تحية مني للاخوات في هذا القسم و لدي طلب بخصوص البساطات

[نسمة الكبرياء]

السلام عليكم

تحية عطرة مني لجميع الاخوات في هذا القسم لانه من احب الاقسام الي في هذا المنتذى

و لي طلب اتمنى المساعدة رايت عدة مواضييع عرضت فيها بساطات ما شاء الله لكن اتمنى ان تعرض علينا تفاصيل صنعه فلدي في المنزل عدة قطع من القماش و الاغطية اريد استغلالها

و من لديها فكرة عن خياطة في مدينة قسنطينة تصنع البساطات فاتمنى ان تفيدني و لها منى جزيل الشكر

بالتوفيق لجميع الاخوات بدون استثناء و اشكرهن على كل المواضيع الجميلة التي افادتني كثيرا

[maiar]

http://smiles.a7bk-a.com/smile_albums/welcoms/11921938752158.gif (http://smiles.a7bk-a.com/)

اختي ادخلي هنا تلقاي الطريقة

طريقة خياطة لبساط (http://www.djelfa.info/vb/showthread.php?t=774901)

اما عن سؤالك عن مكان خياطة دير البساطات في قسنطينة كاين اختي موضوع بهذا الخصوص في هذ القسم

و انا تاعي خيطتهم عن وحدة في ال4éme و كاين اخت قالت على وحدة في الخروب

[نسمة الكبرياء]

السلام عليكم

شكراااااااااااااااااا جزيلا اختي فانا لم انتبه لذلك الموضوع بارك الله فيك

و على ما يبدوا الامر نوعا ما صعب مع انه يبدو ممتع و النتيجة حقيقية رائعة لكن من اين ساحصل على الاطار الخشبي اظن يجب الاستعانة بنجار لانه يلعب دور algargaf لكن بحجم اكبر

ساجرب وان لم انجح اظن اني ساستعين بخياطة هذا افضل

بالنسبة للخياطة التي خيطت عندها ما اسمها و اين اجدها بالضبط و التي في الخروب esk fi lfilége ou 1600 انا ايضا سمعت بوحدة في الفيلاج لكن لا ادري اين بالضبط

اشكرك اختي مرة اخرى و اعتذر ان اكثرت عليك بالاسئلة

بالتوفيق

[maiar]

اختي ماتزيديش تعاوديها تع كثرتي عليا

مكاين حتى مشكل كون تبقاي تسقسي 24 ساعة نجاوبك

شوفي تع الخروب والله مانكذب عليك اكزاكث وين بلاصة

كاين عضوة اسمها سارة هبة الرحمان دارت في الخروب

و لي درت عندها انا راهي في 4 ème بصح والله مانعلرف اسمها

درت تع الكوفرثات و البونج السلعة من عندي و خدمة يديها ب 1500دج للواحد

تلقايها شوفي اذا تعرفي المارشي تع الدقسي تعدي على القنطر الصغيرة لي يعدي تحتها القطار

كي تعقبيها تلقايها منين الدوش

ان شاء الله نكون وضحتلك و اذا مافهمتينيش نزيد نوصفلك

[نسمة الكبرياء]

السلام عليكم

حقيقة يا اختي لم تقصري و لك مني كل الشكر و التقدير ساسال عن الخياطة في المكان الذي وصفته لاني اتسوق احيانا في سوق الدقسي السفلي

بارك الله فيك واتمنى لك و للجميع التوفيق

[maiar]

السلام عليكم

حقيقة يا اختي لم تقصري و لك مني كل الشكر و التقدير ساسال عن الخياطة في المكان الذي وصفته لاني اتسوق احيانا في سوق الدقسي السفلي

بارك الله فيك واتمنى لك و للجميع التوفيق

و عليكم السلام اختي

رانا اخوة هنا و من واجبي نفيدك اذا عندي معلومة و راني في الخدمة في اي وقت

[sarfai]

سمحولي على المداخلة لكن 1500دينار جزائري للواحد خدمة يديها برك ماشي غالي شوية خاصة الي تخدم بزاف

[نسمة الكبرياء]

سمحولي على المداخلة لكن 1500دينار جزائري للواحد خدمة يديها برك ماشي غالي شوية خاصة الي تخدم بزاف

السلام عليكم

انا لا ادري اختي ان كان اسعر غالي نوعا ما لكن عندما رايت طريقة الصنع فهي شاقة نوعا ما و كذلك هذه الايام الاسعار زادت في كل شيئ

المهم عندما ندفع مبلغ معيين يكون مقابل عمل متقن و لا باس اختي ان تتفاوضي مع الخياطة لخفض السعر ان كنت ستصنعين عدد من البساطات

المهم النوعية

بالتوفيق