مشكلتي دراستي .. كرهت حياتي

[مشكلتي]

السلام عليكم

انا واعوذ بالله من كلمة انا:D:D ..طالب جامعي سنة اولى وهنا بدات مشكلتي كيف.:confused::confused:.
انا ربحت هاد العام الباك 2011 بمعدل 13.4 :1: وهنا كانت خيبة املي وتحطم احلامي :o:o المهم كرهت كلش كي شفت المعدل من بعد قلت لازم نفرح لاني فرحت والديا الي كانوو ينتظروون في نجاحي بشغف فرحنا وفات الوقت وجاء وقت اختيار الشعبة وهذا اكره يوم في حياتي الله يلعن هدا اليوم :mad::mad: ..صراحة ما لقيت ما نخير ياك علابالكم 13 ما دير بيها والوو.:1:...المهم حلم والديا وحلمي انا الصيدلة :rolleyes: من بعد كلش تهدم المهم كان لازم عليا نخير حاجة.. خيرت وفات الوقت عطاوني حاجة عمري ما كنت متوقعها هي اصلا شعبة جديدة هاد العام وين دارووها ** علوم التمريض** :confused::confused::confused:هنا زدت كرهت كلش وندمت كي قريت وكي عقبت الباك:mad::mad: ..المهم قلت غير هادي الشعبة اللي ما نقراهاش وقعدت نجري على الترونسفار:rolleyes::rolleyes: ما لقيت ما ندير كيما قلت ياك 13 مادير والوو....المهم فات الوقت سجلت ورحت قريت الاسبوع الاول كي ما انفجرتش :mad: راني مليح الامر الاول الشعبة ماني فاهم فيها والللو وتاني امر البعد يعني نقرا في ولاية اخرى ما والفتش الاقامةالمهم الوقت يفوت وانا غيرنخمم وقلقان ديما وكاره كلش يعني تغيرت حياتي تماما :cool:..انا الطالب اللي كان ديما بشوش:mh31::mh31: يحب يقراا يضحك يلعب نهار كامل وانا فرحان حتى صحابي كانوو يحسدوني ويقولوولي عندك الوقت باه تقراا وديفوللي وتضحك وتلعب وخاصة كانت يعني معدلاتي عالية والحمد لله يعني كنت عايش حياتي:19: ودك..تغير شامل منذ ان ربحت الباك كرهت كلش ..المهم الوقت قاعد يفوت وحنا رانا نقراوو وكي يسقسيوني والديا نقولهم راني لاباس:o:o يعني مانيش حاب نحيرهم خاصة انو املهم اكل فيا لاني الوحيد الي بقا يقرا ...ودك رانا قريب نخلصوو الفصل الاول وليت نلووم في رووحي علاه ما سجلتش في الباك 2012 بالاك كون عاودت العام ونقرا واش نحب ومن بعد نتفكر بلي الديلي فات :mad:.ونزيد نكره حياتي اكتر اكثر اكثر.....واحيانا نقوول العام الجاي نسجل يعني 2013 ومن بعد نقوول هكدا يروحولي عامين:mad::mad: يعني كيما نخمم نلقاها مغلوقة في وجهي والله العظيم راني في غم تاع الصح كرهت الدنيا وحلاوتها كرهت كلش وساعات نقول العام الجاي وندير ترونسفار في ولايتي ونستراح :D:D المهم وليت نخمم في كلش المهم نحوس نلقا حل يعني قتلت روحي بالتخمام وليت كي ما نقراش ولا يعود عندي غير كور طول نجي نروح للدار يعني الولاية ماشي بعيدة بزااف على ولايتي المهم نهرب طول من تم لاني كاره نقراا تم وكاره واش راني نقراا يعني وليت انتهز الفرصة باه نجي نروح...والله مهما نحكي منقدرش نطلع واش في قلبي والله كرهت تاع الصح .:mad::mad::mad:...بليييز:sdf::sdf: اطلب من جميع الاعضاء ان يتفضلوو عليا بنصائح والله يجازيكم خاصة اصحاب التجربة يعني الجامعيين ...بلييز في امس الحاجة اليكم.. هم اعيشه من بداية العام والان جيت ليكم بالاك نلقا حل هنا راني كاره بليييييز:sdf::sdf::sdf:

[محبة التعلم]

إلى كنت صغير يعني مشي معاود عوام ولا !! مافيها والو يلا سجلت في باك 2013 راهي الحياة قدامك ! بصح زير روحك وفرحنا وجيب حتى 15 ولا


والله مافيها حاجة يلا ضيعت عامين ! العامين في هاد الوقت راهي كيما الساعتين !! ونت راك صغير الله يبارك وعلاش لا !!!!؟؟ خمم فيها

