89؟ ماعليش الصح في الباك أنا تاني ندبتلها راكي علابلك هههههههههه

ان شاء الله نبرهنو في الباك بمعدل مليح

السطايفية حضارة وديما يبقاو في لعلالي ان شاء الله

[ورود الشتاء]

12.89؟ ماعليش الصح في الباك أنا تاني ندبتلها راكي علابلك هههههههههه


ان شاء الله نبرهنو في الباك بمعدل مليح


السطايفية حضارة وديما يبقاو في لعلالي ان شاء الله

انشااااااااااااااااااااااااااااااااااااء الله على خاطر كاين بزااااااااااااااااااف لى حاقرينا سيرتو فى البالو

[دنيا الافراح]

فكرة رائعة بوركة
و ان شاء الله نكونوا أكتر من عائلة

[روعة الوجود]

الحمد لله

مبروك عليك الـ14 بصح لازم تزيدي ان شاء الله

أنا اديت 13.97

ربي يوفقك

سلام


سلام

يبارك فيك

وانت مبرووك عليك

حتى انت هبطت من معدلك عمبالي انا بروحي لي هبطت

المهم البكالوريا ان شاء الله

[ورود الشتاء]

واش حوالكم اعضائنا لعزاز عليا

[ورود الشتاء]

وراااااااااااااااااااااكم علابالى مع القراية ههههههههههههههه

[*أســيـــــرツالــبــســـمـــة*]

والله بخير يا السطايفية

واش الفلسفة مليحة الأحوال؟

ان شاء الله كلشي تمامم

[ورود الشتاء]

راك تشوف راهى متشكرش حابة مقالات بصح مصبتش الروابط اكل قديمة