ماهو سر الفشل في المسايقات الكتابية [الأرشيف] - منتديات الجلفة لكل الجزائريين و العرب

fayter

2012-01-17, 19:16

اظن ان سر الغشل في المسابقات التوظيف الكتابية هو عدم التركيز في شئ واحد فعلينا ان نراجع انفسنا ونحاول ان نشارك في المنصب الدي ارى نفسي فيه قادرا على ان اقده فيه الاكتر فكلنا نركد وراء المرتب فلو ركدنا وراء العطاء واستغلال قدرانتا لنجحنا بالتاكيد فمتلا ارى المشاركين في مسابقات 10 الاف مشارك وهم نفسهم في مسابقة اخرى واخرى فالضرائب ليست كالمتصرف او الملحق فهل لدينا القدرة الكافية للتحضير لكل هدا وداك في وقت واحد كدلك علينا ان لا ننسى ان الفشل لا يعلم النجاح بل قد يولد الاكتئاب بالتوفيق للجميع:19:

adouma

2012-01-17, 19:28

و الله والو لا تركيز لا يديك لا يجيبك السر يكمن في المعريفة الزايدة على اللزوم
انا خرج اسمي في نتائج الكتابية من 3 الاوائل و الولى اللي داتها اختها تعمل في المديرية اللي فوت فيها يعني عندك معارف صحاح تربح ما عندكش تبقى هاك
الشدة في ربي سبحانه و تعالى

fayter

2012-01-17, 19:39

شوف اخى انت نحاوك وسكت وعلاش مااخدتش البيفي اللي نجحت بيه ورحت للقضاء ماضاح حق وراءه طالب
تاخد حقك ونعرف ناس اخدو حقهم بالقانون منهم اخي اخد حقو ودرك راهو خدام بصح لازم يكون عندك دليل باللي انت نجحت

فرناس وهران

2012-01-17, 19:48

و الله والو لا تركيز لا يديك لا يجيبك السر يكمن في المعريفة الزايدة على اللزوم
انا خرج اسمي في نتائج الكتابية من 3 الاوائل و الولى اللي داتها اختها تعمل في المديرية اللي فوت فيها يعني عندك معارف صحاح تربح ما عندكش تبقى هاك
الشدة في ربي سبحانه و تعالى

السلام عليكم
اريد ان اسئالك اخي كم من مسابقة اجتزتها هاذه الفترة الاخيرة من اكتوبر الى يومنا ؟؟؟

اميرة الجزائر2010

2012-01-17, 19:57

السلام عليكم اخوتي الكرام
اولا نتمنالكم النجاح في مسابقة من مسابقات التوظيف و لي فيها الخير ربي يجيبها و مكتوبك يلحقك حتى لو كنت في قاع و عمق البحر
ثانيا انا اظن ان سبب الفشل في المسابقات الكتابية هو عدم التركيز و عدم و ضع خطة للاجابة فاغلب اجاباتنا تكون غير منظمة و بدون منهجية يصعب على المصحح قرائتها الى النهاية لان هناك عدد كبير من المترشحين و اغلب الاجابات تكون متشابهة و الفروق تظهر في كيفية الاجابة
و الله و لي التوفيق

yasmina dz

2012-01-17, 20:34

السلام عليكم

حبيت نعطي رأيي في الموضوع اولا انا متخرجة هاذ العام يعني 2011 و كيما كامل الناس كان عندي طموح و كبير بزاف كي تخرجت مالقيت عليها وين

فوت ماجيستار وهران + سيدي بلعباس و ربي ماكتبش بديت نقول هاذ البلاد نتاع معريفة و صايي استسلمت للواقع و درت لانام خدمت فالسبيطار و بيناتنا و الله غير تمنيت لوكان ما قريتش قلت ضيعت 21 سنة من حياتي باطل يعاملونا معاملة اسمحولي على هاذ الكلمة نتاع كلاب

