أفيقوا من نومكم

[FM 18]

دخل غاضبا رحبت به لكنه لم يعرها أي اهتمام
حاولت معرفة ما به صرخ في وجهها
خرجت مسرعة لترجع بعد لحضات
بصوت هادئ و دافئ، برمنسية و حنان
هل أحضر لك الحمام ؟؟؟
لا
تضع يدها على كتفه بلمسة أنثوية ثم تجلس بجانبه
ما بك ؟؟؟
لا شيئ
تمسك بيده ببرودة أعصاب و كلها ثقة في النفس
ألم تعد تحبني ؟؟؟
ما هاذا الكلام ؟؟؟
اذا ابتسم لأجلي ... هيا
يبتسم، بل و يضحك و يشعر براحة لا مثيل لها
.
.
.
.
.
.
.
.
.
.
دعونا الأن من الأحلام و لنعد لواقعنا

كيف تتصرف المرأة الجزائرية لما يكون زوجها غاضبا أو متوترا ؟؟؟
ألا تزيد هي من غضبه ؟؟؟
بل كيف تستقبله حين عودته من العمل ؟؟؟

.
.
.

حتى العزاب بامكانهم سرد تصوراتهم.

[النجمة القطبية]

يا خويا واش حكايتك مع الاعصاب والعصبية
لالا منتصورش العصبية
هههه حتى فى الاحلام وتبعتونا

[ivaoran]

دخل غاضبا رحبت به لكنه لم يعرها أي اهتمام
حاولت معرفة ما به صرخ في وجهها
خرجت مسرعة لترجع بعد لحضات
بصوت هادئ و دافئ، برمنسية و حنان
هل أحضر لك الحمام ؟؟؟
لا
تضع يدها على كتفه بلمسة أنثوية ثم تجلس بجانبه
ما بك ؟؟؟
لا شيئ
تمسك بيده ببرودة أعصاب و كلها ثقة في النفس
ألم تعد تحبني ؟؟؟
ما هاذا الكلام ؟؟؟
اذا ابتسم لأجلي ... هيا
يبتسم، بل و يضحك و يشعر براحة لا مثيل لها
.
.
.
.
.
.
.
.
.
.
دعونا الأن من الأحلام و لنعد لواقعنا

كيف تتصرف المرأة الجزائرية لما يكون زوجها غاضبا أو متوترا ؟؟؟
ألا تزيد هي من غضبه ؟؟؟
بل كيف تستقبله حين عودته من العمل ؟؟؟

.
.
.

حتى العزاب بامكانهم سرد تصوراتهم.


احي ا حي قليع الرومانسية
كي يزعف الراجل المراة تبدى تنقرش
و تعاير حتى هو يندم على النهار اللي زعف فيه
و هو يروح يصالحها غير باش تسكت

[FM 18]

احي ا حي قليع الرومانسية
كي يزعف الراجل المراة تبدى تنقرش
و تعاير حتى هو يندم على النهار اللي زعف فيه
و هو يروح يصالحها غير باش تسكت

للأسف هذا ما هو حاصل في مجتمعنا

[نجمة ساطعة]

احي ا حي قليع الرومانسية
كي يزعف الراجل المراة تبدى تنقرش
و تعاير حتى هو يندم على النهار اللي زعف فيه
و هو يروح يصالحها غير باش تسكت

هههههههههههههههههههههههههههههه قتلتيني بالضحك

تاع وجهو كي يتسقم هو نتسقم انا .... مذا بيك دير موضوع كي تزعف الزوجة
كيف يتصرف الزوج؟؟؟؟؟؟ يخبط الباب و يجي خارج

[النجمة القطبية]

لو كانت هناك عصبية بكل بساطة ابتعد مؤقتا
طبعا هذاك السؤال الاول لابد منه هههههههه كامل هكدا انما لو اجاب بعصبية هنا الافضل الواحد يبعد لتهدا الاعصاب
ما يخص الواجبات اقوم بها بصمت
مثلا قهوة او عصير او او
كى يتكالما ونتاكد بلى زال الخطر هههههه تماك نروح نتكلم
تبقى مجرد تصورات فى علم الغيب قد تصيب وقد تخيب ربى يعلم

