مشكلة طلاق [الأرشيف] - منتديات الجلفة لكل الجزائريين و العرب

مشاهدة النسخة كاملة : مشكلة طلاق

مشكلتي

2011-12-31, 11:32

السلام عليكم و رحمة الله و بركاته

عمري 20 سنة تزوجت منذ 6 أشهر و أنا على طريق الطلاق

المشكلة ماتفاهمتش مع زوجي من النهار الأول و أنا في المشاكل معاه قعدت عندو شهريين فقط و الباقي في دارنا

فتنا للشرع و فوتنا جلسة الصلح

و الحكم ان شاء الله يخرج نهار الخميس هادي و أنا مارانيش حاملة نعيش بلا راجلي توحشتو بزااااااااف و مانقدرش نعيش بلا بيه
و مواليا ماخلاونيش نولي بما أنه العيش مع مستحييييييييييل لاخارش موسوس لأتفه الأسباب عمرو 34 سنة و انا ماتصورتش حياتي نعيشها مع واحدوخر الله غالب ماقدرتش نعيش بلا بيه و قلتلو بصح ماقدرت ندير والو لازم نطلب جلسة الصلح أخرى بصح أبي ماحبش ماخلانيش نولي ساعدوني من فضلكم كيفاش ندير نحبو بزاف مانقدرش نفارقو
ماتقولوليش شوفي كاش واحد من عائلتك يهدر مع باباك خاطر كامل راه ضدو و كامل ماحبونيش نولي و انا راني حابة نولي بصح مارانيش حابة نخسر مواليا

ساعدووووووووووووني من فضلكم قبل الخميس

جوهرة الغرب.

2011-12-31, 12:30

لاحول ولا قوة الا بالله العلي العظيم
والله حيرتيني الطلاق يهتز له عرش الرحمن فمابالك بقلبي انا لااعرفك ولكن كان من الافضل عدم اللجوء الى الطلاق ...
انت لم تذكري من طلب الطلاق وهل حاولتي التكلم مع زوجك ومعرفة نقاط الاختلاف ؟؟؟؟؟؟؟؟؟؟؟ لاحول ولاقوة الا بالله
هذا هو خطأ الاهل يزوجون بناتهم وهن صغيرات عن تحمل المسؤولية ثم يجبرهن على الطلاق ....لاحول ولاقوة الا بالله
لي عودة في الموضوع ان شاء الله

aout 77

2011-12-31, 12:46

لمستغانمية

2011-12-31, 12:50

ياختي الحب ماهوش كافي الى راكي عارفة بللي العيشة صعيبة و مستحيلة مع زوجك غير تفارقو دروك مادام ماكانش بيناتكم الدراري لانهم هوما الضحية الوحيدة ويلا راكي عارفة بللي هي مجرد مشاكل وتفوت و قادرة تصبري معاه وللي و اصبري .....في جلسة الصلح تكوني غير انتي وهو...والديك ما دخليهمش في الموضوع لانها هادي حياتك فكري مليح و صلي صلاة الاستخارة و خدي قرارك

fifi180

2011-12-31, 12:51

انا الومك اختي قليلا لانك تركتي الاهل يتدخلون لو تحملتي قليلا لان السنة الاولى من الزواج اصعب سنة تتعرفين على زوجك اكثر والمحكمة كانت لتكون اااااااااااخر حل الصلح اولا
لا املك غير الدعاء لك يارب اصلح شانها

شيراز 208

2011-12-31, 13:02

وانتى يا اختى كي وليتى تحبى راجلك كيما هك علاش وصلتى المشكلة اصلا لداركم كون خليتيها غير بيناتكم كي مقدرتيش معناها رح تتكرر تبعى باباك خير اذا وليتى بلا ما يرضا باباك رح ترجعو تتخاصمو هداك الوقت لمن تروحى و شكون بيك

meriem04

2011-12-31, 13:23

astakhiri rabi wkhaliha 3lih alah yhadi balak

nilly

2011-12-31, 13:52

لا حول ولا قوة الا بالله ربما يااختي والديك راهم حابين مصلحة نتاعك بصح لكان فريتي مشاكلك بينك وبين راجلك قبل متوصلها الطلاق وقبل ماتوصلوها لتدخل الاولياء. انا مرانيش عارفة حجم المشاكل لبيناتكم على هذا منقدر نقول والوا . صلي صلاة الاستخارة ورب ان شاء الله ينورلك طريقك
رب يكون معاك ويوفقك الى احسن الاحوال .

