ساعدوني أرجوكم

[مشكلتي]

السلام عليكم أولا إسمحلوا لأنني إنتهكت قسمكم لكن الصعب على الرجال جواب على سؤالي ......

أنا شاب 18 عام مقبل على شهادة البكالوريا أحببت بنت في في الدروس الخصوصية العام الماضي حيث لم تمتد العلاقة سوى شهر لأنني ذهبت إلى ثانويتها بالظبط إلى قسمها حيث لاحظة مدى حشمة وخوف من الناس من أنها تحبني ....حيث أنني إنفصلت عن الدروس ولم أعد أراها أما عام هذا فإنني مفترق عنها الأنها في ثانوية أخرى لكن المشكل أنني ألتقي بها أحيانا و أن ذاهب إلى الثانوية حيث أنظر إليها وهي تنظر إلي لكن المشكل أنني تلقيت رسالة من صاحبي أن زميلتها في القسم تريد .................
المشكل أنا الفتاة الثانية إبتعدت عني ...............

[hamzagolf6]

ابتعد عنهم في زوج
دركا ركز على الباك نتاعك لازم تجيبو فوق 15
واذا راك حاب ترجع للدروس الخصوصية ارجع بصح ماتديهاش فيها ماتقيمهاش
اما البنات هوما يقراو
ويجيبو الوقت بالذراري

----

[صُبح الأندلس]

بالله عليك 18 سنة عمرك فماذا تريد من الفتاتين و إن تقربتا منك ؟ الزواج مازال بعيدا عنك لذلك التفت إلى دراستك

[z.abdo]

خويا نقلك حاجة انا كان عمري 20 كنت في الجامعة وما حبيت ندير حتى علاقة مع بنت والحمدلله نجحت بدون اعادة اي سنة والله يا اخي هذه الفترة مش نتاع حب والله راك رايح تدير مشكل نفسك لانك مزال بعيد على الزواج

[سجل أنا جزائري]

يا خويا انا راني 26 و خدام و عندي دار وحدي و الحمد لله رغم ذلك راني متردد في موضوع الارتباط هذا

راك مزلت صغير على هذو هذو الحوايج هذا مجرد اعجاب فقط كلنا مررنا بها فهناك من لا يعر اهتمام لهذه الأمور الأن يواصل اجتهاده في دراسته فسينجح لإذن الله أما من حاب يكبر قبل الوقت راح تخسر كل شي لا قرايا لا زواج و كون متأكد ما راح تدي حتى وحدة اللي عرفتهم في الثانوية

البنات راهم كاينين ما تخافش غير كونك راجل برك و كون نفسك و مبعد خير وش تحب

[جيهان13091991]

هههههههههههههه ما فهمت والو من قصتك المهم مزالك صغي و ادي الباك تاعك و البنات بزاف اطلع للجامعة و دير واش تحب مي درك القرايا هاذ الحوايج تكستر الراس

[ويبقى الأمل]

أخي بعّد هاذ الافكار عليك لا تقول راني نحب، مجرد اعجاب يروح مع الوقت ، ا
لبنات راهم يشغلوك على قرايتك ويتسلاو معاك فقط
هي كي تروح للدار راهي تقرا وتبات تحفظ
وأنت راك تبات تخمم وأنت الخسران .
هي في جوان تجيب الباك تاعها وتطلع للجامعة
وانت اذا قدر الله ومانجحتش واش دير بيك ؟
راهي ترجع تشوف لي جون في الجامعة أشكال وألوان واش دير بيك أنت ؟
تقولك مازالك صغير .
علاهاذي نقولك راك صغير ماتعمرش راسك بلحوايج هاذو
وماتتبعش من صحابك اللي يمشي في هذا الطريق
راهو ما يسلك فيه واحد.
القراية خير وربي خير من كلش .
بالتوفيق في شهادة الباكالوريا.

[زهور الياسمين]

اخي حتى انا عندى الباك هدا العام ان شاء الله
نقولك حاجة اخطيك مهاد الخرطي

مستقبلك بين ايديك
تروح للجامعة العام الجاي و لتم خير و اختار ههههه البنات غير هما

مزالك صغير تضيع روحك برك
اقرا و اخدم و دير التاويل
و ربي يوفقك ان شاء الله و يرزقك ببنت الحلال

[بريق أمل]

انصحك بدراستك

[ساندري]

السلام عليكم أولا إسمحلوا لأنني إنتهكت قسمكم لكن الصعب على الرجال جواب على سؤالي ......

أنا شاب 18 عام مقبل على شهادة البكالوريا أحببت بنت في في الدروس الخصوصية العام الماضي

وعليكم السلام

مازلت صغير فلا تشغل بالك بهذه الامور
ركز ع درااااستك واتحصل ع الباكلوريا وكون نفسك بعدها فكر في الارتباط
مايهمك هو النجاح ودخولك الجامعة رااح تنسى كل شيئ ان شاء الله
الحياة امامك لكن الوقت لا راح تمضي الشهور بسرعة حتى تجد نفسك في جواان
فاستعد للحصول ع شهادة الباكلوريا وبالتوفيق اخي

تحيتي
----------

[abdel02]

اختار بين الباك والفتاة...اي المستقبل الزاهر والمجهول...نبسطلك اكثر ...راك في inter-sections وخير الطريق اللي تمشي معاه...الفتاة اكيد تفوت الوقت وتجيب الباك تاعها وانت غير تحصل تقولك انت فاشل ما عندي ما ندير بيك...alors انا لو كان جيت في بلاصتك...نصومهم ونفطر بالباك. bonne chance.