هل للرجولة علاقة بالثياب

[ورود الشتاء]

السلام عليكم هناك اسئلة كثيرة تشغل بالى و لم يتسنى لى الوقت لطرحها اسمحولى بطرح هذا الموضوع و اتمنى انا ينال رضاكم ولعل اسواء مايرتديه الشباب اليوم .
فاللون الوردي بعد أن كان حكرا على الفتيات أصبح لونا متداولا في أوساط الرجال و يقول البعض منهم أن
الثياب لا تعكس الشخصية و لا تأثر عليها فإن اعتبرنا ذلك صحيحا فلماذا حرم الاسلام على الرجال لبس الحرير
بل و إنتقلنا إلى أمور أمثر خطورة منها أسلوب " الإيمو " و هو أسلوب التشبه بعبدة الشياطين او كما نسميه نحن " التشبه بالبنات "
و بكل هذا تطرح الأناقة نفسها في كثير من المواضيع الحساسة التي تعكس خطورة الوضع القائم و ضرورة إيجاد حلول منطقية ..!
فما هو رأيكم
هل حقا الرولة تتعلق بإتباع آخر صيحات الموضة ؟
و هل معيار الرجولة يتعلق بجمال المظاهر و ليس جمال الأخلاق ؟

[madjid H]

نعم بالطبع

لكن لا يمكن ان تكون معيار او مقياس قطعي للحكم على رجولة الشخص من عدمها
فمثلا اللباس الوردي عادي اذا كان معقول اما اذا كان ضيق او ما شبه ذلك فلا...
كما ان السراول التي تباع الآن كلها البسة منافية للدين و الاخلاق و هي بالطبع تنقص من قيمة و رجولة الشاب

نجد شاب بحجم البعير يرتدي سروال صابلي و تريكو وردي ضيق و كانه يريد ان يبرز شيئاما لا ادري ماهو بالضبط

[مريم الصابرة]

السلام عليكم أختي شكرا على الموضوع المميز نقولك بكل صراحة العجب رانا نشوفوا فيه ما بقات حتى لبسة كالرجال كالنسا حاشا اللي محتشمة وحاشا اللي راجل نتاع الصح تشوفي ليجون لابسين سراول مقطعين وما يلبسوش حتى مليح طايح عليه حتى لركابوا وقالك لامودا وشعروا ما نحكوش قتفود حاشاكم من الفابة ديركت قعد فوق راسوا خريطة الأمازون في شعروا ويقطر بالجال يابس كالشوك نتاع الصح اللبسة تأثر انا نشوف واحد لابس هكذاك بكل صراحة قلبي يدور عليا نبغي نطيح إسمحولي إسمحولي أنا اللي يلبس هكذاك عندي ما راهش راجل وين راه الراجل اللي لابس اللبسة المحترمة يا سبحان الله حتى السراول ولاو يلبسو سراول سليم مزير عليه كالنسا هذا واقع إنتوما كامل شفتوه ربي يهدي الجميغ شكرا على الموضوع
http://islamroses.com/zeenah_images/w6w2005041919345643d1e4f8.gif

[madjid H]

السلام عليكم أختي شكرا على الموضوع المميز نقولك بكل صراحة العجب رانا نشوفوا فيه ما بقات حتى لبسة كالرجال كالنسا حاشا اللي محتشمة وحاشا اللي راجل نتاع الصح تشوفي ليجون لابسين سراول مقطعين وما يلبسوش حتى مليح طايح عليه حتى لركابوا وقالك لامودا وشعروا ما نحكوش قتفود حاشاكم من الفابة ديركت قعد فوق راسوا خريطة الأمازون في شعروا ويقطر بالجال يابس كالشوك نتاع الصح اللبسة تأثر انا نشوف واحد لابس هكذاك بكل صراحة قلبي يدور عليا نبغي نطيح إسمحولي إسمحولي أنا اللي يلبس هكذاك عندي ما راهش راجل وين راه الراجل اللي لابس اللبسة المحترمة يا سبحان الله حتى السراول ولاو يلبسو سراول سليم مزير عليه كالنسا هذا واقع إنتوما كامل شفتوه ربي يهدي الجميغ شكرا على الموضوع

انا نلبس سروال كلاسيك و فيستة كحلة سامبل و نمشط مشطة فريزي وش رايك :confused:

[مريم الصابرة]

انا نلبس سروال كلاسيك و فيستة كحلة سامبل و نمشط مشطة فريزي وش رايك :confused:
السلام عليكم هههههههههههههههه هكذا مليح هذيك لبسة أجدادنا وين المشكل إلبس لبسة الرجال وهذي نكفي رايي بوقوووووووووووووووووووس تهبل ههههههههههههههههههههههه