صُبح الأندلس

2011-12-31, 14:27

من تحب زوجها تصبر عليه لا أن تذهب لبيت أبيها و تحكي لهم كل مساوئه و بعدها تنتظر أن يرجعوها له ؟ الزواج ليس لعبا يا أختي معذرة و لكن هذه مساوئ الزواج مبكرا بنات اليوم السن المناسب لها 22 سنة فما فوق حتى تكون ناضجة و متحملة للمسؤولية لا أن تغضب عند أول مشكلة و تقصد بيت أبيها ثم ترجع ثم تغضب و هكذا و في كل مرة طفل في يدها
أنت الآن بين نارين أنت سببها ، أن تخسري زوجك أو تخسري أهلك الذين قد يتبرأون منك و إن طلقك زوجك لن تجدي أين تذهبين
بالنسبة لجلسة الصلح سيستمع القاضي لك و له فقط و لذلك إن كنت تريدين العودة إلى زوجك فأخبري والديك بأن القاضي أمرك بالرجوع إلى بيت الزوجية و أنت مجبرة على الرجوع لأنك إن لم ترجعي تسمين ناشزا و تفقدين كل حقوقك و ليس بعيدا أن تدفعي له تعويضات هكذا ربما يقتنع أهلك

- بصمة خير -

2011-12-31, 15:04

انت كي راكي تحبيه لاه روحتي تشكي لداركم ؟؟

حل واحد اهدري مع ماماك و باباك قوليلها مانيش حابة نطلق و عمري 20 سنة مازولت صغيرة خلوني نزيد شوي و من بعد يفرج ربي
و انت في هذه الفترة لازم تتبدلي و يتبدل هو و ماتزيديش تحكي لداركم عللى المشاكل تاعك

ربي يوفق و صلوا على الحبيب المصطفى

~~ أغيلاس ~~

2011-12-31, 15:14

و عليكم السلام و رحمة الله و بركاته .

أغلب الطلاق يكون بسبب المشاكل التي تكون في الاشهر الأولى من الزواج، و على الزوجين أن يصبرا قليلا على بعضهما البعض .

و المرأة العاقلة لا تقص كل صغيرة و كبيرة عن زوجها لأهلها و كذلك لا تقص ( تحكي ) كل صغيرة و كبيرة عن أهلها لزوجها لكل بيت اسرار و إذا أفشيت هذه الأسرار فلن يكون هناك احترام بين العائلتين، و أكره ما أكرهه أن تقوم الزوجة بإفشاء كل اسرار زوجها حيث أن إخوتها و أخواتها و والديها يعلمون كل صغيرة و كبيرة عنه هذا غباء ما بعده غباء، و لاحظت هذا في قريباتي .

أما بخصوص المشاكل فليست كل مشكلة مع الزوج تُحكى للأم، خاصة و إن كانت تافهة .

تقولين بأن زوجك موسوس لأتفه السباب، صراحة لا أظن ذلك و ليتك أعطيتنا أمثلة لنرى هل زوجك موسوس فعلا، ربما زوجك جدي أما أنت فتقومين بأعمال صبيانية تزعجه، و لم تذكري هل تعيشين بمفردك أم مع والدته، إن كنت تعيشين مع والدته فديريها كيما يماك، اخدمي الشغل تع الدار و ما دخلكش في خياتو ( إذا كان عندو خيات ) .

و ايضا أَرّزني روحك شوية و كوني عاقلة ( رزينة ) اوزني الهدرة قبل ما تهدري، و الكلام الزايد اخطيك منو .

ننصحك نصيحة ( كي اختي ) إياك و إياك تطلبي الطلاق حتى لو كان يزعفو ماليك، الزعاف يروحلهم، و بعد الطلاق و الله غير تبكي و تبكي و ما ينفعكش البكا، من خلال كلامك يطهر أنك تحبي زوجك و أنه قابل يرجعك، ما تضيعيش الفرصة و ما تخليهاش تروح من يديك .

ارجعي لزوجك و كوني بعد الرجوع زوجة تقدر الحياة الزوجية، أما أهلك فبعد رجوعك سينسون كل المشاكل و ستعود المياه إلى مجاريها .