شفت صحاباتي يديرو نتاع مديرية التجارة و هو أول كونكور دفعت ( بيناتنا غير مين كرهت قلت نشوف معسكر كي دايرة ) روحت لمعسكر نخلعت في عدد المشاريكين
زوج جاميعات معمرين و غير اللي رافد كايي و يحفظ و انا و الله ما حليت الكايي
الثقافة العامة دارولنا على المؤسسات الصغيرة و المتوسطة طحت ننتقد فيها حتى عييت
مواد التخصص ما حبيتش نريسكي ديت تمرين نتاع المحاسبة ( ماعندهمش كيفاش يغشوني ) حليت
و كي جات في اللغة الاجنبية كانت الساعة 4 خفت مانلقاش الركبة حبيت نشور يعني فقدت الأمل صحاباتي قالولي قعدي و نشورو كيف كيف يعني قعدت على جال الرفقة و من زهري الانجليزية كانت ساهلة بزاااااااف
شورت لدارنا و نسيت بلي درت كونكور خاطرش دايرة في راسي بلي ناس بزاف و المعريفة بيانسير

كي خرجت الريزيلطا ربحت و كلاسيت 8 مادام كاين ربي ماتقولي كتابي ماتقولي شفهي توكل و دخل هاذا مانقولك و اذا ربي كاتبها تديها و اذا ماشي مكتوبة و الله ماتديها

الصبر ثم الصبر ثم الصبر

عذرا على الإطالة

safir2020

2012-01-17, 21:24

الفشل ليس نهايه الطريق
بل بداية الطريق
والدنياء تجـارب فأذ فشلت
فلا تيأس فحـاول ان تفتح لك باب
اخـر والتوفيق من الله
دليلك في الوصول الى القمه
هو التفاؤل

adouma

2012-01-17, 21:34

انا من اكتوبر لليوم فوت 10 مسابقات منها الماجيستر و منها متصرف و منها المفتش و روح و روح
و راني من 2008 و انا نفوت و راني صابرة ربي يجيب الخير ان شاء الله

امين83

2012-01-17, 21:38

السلام عليكم
اخي ما فيها لا سر و لا شيئ اخر ......وحد الحاج جارنا ...حكيتله على قصتي و مغامراتي مع المسابقات ..قال لي لم ينادي عليك المنادي ...كيفاه ؟
ربي سبحانه مازال ما كتبلك مكتوبك ...قالي لكن مكتوبك لاحقك لاحقك و مسطر منذ ولادتك ....لذا لا تخف دير لي عليك و الكمال على ربي ...
راني ندير لي علي نجوز المسابقات و وكلها راني نفشل فيها لكني أحاول و أحاول إلا أن أصيب و أنجح با إذن الله سوف أنجح با إذن الله
يقول مثل فرنسي
qu'on t'il ya la vie il ya espoir rien à perdre
الله يوفقنا

momo_mosta

2012-01-17, 23:05

لو تلاحض عدد الفائزين هم الفتيات ..استعمال الكيتمان والغش غير نحن الرجال لترشح يجب (الخدمة الوطنية) وزيد المعرفة.......خليها رب

ultras BE

2012-01-18, 02:09

لبنات ربي يجيب لكم مكتوب أظن أنه خير من وظيفة ........... دار و وليدات
حنا ذكور رنا تحت ضغط كبير و نزيد كي نروح نعقب كونكور نلقا غير لبنات نهبل أرجوا أن تتفهموا .... خدمة لبنات غير الزامية عكس الرجال

fayter

2012-01-18, 10:40

الخدمة غير الزامية بصح كاين ناس ان ااقل الاغلبية تريد الموظفات بحجة ان الرجل لايستطيع ان بتم مصروف البيت مادا تفعلن ادن لمادا تدرسن فمنهن من تشتغل من اجل اهلها ومنهن من اجل اولادها
اللي كاتبه ربي تلحقه والخدمة اللى تجي بلغش دراهمها حرام املا نستناو شوية وندوها بالحلال

ultras BE

2012-01-18, 12:15

الخدمة غير الزامية بصح كاين ناس ان ااقل الاغلبية تريد الموظفات بحجة ان الرجل لايستطيع ان بتم مصروف البيت مادا تفعلن ادن لمادا تدرسن فمنهن من تشتغل من اجل اهلها ومنهن من اجل اولادها
اللي كاتبه ربي تلحقه والخدمة اللى تجي بلغش دراهمها حرام املا نستناو شوية وندوها بالحلال

