أشعر بالإحباط

[z.abdo]

السلام عليكم أخوتي جميعا انا المشاركين في هذا المنتدى لمساعدة الناس في مشاكلهم
لكن اليوم اريد اعبر ما بي داخلي
كرهت البطالة و انتظار مسايقات الوظيف العمومي
انا مهندس دولة عمري 30 سنة .نخرجت سنة 2007 وبعد لم يتم توظيفي بسبب الخدمة العسكرية وبعدها رحت للخدمة العسكرية وأنهيتها الحين بعثت 30 ملف توظيف لمختلف المديريات لكن لم يتم الرد سوى من 2 مديريات .و4 ملفات تم إرجاعها لمختلف الأسباب
لكن الشيءء الذي اريد ان اعبر عنه انني راني كاره والمعنويات 00
وزد على ذالك اريد الزواج وفتنة النساء اللي راني نشوف فيها كل يوم والمشكل مش في النظر رغم الواحد جابد روحو البنات متجملات يحبو تقربو منو هذا ما حدث معي اليوم في وكالة تشغيل الشباب والله فكرت اليوم والواحد يحرق روحو كيما دار الشاب التونسي وهذا لما كنت اليوم بوكالة تشغيل الشباب لكن قررت لن أخرج من البيت إلا من أجل الضروريات بسبب فتنة البنات ربي يهديهم
ورسالة إلى كل أخت ربي يهديكم لا تفتنوا الشباب ربي يهديكم
والسلام عليكم

[nesrina10]

ربي يكون فالعون أخي مشكل الخدمة راه مشكل عام وانت حاول تعمل اي شيء ماشي شرط بالشهادة نتاعك
لازملك الصبر
وزيد مادام لحقت وخممت فالحرق انا نقولك اسمحلي ولكن لازم تجدد ايمانك وتقويه
ادا كل واحد يواجه مشكل بالحرق نحرقو الدزاير بلي فيها ونتهناو
يا اخي ربي يهديك ويثبتك اصبر واستعن بالله
اما مشكل البنات ربي يهديهم هادا واش نقول
ربي يفرج عليك

[z.abdo]

علابالك واش راه المسؤولين واش راهم يديرو الفوق ولا ما علابالكش كي تعرفي تخمي باش تحرقي الدزاير كامل

[z.abdo]

ربي يكون فالعون أخي مشكل الخدمة راه مشكل عام وانت حاول تعمل اي شيء ماشي شرط بالشهادة نتاعك
لازملك الصبر
وزيد مادام لحقت وخممت فالحرق انا نقولك اسمحلي ولكن لازم تجدد ايمانك وتقويه
ادا كل واحد يواجه مشكل بالحرق نحرقو الدزاير بلي فيها ونتهناو
يا اخي ربي يهديك ويثبتك اصبر واستعن بالله
اما مشكل البنات ربي يهديهم هادا واش نقول
ربي يفرج عليك
على كل مشكورة بصح كي تعيشي الواقع وتشوفي بعينك واش راه يصرى التلاعب في التوظيف نظن يكون عنك راي آخر
ونقلك حاجة اختي الهدرة ساهلة بصح الواقع راه مر اختي مش كيما راكي تهدري
اما عن حرق الجزائر ذاك كلامك انتي انا على الأقل قلت نحرق روحي

[- بصمة خير -]

ياأخي لا أملك غير الدعاء لك

و نصيحة الدعاءءءء لله خصوصا في اخر الليل و في وقت الاذان

قبل الفجر بنص ساعة نوض و ادعي و ادعي و ادعي و ربي يفرج همك ان شاءءءءء الله في القريب

ربي يرزقك العمل المناسب و يبعد عليك الفتن و يرزقك الزوجة الصالحة يييييييارب

و الدعاء السحر من أجل الزواج

رب إني لما أنزلت إلي من خير فقير

ششاركو معنا >> http://www.djelfa.info/vb/showthread.php?t=826130

ربي يوفق و صلو على الحبيب المصطفى

[ناصرالدين الجزائري]

لكن قررت لن أخرج من البيت إلا من أجل الضروريات بسبب فتنة البنات

كان الله في عونك اخي ...

