غشينا وعلاه طرون-يا عاقل

[محمد الشاعر]

تحية والسلام هذه الأبيات إرتجلتها منذ أيام ونشرتها في منتدى آخر انقلها لكم عساها تعجبكم

غاشينا وعلاه طورن يا عاقل// وايتبع فالكفر في كل احوالو
المسلم للكفر وعلاه اتحول// ومايل ليهم كان لاحظهم مالو
عاد المسلم قا ايتبع ويهرول// وفعل الغرب الشين هو يقدالو
عالفعل القبيح ماعاد ايسول//صنع الكفرة عاد طيب يحلالو
المسلم تباع للفعل الراذل// اللي داروه الكفر يحلى في بالو
يعاند كفار في لبس ومأكل// سلبوه وعجبوه يدفع من مالو
يقولك صنعة قاوري بيه ايمثل// ايقلدهم مسكين طايع بافعالو
فالبوناني يبات سكران امبهدل//يعيش الريفيون هو اعيالو
يديها لابيش حلوى للمنزل// يباتو سهرانين ليالي يطوالو
كان تلومو يقولك وين المشكل //عام اجديد ونزهاولو باحتفالو
يامسلم ها فيق دايم واستعقل// دين الكفرة لا اتقرب مجالو
لاتعاندش افعالهم كونك راجل//لا تشبه بالقاوري في خصالو
لا تحييش اعيادهم مهما يحصل//غير لدينك وملتك كون اتوالو
للمسلم اعياد زينة ما تتمل// فيها خير الله ياسر وافضــــــــالو
دين الله راه كافي يا عاقل// جانا بالتمام وافي باكمــــــــــالو
عادات الكفار نيران اتشعل // المسلم محال ترضــــــــيلو بالو
ذا بن عامركانك راك اتسول// غاضو هاذ الجيل وفساد احوالو
معذرة على الإرتجال