المرأة الأصل تريح فالدار ............. أما الخدمة فهي الإستثناء معظم النساء الخدمات راهم يخدموا هكذا و خلاص ...... أما بالنسبة لتخدم على شرها فهي نسبة قليلة جدا

اسرار البحر

2012-01-18, 13:47

ما فهمنا وااااااااااااااااااااااااااالو

والله غير قرينا وكتبنا المطلوب وماكاش نتيجة زعما روسنا مغلفين ؟!

هو كيفاش تكون طريقة الاجابة ياك مقدمة + اشكالية ثم العرض وبعده الخاتمة
ولا نكتبو الخطة ؟ ولا كيفاش رايح نهبل من راسي !!!

امين83

2012-01-18, 13:53

ما فهمنا وااااااااااااااااااااااااااالو

والله غير قرينا وكتبنا المطلوب وماكاش نتيجة زعما روسنا مغلفين ؟!

هو كيفاش تكون طريقة الاجابة ياك مقدمة + اشكالية ثم العرض وبعده الخاتمة
ولا نكتبو الخطة ؟ ولا كيفاش رايح نهبل من راسي !!!

أنا بروحي ما فهمت والو ......كل الخطط و المنهجيات التي في كون و درتها مطالب و مباحث ..نقاط إلخ و الله غالب ...رانا صابرين ...

اسرار البحر

2012-01-18, 13:57

ما عندنا غير الصبر حل .... مش رايح نحرق روحي ولا نهجر البلاد !!!!! شادين في ربي والعقل ...

لكن الواحد ما يقولش قراية وما قراية والله غير قرينا وحفظنا ودرنا كل الحلول ....الواحد وقيل يروح يجري على زهره وخلاص !!!

خصوصا المسابقة التالية عملت اكثر من جيد ...وفي الاخير متخرجش ...حبو يخرجولنا وذنين من روسنا ولا واش ؟!

fayter

2012-01-18, 13:58

المصحح امامه 10 الاف ورقة ففي نظري بيست المنهجية وحدها وانما ايجاد الكلمات المفاتيح للجواب فهو يركزعلى هده المفاتيح اكتر شىء هدا ليس رائ وانما راي احد الاساتدة الجامعيين

اسرار البحر

2012-01-18, 14:04

يعني نولي نحطلهم خطة العمل ولا كيفاش ؟ !

fayter

2012-01-18, 14:11

يعني متلا عندما يطرح موضوع تضع امامك خطة فيها العناصر التي تريد ان تتطرق اليها لمعالجة الموضوع وتستعمل الدلالات الكلامية الخاصة فان كان الموضوع يتحدت عن الاقتصاد متلا يجب ان تستعمل الكلمات الاقتصادية لجلب انتياه المصحح من جهة وتسهيل عملية التصحيح عليه من جهة اخرى وتوصله الى ماتريد قوله متلا في الاقتصاد عن الاستتمار المباشر لازم تستعمل متلا كلمة فتح سوق جديدة لجلب الاستتمار الاجنبي وهكدا دواليك اى لازم ان تكون دكي في الاجابة

اسرار البحر

2012-01-18, 14:14

والله هذا ما افعله تماما اثناء الامتحان ....راني قتلك نستنا في نتائج الضرائب اذا ما خرجتش فيها تاني وهذا اكيد ...يخرجولي وذنين من راسي ... هذا واش حبو ..

