زمان وأنا صغير ..قابلت بعبع :)

[ام المنذر السلفية]

http://www.goodwayinlife.com/forum/1.gif



http://img84.imageshack.us/img84/9811/copydb.jpg (http://www.goodwayinlife.com/forum/showthread.php?t=31554)



زمان و أنا صغير ..



كنت لما باشوف واحد ملتحي ماشي في الشارع ..


كنت بخاف جداً .. و بحس إنه راجل شرير و عاوز يقتلني :)




وكنت بمشي من شارع تاني !!

http://store2.up-00.com/Mar11/gUt57035.png






لما كبرت شوية ..

وعقلت :)


مبقيتش بخاف منهم




بقيت بترعب http://www.goodwayinlife.com/forum/images/smilies/SnipeR%20%2854%29.gif



كانت فكرتي عنهم إنهم ناس متطرفين وفاهمين إن الإسلام كله قتل و دمار ..

بس هم ساكتين عشان بيخططوا


كبرت كمان شوية ..



لقيتهم مش بيعضوا ..



عادي يعني ..



ناس عادية زينا زيهم ..



بس فضلت حتة صغيرة ..

إني كنت متأكد إنهم ناس فاهمين الإسلام غلط
أنا مش عارف الإسلام بيتفهم صح إزاي !!
ومش عارف هم فاهمين الإسلام غلط إزاي
بس المهم إنهم غلط وخلاص


http://store2.up-00.com/Mar11/gUt57035.png



تعالوا نتكلم بكل صراحة

هنعمل زوووووووووووم على الناس دي و نعرف هم كويسين ولا وحشين ..

استنا اوعا تفتكر اني هدافع عنهم واقولك دي ناس زي الفل ..

شوف وجهة النظر واحكم بنفسك ..

ووجهة النظر دي طبقها على اي حد مش شرط الملتحين بس


تعالوا نشوف كده في عالمنا لو اي فئة او مجموعه او بلد .. ولا اقولك تعالى نتكلم بأمثله

شوف معايا المجموعات دي

المسلمين ( كل المسلمين ) هل كلهم كويسين ؟

لأ بالعكس ده في مسلمين بيحاربوا الاسلام أكتر من أعداء الاسلام !

هل ينفع نقول كل المسلمين وحشين او ان الاسلام ده وحش ! أو فيه عيوب مع العلم ان الاسلام بيأمر بكل معروف وبينهي عن كل منكر يبقى العيب في مين !


المصريين ( كل المصريين )

خطورة التعميم دي بتهدم وتبني في لحظة وبنصطدم مع الواقع في اول مشكلة
لما حصلت الثورة قالك شوف جمال المصريين وشوف المصريين قد ايه منظمين وعممنا ان كل المصريين زي الفل ومفهومش غلطة لكن تتفاجئ بكمية المشاكل الي بتظهر مع البلطجة والسرقة ,, إلخ من البلاوي
فهل الغلط في المصريين ككل أو في مصر في حد ذاتها ! ؟
يبقى العيب في مين ؟


http://store2.up-00.com/Mar11/gUt57035.png


المهندسين والأطباء والمدرسين وظباط الشرطة وكل المهن الي بتجمع فصائل كتير من المجتمع هل أخلاقيات مهنتهم في اصلها وفي دوافعها سيئة ؟ لأ بالطبع .. لكن في ناس بتلتزم بهذه الأخلاقيات وناس بتشرد لدوافع في نفسها وشخصيتها .. ساعتها العيب يعم على الناس الكويسة كلها او على المهنة نفسها ؟ ولا يبقى العيب في مين ؟

المحجبات ( كل المحجبات )

ايه رايك واكيد كلنا عندنا في اسرنا نساء وبنات محجبات هل كل المحجبات أخلاقهم وحشة ؟ لأ طبعاً ده في ناس اللهم بارك محترميين جداً جداً

طيب هل كل المحجبات أخلاقهم كويسه ؟ أكيد لأ ده في ناس منهم والعياذ بالله ياخدوا جايزة نوبل في قلة الأدب ! وفي منهم بيعاكسوا الشباب في الشارع !

طيب وهل الحجاب اصلاً أمر الكويسة تكون كويسة ؟ هنقول اه .. طيب هل أمر الوحشة تكون وحشة ؟ هنقول لأ

يبقى العيب في مين ؟



http://store2.up-00.com/Mar11/gUt57035.png

الملتحين ( كل الملتحين )

في منهم ناس كويسة ؟ اه في ناس كويسه جداً جداً

طيب هل في منهم ناس وحشة آه في منهم ناس وحشة جداً جداً

طيب هل اللحية في حد ذاتها بتخلي الانسان يعمل الغلط ؟

لأ طبعاً

يبقى في منهم ناس فهمت الدين صح وطبقته صح وفي منهم ناس فهمت الدين غلط وطبقته غلط

طيب في وسط المجموعات الي ذكرتها دي في عنصرين متكررين في كل الحالات ..