[زهور الياسمين]

اخي نقولك كلمة واحدة لانني عجزت عن التعبير

خير فيما اختاره الله

[hamzagolf6]

اخي علاه ماسجلتش في باك 2012 هاذي اول غلطة
الغلطة التانية علاه وتروح تسجل في الجامعة

الحل
روح حوس على خدمة حانوت نتع قش ولا كاش خدمة مليحة
وكي يوصل 2013 سجل في الباك و ان شاء الله تجيب معدل مليح وتدير فارمسي

[الياس خلاف]

اخي
هل تعرف القول المشهور : لعله خير؟
نعم لعله خير ,,,
اتمنى ان تعطي جل انتباهك لهته الشعبة وتجتهد بها اكثر فاكثر ربما ستعجبك وتتخرج منها بشهادة تساعدك في حياتك ..
تذكر ولا تنسى الله وقل دائما لعله خير وابشر للامام .. وفقك الله

[choumicha]

خويا انا نقلك حاجة الخيرة فيما اختار الله
انا شخصيا جوزت الباك اربع مرات باش ندرس صيدلة وفي كل مرة نتحصل على معدل 12 وفي الاخير رجعت كملت دراستي في الجامعة بالتسجيل تاع الباكالوريا الاول و الحمدلله راني نجحت في هاذي الشعبة وراني ندرس الان سنة اولى ما جستير مع العلم انو كنت كارهة هاذي الشعبة اذن
الخيرة فيما اختار الله دير عقلك في راسك وروح قرا بالاك تدير حاجة فيها .

[hamzagolf6]

اخي ماتكذبش على نفسك مامبا ماتقدرش تقراها كيفاه راح تنجح
+
قريبي اهله سيفو عليه الطب والان راهو في سنة 6 دا الباك في 1999
دار 13 سنة في الجامعة ومزال

[achraf.hh]

انا اتمنى انك دير واش يفرحك ويفرح والديك ...وصلي صلاة الاستخارة وربي معاك

[mirou.15]

منعرف وش نقول انت أول انسان في شفتو في حياتي قال وش كاين في قلبي ال عمري ما لقيتلو حل و ملقيتش ال يفهمني صدقني نفس الحالة غير الشعبة مختلفة و تعبتني أخر ما لقيت ما ندير في حياتي ديما راني كارهة و مالة يعني وش نقلك امشي فيها و افهم بلي ممكن خير

[mimiamimi2012]

خويا متقلقش روحك و قيلا ربي شاف فيها خير انا ثاني سنة لي ديت الباك او خيرت الحاجة لحبيتها كعاد كنت مختصة فيها في الاخير ندمت علاه خيرتها مفهمت فيها واالووو و الله يا خويا حالتك كي حالتي
بصح كيما قتلك و قيلا ربي شاف فيها خير

[AKIS]

هناك حل وسط وهو مجرب واصل دراستك في علوم التمريض فهذا سيساعدك من حيث تحسين مستوى لغتك الفرنسية و أنك ستتعرف على بعض المواد التي ستدرسها مستقبلا إن شاء الله في الصيدلة و استغل هذا السنة والسنة المقبلة في تطوير قدراتك تحضيرا للباك
إن شاء الله العام القادم سجل في الباك ومع التوكل على الله والإجتهاد ليلا ونهارا ستتمكن من النجاح في الباك بمعدل يحقق لك طموحك
أخي وإن ضاع عامان فهذا لا يعني أن القطار فاتك فأنت لا تزال صغيرا ،وإياك واليأس فهو سيدمر حياتك

[ala eddine b]

أحمد ربي شويا

[اسراء؟]

كمل قرايتك الان والعام جاي سجل في الباك وفي نفس الوقت راك تقرا راك تندم اذا مقريتش هذا العام + قل الحمد لله راه كاين اللي يحوس على باك 10.000000000وملقاهش كمل السنة والعام الجاي سجل وفي نفس الوقت اقرى التمريض

[j-med]

اخي نصيحة.. اذا كنت متأكد من قدراتك و عندك ثقة في نفسك أعد الباكالوريا .. الصيدلة و الطب و حتي طب الاسنان شعب رائعة و مستقبلها مضمون .. يعني عامين ماشي خسارة :) .. عامين الان خير من اعوااااااام بطالة

[اريج16]

والله اخي كانك تتكلم على لساني فانا اعيش نفس الحالة التي تعيشها فانا تصللت على البكلوريا ه>ا العام بمعدل 14 واكيد مدرت بها والو غير رياضيات وايضا اعني من مشكل الاقامة لكن انظر للامر باجابية وحاول انك تشوف الجابيات نتاع هذا الختصاص واذا معجبكش حاول دير ترنسفار العام الجاي لاي اختصاص تحبو لكن لاتصيع عامك هذا فحاول ان تجتازه وتنجح فيه
ربي يوفقك خويا