الله يهدينا ويوفقنا تعبنا

fayter

2012-01-18, 14:17

ان شاء الله تخرج وتفرح نعرف ان الله لا يضيع اجر من احسن عملا خلي تقتك بنفسك كبيرة وادا خدمت تنجح اكيد

aissa2008

2012-01-18, 18:58

السلام عليكم

انا شاركت العام الماضي والحمد لله نجحت من المرة الاولى وكنت لاول على القائمة

حسب رايي ان المهم هو امتحان التخصص لانه يبين قدرات الطالب

وكذلك الامر في الثقافة العامة

اي سؤال انا في لخدمة اخوتي الكرام

والعقوبة ليكم

fayter

2012-01-18, 19:11

صحيح اختى المهم اعرف اين استطيع ان اظهر فيه قدراتى وفي اى تخصص يلائم تخصصى في الواقع من درس قانون لايمكنه ان ينجح في اختبار الاقتصاد والعكس صحيح فرجل القاون لا ينفع الا في القانون وممكن الامور الادارية بعيدا عن المحاسبة بالتوفيق للجميع

ALIDZ89

2012-01-18, 19:33

السلام عليكم

انا شاركت العام الماضي والحمد لله نجحت من المرة الاولى وكنت لاول على القائمة

حسب رايي ان المهم هو امتحان التخصص لانه يبين قدرات الطالب

وكذلك الامر في الثقافة العامة

اي سؤال انا في لخدمة اخوتي الكرام

والعقوبة ليكم

اخي من فضلك كيف كانت اجابتك في القانون او اختصاصك هل بالخطة اي مباحث ومطالب وفروع وخاتمة.

ALIDZ89

2012-01-18, 19:42

...............................انا انتضر ارجو طريقة اجابتك على سؤال القانو الاداري حول شوروط الالغاء...او المجلس الدستوري

aissa2008

2012-01-20, 11:24

السلام عليكم

تختلف الامور حسب مركز التصحيح

انا شاركت في جامعة ورقلة ولم استعمل منهحية المباحت والمطالب بل منهحية المقدمة ولعرض والخاتمة

لان الاسئلة في مادة الاحتصاص في جامعة ورقلة هي في الغالب ا4 او 3 اسئلة لذا لن تستطيع تكوين خطة لان السؤال لا يحتمل دلك

بخصوص المجلس الدستوري

تتحدث في المقدمة عن سمو الدستور ووجود هيئة لمراقبة مطابقة القوانين له وتطرح اشكالية

اما في الموضوع او العرض تتخدث عن تكوينه واختصاصاته المتنوعة بامكانك مطالعة كتاب الاستاذ مولود ديدان

ومن ثم الخاتمة كخلاصة للموضوع

بالتوفيق

ucif

2012-01-20, 11:57

شاركت في مسابقة فيها 44 منصب كنا 1537 مترشح في كتابي هزمت كل قوانين المعرفة وخرجت مع 666 للشفهي وعندها انتظرنا يوما كاملا ثم عندما وصلت رايته كتب للبنات اللاواتي سبققني 12/20 ورايت نتيجتي 15 فقلت الحمد لله ماكاش معرفة لكن اختارو 43 طفلة لم تحضرن في كتابي ولا الشفهي فقلت حسبي الله ونعم الوكيل سر النجاح المكتوب والله لكن نقطة جوهرية لعنة الله عليه اللى نحاني من ورقة النجاح وحط صاحبتو

ALIDZ89

2012-01-20, 12:20

السلام عليكم

تختلف الامور حسب مركز التصحيح

انا شاركت في جامعة ورقلة ولم استعمل منهحية المباحت والمطالب بل منهحية المقدمة ولعرض والخاتمة

لان الاسئلة في مادة الاحتصاص في جامعة ورقلة هي في الغالب ا4 او 3 اسئلة لذا لن تستطيع تكوين خطة لان السؤال لا يحتمل دلك

بخصوص المجلس الدستوري

تتحدث في المقدمة عن سمو الدستور ووجود هيئة لمراقبة مطابقة القوانين له وتطرح اشكالية

اما في الموضوع او العرض تتخدث عن تكوينه واختصاصاته المتنوعة بامكانك مطالعة كتاب الاستاذ مولود ديدان

ومن ثم الخاتمة كخلاصة للموضوع

بالتوفيق

شكرا اخي انا عطاولي المركزية والامركزية ودرت خطت املا مانجيبش مليح..

aissa2008

2012-01-20, 12:47

السلام عليكم

بالعكس المركزية وللامركزية تستطيع ان تحصل على نقاط حيدة

وما دام راك كملت الامتحان استنا النتائج برك

ان شاء الله تربح ما تدير والو في بالك و ان شاء الله نبقاو على تواصل

اي سؤال رانا هنا

بالتوفيق ا

اخوك علي

ALIDZ89

2012-01-20, 13:17

شكرا اخي الكريم

ممكن الايمايل الخاص بك اخي.