العنصر الاول .. ان اصل الشيء نفسه الي بينتمي ليه الانسان بيأمره بالخير وينهاه عن الشر ..

العنصر الثاني ...ان كل الي بيحاولوا يطبقوا في الاخر هم ( بشر )

ومن بشريتهم دي انهم يغلطوا ..

تعالوا نرجع هم الصحابة مكنوش بيغلطوا ! ؟

حد ينفع لما يشوف غلط حد من الصحابة يقول دول الصحابة دول وحشين ( والعياذ بالله ) ؟ مع الفارق في الايمان طبعاً لكن في الاخر الصحابة ايضاً بشر وعشان هم بشر بيغلطوا زي ما كلنا بنغلط ..

فالإنسان الملتحي ده واحد حب يقرب من ربنا وبيحاول يعمل زي ما النبي أمره انه يتشبه بيه ويعفي لحيته تشبهاً بالنبي صلى الله عليه وسلم .

والنبي مش بس أمره باللحية ده في اوامر كتير جداً تانية مهمة جداً لازم يعملها ولا يكتفي بالشكل الخارجي فقط


لكن في منهم الي قدر يغير نفسه بسرعه من أي خـُلق وحش فيه .. وفي منهم لسا بيحاول يغير نفسه وفي منهم لسا بيتدرج بيحاول وبيقع

.. لانه بشر ..

يعني الناس دي متولدتش بلحية لأ دول عادي زينا والله دخلوا حضانة وعملوا على روحهم وكانوا بيضربوا وكانوا بيتفسحوا ويشبطوا في لعب وهم ماشيين . ودخلوا مدارس وكانوا بيذاكروا
وفي منهم شرب سجاير ومشي مع بنات وحب وصاحب وفي منهم ممكن كان في قلبه حسد او حقد او غيره .. واي ذنوب في الدنيا ممكن يكون كان بيعملها ! الفكرة كلها ان ايمانه زاد وحب يقرب من ربنا .. وتشبه بالنبي صلى الله عليه وسلم في شيء .. وبيحاول واحده واحده يتشبه بباقي الاخلاق والصفات .. في حاجات قدر ينزعها من قلبه وفي حاجات بيحاول ينزعها ويبطلها وفي حاجات مش عارف ينزعها او يبطلها !

ليه طالبين ان الملتحي ده يكون ملاك مفهوش غلطة !!


http://store2.up-00.com/Mar11/gUt57035.png


ورسالتي للملتحي ايضاً انه يكون رفيق مع الناس ومينساش انه كان زيهم في يوم من الايام واوحش


كَذَلِكَ كُنتُم مِّن قَبْلُ فَمَنَّ اللّهُ عَلَيْكُمْ فَتَبَيَّنُواْ إِنَّ اللّهَ كَانَ بِمَا تَعْمَلُونَ خَبِيراً
[النساء : 94]




فتعالوا نتفق ان الانسان الي يهتم بظاهره بس وبيعمل كل وحشة ومن جواه وحش ومش بيحاول يغير من نفسه وشايف انه طالما ربى لحيته يبقى كده تمام ومفيش شيء تاني .. ده أخطر بكتير من أعداء الدين ..

بس نتفق ان مش ظاهره ده ( اللحية ) هي الي قالتله يعمل كده !


يبقى انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً

ومننساش زي ما اتفقنا انهم بشر والكل هتلاقيه بيغلط لكن نضع لهم المشانق .. من زمان الاعلام بيصور لنا الملتحيين دول على انهم وحوش كاسرة في اي وقت هيقتلك دايماً بيحب الفلوس دايماً بيحب ينظر للنساء دايماً بيحب ياكل ومفجوع دايماً وحش في مظهره دايماً مكشر دايماً نصّاب ... إلخ

حد يقولي بس الملتحيين بيكشروا باستمرار .. اقولك غلطان
في منهم بيكشر وفي منهم بيضحك في منهم دموا خفيف وزي العسل وفي منهم دموا يلطش :)

دي شيء في طبيعته هو كإنسان يعني هي لحيته لما طلعت مشدتش حواجبه لتحت عشان تجبره يكشر ..
لكن خلونا نتفق اننا بناخد بالنا اكتر من الي بيكشر وبنلاحظه اكتر من الي مبتسم وده لان فيه ومن زمان تشويه اعلامي



http://store2.up-00.com/Mar11/gUt57035.png

دايماً افلام عادل امام كانت تجيب الملتحي ده يقول ثكلتك امك ويصلي في غير وقت الصلاة ووقت الصلاة مصليش ويبص على النساء ومش كويس في عمله ومكشر للعيال الصغيره ..