لا أظن أن البقاء في البيت هو حل لمشكلتك ..
فمشكلتك الأولى هي العمل .. لذا عليك بالسعي و اتخاذ الأسباب ..
و لا يهم إن كان العمل يناسب شهادتك .. المهم أن تعمل اي شئ ( بريكولاج ) حتى يفرج ربي و تجد منصب عمل يلائمك ...
أما الفتنة فهي موجودة في كل مكان .. فعليك بغض البصر و ملازمة الصالحين ..
هذا ما أظن و الله تعالى أعلم ...

و بالتوفيق إن شاء الله ...

[samir 1990]

قرار المكوث في البيت إنساه و شطب عليه نهائيا إسعى في البحث عن العمل و توكل على الله عند خروجك في البحث عن العمل قال تعالى : " وَمَن يَتَوَكَّلْ عَلَى اللَّهِ فَهُوَ حَسْبُهُ " (الآية 3 سورة الطلاق ) وأكثر من الإستغفار و الدعاء .

والله فكرت اليوم والواحد يحرق روحو كيما دار الشاب التونسي
لو تفعل هذا يعني أنت فشلت في الإختبار الله سبحانه و تعالى يبتليك لتتقرب منه و الشيطان يزين لك المعصية تنتحر تخسر الدنيا و الآخرة يارب يكون حبك لله أكثر من حبك للدنيا لا تيأس

[BAROUD]

Moi aussi je suis comme toi exactement
rabi 5ir

[عُضو مُحترم]

قاع رانا هكذاك

ربي يجيب ساعة الخير

و تجينا فرصة للهجرة و نخلوهالهم

[دعاء شيماء]

لازم تعرف بلي اغلبية الشباب عايشين نفس المشكل
ومالازمش تخليه ياثر عليك لازم تكون اقوى
واحد مازاد الخدمة في يدو
لازم نتمرمدو ونتعذبو حتى نكرهو باش نلقاو
كيما كرهولك حياتك كرهلهم حياتهم بالملفات وراهم والزمن طويل
الحال راح يتغير بشكل او اخر
المهم لازم تكسب ثقة نفسك
اما بشان البنات وعلاش تظن بلي فتنة تقدر تحول الموقف لصالحك
انت الله يبارك في سن المناسبة للزواج بشكل او اخر لازم تتزوج
ممكن تكون شريكة حياتك سبب في اعطاء الامل والتفكير في المستقبل بشكل ايجابي

[أم البراء السلفية]

السلام عليكم ورحمة الله وبركاته
اولا ربي يوفقك وتلقى الخدمة ان شاء الله
اكثر من الصلاة والدعاء اكيد ربي مايرجعكش
وبالنسبة للفتاة
واش رايح تعمل الفتنة انتشرت رغم انو ربي سبحانو قال وقرن في بيوتكن ولا تبرجن تبرج الجاهلية الاولى
قالها للنساء لا للرجال
واش رايح اتدير ياخى
وانت راك في سنت الزواج تزوج لكي تتفادى الفتنة
اكثر من الدعااء والله الموفق
:)

[z.abdo]

السلام عليكم أخوتي وشكرا على ردودكم جميعا وحاب أوضح لكم بعض الكلام
أولا كاين أخت قالت باللي راني فيسن الزواج ولا زم نتزوج صح عندك حق لكن اين مصاريف الزواج اين السكن كي تمرض الزوجة نتاعك كيف راح تعالجا
كاين أخ قالي باللي فكرة تقعد في البيت خطأ شكرا لك لكنك لم تقهمني جيدا أنا لما قلت نقعد في البيت يعني مش راح ما نحوسش على عمل انا قلت يعني إذا معنديش ضوروة باش نخرج بالبيت لا اخرج من أجل الفتن وطبعا العمل انا اللي نحوس عليه مش هو اللي يجيني للدار
أما بالنسبة كاين أخ أو أخت قالت لازم تغض البصر عندك حق بصح راني فهمتك واش صرالي البارح في مكتب التشغيل انا غاض بصري والبنت حابة تحكي معايا يعني هي تجي ليا. فهمتيني دركا
أما بالنسبة فكرة الحرق طبعا هذا كلام في حالة غضب طبعا مش الواحد راح يحرق روحو صح
على كل حال كلكم مشكورين على ردوردكم وكل ردودكم والله خففت الغضب
لكن مــــــــــــــــــــــــاعدا واحدة فقط اسمها nesrina10
رد نتاعها كي قريتو .مكانتش راح نحرق روحي صح بصح دركا نحرق روحي
والسلام عليكم

