تسجيل الدخول

مشاهدة النسخة كاملة : فتيل العيش

سَلْسَبِيّلْ
2012-01-04, 19:54
ارجو من كل حرة ان تعلمني طريقة فتيل العيش او البكوكس بالتفصيل واسم السواور اللي نستعملوهم ةفي لفتيل
وجازاكم اله كل خير انا في الانتظار
my lamis
2012-01-04, 20:12
ختي نشالله موضوعك تشوفو الأخت أم ميدو هي تعرف طريقتو و قاتلي إفتلي المحمصة و فتليها حتى تخشان و كي زدت سقسيت وحدة عندنا قاتلي المحمصة اللي تتباع شمخيها مليح فالماء من بعد إفتليها حتى تولي خشينة و جابلي ربي متتسيرش مكملناش الهدرة عليها بصح نزيد نسقسي عليها و إذا قدرت نفتلها و نوريهالك
أمة الله17
2012-01-04, 20:18
ههههههههههه هههههههههههههههههههههه ههههههههههههههههههههههه
سَلْسَبِيّلْ
2012-01-04, 20:21
الله يسترك حبيبتي لميس انا انتظر
والاخت امة الله لماذا تظحكين
sofiane2075
2012-01-04, 22:45
اختي انا عندي طريقة اخرى و هي لما نفتل الطعام يعتي البربوشة و نيبسها من بعد نسيرها و هاداك الخشين لي يبقى في السيار نخليه وحده و لما نحب ندير البركوكس ناخد كمشة نفورها و نكون موجدة الدقيق رطب غير نحطها في القصعة نرشها بالماء تم نحط عليه كمشة سميد و نفتل و لما ينشف نزيد شوية ماء و السميد حتى توصلي للحجم لي حباتو من بعد تسيريه في سيار الزرع لي يبقى من فوق فوريه و لي يبقى رقيق ديريه محمصة او خبيه تفتلي بيه مرة اخرى و نتمنى نكون افدتك
HADIL146
2012-01-04, 23:57
هذا زمان ماشفتش وحدة تفتل فيه ايييييييييييييييييييييييييييييييييه يا ا حسرااااااااااااااااااااااااااااااااااااااااااااااا اه
جيجلية
2012-01-05, 07:03
أنا نفتلو على الدشيشه الخشينة والا على الطعام ماشي مفور مثل تاع السوق الخشين