[فتـ حييةـاة]

بعض النساء يصببن الزيت فوق النار هو متوتر وهي تزيد توتره اما عن الاستقبال اذا جاء بكري من العمل تقوله علاش جيت بكري اليوم كاينة حاجة واذا جا متاخر تقوله علاش جيت متاخر كاينة حاجة وتستقبله فالباب بموجز الاخبار كل اللي صرا تحكيله عند الباب اختك قالتلي .......امك قالتلي........ سلفتلي قالتلي.....
ما نقدرش نتصور انا كي ندير نستقبل وزير الخارجية مستقبلا على حسابه هو ايلا كان رومانسي نستقبله برومانسية الا كان عصبي نستقبله بهدوء الا كان تاع كرشه نستقبله بالاكل ...الخ

[FM 18]

هههههههههههههههههههههههههههههه قتلتيني بالضحك

تاع وجهو كي يتسقم هو نتسقم انا .... مذا بيك دير موضوع كي تزعف الزوجة
كيف يتصرف الزوج؟؟؟؟؟؟ يخبط الباب و يجي خارج

يعني هي الحرب بينكي و بينه ؟؟؟

[سجل أنا جزائري]

يا خويا هبطلي المورال 26 سنة و انا نستنى باش نتزوج مبعد نديو واحدة كيما هذي ؟

عليها ولو يقولو الزواج مشاكل


ربي يرزقنا

[FM 18]

يا خويا هبطلي المورال 26 سنة و انا نستنى باش نتزوج مبعد نديو واحدة كيما هذي ؟

عليها ولو يقولو الزواج مشاكل


ربي يرزقنا

شكون هاذي ؟؟؟

[•~ندية الجوري~•]

زوجي يتعصب مرة في العام
و لما يزعف نفرح و يعجبني الحال
و في نفس الوقت نخاف منه
لأنه يُقال
إتقي غضب الحليم ...

ربي يكمله بعقله و إتزانه

[مشكاة الهدى]

السلام عليكم

والله يا اخي انت دائما تصور المراة الجزائرية في مواضيعك على انها وحش
لا رومانسية لا تفهم
لا ثقافة ولا اي شئ
ستقول لي الواقع
اقول لك

الواقع ايضا يصنف الرجل الجزائري انه متحجر القلب وبلا مشاعر

لكل منا الحق في ان يحلم ويامل خيرا في شريكه المستقبلي وقبل هذا
كله يامل خيرا في الله

[عماد المحب]

السلام عليكم ورحمة الله وبركاته
صراحة المراة الجزائرية عموما او اتحفظ في كلامي بعض العائلات اقول ههههه
المراة لها اسلوب عقابي مميز وهو انها تغضب لبيت ابيها وباش ترجع للدار لازم يروح الزوج ويراضيها واحيانا ما تقبلش اذا كان هو الغالط واستعرف وهذا يضع الرجل في موقف ولا احرج منه وهذا من شانه اشعال فتيل طلب التطليق والطلاق والله المستعان
واغلب ما يجعل الزوج يتواضع ويذهب لارضائها فلذات كبده لاننا معشر الرجال عموما تبالنا طيحة الا ماندر من العينات هههه

[*ملاك الليل*]

يا اخي انا نظن الزوجة الذكية هي لي تعرف كيفاه تنحي عليه التعب بطريقة لي يحبها الزوج
و الرومانسية ما هيش عيب
المهم لازم يكون بيناتهم المودة و الحب ماشي الحرب هههه

[نسائم الهدى]