فطبعاً انت اول لما تشوف ملتحي هتبقى منتظر منه اي غلطه مني دي وان عملها ( وده وارد انه يعمل غلط لانه بشر مش ملاك ) هتثبت في عقلك الصورة

وان معملش معاك حاجه غلط وابتسم ليك مثلاً هتقول د اكيد تعبان عشان كده مش قادر يكشر !

فبقينا زي ما بيقولوا بنقف على السقطة واللقطة



فدلوقتي لما الناس تشوف واحد في الشارع ملتحي بناء على الخلفية السوداء دي بتتعامل معاه من هذا المنطلق وبيحصل وقتها مشاكل ..

الناس دي عليها ضغوط كثيرة من زمان ومن كل المجتمع ..

لما نشوف حد منهم بيعمل شيء كويس نشكره ونشجعه ونحسسه بالرحمة ولما نشوف حد بيعمل حاجه غلط نقوله ( بينا وبينه على جنب ) ميصحش حضرتك ملتحي تعمل كده ..










http://store2.up-00.com/Mar11/gUt57035.png





كل المطلوب اننا لا نسيء الظن في مجموعة كاملة من ناس طالما أصل عملهم يأمرهم بالخير ونتأكد مليون مرة إنهم بشر في منهم ايمانه قوي ومنهم ايمانه ضعيف وفي الاخر الكل ايمانه بيزيد وبينقص ..

ومننساش ..

انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً


ربنا يرحمنا جميعاً ويكتب لنا التوفيق والسداد ويرزقنا الإيمان والالتزام الظاهر والباطن ويرزقنا الاخلاص ويتقبل منا جميعاً صالح الأعمال

اللهم امين .

م/ن

[ام المنذر السلفية]

http://im.gulfup.com/2011-02-23/1298446673831.gif
اتكلمنا في المشاركة الى فاتت
عن خوفنا غير المبرر وأحنا صغيرين من الناس الملتحين
ثم تحول الخوف ده لشعور بالخوف أو حتى شعور بعدم الراحة
أحيانا لأسباب وأحيانا من غير أسباب بردو :)

قبل البداية بنأكد احنا مش بندافع عن كل انسان ملتحي عشان لحيته لإن اللحية و النقاب مبتخليش الناس معصومين ! ولا ملايكة !
فهم فى الأول والأخر بشر

لكن احنا بندافع عن اي انسان بيظهر عليه صفه او سمه من سمات التدين .. فبيلصق بيه مباشرة لتدينه وإلتزامه بالصفة دي بعض التهم المعلبة المغلفة الملصوقة مسبقاً بالمتدينين



السؤال الى عاوزين كل واحد يرد عليه

برا لما واحد من ايطاليا مثلاً يعمل جريمة يقولوا أجرم ايطالي .. لكن لو مسلم ومن ايطاليا ! يقولوا مسلم فعل كذا وكذا مع ان الاولاني كان نصراني ومتقلش انه أجرم نصراني .. فدي خبث الاعلام الغربي في تشويه الاسلام عن طريق المسلمين ..
ليه بقا هنا لما أى حد يغلط نقول فلان غلط ؟
أما لو ملتحي أو منتقبة غلطوا نقول بتوع الدين غلطوا !

مع إن فلان لا يمثل إلا نفسه وفلانة لا تمثل إلا نفسها

!!

فى المرة الى فاتت

1- اتكلمنا عن خطورة " التعـــــــميــم "
وإنه صعب جداً نقول حكم عام على فئة من الناس
فصعب نقول حكم عام على كل الأطباء أو كل المهندسين أو كل المصريين أو كل الطوال أو القصيرين :) وأي فئة مهما كانت
فبالتالى لما أشوف عنده غلطة مقولش إن كل الفئة عندها نفس المشكلة

2- اتكلمنا عن الفرق بين الشىء وتطبيقه
كثير بنلاقي الغرب وغير المسلمين عامة في كل مكان
بيشوهوا الإسلام عن طريق تشوية صورة المسلمين وتضخيم أفعالهم السيئة ويقولوا أهو ده الإسلام!
ويقولوا أخلاق غير المسلمين أحسن من المسلمين والكلام ده بنسمعه كثير
لكن فى فرق بين الإسلام وبين تطبيق المسلمين للإسلام
فلما مسلم يغلط تبقى المشكلة فيه مش فى الإسلام
وكذلك لما ملتحي ولا منتقبة يغلطوا يبقى المشكلة عندهم مش في اللحية والنقاب