[دادي84]

السلام عليكم أختي شكرا على الموضوع المميز نقولك بكل صراحة العجب رانا نشوفوا فيه ما بقات حتى لبسة كالرجال كالنسا حاشا اللي محتشمة وحاشا اللي راجل نتاع الصح تشوفي ليجون لابسين سراول مقطعين وما يلبسوش حتى مليح طايح عليه حتى لركابوا وقالك لامودا وشعروا ما نحكوش قتفود حاشاكم من الفابة ديركت قعد فوق راسوا خريطة الأمازون في شعروا ويقطر بالجال يابس كالشوك نتاع الصح اللبسة تأثر انا نشوف واحد لابس هكذاك بكل صراحة قلبي يدور عليا نبغي نطيح إسمحولي إسمحولي أنا اللي يلبس هكذاك عندي ما راهش راجل وين راه الراجل اللي لابس اللبسة المحترمة يا سبحان الله حتى السراول ولاو يلبسو سراول سليم مزير عليه كالنسا هذا واقع إنتوما كامل شفتوه ربي يهدي الجميغ شكرا على الموضوع
http://islamroses.com/zeenah_images/w6w2005041919345643d1e4f8.gif


هههههههههههههههههههه عجبتني خريطة الامازون ....

[madjid H]

السلام عليكم هههههههههههههههه هكذا مليح هذيك لبسة أجدادنا وين المشكل إلبس لبسة الرجال وهذي نكفي رايي بوقوووووووووووووووووووس تهبل ههههههههههههههههههههههه

و انت تلبسي هكذا ثاني ؟؟؟

[بني بلعيد]

اللباس مظهر يعبر عن صاحبه ، لهدا فالتشبه بالنساء من الرجال مخالف لديننا الحنيف والعكس صحيح .

[الواثق]

انا حسن لباس عندي هو القميص بدون منازع ..............والبسه دائما......... ربما احيانا في العمل مانلبسوش لكني عندما البسه نحس بالراحة ..................والحمد لله........................ومرة قالي مسؤول في منصب عالي قال """ انا نحسدكم على لبس القميص وكرهت الكوستيم "" كاش نهار تلقاوه في التلفزيزن لابس القميص هههههههههه.......................وشبابنا الله المستعان البسة غريبة وتسريحات غريبة ............اللي سروالو مقطع ولي مبيكي شعرو .......والنساء حدث ولا حرج ....................والله المستعان

[s english]

السلام عليكم موضوع اكثر من رائع بصراحة هذه الاسئلة دائما تجول في خاطري حتى في بعض الاحيان لا افرق من بعيد بين الفتاة و الشاب انا عن نفسي مع فكرة المظاهر مخادعة بنسبة 80% فقط لا ادري ان كنت مخطئة فانا اخذ فكرة عن رجولة هذا الرجل من لباسه و هندامه

[اية الرحمن1988]

والله أصبتي أختي
لكن الحال كما هو هادي وقتنا
خلطولهم كلشي في بعضاه عجب في عجب
وين تمشي تحيري تقول عايشين في عالم خيالي
لا تفرقي بين الراجل من المرأة كيف كيف
انا نسنى غير واش من موضة راح تخرج بعد عامين
اما الرجولة راهي باينة من الشخص سواء اللباس أو السلوك
كيما يقولو وجه الخروف معروف
الله يصلح الاحوال

[مريم الصابرة]

و انت تلبسي هكذا ثاني ؟؟؟
السلام عليكم الغيور كنت عارفة تخليلي تعليق الله غالب عليك بزاف تغير مني أنا ندير الحجاب البوقوس وحجاب شرعي بلالاك تقول نتاع 2012 بعيد الشر الحمد لله حجاب ملتزم موت بغيرتك هههههههههههه الشح فيك

[ورود الشتاء]

هههههههههههههههههههههه شكرا لردوكم كلها اروع من الاخرى رد اروع من رد بوركتم واتمنى منكم نقاش جاد حقا

[راجي الصّمدِ]

السلام عليكم ورحمة الله وبركاته
للأسف الشديد مشكل كبير مع الثياب
لا أتكلم عن ما يلبسه شبابنا مقطع وطايح ووحايل ولا أدري ماذا
لكن للاسف عندما نقصد السوق لا نجد إلا هاته الملابس
الوردية والبنفسجية والتي تحمل الصور
لأنها الـأرخس ثمنا والشباب يقبل عليها
بيمنا قد أضطر للبحث وأتعب في ذلك من أجل الحصول على سروال
عادي اللون أسود أو بني ولا يكون ضيق وللأسف نجده لا يقل عن 2500 دج ...

[التلميذ.]