سجل أنا جزائري

2011-12-31, 15:23

يا أختي 4 أشهر في داركم و شهرين في دار زوجك في عام الأول من زواجكم

نشوف نتي اللي غالطة

بالك كي عدتي صغيرة ما قدرتيش تتحملي مسؤولية الزواج و زوجك ما رعاش سنك

المهم اذا مستعدي لتحملي المسؤولية كيف ما كان روحي تكلمي مع زوجك مباشرة هذا هو الحل و الا كل واحد يروح في طريق

الواثق

2011-12-31, 15:35

اذا كنت تحبيه اسمحي في حقك معاه ...................وحتى لو ضلمك لانو هذا ثمن الحب بين الازواج ..........هو يسمح وانت تسمحي ..........................المهم انكي ماتسمحيش في حدود الله اما غيرها اسمحي اسمحي اسمحي ..................والله اعلم

nesrina10

2011-12-31, 16:17

كان الله في عونك أختي
أختي أظن ان الاهل يريدون مصلحة بنتهم خاصة الوالدين ونتي بالاك كي جيتي زعفانة هدرتي عليه وعلى المشاكل بزاف حتى عمرتيلهم قلبهم
والقلب لي يحب ينسى لذالك نتي نسيتي وحابة ترجعي
بصح قلب الوالدين ماينساش بكاء وشكاوي بنتهم
اذا كنت متأكدة من روحك و بلي قادرة تتحملي مسؤولية قرارك
انا انصحك انك تتكلمي مع امك بصراحة قوليلها راني صغيرة وعقليتي مازالها طايشة ومحملتش نعيش بلا دارنا والمسؤولية بصح راني ناوية نبدل عقليتي ونرزان و نثقال وتعلمت بزاف من هاد الدرس وقوليلها كامل واش كاين في قلبك بلي بالاك نتي ظلمتي راجلك في لحظة زعاف وفهميها بلي ماراكيش حابة تخسريه وماراكيش حابة تحملي لقب مطلقة صدقيني الام تفهمك وراح تفهم باباك
وتاني هو راه حاب يرجعك ؟
ادا راه حاب كلش ساهل ابكي لوالديك كيما بكيتي فاللول وماتقوليش كرامة..... الزواج راه ميثاق غليظ والطلاق ابغض الحلال
ادا يحبك وتحبيه سامحيه فيما يرضي الله
وادا ماراهوش حاب يرجعك غير اخطيك راكي تزيدي تميزري روحك
وماتنشايش الاستخارة وقيام الليل والدعاء فالثلث الاخير من الليل فالله يجيب دعاء المظطر
وفقك الله وفرج همك
سلام

hano.jimi

2011-12-31, 17:46

حاولي التفاهم مع زوجكي ولا احد يستطيع التحكم فيكي المراة ليها الا زوجها صعب جدا لقب المطلقة ربي يحفضنا
ارجعي الى زوجكي وتفاهمي معه واطلبي منه التكلم مع والدك واخبري عائلتكي انكي تريد الرجوع له وانت ستتحملين المسؤولية

جوهرة الغرب.

2011-12-31, 17:52

عزيزتي مشكلة الوسواس ليست مشكلة تتطلب الطلاق لو كنت في فترة الخطوبة لقلنا ان زوجك هو المذنب لماذا؟ لانك بعيدة عنه ويغار وهذه حالة الرجال وخاصة منهم الجزائرين عندهم النيف على نساهم وهاذي حاجة مليحة ...لكنك متزوجة ومن حقه يخاف عليك وبما انك زوجته فعليك احترام قرارته مثلا اذا طلب منك المكوث في البيت افعلي...وان طلب منك ان لا تطلي من النافذة او لا تتحدثي مع الجارة افعلي..وان طلب منك عدم استعمال الهاتف افعلي ...حبيبتي هو ادرى منك ولايريد سوى مصلحتك هو يريدك لنفسه لوحده..على الاقل حتى تكسبي ثقته فمايروه الرجال في الخارج يجعلهم يتخذون حيطتهم .... اذن لاتقولي موسوس ...وعن شهادة اقول لو كل النساء المتزوجات يطعن ازواجهن في كل شيء ويحترمن كلامهم لكان مجتمعنا في احسن حال...لكن ياحسرة...
المهم لاتقطعي الامل استخيري الله وادعيه في كل وقت وسيرشدك لكل مافيه صلاح لك ....الان بقي على النطق بالحكم اسبوع اذا حكم القاضي برجوعك وهذا مانتمناه ان شاء الله فعودي الى زوجك ولا تستمعي لاي احد حتى والديك لانه زوجك وواجب عليك طاعته واحسني عشرته اختاه واصبري ان الله مع الصابرين وحاولي تثقيف نفسك كيف تتعاملين معه بذكاء وسترين انك ستنجحي ان شاء الله وتكسبين حبه ووده ...واياك وافشاء اسرارك اذا سألوك عن حالكما قولي الحمد لله نحن بالف خير ...واعتمدوا على اسلوب الحوار لحل مشاكلكما لوحدكما فقط اقول فقط ...يقلك الشكوى لربي للناس فضيحة ..
اما اذا كان الحكم بالطلاق لاتفقدي الامل فطلاق سيكون بائن بينونة صغرى ويمكنه اعادتك بعقد جديد ..من هنا استعملي ذكائك وحاولي بداية باقناع والديك باعطائك فرصة اخرى وانه ليس لديك احد يساعدك غيرهم وانك ستسعدين معه وانك ستتحملين المسؤولية فبالتأكيد هم يحبون سعادتك ..أما اذا رفضوا ابحثي عن صديقة لك او قريبة تحب لك الخير اجعليها وسيطة بينكما لاقناعه بارجاعك ...
اتمنى لك اختي العزيزة ان تعودي الى بيت زوجك وتكملي معه حياتك وان ينعم الله عليكما حياة هنيئة
لاتنسي ان المشاكل الزوجية موجودة في كل بيت فهي ملح الحياة لكن بالحكمة والتعقل تحل لا بالتهور والتسرع..
تمنياتي لك بالتوفيق

