راح نهبل من تصرفات امي ساعدوني ارجوكم

[مشكلتي]

السلام عليكم و رحمة الله

انا فتاة عمري 21 سنة اعاني من تصرفات امي معي و في بعض الاحيان احس انني لست ابنتها و الله في البيت حاجة ما تخدمها انا ندير كلش و الحمد لله ما ناقصة لا عليها و لا على دارنا بحاجة و لما نجي نهدر معاها تولي غير تسب فيا و تدعي عليا و مع انو انا و الله ما ندرها بكلمة ما فهمتش كيفاش ندير معاها ولات تتصرف تصرفات انا و بابا و اختي ننخلعوا فيها هاملة دارنا كامل و لوكان ماشي انا تضيع دارنا تروح عند ماني تنسا روحها و بابا ما صاب واش يهدر معاها لانو يما يتيمة الاب و كذا ماني امراة كبيرة فالسن ما يحبش كاش ما يصرا فيها و بابا يحمل الذنب هدرنا معاها عيينا نفهموا فيها ما حبتش تفهم ما علاباليش واش ندير دايمن نصلي و ندعيلها ربي يهديها مي والو راح نهبل ما فهمتش واش راهي حابة منا انصحوني لوجه ربي و جزاكم الله خيرا نا شاء الله

[- بصمة خير -]

و الله ماعندي حل

و لكن حبيت ننصحك بالصلاة في اخر الليل و الدعاء و ربي يجيب اللي فيه الخير

ربي يوفق و صلوا على الحبيب المصطفى

[سامو نور]

عليكم بتدخل أحد الأقارب الدي يمكن أن يقنعها .الله يهديها

[sissi123]

نعرف حالة مثل حالتك امهم كانت طبيعية جدا ثم تغيرت و اصبحت لا تطاق تضرب

تسب تشتم وصل بها الحال لغاية عض بناتها من شدة الغضب بدون اسباب

حتى قاموا برقيتها واتضح انو كان عندها سحر و العياذ بالله .و الان شفيت

[kamel76]

الدعاء الدعاء الدعاء الدعاء الدعاء

[nesrina10]

أختي التجئي الى الله وأكثري من القرآن في البيت وادعيلها خاصة فالثلث الاخير من الليل
وكي تشوفيها هادنة احكي معاها
واصبري عليها راها يماك
ربي يفرج عليكم

[حسنات21]

هل تصرفاتها سيئة معك انت فقط ام مع الجميع ؟؟

[خولة لبابة]

عليكي بقيام الليل و الدعاء لرب العالمين.و ان شاء الله يهديها و يهدي كامل المؤمنين و المؤمنات.

[زهور الياسمين]

اختي

بلاك عندها مشكل ديوها لطبيب نفساني تتلقى المساعدة هناك
ربي يحسن عونك

[fatehdz]

استغلي لحظات وجودك بالقرب منها ... فهي نعم القريب والجنة تحت قدميها وانظري الى سبب نفورها منك فلعل العلة فيك

[حسينة 36]

الدعاء لها ولكم جميعا بالهداية والصبر

ربما امك في سن اليأس لهذا تحصل معها هذه الامور ؟

او ان طبيعتها من قبل هكذا ؟

ربي يشافي ويعافي ويهدي ويستر ان شاء الله

[بنت الباهية]

اصبري عليها هادي أمك و الا ما ستحملتيهاش انت شكون بيها
ممكن عندها مشكل ما باباك و انت تحسك في صف باباك على هديك تعاملك هاك
مرات المرءة كي تكون عندها مشكل خاصة جدا مع زوجها و ماتقدرش تبوح بيها و ما يفهمهاش تصاب بحالة من الكآبة
و تهمل بيتها
ادعيلها ربي يهديها و حاولو تفهموها

[السيدة كرمين]

السلام عليكم و رحمة الله

انا فتاة عمري 21 سنة اعاني من تصرفات امي معي و في بعض الاحيان احس انني لست ابنتها و الله في البيت حاجة ما تخدمها انا ندير كلش و الحمد لله ما ناقصة لا عليها و لا على دارنا بحاجة و لما نجي نهدر معاها تولي غير تسب فيا و تدعي عليا و مع انو انا و الله ما ندرها بكلمة ما فهمتش كيفاش ندير معاها ولات تتصرف تصرفات انا و بابا و اختي ننخلعوا فيها هاملة دارنا كامل و لوكان ماشي انا تضيع دارنا تروح عند ماني تنسا روحها و بابا ما صاب واش يهدر معاها لانو يما يتيمة الاب و كذا ماني امراة كبيرة فالسن ما يحبش كاش ما يصرا فيها و بابا يحمل الذنب هدرنا معاها عيينا نفهموا فيها ما حبتش تفهم ما علاباليش واش ندير دايمن نصلي و ندعيلها ربي يهديها مي والو راح نهبل ما فهمتش واش راهي حابة منا انصحوني لوجه ربي و جزاكم الله خيرا نا شاء الله