3- إننا لا نحكم على الناس بالسماع ولا ننشر كل ما يُقال
يعني مينفعش مثلاً واحد يقولك الناس الى فى الشارع اللى وراكم فيهم كذا وكذا فتروح أنت علطول عامل حاجتين :
1- تصدق وتجزم إن فيهم كذا
2- تنقل لغيرك الأخبار دى بدون تثبت
وللأسف ده بيحصل وكثير وفى كل المجالات


http://store2.up-00.com/Mar11/gUt57035.png
فى ناس تقول ماشى مش هنعمم ومش هنقول إن المشكلة فى اللحية ولا في النقاب ولا هنسمع لكلام الناس

ولكن
ليه الكلام ده منتشر ؟؟ وليه فعلا ممكن نقابل ناس تقول الكلام ده ويقولوا إنهم قابلوا ناس فعلاً منهم وكانوا مش كويسين
ليه ده بيحصل مع إن المفروض العكس ، وليه في ناس مش بتعرف تتقبلهم وليه .......و..........
أسئلة كثيــــــــــــــــــــــــر


http://img534.imageshack.us/img534/3345/68567600.gif

فالنهاردة
عاوزين نكمل الموضوع
ونعمل z0o0o0om


http://www.goodwayinlife.com/forum/image.php?u=8&dateline=1300921690


على طرفين المشكلة
لإننا طالما بنتكلم عن علاقة يبقى أكيد لها طرفين
وأي سوء تفاهم بين اتنين ممكن يكون سببه إن واحد غلط أو إن التاني فهمه غلط

فأولاً: عاوزين نعمل زووووم على الناس الى خايفة من البعبع :)


1- الخلفية السابقة

لإن مفيش شك فرق كبير من إنك تعامل واحد معندكش خلفية مسبقة عنه فتعامله بحيادية تامة ، وفرق إنك تتعامل مع شخص واخد عنه خلفية سيئة

والخلفية دى خدناها من الإعلام بشكل كبير
الإعلام الجميل الشفاف التابع للنظام البائد http://www.goodwayinlife.com/forum/images/icons/icon7.gif
وكأنهم كانوا بيدونا جرعات مكثفة ومنتظمة على فترات حياتنا وبأشكال مختلفة عشان نطلع متشبعين بشىء من عدم تقبل الشكل ده !

- فمرة مذيعة فى نشرة الأخبار بتذيع خبر التفجير الإرهابي الى عمله إسلاميون والكاميرا زووم على وشوش بلحى مكشرة http://www.goodwayinlife.com/forum/images/icons/icon1f2%20%282%29.gif

ومرة فيلم عربي لواحد بذقن هو طبعاً تبع تنظيم إرهابي
بيستحل فلوس الناس وأعراضهم وبيتكلم فصحى عجيبة ( ثكلتك أمك وشلت يداي ويطلعهم هبل وعبط )
!وبيطيع أمير الجماعة طاعة عمياء
وعاوز يطلع يقتل في النصارى http://www.goodwayinlife.com/forum/images/smilies/SnipeR%20%2826%29.gif

- ومرة برنامج توك شو بيتكلم عن الأفكار المستوردة والتشدد الديني الى بيحصر الدين فى الزى وبيتخفى وراه لممارسة الإرهاب الفكري !

-ومرة مسلسل تلفزيوني بيحكي عن مأساة أسرة مصرية عايشة فى تبات ونبات وعندهم صبيان وبنات وفجأة تحصل المصيبة ابنهم يلتحي وبعد ما كان بار بأهله يبدأ يزعق ويقولهم أنتم كفرة !

-وبرنامج اتصال هاتفي لتلقي المشاكل ومشكلة أم ابنها ضاع وانحرف وضيع تعب سيننها هدر وبعد ما ربته وكبرته ادروش وبقى شيخ !

-ومقال للكاتب الصحفى ورواية للسينارست الفلانى ورأى للفنانة الفلانية وطبعا خلال فترة إزدهار إعلامنا مكنش برنامج واحد ولا مسلسل واحد ولا مقال واحد ولا رواية واحدة :)

ده الإعلام المحلي أما الإعلام الغربي فلازم يطلع الناس الى لابسة جلبية وبذقن يا أما حرامين يا شهوانين يا أرهابين
حتى لو المشهد لقطة نص دقيقة على السريع وملهاش علاقة بموضوع الفيلم ..