ياربي اني راضية

2011-12-31, 17:59

ختي لعزيزة حاولي بكل الطرق باش ترجعيلوا احكي معاه خليه يحلل بباك علبالي بلا تحبيه وهو متمسك بيك اكثر على حساب واش كنت تقولي والسنة الاولى زواج اصعب فترة لخاطر كل واحد في فترة الخطوبة ميبينش حقيقتواللطرف الاخر وتلقى انسان اخر حاولي بكل الطرق باه متخسريش زوجك واكيد ثاني متخسريش اماليك
وراكي مازلتي صغيرة واش اداك للطلاق درك وانا متابعة مشكلتك من قبل لخاطر علبالي شكون انت وراجلك كيا زير عليك لشدة حبوا ليك ماهوش حاب واحد اشوفك غيرووووووووا احكي معاه باه اسكوا يبدل عقليتوا واخليك تكملي قرايتك كمتفاهمتوا ولاكل واحد اروح في طريق
واكيد ماهوش رايح يتخلى عليك
وزيد اهلك اكيد يحبوك تكوني سعيدة

باهي جمال

2011-12-31, 18:10

ارجو منك ان تخبري القاضي بانك راجعة لزوجك وانك قبلت الصلح معه واخبرينا حتى نحتفل معك بالعودة ان شاء الله اما قضية اهلك فهم يشددون عليك نظرا للمبالغات التي اوجعت رؤوسهم بها من قبل وسترجع العلاقة معهم احسن

سامو نور

2011-12-31, 18:21

ارجعي الى زوجك مادام أنت راضية به و يمكنك العيش معه و تحبينه كما تقولين ولا تدعين العائلة تتدخل في مشاكلك الا ادا وصلت الأمور الى مالا تحمد عقباها = بعيد الشر = و أعلمي أن السنة الأولى من الزواج هي الأصعب ......فلا تتخدين قرارات تندمين عليها لاحقا فالمطلقة مطلقة في نظر المجتمع باأولاد أو بدونهم ؟؟؟

achwak.1993

2011-12-31, 18:23

أنصحكي بالعودة إلى بيت زوجك إذا كنت متأكدة أنكي تحبينه كما يحبك
أما إذا كان هو متخلي عليك ومتقبل الفكرة عادي فلا تخسري كرامتك

ويبقى الأمل

2011-12-31, 18:57

اختي تزوجتي من اجل الاستقرار وبناء بيت وأسرة
اذن ماتدوملك غير دارك ...اهلك ماعنهمش الحق باه يجبروك على الطلاق .
وفرضا راكي تطلقتي لا قدر الله مستعدة تتحملي اسم مطلقة في ريعان شبابك
قلتي انك تحبي زوجك ..ضحي من أجله هذا هو ثمن الحب الصبر والتضحية.
وافقي في جلسة الصلح انك موافقة ترحعي لزوجك
وافتحي صفحة جديدة عند عودتك وكوني قريبة من زوجك وتعلمي الصبر وحل المشاكل بينك وبينو
لاداعي المشاكل تخرج خارج البيت لأنك شفتي النتيجة .