وليـــــد

2012-01-20, 13:26

انا ماجسير وسنة اولى دكراه ...في الاقتصاد متخصص في المالية العامة
جربت شاركت في مسابقة اسلاك مشتركة ..للمشاركة فقط
تحصلت على معدل 5
الثقافة العامة على الشبكات الاجتماعية
المالية العامة على النفقات
الانجليزية سهل جداااا

شككت في نفسي ...لكن قلت في نفسي ربما صححو ورقة واحدة فقط والباقي لم يجدوه

aissa2008

2012-01-20, 18:27

this is my s k ype

lawalgerie

good luck

مينيفر

2012-01-20, 19:22

اريد ان اقول ان العمل ليس محددلرجلفقط لان هناك رجال لا ضمير لهم ولاحس للمسؤولية ولا يقومون بادنى جهد للانفاق على زوجاتهم ويضنوها منة و مزية وهنك من النساء من لا عائل لهم ولهم اسرة يعيلونها ولم يدرسو ليجلسو في البيت فالعمل ليس حرام بالنسبة للمراة اذا كان وفق للشروط

wafa8500

2012-01-20, 23:08

المشكل مش في الكتابي بل في الشفاهي انا نجحت ثلاث مرات في الكتابي و الشفاهي لا في ثلاث مسابقات ذلك لأنه ما عنديش المعريفة هو صحيح ربي مكتبلي هكا و الكاتبة تجي بالصح هذ الأساليب مش راح تخدم لبلاد

samm

2012-01-21, 22:28

السلام عليكم و رحمة الله

إخواني لا تفقدوا الأمل فلكل واحد نصيب
أنا هذه السنة إجتزت ثلاثة مسابقات .
الأولى هي مسابقة القرن "مفتش مركزي للضرائب" و لم تظهر النتائج بعد .
الثانية و الثالثة هي مسابقة متصرف في الأولى تحصلت على المرتبة الأولى من
حوالي 3000 مترشح و الثانية تحصلت على المرتبة الثانية .
و أنا في رأي المتواضع أن السر في النجاح ،بعد التوكل على الله هو موضوع
الثقافة العامة لأن موضوع التخصص و اللغة الأجنبية هو في متناول الجميع .
لأن الهذف الأساسي من وضع إختبار للثقافة العامة هو محاولة إيجاد فوارق بين
المترشحين و بالتبعية خلق فوارق في النقاط حسب المقاربة التي يتبعها المترشح
في إجابته .

أرجو من الله تعالى أن يوفق كل الفقراء و البسطاء و الطيبين

حسين28

2012-01-22, 09:53

السلام عليكم

نصن راني الاقل مشاركات فيكم في المسابقات

نبداو على بركة الله :
32 مسابقة توظيف متصرف

10 مسابقات ما جستير

5 مقتصد

3 مراقب ( مستوى الثالثة ثانوي )

2 سائق

فوتت على اساس الشهادات و من بعد تبدل القانون و رجع على اساس الاختبار و زاد عاود ارجع للشهادة مرة لخرى
و انا مازااال نفوت ((= ومازال مازال =))

ومش راح نحبس رغم اني نوض و نطيح

الراس يوجع == القلب يوجع == الجيب فراغ == المجتمع مش يرحم == لا زواج== لا دار == لا مستقبل باين

و الحمد لله ربي العالمين على كل شيئ

و عندي امل في اللي خلق و ما يضيع

اما اولاد الحرام اللي راهم في الادارات و اللي ظلموني و مرمدوني و بهدلوني نوطل اعليهم ربي

الله يكون في عون الزوالي و اللي ما عندوش المعريفة و القليل و عنكم الله يا ناااااس

ربي يوفقكم الكل