نحط كمشة ماشي بزاف على خاطر يزيد ونشمخ بالماء ونزيد الدقيق ونفتل ونزيد نشمخ بالماء ونزيد الدقيق حتى يكبر كنشوف حبات كبروا وحبات مازالو نسير هوم فالسيار العريض نسري اللي كبروا ونعاود نفتل اللي مازالو صغار حتى يوليو كما لخرين ثم نخلطهوم ونكمل نكبر فالحجم حسب واش رايحة اطيبي إذا بالحليب نديروه كبير والا بركوكس بالمرقة نديرو رقيق
ام محمد ميدو
2012-01-05, 14:05
اختي انا شخصيا ما فتلتوش لكن عجوزتي كانت تفتلو وباش يجيك ساهل في الفتيل خصوصا وحدة مبتدئة جيبي المحمصة لي تنباع ديريها في القصعة يابسة بلا ما تشمخيهاديري فوقها السميد نتاعك وافتلي عادي حتى تشوفي الحبات زاد الحجم نتاعهم الحجم لي انت دوري عليه وسيريها وفوريها وديريها تيبس :mh31:
سَلْسَبِيّلْ
2012-01-05, 14:56
الف شكر اخواتي دائما راكم في القمة لكن لدي استفسار الدقي لنضيفو فوق البربوشة والا الدشيشة هل هم الصافي والا الدقيق الي نعجنو بيه
وثاني الدشيشة تكون مفورة والا نفتل بيها مباشرو والف الف شكر خواتاتي ربي يستركم
ام محمد ميدو
2012-01-05, 15:12
ديري السميد عادي والمحمصة راها بمثابة التشيشة
هديل نور
2012-01-05, 15:51
اذا حبيتي تفتلي العيش وجدي : السيار الخشين و الثناي الخشين ـالفراش:اما كسكس خشين او حرشة خشينة او كسكس عادي ـالغطاء:السميد الرقيق ـماء فيه شوي ملح.تحطي حفنة من الفراش في قصعة شوي ماء ودوري زيدي شوي من الغطاء ودوري وكرري العملية حتى تشوفي الحبات اخشانو هزيهم بالسيار الخشين و الي بقاء في القصعة هزيه بالسيار الثناي الخشين و و عاودي افتليه بنفس الطريقه انشاء الله تكوني فهمتي عليا
omo mazen
2012-01-05, 15:55
http://www.djelfa.info/vb/showthread.php?t=798222
miri_27
2012-01-06, 14:25
السلام عليكم عزيزتي خذي كمية من الطعام يكون مفتول او مشري انت وواش عندك و زيدي طلعي عليه اي افتلي على الطعام بالماء و السميد و هذه اسهل طريقة إنشاء الله تكوني فهمتيني
my lamis
2012-01-06, 16:01
يطيك الصحة ميري و نشالله قاع يفتلوه و أنا وحدة منهم بصح راني خايفاتو يعييني
الأخت أم مازن ختنا مهيش تحوس على فتيل الطعام راها تحوس على فتيل المردود أو البركوكس و مشكورة على الرابط نتوما كيفاه تسموه عندكم؟
miri_27
2012-01-06, 16:34
يطيك الصحة ميري و نشالله قاع يفتلوه و أنا وحدة منهم بصح راني خايفاتو يعييني
الأخت أم مازن ختنا مهيش تحوس على فتيل الطعام راها تحوس على فتيل المردود أو البركوكس و مشكورة على الرابط نتوما كيفاه تسموه عندكم؟
أحنا انسموه العيش اي هذه هي طريقة امي لما تكون مزروبة تزيد أطلعو على الطعام و الحبة تكبر افهمتيني؟؟؟؟؟؟؟؟ظ و نعملوه للنافسة كي تولد و العكس ماراحش يعيك سي كمية قليلة و رجعيلي الخبر
سَلْسَبِيّلْ
2012-01-06, 21:15
الله يبارك فيك لميس والف شكر للاخت ميري لكن عندي استفسار الدقيق لنعجنو بيه الكسرة او المطلوع ارجوك رجعيلي خبر
يعني ماشي الصافي انا انتظر باه نجربو في اسرع وقت ربي يسجيك
sofiane2075
2012-01-07, 08:37
يابنتي ديري سميد رطب خلاص باش الحبة تخشان اما ادا درتي سميد خشين راه العيش يزيد و تبقاي تفتلي حتي ى تديري العولة ههه

ديري كيما قتلك جربي كمية صغيرة خاصة ادا عائلتك صغيرة و ماتخافيش ادا خرجلك بزاف فوريه و حطيه ييبس كيما الطعام و كي تكوني تفتلي كل ما تزيدي الماء ابقاي تدوري بيديك من الوسط الا الاطراف باش الحبة تكبر و ما يخرجولك اخرين صغار بزاف تم تحطي عليهم سميد و هكدا حتى تتحصلي على الحجم لي تحبيه
سَلْسَبِيّلْ
2012-01-07, 16:34
;وقيلة قلقتكم باستفساراتي الف شكر وسامحوني على تعبكم راح نجربو باذن الله
سَلْسَبِيّلْ
2012-01-08, 11:13
الفا الف شكر راني درتو وجا يهبل شكرا حبيباتي
زهراوية
2012-02-20, 15:39
باسم الله الرحمن الرحيم اختي اذا حبيتي تفتلي العيش راهو اسهل من الكسكس اشتري تشيشة الخشينة راهي تتباع او لنعمل بيها قلب اللوز او فكرة اخري اشتري الكسكس ااخشين انتاع الماشينة ضعي شوية فقط علي خاطر رايح كل المرة ازيد المرة الاولي حطي شوية ماء ثم دوري بيديك حتي تحسي بيها نشفت ثم للمرة التانية و الثالثة كل مرة ادوري بيديك حتي تتحسسي ان ها ما عدتش تنشف يعني متشربش الماء اضيفي الرطب و كرري العملية ماء بشوية ثم رطب ثم دوري بيديك و السر في فتيل العيش هو عملية المحص يعني تضغطي بكف الايدي بشوية حتي لا ينحل في عملية الطهي و السيار استعملي سيار الزرع اذا حبيتي اجيك متساوي في بداية لفتيل طيحيه في سيار الزرع و فتلي كي يكبارو الحبات العيش كل مرة هزي في السار الزرع و لي اطيح من تحت زيدي طلعيه اتمني ان اكون افدتك اختي حولي فقط ستجدينه سهلا تحياتي
سَلْسَبِيّلْ
2012-02-20, 17:23
الف شكر حبيبتي راني تعلمت وحتى درت كمية كبيرة باه منضلش نفتل الف شكر لكن