[AM-RMD7]

أخي انا ايضا اعاني من نفس المشكل فأنا متحصل على معدل 12 في البكالوريا وراني نقرا في شعبة عمري متمنيت اني نقراها في حياتي علوم الارض والكون في الجلفة وممبعد كي سقسيت مليح قالولي شعبة ممبزة بصح بصح قالولي لازملك اتخير جيولوجيا فرحت شويا وقلت الحمد لله بصح كروحت نقرا وفهمت بلي مكانش جيولوجيا في الجلفة وباه اندير الجيولوجيا في باب الزوار ولا في قسطية لازملي أنطلع العام بمعدل كبير كرهت ومليت سيتوها من الاقامة والقراية مافيها لاtp غي كتبة برك وممبعد قلت انسجل للباك 2012 ونعاودو وا شاء الله انجيب معدل مليح

لذا خويا نصحك متقلقش روحك دير في بالك بلي راه كايين الالاف من الطلاب مثلك ومثلي لذا أقراقرايك وعاود الباك ودير واش اخرجك اتكل اعلى الله وان شاء الله اتحقق كل لي في بالك

[أمينه]

و عليكم السلام
أخي الكريم عليك بإستخارة الله إما أن تكمل في تخصصك أو تعيد الباك لأن الله أعلم و أدرى بمصلحتنا
أنا مثلا كنت في الثانوية من أصحاب الإمتياز و لكن في العام الذي إجتزت فيه الباك غيرنا الولاية التي نقيم فيها و غيرت المؤسسة و لم أستطع التأقلم فلم أحصل على المعدل الذي أحلم به و درست شعبة لا أرغبها و لكن بعد حصولي على شهادتي الجامعية و مواصلتي الدراسات العليا كانت فرحتي كبيرة و أحببت شعبتي كثيرا و أدركت أن الله أعلم منا بما يناسبنا و عسى أخي أن تكره شيئا و هو خير لك لذا إستخر الله فهو أعلم مني و منك بما يناسبك و ارضى بما قسمه الله لك و اعلم أن حلم والديك ليس أن تصبح طبيبا أو غيره و إنما أن تكون رجلا صالحا مفيدا لمجتمعه مهما كان دوره فيه
و بالتوفيق

[ZAANOUNI HAMID]

سال مجرب لا تسال طبيب مثل قاع نعرفوه نصيحة من عندي انا (بروفيتي لوكازيو خو):19: نزيدك حاجة؟ قال تعالى عسى ان تكرهوا شيئا وهو خير لكم وعسى ان تحبوا شيئا وهو شر لكم .
انا صرالي نفس الشي من 2007 الان راني سنة ثانية بدون انقطاع وجربت تقريبا جميع الشعب لي ندور عليها ومن تالي فهمت حاجة وهي أن الجامعة كاملة سامطة كلش كيف كيف يعطيك تتخرج هذيك دعاوي الخير انت مثلا تحوس على صيدلة ومن قالك راها الصيدلة خير؟؟؟؟؟صدقني شعبة هي شعبة -ولي فيها الخير يقدمها ربي ارض بالنصيب راها قاع كيفكيف المهم احرص على قرايتك وانس حكاية االترونسفير اوكي ؟ خوض راي مجرب

[selma 1993]

كيما قالولك من قبل بزااااااااااف الي راهم كيفك وانا كنت وحده منهم عقبت الباك العام الي فات وجبت 15 بفاصلة اقل من50 . والنتيجة كانت اني سجلت في فرع هندسة معمارية والبي عمري ماتخيلت اني نقراه مي الحمد لله ضكا قنعت نفسي ورضيتها بالشي الي كتبولي ربي نت قلت حاب تعاود الباك حط في بالك بلي عامين راحت من حياتك و+ اسكو راك سير بلي تجيب معدل كبير؟؟؟؟؟؟؟ حط في بالك بلي الا ماجبتش 16 ماراك رايح تدير باباك تاعك والو انا ننصحك انك تركز مع قرايتك جربها هاد العام حط راسك معاها وشوف ياخي العام راح راح ضكا ماتقدرش تسجل للباك سيي تقرا وشوف النتيجة وفلا فان داني تكون قادر تقرر صح يا تعاود الباك يا تم قرايتك وماتدريش بالاك ربي شايفلك الخير وشايفلك بلي مصلحتك راهي في واش راك تقرا ضكا
نتمنى انك تلقى الحل لاني حاسة بيك تالمو عقبت على احساك هدا