فإذا بنا بعد كام سنة عندنا خلفية سوداء قاتمة السواد
عن البعبع الى بلحية أو البعبعة الى مستخبية تحت النقاب :)

" زمان لما كان بيتقال إن الإعلام بيشوه الحقايق كان البعض مبيصدقش!

لكن أظن الأحداث الأخيرة وضحت إن الى ميعجبهش يبقى عميل ومعاه أجندة خارجية :) وبياكل من كنتاكي .. طبعاً المتدينين هيبقى معاهم اجنده بتاريخ هجري وبيجلهم وجبات من حضر موت ! "


http://store2.up-00.com/Mar11/gUt57035.png
2- التهم الجاهزة

وطبعا نتيجة للإعلام الرائع وجهودة المكثفة بقى عندنا تهم جاهزة معلبة ومجموعة فئات نقدر بسهولة نصنف تحتها أى بعبع ممكن نقابله

* فلو فقير : يبقى متشرد وجاهل ضد التمدين والتحضر وتبع العصور الوسطى

*ولو غني : يبقى أكيد بياخد فلوس من دول أجنبية لتمويل التنظيم بتاعه وعنده أجندات خارجية :)

لو بيشتغل يبقى مربي الدقن عشان ينصب بيها ، ولو مبيشتغلش يبقى ادروش !

لو منتقبة تبقى أكيد جاهلة ومتخلفة ، ولو متعلمة تبقى أكيد وحشة ولا وشها فيه تشوه، ولو لأيبقى عاملة عملة ومستخبية في النقاب ولو لأ تبقى معقدةومتشددة !

وعلى أحسن الأحوال هى ناس فاهمة الدين غلط وعندهم الدين عبارة عن شكل وبس !

ومن كثر التهم الواحد بيتسأل إيه هى الحالة الى ممكن الناس دى فيها تبقى كويسة http://www.goodwayinlife.com/forum/images/smilies/entzar.gif

http://store2.up-00.com/Mar11/gUt57035.png
3- التركيز السلبي " التربص "

نتيجة 1،2 بقى جوانا تربص لا شعوري تجاة الناس دي
فمع أول تعامل مستنين الغلطة عشان نعرف نحطه تحت مين من التصنيفات :)

كانوا بيضربوا مثال دايما للمتشائم والمتفائل وبيقولوا لو شافوا كوباته نصها فى مية ... المتفائل هيقول نص الكوباية مليان والمتشائم هيقول نص الكوباية فاضي
وده لإن كل واحد مجال تركيزه مختلف
فأى إنسان له مميزات وعيوب فلو أنا اتعاملت معاه وأنا مركز جداً على عيوبه بل وأكثر من كده منتظر ومتوقع إن في عيوب تانية أنا مش شايفها أكيد عمري ما هعرف اخد بالي من مميزاته لإنى مركز جداً على العيوب .


http://store2.up-00.com/Mar11/gUt57035.png
4- فهم خاطىء

مش عارف مين الى فهمنا إن اللحية والنقاب دول أخر خطوة المفروض الواحد يعملها فى حياته بعد ما يكون صلح كل عيوبه !!

طيب نفكر مع بعض هو فعل الطاعه نفسه غايه ولا وسيله؟؟
يعنى اللحية وحسن الخلق والصلاة والسنن والفروض
لو فكرنا هنلاقيها وسائل لغايه اكبر ...
الغايه دي هى رضا الله
وعشان نوصل لها نوصل لها بالوسائل الى جاء بها الشرع
* فنعمل الفروض وعلى قد ما نقدر في النوافل
* ونجتب المحرمات و نبعد على قد ما نقدرعن المكروهات والشبهات ونفضل طول حياتنا لحد ما نموت نحاول نوصل للغايه دى (انه يرضى )
الكلام ده المفروض معروف
ولكن كون إننا نظن إن فى خطوات لازم تبقى فى نهاية المطاف أحنا كده بنرفعها لدرجة إننا نخليها غاية
وده هيعمل مشكلة ثلاثية الأبعاد http://www.goodwayinlife.com/forum/images/smilies/SnipeR%20%2838%29.gif

1- إن محدش يفكر يعمل الخطوة دى لإنها خطوة النهاية وهو طبعا في البداية :)
ولإنه محتاج يوصل لمرحلة عالية من الإيمان و..
وطبعا لاننا بشر مش هيوصل إنه يكون ملاك والى هيقول انه وصل لمرحلة إنه ميغلطش يبقى مش فاهم حاجة ده شيخ الاسلام ابن تيمية كان بيقول قبل ما يموت انه بيصحح اسلامه كل يوم من اربعين سنة !