حبيبتي



والدتك انسانة طبيعية جدا

وتحبك جدا وتهتم لعائلتها

وأنا جد متأكدة من هدا لأني أم

يوم تصبحي أم ان شاء الله ستعلمين ما يعنيه انجاب طفل

ورعايته و الخوف عليه و السهر عليه

قلقت من عدم مساعدتها لك في أعمال المنزل

هي رعتك كل تلك السنوات ولم يساعدها أحد

دون أن تتذمر

ما تعمليه في البيت هو واجبك نحوه ونحو عائلتك

لأنك لو خدمتها طوال عمرك لن توفها حقها أبدا


أرجع لتصرفات أمك


ابنتي والدتك تمر بمرحلة اسمها سن اليأس

وهي مرحلة صعبة جدا على المرأة

هل تذكرين أيام بلوغك و ألام الحيض و حالتك النفسية

هي تحس ذلك أضعافه ثلاث مرات وربما أكثر

هي تحتاج للرعاية لا الشفقة

هي تحتاج للاهتمام لأن المرأة عندما تفقد الاهتمام في هذا السن

تبدأ تتصرف بصبيانية وربما لا مبالات حتى تجلب الاهنظار لها

وربما بعنف

وربما بلبس ملابس غير مناسبة لسنها

حتى تبدو أصغر

وربما بنوم دائم

وربما خروج دائم من المنزل أو عزلة أو....

حبيبتي لا يخبرها أحد بحالتها وهذا تقدرونه أنتم حسب مدى وعيها

لا تحدثوها عن تغير تصرفاتها لأنه سيزيد من حالتها

لا تتهامسوا أمامها


فقط اهتموا بها


والدك وهو المطالب الأول بشملها بحنانه

أقيمو من أجلها حفلة صغير

اشترو لها هدية............... لن تعدمي الطريقة

أو أشياء بسيطة اخبريها أنها من أجلها

اخبريها أو يخبرها أنه وجد - الهدية - فقال انها تليق لها

حضري لها تيزانة النعناع و البابونج

اسأليها قبل نومها ان كانت تحتاج لشئ

اخرجي معها

اهتمي بما تحب

شاوريها في أمور تخصك

اطبخي أطباق تحبها واخبريها أنك فعلتي ذلك من أجلها

انصحك حبيبتي بالبحث في النت عن مواضيع تخص سن اليأس

ان كانت والتك بالوعي الكافي اجعليها تقرأها والا فلا

المهم عزيزتي تذكري

أن


الحنان مفتاح كل القلوب

[مريم الصابرة]

السلام عليكم أختي أولا إنت ربي يجازيك كملي واجبك معاها مها دارت هذي هي الأم ومهما قسى قلبها يبقى أحن قلب فالدنيا إدعيلها ربي يهديها ولازم الوالد نتاعك يدخل وإرقيوها رقية شرعية وربي إن شاء الله يفرج عليها وعليكم وإنت إصبري ربي راح يجازيك يجي نهار تولي أم ربي يوفقك

[فتـ حييةـاة]

بعد كلام اختي karmine30ماعندي مانزيد يعطيك الصحة اختي
انا مستعدة ننزع عينيا ونمدهم لامي لو احتاجتهم الله يحفظ جميع الامهات ويرحم الاموات


الام .......مهما فعلنا لن نوفيها حق ليلة سهرتها من اجل مرضنا ونحن صغار

[السيدة كرمين]

بعد كلام اختي karmine30ماعندي مانزيد يعطيك الصحة اختي
انا مستعدة ننزع عينيا ونمدهم لامي لو احتاجتهم الله يحفظ جميع الامهات ويرحم الاموات


الام .......مهما فعلنا لن نوفيها حق ليلة سهرتها من اجل مرضنا ونحن صغار

الله يخليك حبيبتي. كل ماقلته صواب الله يحفظ والدتك ويديمك بارة لها :19:

[دعاء شيماء]

اكيد امك تعرفي واش هي عقليتها
اذا كانت طبيعتها دايما هكذا لازم توالفيها وتديري باش ترضيها
الام ددائما كي توصل لمرحلة الياس تتغير طباعها وتكيما تديريلها مترضاش
انا ساعات نقلق ونروح نقعد وحدي ونخمم
لكن اذا درتيلها واش تحب راح ترضى
لازم تتحمليها لانها امك ودليل تصرفاتها على انها تموت عليك بصح متحبش تبين

[mirou.15]

غير سايريها برك راك ماماك و دعيلها برك ما كان والو ان شاء الله ربي يحفظهالك و يخلي حسها في داركم برك هدا هو المهم

[mimiamimi2012]

والله يا اختي ربي يهديها شوفو كاشما ترقيوها او ربي ايجيب لي فيه الخير

[ليديان]

قد تكون تصرفاتها طبيعية و انتم ترونها غير ذلك

و اذا كان الامر كما قلت فعليكم ان تتحملوها و تصبروا عليها فقد تكون نفسيتها متعبة

كل شخص يعرف مالذي يرضي والدته انظروا في الذي يرضيها و قوموا به و لا تجادلوها في ما تقوله او تقوم به معكم

هذا ما انصحك به اختي فاطيعيها و اكثري من الدعاء

و قل ربي ارحمهما كما ربياني صغيرا

[ويبقى الأمل]

مهما كان راهي أمك أختي واصبري لأن هذا ابتلاء من الله سبحانه وتعالى .