و يجب ان يقال في البنات كما قيل في الذكور في هذا الموضوع

أما فأكتفي بقول شاعرنا الكبير مفدي زكريا

واحَدْ قَدْ الفيلْ، تَلْقَى شَعْرُو طْوِيلْ، زَيْ المَادْمُوزِيلْ، بَيْن الرجَّاله



ماشي يَتْرَهْوَجْ، مَايَلْ يَتْغَنَّجْ، سَرْوَالُو مْعَوَّجْ،عِينُ دَبَّالَه



وَافْكَارُو عَوْجَا، وَاخْلاقُو مرجا واقدامو عرْجا، فيها دماله



ما تسمع ياحبيب، غير كلام العيب وقَلَّةْ لَحْيَا، وسَبَّ الجلاله



والبَنْتْ تْقَلَّدْ، صَبْحَتْ زَيّْ القَرْدْ، عَرَّاتْ الساقِين، صَارَتْ بُوقَاله



تَمْشِي في الساحل، كَعِيشَة رَاجَلْ فِي الكَبَرِيَّاتْ، دِيمَا جَوَّالَه

[z.abdo]

شكرا للأخوات على الموضوع حتى انا كي نشوف لابسين هكذا نحب نتقيا حشاكم والله العظيم غير نجيب عصى ونظرب على شباب آخر زمان لابسلي سروال طايح من الخلف ما علاباليش وعلاش الحمد لله ربي عفاني ما نلبسسش هكا لكن والله العظيم غير انا احشمت كي سمعت الأخوات يحكو على الرجال هكا

[ورود الشتاء]

السلام عليكم ورحمة الله وبركاته
للأسف الشديد مشكل كبير مع الثياب
لا أتكلم عن ما يلبسه شبابنا مقطع وطايح ووحايل ولا أدري ماذا
لكن للاسف عندما نقصد السوق لا نجد إلا هاته الملابس
الوردية والبنفسجية والتي تحمل الصور
لأنها الـأرخس ثمنا والشباب يقبل عليها
بيمنا قد أضطر للبحث وأتعب في ذلك من أجل الحصول على سروال
عادي اللون أسود أو بني ولا يكون ضيق وللأسف نجده لا يقل عن 2500 دج ...

هذا هوالسبب الحقيقى لهذا فالاسواق الان اصبحت لا تجلب لنا الا الملابس الغربية التى لا علاقة لها بالاسلام سبحان الله لم يجدو الوعى المناسب و بهذا يخلقون فى الناس رغبة لشرائها سبحان الله شكرا

[ورود الشتاء]

شكرا للأخوات على الموضوع حتى انا كي نشوف لابسين هكذا نحب نتقيا حشاكم والله العظيم غير نجيب عصى ونظرب على شباب آخر زمان لابسلي سروال طايح من الخلف ما علاباليش وعلاش الحمد لله ربي عفاني ما نلبسسش هكا لكن والله العظيم غير انا احشمت كي سمعت الأخوات يحكو على الرجال هكا
ماذا تكلم الاخوات عنه حتى يدعك تحشم اخى الكريم

[madjid H]

المسلوخة تضحك على المذبوحة و المقطعة شابعة عليهم ضحك

لبنات قالولنا باي باي باللبسة نتاعهم راهم ولاو يلبسو كيفنا ولا نسيتي

[احلام وردية2]

والله كى نشوف شباب هد اايام ولبستهم نتغاشا


واش راهم حاسبين شعر القنفود والسروال السليم حاجة مليحة بالعكس رح يطيح من قيمتوا باطل


تحيا البساطة


انا فى نظرى الراجل يلبس لبسة محترمة يعنى حاجة كلاسيك وتكون بالوان رجالية كالاسود والبنى مثلا


ربى يهدى الكل يا رب امين
خويا الصغير


انا عندى مشكلة مع خويا داير شعروا كى القنفود ونهار كامل وهو مقابل لمراية هههههههههههههههههههه

[madjid H]

والله كى نشوف شباب هد اايام ولبستهم نتغاشا


واش راهم حاسبين شعر القنفود والسروال السليم حاجة مليحة بالعكس رح يطيح من قيمتوا باطل


تحيا البساطة


انا فى نظرى الراجل يلبس لبسة محترمة يعنى حاجة كلاسيك وتكون بالوان رجالية كالاسود والبنى مثلا


ربى يهدى الكل يا رب امين
خويا الصغير


انا عندى مشكلة مع خويا داير شعروا كى القنفود ونهار كامل وهو مقابل لمراية هههههههههههههههههههه

سبحان الله تقول توصفي فيا
انا نلبس كلاسيك اكحل و ساعات نزيد القشابية و ما عنديش شعر القنفود وش رايك ؟؟؟؟