2- ممكن ناس لما تعمل الخطوة دى تفتكر إنها النهاية يعنى خلاص حققت غايتها وبطلت تحسن من نفسها
طبعا دى كارثه لان هى فهمت الوسيله غايه ...
هى غايتها ربنا يرضى يعنى تشتغل لاخر لحظه فى عمرها
ربنا قال (واعبد ربك حتى يأتيك اليقين ) أى الموت


3- وهى دي الى تهمنا أكثر.. إننا هنصنف الى يعمل الخطوة دي
يا ملاك يا منافق ومفيش وسط http://www.goodwayinlife.com/forum/images/smilies/SnipeR%20%2826%29.gifhttp://www.goodwayinlife.com/forum/images/smilies/SnipeR%20%2826%29.gif

** فيا إما يكون مثالي جداً ، هادي حتى لو حد استفزه ، متسامح جدا مع الى يغلط فيه ، كريم جدا ، صوته مبعلاش ، مبيتعصبش ولا بيتضايق ولا بيكشر ،من الأخر ملاك وناقصه جناحين http://www.goodwayinlife.com/forum/images/smilies/SnipeR%20%2844%29.gif

** يا أما أدي الناس الملتحين وأدى المنتقبات كويسين من برا وعندهم أخطاء وبيتعصبوا زينا زيهم
بدل هم زينا عاملين فيها شيوخ ليه !!



http://store2.up-00.com/Mar11/gUt57035.png

5-هوى النفس

تعالوا نتفق إن النفس البشرية من طبعها إنها بتحب التميز
ومبتحبش حد أحسن منها حاجة بالفطرة :)

فيبقى فى حتة " هوى خفي " في تصديق حاجات معينة ونشرها
فنسمع الأغنياء دول أغلبهم حرامية :)
والطلبة الى بتجيب إمتياز وبتتعين في الكليات ولاد الدكاترة
والدكاترة كلهم بيعملوا شغل وواخدينها تجارة !

وأكيد فى بعض الحاجات دى بتحصل بس أكيد بردو مش الكل

ولكن ومن غير زعل
أحيانا كثير بنعمم ونطلع فى كل واحد عنده حاجة حلوة عشر الحاجات الوحشة وننشر ده لإن ده هيحقق نقطة التميز وبيريح لنا ضميرنا

فتلاقى وبمنتهى الفخر واحد بيقول :

- أنا صحيح طالع بقبول لكن بمجهودي مش زي الى اتعين معيد عشان ابوه دكتور

- أنا صحيح عاطل ولكن افتخر على الأقل متوظفتش بالواسطة

-أنا صحيح مش ملتزم بالمظهر لكن أهم حاجة القلب وربك رب قلوب ويا أما ناس من برا هلا هلا ومن جوا ...!

لكن لو مستخدمش التعميم
هيبقى قدامه الى اشتغل من غير واسطة ولكن بمجهوده وكفاءته وهيظهر إنه مقصر ..
وقدامه الى جاب إمتياز بمجهوده فيبان إنه مذاكرش ..
وقدامه الى ملتزم بالمظهر مع إلتزامه بالجوهر

وهنا يتطرح السؤال الى هو مش عاوز يسمعه
ليه متبقاش زيهم ؟؟

http://store2.up-00.com/Mar11/gUt57035.png
6- دور الشيطان
الشيطان مش معقول يقف يتفرج في الموضوع
ولا يكتفي بذنوب سوء الظن ، الإشمئزاز بين المسلمين وبس
لا الموضوع أخطر وبيوصل لكره السنة

سؤال مهم : ياترى لما بتشوف واحد ملتحي أو واحدة منتقبة متعرفهمش ولا عمرك اتعاملت معاهم بيكون شعورك إيه ؟ بتضايق قلبك بينقبض وبتشمئز ؟ ولا مش بتفرق ؟ ولا بتفرح ؟

أصل هنا هيبين مشكلة كبيرة

الأشخاص دول أنت متعاملتش معاهم لسه
فلو اتضايقت قوى منهم من غير سبب كده يبقى أنت الى ضايقك
شكلهم " اللحية والنقاب " الشكل ده تحديدا هو الى كان عليه الرسول صلى الله عليه وسلم وزوجاته والصحابة والتابعين

فأنت كده مبقتش بتكره التطبيق إنت بقيت بتكره هدي النبي وزوجاته وبتكره مظهر من مظاهر الردين ! وهنا الخطورة إن الشيطان بكده وقعك في مشكلة كبيرة فأنت بقت بتكره الناس دي لإلتزامها بالشكل ده ! وكأن دي نقطة خلافك الأولى معاهم قبل حتى ما اتعاملهم !