لماذا يا أخي تصوّر دااااائما الحياة الزوجية بمنظر يعمّه السواد؟؟؟
ولدي سؤال لك
هذه المرأة التي تصرخ في وجه زوجها وتعايره وتصيح فيه وتسمعه ما لا يرضيه
كيف كانت تصرف مع والدها وإخوتها؟؟؟
هل كانت تصيح في وجه أخيها أيضا وتشتمه؟؟؟
وهل كانت تصيح في وجه أبيها أيضا وتسمعه ما لا يرضيه؟؟؟
وإن لم تكن كذلك
فكيف أصبحت تعامل زوجها هكذا؟؟؟
شوف خويا أنا قلتلكم من قبل بلي أبي وخاوتي عصبيييييين جدا و دي فوا يدخلوا للدار وجههم مبدّل أنا نسألهم بكل بساطة
(واش بيك؟واش كاين؟غير الخير؟وجهك ما راهش يعجب اليوم)
وهوما يبداو في الغالب يشتكولي
وأنا بما أنني بئر الهموم وكل واحد يتقلق يجي يرمي همومه فيه نقعد نسمع وننصح ونسمع وننصح حتى يريح هداك الشخص ويرتفع ضغطي أنا ومن بعد نروح نلعب مع اولاد خاوتي وننسى واش حكالي هداك الشخص ونرجع نورمال.
مي نهار نكون مريضة أو عيانة ومقلقة كي نسمع واحد فيهم دخل زعفان ومقلق نتخبى في غرفة الكمبيوتر لكي لا يراني حتى يذهب .
لأني علابالي في الأغلب كي نكون مقلقة ومكتئبة تغيضني عمري كي يبدا واحد فيهم يعيط قدامي ونبدا نبكي وتتأزم الدعوة.
ومستقبلا إن شاء الله والله على ما أقول شهيد
سأفعل كما أمرنا حبيبي محمد رسول الله صل الله عليه وسلم
فلقد نصحنا وقال

*
*
*
عن أنس بن مالك رضي الله عنه عن النبي صلى الله عليه وسلم قال( ألا أخبركم برجالكم في الجنة قلنا بلى يا رسول الله قال النبي في الجنة والصديق في الجنة والرجل يزور أخاه في ناحية المصر لا يزوره إلا لله في الجنة ألا أخبركم بنسائكم في الجنة قلنا بلى يا رسول الله قال ودود ولود إذا غضبت أو أسيء إليها أو غضب زوجها قالت هذه يدي في يدك لا أكتحل بغمض حتى ترضى )
رواه الطبراني
فمثلما حفظتم أنتم الشباب حديث (أيسرهن مهرا أكثرهن بركة)
حفظت أنا هذا الحديث عن ظهر قلب منذ سمعته لأول مرّةً قبل 10 سنين
ضف إلى ذلك معلمتي وهي ماما لم تكن مثل النساء اللواتي ذكرتهن فهي لم ترفع صوتها في وجه أبي ولم تغضب في بيت أبيها ولم تحكي أسرارها ومشاكلها للآخرين ولا حتى لأمها طييييييلة 38 سنة ما شاء الله عليها ربي يحفظها ويسترها وأنا إن شاء الله سأكون مثلها فهي قدوتي ومثلي الأعلى.
سلااااااااااااااااااااااااام
ملاحظة: ولا حتى زوجات إخوتي هن مثل النساء الوقحات والبشعات وعديمات الأخلاق اللواتي تتحدثون عنهن بل لا يرفعن صوتهن أمام أزواجهم مهما كان
الله يسترنا ويبعد علينا الناس اللي كيما هكدا

[FM 18]

ان شاء الله

[همسة مشاعر]

هههههههههههههههههههههههههههههه قتلتيني بالضحك

تاع وجهو كي يتسقم هو نتسقم انا .... مذا بيك دير موضوع كي تزعف الزوجة
كيف يتصرف الزوج؟؟؟؟؟؟ يخبط الباب و يجي خارج

هههههه والله غير كلامك صواب اختي نحنا المرى دي اي حاجة على جالو باش يتنحى الغش ويفرح مي نحنا
يروح عليك ويخليك يزييد يخنقك بالدمار

[وئام الروح42]

هههههههههههههههه نقاش طريف
لكن انا في رايي العكس
لم اشاهد امي قط تنزعج من غضب ابي
والحمد لله لم ارها ابدا حاملة حقيبتها الى بيت ابيها غاضبة
كذلك الحال بالنسبة لي انا وزوجي
لم انزعج من غضبه بل ابحث في اسباب الغضب واحاول تخفيف التعب عنه
كذلك هو عندما اغضب يسالني ويحاورني ولا ينزعج
يعني المجتمع الجزائري رومنسي لكنه واقعي ايضا في نفس الوقت
الحمد لله على نعم الله علينا
ربي يحفظ لنا ازواجنا وابناءنا ووالدينا امين يا رب العالمين
فالعائلة اهم ما خلق في الوجود