[z.abdo]

ياأخي لا أملك غير الدعاء لك

و نصيحة الدعاءءءء لله خصوصا في اخر الليل و في وقت الاذان

قبل الفجر بنص ساعة نوض و ادعي و ادعي و ادعي و ربي يفرج همك ان شاءءءءء الله في القريب

ربي يرزقك العمل المناسب و يبعد عليك الفتن و يرزقك الزوجة الصالحة يييييييارب

و الدعاء السحر من أجل الزواج

رب إني لما أنزلت إلي من خير فقير

ششاركو معنا >> http://www.djelfa.info/vb/showthread.php?t=826130

ربي يوفق و صلو على الحبيب المصطفى

بارك الله فك أختى والله راني محتاج للدعاء وكلامك يشفي الغليل

[z.abdo]

ربي يكون فالعون أخي مشكل الخدمة راه مشكل عام وانت حاول تعمل اي شيء ماشي شرط بالشهادة نتاعك
لازملك الصبر
وزيد مادام لحقت وخممت فالحرق انا نقولك اسمحلي ولكن لازم تجدد ايمانك وتقويه
ادا كل واحد يواجه مشكل بالحرق نحرقو الدزاير بلي فيها ونتهناو
يا اخي ربي يهديك ويثبتك اصبر واستعن بالله
اما مشكل البنات ربي يهديهم هادا واش نقول
ربي يفرج عليك

والله كلامك يزيد يقليق مش يريح الواحد خصوصا لما قلتي
اسمحلي ولكن لازم تجدد ايمانك وتقويه

[z.abdo]

السلام عليكم ورحمة الله وبركاته
اولا ربي يوفقك وتلقى الخدمة ان شاء الله
اكثر من الصلاة والدعاء اكيد ربي مايرجعكش
وبالنسبة للفتاة
واش رايح تعمل الفتنة انتشرت رغم انو ربي سبحانو قال وقرن في بيوتكن ولا تبرجن تبرج الجاهلية الاولى
قالها للنساء لا للرجال
واش رايح اتدير ياخى
وانت راك في سنت الزواج تزوج لكي تتفادى الفتنة
اكثر من الدعااء والله الموفق
:)

بارك الله فيك لكن ما عنديش الدراهم باش نتزوج ولا السكن

[z.abdo]

في البحث عن العمل قال تعالى : " وَمَن يَتَوَكَّلْ عَلَى اللَّهِ فَهُوَ حَسْبُهُ " (الآية 3 سورة الطلاق ) وأكثر من الإستغفار و الدعاء .

والله فكرت اليوم والواحد يحرق روحو كيما دار الشاب التونسي
لو تفعل هذا يعني أنت فشلت في الإختبار الله سبحانه و تعالى يبتليك لتتقرب منه و الشيطان يزين لك المعصية تنتحر تخسر الدنيا و الآخرة يارب يكون حبك لله أكثر من حبك للدنيا لا تيأس

بارك الله فيك أخي

[امبراطور البحر1]

اعلم انك لست الوحيد وكيما يقولوا اذا عمت خفت استطيع ان اعطيك بعض الحلول لكنها تعمل كمسكنات مايلبث ان يذهب مفعولها لان وصلنا الى وقت البطالة تعني الانحراف اذا لم يتمالك الانسان نفسه فكل شيء يشجع على الانحراف . اعمل ي عمل يكون شريف حتى تجد وظيفة تناسبك فالعمل يستنفذ ما للانسان من طاقة تخفف عنك التفكير في البنات حتى يرزقك الله الزوجة التي تعفك. بلاد هذه صماطت