http://img534.imageshack.us/img534/3345/68567600.gif

2- عاوزين نعمل زووووم على الناس المتهمين بإنهم بعبع :)


1- بشر

وبما إنهم بشر يبقى ناس زينا بتخطأ وتصيب بتحزن وتفرح
بشر وفي الاخر الكل ايمانه بيزيد وبينقص ومحدش معصوم
يعني بيغلطوا ؟ أيوه طبعاً
والرسول صلى الله عليه وسام قال " كل ابن أدم خطاء وخير الخطائين التوابون "

فليه نستنكر بشدة أى غلطة منهم وكأننا بنرفعهم لدرجة المعصومين ، فلما يغلطوا يبقوا منافقين وكذابين !!

http://store2.up-00.com/Mar11/gUt57035.png
2- إختلاف البيئة والصفات والتعليم

النقطة دي مهمة جداً

التدين مش زي الفن او الاعلانات يعني في الاعلانات بينقوا الشباب والبنات الي شكلهم حلو وينقوا في الاعلام والمؤتمرات والمغنين .. إلخ مهم يكون شكلهم حلو وبيلبس حلو وبيتكلم حلو وبيعرف في كذا وكذا

لكن هل حد سمع ان شرط التدين وعشان نسمحله يبربي لحيته يكون معاه عربية كذا وشعره كذا وشكله وسيم !

أكيد لأ

فليه كلنا بنكون عايزين نشوف الملتحي ده الشاب الموديل الي مفيش زيه في كل حاجه !

الناس بتختلف فى أسلوب تعليمها ومستواها الإجتماعي وبيئتها
وكل ده بيأثر على مظهرها وسلوكها

صحيح الدين بيهذب سلوكنا لكن الأسلوب وطريقة اللبس وأسلوب الحوار لا شك بيأثر فيه بيئة الإنسان وتربيته ..

فأكيد طريقة تعامل دكتور في الجامعة وساكن فى الزمالك وملتحى
مختلفة عن واحد سواق عربية كارو ساكن فى العشوئيات وملتحى بردو ..
فالغلط إننا نبص للشيخ البسيط أو نبص للست الى بتبيع فجل ومنتقبة ونقول ياي شوفوا الملتحين و المنتقبات !

صعب جداً إننا نحكم على أفعال معينة ليهم نابعة من مستواهم وتربيتهم (وقصدنا حاجة متكونش حرام زى مستوى اللبس أو طريقة الحوار ) ونربطها بالنقاب أو اللحية !

في النهاية زي ما قلت التدين والتقرب لله للجميع بكل المستويات مش حكر على فئه معينه تكون واجهه وشكلها حلو عشان تعجب كل الناس صح ؟

http://store2.up-00.com/Mar11/gUt57035.png
3- التدرج في التغير

فالإنسان الملتحي ده واحد حب يقرب من ربنا وبيحاول يعمل زي ما النبي أمره انه يتشبه بيه ويعفي لحيته تشبهاً بالنبي صلى الله عليه وسلم .

والنبي مش بس أمره باللحية ده في اوامر كتير جداً تانية مهمة جداً لازم يعملها ولا يكتفي بالشكل الخارجي فقط

لكن في منهم الي قدر يغير نفسه بسرعه من أي خـُلق وحش فيه .. وفي منهم لسا بيحاول يغير نفسه وفي منهم لسا بيتدرج وبيحاول



- وده ميمنعش إن فى جزء منهم اكتفى بالظاهر
وبطل يحسن من نفسه

ودي مشكلة الى فهم إن الظاهر نهاية المطاف أو غاية !
فلما عملها بطل يحسن من نفسه ! وده أكيد غلط وكبير لإن كل طاعة ظاهرة أو باطنة بنعملها هدفنا فيها رضا ربنا
مطالبين لأخر لحظة في حياتنا إننا نحسن من نفسنا عشان ربنا يرضى .

ولكن..

نقول للشخص ده خلاص يحلقها مدام ميعملش بيها ؟

لأ ننصحه يعمل بيها لإن مش هينفع لا شرعاً ولا عقلاً
كل واحدة محجبة تعمل حاجة غلط نقولها اقلعي الحجاب لإنك مبتعمليش بيه !

ولا حتى واحد مبيصليش وبيطلع صدقة نقوله وقف الصدقة !

