ما رايكم

[مشكلتي]

السلام عليكم
تقدم لخطبتي دركي و لكن الكل من حولي يقولولي اخطيك من لي جوندارم حبيت نعرف لماذا الناس ينصحونني بهذا و شكرا

[/زهرة عصفور الجنة/]

قد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره. اختي اذا كان يصلي ويتقي الله لما لا

[عُضو مُحترم]

اصابع اليد ليست متشابهة

ممكن هو مليح و ممكن العكس


انتي ما تعرفيش و لكن ابوك و اخوك و خالك و عمّك

الرجال هوما لي يعرفو الرجال

[- بصمة خير -]

صلي الاستخارة و ربي يجيب اللي فيه الخير

الامور هذه مافيهاش رأي صحيح و رأي غالط

ربي يوفق و صلوا على الرسول أفضل الصلاة و السلام

[فتـ حييةـاة]

الله يهديهم
وماقالولكش واش من وظائف تصلح للزواج ياريت يفيدونا

[*بن عيسى*]

السلام عليكم
تقدم لخطبتي دركي و لكن الكل من حولي يقولولي اخطيك من لي جوندارم حبيت نعرف لماذا الناس ينصحونني بهذا و شكرا
لا يهم عمل الخاطب عند الزواج ، بل الاهم دينه و خلقه فإن كان ذو دين و خلق فاقبلي به( بعد السؤال و التحري الجيد و الدقيق)، وان كان العكس فلا تقبلي به و لو كان قائد اركان .....شكرا

[عُضو مُحترم]

الله يهديهم
وماقالولكش واش من وظائف تصلح للزواج ياريت يفيدونا

يا اختي ليست قضية وظيفة

المُهم يكون يخاف ربي فيك متربي و طايع لوالديه

يكون محافظ على صلاته و سليم العقل و الجسم

خدام ليس شرط وظيفة كبيرة في الدولة المهم لديه مصدر للرزق

الحلال

و قادر ان يوفر الضروريات من مأكل و ملبس و مسكن

[مريم الصابرة]

السلام عليكم أختي ربي يهديك ويهدي الناس اللي يقولوك هكذا وشبيه الجوندارم راجل كيما قاع الرجال اللي عقليتوا فاسدة ما لازمش يكون جوندارم نعرف بزاف بنات متزوجين بالدركيين وعايشيين لاياس يا خني جاك راجل سقسي على اخلاقوا ودينوا هذا هو المهم السترة شكرا

[جيهان13091991]

هههههههههه و انا من رأيهم انا مانحبش الدرك و الشرطة و الجيش, بزاف حوايج صعاب و الاغلبية هو في بلاسة و مارتو وولادو في بلاسه سما مايعيشش معاهم , الخدمة نتاعهم صعيبة و ديما عايشة فالخوف الخ بصح كل واحد و قاناعاتو اذا نتي ماعندكش مشكل نورمال ربي يكملك

[!?زين الدين?!]

السلام عليكم
تقدم لخطبتي دركي و لكن الكل من حولي يقولولي اخطيك من لي جوندارم حبيت نعرف لماذا الناس ينصحونني بهذا و شكرا

أختي الكريمة مديرش على الكلام الزائد لكان هدا الشخص خلوق وولد فاميليا وتتوفر فيه الشروط لي تبحثي عليها توكلي على الله ولا تنسي صلي صلاة الاستخارة ولا يهم ادا كان دركي او شرطي او حتى بواب المهم عمل شريف وراتب حلال

[عُضو مُحترم]

المهم ربي يسهّل يا اختي آمال

و يرزقكن جميعا ازواجا صالحين

[فتـ حييةـاة]

المهم ربي يسهّل يا اختي آمال

و يرزقكن جميعا ازواجا صالحين

آآآآآآآآآآآآآمين ويرزقك زوجة قانعة

[djfr]

عليك بالصلاة الاستخارة

[أم البراء السلفية]

السلام عليكم ورحمة الله وبركاته
ياخيتو ننصحك بصلاة الاستخارة
وخلى اهلك يسالو عليه
واللي فيه الخير ربي يجيبو
وماتنسايش قول الله تعالى
إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير

[حلاوة_87]

اختي عليك بصلاة الاستخارة وتوكلي على الله سبحانه..
اما بخصوص انه دركي فلا تهتمي بل اهتمي باخلاقه...
واللي قالولك اخطيك من الدرك الغالبية عندهم نظرة عن العاملين في سلك الامن..لكن الناس مش كيفكيف..

[kacem66]

تزوجي بيه وحطيك من كلام الناس

[bilal123]

السلام عليكم يا اختاه اولا كلام الناس لا يغني ولا يسمن من جوع .............لاكن يا اختاه ادا كنت تعرفينه انه خلوق متدين ويناسبك فقبلي ولا تكترتي بكلام الناس فهم لن يعيشو حياتك فكلنا له حيات

[موجو جوجو]

الرجاء الكتابة باللغة العربية

[خيرة ملاك]

يا أختي أظن ان من نصحكي بالابتعاد عن رجال الدرك في الزواج
يقصد ان الدركي بوجه خاص إنسان شكاك ومتعب وهذا طبعا بحكم وظيفته الا انهم ليسوا سواء لكن اغلبهم لهم نفس الطباع
والله وأعلم

[miri_27]

عزيزتي صلي صلاة الاستخارة و توكلي على الله تعالى و إذا كان هذا الانسان من المكتوب ربي يقربو ليك و إذا كان لا الله يجيبلك و يجيبلو من جهة اخرى و أخطيك من كلام النـــــــــــــــــــــــــــــــــــــــــــــــ ــــــــــــــــــــاس