[حميدو09]

ربي يكون في عونك
إن مع العسر يسرا

[z.abdo]

بارك الله فيكم

[mamia20]

السلام عليكم ياخي استعن بالله و لاتقطع رحمة الله ان الله مع الصبرين لا تقنط من رحمة الله دائما توكل على الله سبحانه و ان شاء الله سوف يجعل لك مخرجا و يفرج كربتك امين و غض بصرك عن الفتياة و لا تعطي لهم اهمية جزاك الله الف خير

[sarl02]

عموما ربي افرج عليك وعلى جميع المومنين ....بصح اخي كون جيت ليسانسي واتقولي عندي 10 سنين شوماج نعذرك لان مجال العمل مربوط بالعمل في الوظيف العمومي والا فالبطالة لا محالة ...لكن مهندس دولة ؟؟؟ عندك عدة مجالات تقدر تخدم فيها من غير الوظيف العمومي طبعا كالقطاع الخاص مثلا والله يوجد بعض التخصصات جد مطلوبة وياجور مغرية وما اتحوسش على خدمة الدولة نهائيا ...وانا شخصيا لي عدة اصدقاء مهندسين وفي مختلف المجالات والله واحد فيهم ما راه شوماج والمخير فيهم ما اقعدش 6 اشهر بعد التخرج ..صح ما راهمش خدامين فالوظيف العمومي واغلبيتهم فالقطاع الخاص كمكاتب الخبرة الهندسية والمعمارية والبعض منهم راه عند بعض المقاولين الكبار في مجال الكهرباء و البناء و والري والميكانيك وكلهم راهم لباس بيهم والي فرضو ارواحهم فالميدان وكانو اكفاء والله لحق الاجر الشهري تاعهم 5 و 6ملاين سنتيم وسيارة جديدة يتنقل فيها...........عموما اسعى وربي اعينك ...سلام عليكم.

[شيراز 208]

و قل كذالك رسالة الى كل الشباب لا تتحرشو في البنات و غضو النظر

[z.abdo]

عموما ربي افرج عليك وعلى جميع المومنين ....بصح اخي كون جيت ليسانسي واتقولي عندي 10 سنين شوماج نعذرك لان مجال العمل مربوط بالعمل في الوظيف العمومي والا فالبطالة لا محالة ...لكن مهندس دولة ؟؟؟ عندك عدة مجالات تقدر تخدم فيها من غير الوظيف العمومي طبعا كالقطاع الخاص مثلا والله يوجد بعض التخصصات جد مطلوبة وياجور مغرية وما اتحوسش على خدمة الدولة نهائيا ...وانا شخصيا لي عدة اصدقاء مهندسين وفي مختلف المجالات والله واحد فيهم ما راه شوماج والمخير فيهم ما اقعدش 6 اشهر بعد التخرج ..صح ما راهمش خدامين فالوظيف العمومي واغلبيتهم فالقطاع الخاص كمكاتب الخبرة الهندسية والمعمارية والبعض منهم راه عند بعض المقاولين الكبار في مجال الكهرباء و البناء و والري والميكانيك وكلهم راهم لباس بيهم والي فرضو ارواحهم فالميدان وكانو اكفاء والله لحق الاجر الشهري تاعهم 5 و 6ملاين سنتيم وسيارة جديدة يتنقل فيها...........عموما اسعى وربي اعينك ...سلام عليكم.

والله كلامك في الصميم أخي وبارك الله فيك

[موجو جوجو]

الرجاء الكتابة باللغة العربية

[***star***]

افتحbureau d'étude
ابدا غي ب les plans نتاع الشعب ماديرش لي سوميسيو نتاع لي بروجي لكبار
لازملك ميكرو +برنامج اوتوكاد+روبو+ساp+..
والتيراج دير عند واحد عنده تراسور
والدفع يكون مسبقا باه تقدر تخدم
ولا دير اسويفي نتاع كاش حاجة
اناس هكا بدات
ولا شوف كاش منصب تاع استاد في ه.م في ليسي حتى يفرج عليك ربي
بالتوفيق اخي