[جزاائرية]

انا لما يزعفني خطيبي نغلق الهاتف النقال كي نفتحو نوجد في 20رسالة نصية يطلب فيها السماح والعكس صحيح ههههههههههههههه

[helen22]

السلام عليكم
انا ضد العنف
لو غضب زوج المستقبل ساراضيه حتى و لو راه غالط في حقي
سلام و لدي اسبابي ان اتحمله و اضعه فوق راسي باذن الله يوفقني

[FM 18]

...أمين...

[FM 18]

و الله أن هاته القصة تعجبني بل و أحلم بها
أدعوا لي من أعماق قلوبكم أن أجد فتاة تكون مثل التي في الحلم

[ام نسمة]

والله العنوان يناسب جدا محتوى الموضوع ايه هدا هو الواقع الجزائري واش من رومنسية خلينا هد المصطلح نعرفوه غير في شهر العسل فقط لكن كي يدخلو علينا سنين البصل راك اتشوف وتسمع العجب كي الراجل كي المرا ...البارح كان عرس عند جوارينا ايا خو العريس سكير وكي يشرب يبقى ايخلط في الكلام كي كان العريس وجماعته مقصرين وزاهيين جا داخل عليهم خاسر وقعد يقول لخوه راك تضحك راك فرحان باتتزوج يا درك اتشوف الزواج ما زال ماتعرفش الزواج قالك اصحابو ميتين عليه بضحك وهو غير يخرج واش في قلبو ومرتو كانت حاضرة في العرس اكيد اتكون سمعت كامل واش قال ....في رايكم واش راح اتدير لو كي يصحى سؤال صعب جدا ولا لالا هههه راني نتخيل في الموقف هههههه

[FM 18]

والله العنوان يناسب جدا محتوى الموضوع ايه هدا هو الواقع الجزائري واش من رومنسية خلينا هد المصطلح نعرفوه غير في شهر العسل فقط لكن كي يدخلو علينا سنين البصل راك اتشوف وتسمع العجب كي الراجل كي المرا ...البارح كان عرس عند جوارينا ايا خو العريس سكير وكي يشرب يبقى ايخلط في الكلام كي كان العريس وجماعته مقصرين وزاهيين جا داخل عليهم خاسر وقعد يقول لخوه راك تضحك راك فرحان باتتزوج يا درك اتشوف الزواج ما زال ماتعرفش الزواج قالك اصحابو ميتين عليه بضحك وهو غير يخرج واش في قلبو ومرتو كانت حاضرة في العرس اكيد اتكون سمعت كامل واش قال ....في رايكم واش راح اتدير لو كي يصحى سؤال صعب جدا ولا لالا هههه راني نتخيل في الموقف هههههه

هو أصلا رجل غير صالح

[Narcisse95]

للأسف هدا هو حال أغلبية النساء عقولهم صغيرة أبدا مايشوفوش للقدام أبدا مايكبروش
مع أنني فتاة .... بكل روح رياضية الله يصبركم يا رجال

[همس الحرية]

حقيقة ولكنك لو ذهبت الى اي مكان لن تجد حنية المراة الجزائرية لاننا نحن النساء لا ناكل الرجال

[FM 18]

حقيقة ولكنك لو ذهبت الى اي مكان لن تجد حنية المراة الجزائرية لاننا نحن النساء لا ناكل الرجال

تحدثي عن نفسك و لا تعممي عن حنية الجزائريات
لم أفهم كيف يأكل الرجل ؟؟؟

[FM 18]

للأسف هدا هو حال أغلبية النساء عقولهم صغيرة أبدا مايشوفوش للقدام أبدا مايكبروش
مع أنني فتاة .... بكل روح رياضية الله يصبركم يا رجال


و يكون في عونكن يا نساء