فلو واحد بيعمل طاعة وذنب
عمر ما الحل يكون إنه يوقف الطاعة !
الحل إنه يجاهد نفسه ويوقف الذنب ..


http://store2.up-00.com/Mar11/gUt57035.png



4- صعب تقيم إنسان بــ One Shot


مشكلة بتظهر في التعاملات السريعة بشكل عام
إنك تحكم على شخص في خلال دقايق وهو وظروفه في الدقايق دي

لو داخل تشتري حاجة من محل ولقيت صاحب المحل بيتعامل بهدوء ومبتسم مفيش شك فى الدقيقتين الى اشتريت حاجة وطلعت خدت إنطباع إن الشخص ده كويس

واحد تانى لنفس المحل وصاحب المحل بيزعق فى التليفون
وبعدها قفل وكلمه وهو مكشر هيكون إنطباعه إيه ؟

مع إنه نفس الشخص لكن ممكن واحد ياخد عنه إنطباع سىء جداً
وواحد ياخد إنطباع كويس جداً

فدايماً اعرف إن ده حكم مبدئي مش صحيح
ومتحكمش على الناس من ون شوت !
لان ممكن في الموقف الاولاني يكون ابنه نجح فكان مبتسم وممكن في الموقف التاني ابنه تعبان وفي المستشي فعشان كده مضايق ليه عايز المتدين ده يكون فاتح فمه ومبتسم باستمرار هو بشر عنده ظروفه بردو بيضحك ويزعل ..


http://img534.imageshack.us/img534/3345/68567600.gif


بعد ما عملنا زووووووم ..

لقينا إن في أسباب كثير أدت في النهاية لتكوين الفكرة دي !

تفتكروا أي فئة في المجتمع لو تعرضت للتشوية الإعلامي ده
مع كمية المفاهيم المغلوطة حواليها مش طبيعي إن المحصلة النهائية تكون كده ؟


ومننساش

إن الإسلام بيُحارب في كل مكان
وسيلتهم في الطعن في الإسلام هى الطعن في المسلمين وأخلاقهم
مع إن المسلمين مش معصومين ! وغلطاتهم لا تسيء للدين
لكن من كثر ما كرهوهم في المسلمين خلوا بعضهم كرهوا الإسلام !

ودلوقتي بيطعنوا في السنة نفس الطريقة !
عن طريق الى متمسكين بيها مع إنهم بردو مش معصومين
وبردو أخطائهم لا تسيء للسنة

ولكن للأسف من كثر ما كرهونا فى الأشخاص فى ناس بقت تكره الشكل ده نفسه فكرهت سنة الرسول صلى الله عليه وسلم

وفي النهاية بنكرر

الهدف مش دفاع عن أشخاص لإن مفيش حد معصوم أبداً بعد النبي صلى الله عليه وسلم ..

لكن الهدف إننا ميبقاش كرهنا للأشخاص دى وهجومنا عليهم
حتى من غير ما نعرفهم هو إلتزامهم بسنة من سنن الحبيب صلى الله عليه وسلم ..

[أبوعبد اللّه 16]

بارك الله فيك الاخت
ما شاء الله،

[ام المنذر السلفية]

فمش هنكون وسيلة فى أيد أعدائنا يوجهونا زي ما يحبوا !
فلما نتعامل ونحكم على الأشخاص نحكم على الشخص لوحده لإنه لا يمثل إلا نفسه

[آلاء الرحـــــــمن]

السلام عليكم
بارك الله فيكي اختي على هذا الموضوع الذي وضحتي فيه الكثير من الاخطاء المتداولة عند العامة و اخطائهم في الحكم على الملتحين
و لكن حبذا لو كان الموضوع بالفصحى لتسهل قراءته على اي يشخص يقرأه .هذا فقط اقتراح اظن انه لا يفسد للود قضية .
شكرا لكي مرة اخرى ونفع بكي و تحية الى اهل مصر .

[ام المنذر السلفية]

بارك الله فيك الاخت
ما شاء الله،

فيكم بارك الرحمن

السلام عليكم
بارك الله فيكي اختي على هذا الموضوع الذي وضحتي فيه الكثير من الاخطاء المتداولة عند العامة و اخطائهم في الحكم على الملتحين
و لكن حبذا لو كان الموضوع بالفصحى لتسهل قراءته على اي يشخص يقرأه .هذا فقط اقتراح اظن انه لا يفسد للود قضية .
شكرا لكي مرة اخرى ونفع بكي و تحية الى اهل مصر .

وفيكم بارك اختى
لاسف اختى الموضوع نقلته من منتدى مصرى اسلامى ولذلك اللغة الدرجة العامية المصرية

[أم البراء السلفية]

بسم الله الرحمان الرحمين الرحيم
السلام عليكم ورحمة الله وبركاته
جزاكم لله خيرا وبارك الله فيكم ونفع بكم الاسلام والمسلمين

[ام المنذر السلفية]

فيكم بارك الله