[z.abdo]

افتحbureau d'étude
ابدا غي ب les plans نتاع الشعب ماديرش لي سوميسيو نتاع لي بروجي لكبار
لازملك ميكرو +برنامج اوتوكاد+روبو+ساp+..
والتيراج دير عند واحد عنده تراسور
والدفع يكون مسبقا باه تقدر تخدم
ولا دير اسويفي نتاع كاش حاجة
اناس هكا بدات
ولا شوف كاش منصب تاع استاد في ه.م في ليسي حتى يفرج عليك ربي
بالتوفيق اخي

بارك الله فيك أخي

[نسمة الكبرياء]

السلام عليكم

فرج الله على جميع المسلمين آمين رب العالمين

لكن لدي رأي في هذا الموضوع و اتمنى تقبله في الحقيقة عندما ندرس في الجامعة صحيح نتمنى ان نحصل على عمل في تخصصنا لكن من جهة أخرى الجامعة تعلمنا كيف نتعامل مع الحياة بمعنى ان الانسان عندما يدرس يستطيع ان يخوض اي مجال دون ارتكاب اخطاء فادحة و التي يكون سببها الرئيسي جهل الانسان

لذى يا أخي لا تنتظر من الدولة ان تمنحك الفرصة بل اصنعها بنفسك قمت بدفع ملفات لا بأس لكن لا تجعل مصيرك مرهون بهذا الامر

بل ابدء من الصفر لا بأس لن تخوض عالم التجارة و لو برأس مال صغير جدا توجه نحو أسواق الجملة ابحث عن سلعة رائجة اشتري و عاود البيبع بالفائدة و هكذا

الوضع يتطلب بعض الشطارة و التعب لكن مع الوقت ستجد نتيجة قم بكراء محل و طور العمل خطوة بخطوة انسى الشهادة لبعض الوقت لكن ليكن علمك هو السلاح لكي لا تقع ضحية للنصب و الاحتيال

هناك الكثير من الحلول البديلة عن عمل الدولة و مع الوقت ستكتشف انك في الطريق الصحيح نحو المستقبل لا أدري ان كانت رسالتي واضحة لكن على الانسان ان لايتوقف امام العثرات و الا فلن يتقدم ابدا

اتمنى للجميع التوفيق

[khado586]

و قل كذالك رسالة الى كل الشباب لا تتحرشو في البنات و غضو النظر
sah 100/100

[z.abdo]

السلام عليكم

فرج الله على جميع المسلمين آمين رب العالمين

لكن لدي رأي في هذا الموضوع و اتمنى تقبله في الحقيقة عندما ندرس في الجامعة صحيح نتمنى ان نحصل على عمل في تخصصنا لكن من جهة أخرى الجامعة تعلمنا كيف نتعامل مع الحياة بمعنى ان الانسان عندما يدرس يستطيع ان يخوض اي مجال دون ارتكاب اخطاء فادحة و التي يكون سببها الرئيسي جهل الانسان

لذى يا أخي لا تنتظر من الدولة ان تمنحك الفرصة بل اصنعها بنفسك قمت بدفع ملفات لا بأس لكن لا تجعل مصيرك مرهون بهذا الامر

بل ابدء من الصفر لا بأس لن تخوض عالم التجارة و لو برأس مال صغير جدا توجه نحو أسواق الجملة ابحث عن سلعة رائجة اشتري و عاود البيبع بالفائدة و هكذا

الوضع يتطلب بعض الشطارة و التعب لكن مع الوقت ستجد نتيجة قم بكراء محل و طور العمل خطوة بخطوة انسى الشهادة لبعض الوقت لكن ليكن علمك هو السلاح لكي لا تقع ضحية للنصب و الاحتيال

هناك الكثير من الحلول البديلة عن عمل الدولة و مع الوقت ستكتشف انك في الطريق الصحيح نحو المستقبل لا أدري ان كانت رسالتي واضحة لكن على الانسان ان لايتوقف امام العثرات و الا فلن يتقدم ابدا

اتمنى للجميع التوفيق

بارك الله فيك رسالتك واضحة أختي