بخصوص موضوع ...

[مشكلتي]

http://www.djelfa.info/vb/showthread.php?t=822305السلام عليكم رابط الموضوع الاصلي
بخصوص موضوعي المتعلق برفض البنات لي ....قرأت ملاحضات الاعضاء بارك الله فيهم و جازاهم خيرا و لي تعليق على بعضها اذا سمحتم طبعا
"اسمحلولي مانيش بيان فالعربية "
بالنسبة للاخت "منى2004"
حاب نوضح بللي راني مانعرفش كاع البنات هادو راهي الوالدة و الوالد اللي اختاروهم و انا ماجربتش من قبل
فعلا شفت فلافامي- وحدة قالتلي اسمحلي راك كي خويا مين كنا صغار مانقدرش ..
-ووحدة قاتلي راها تستنى في واحد
-ووحدة كانت راح تفرى معاها بصح حكيت معاها قالتلي وين راك ذرك قلتلها راني في موسكو و في اقرب فرصة ان شاء الله نجي باش نوضح كل شيء قالتلي بصح انا قالولي راك في روسيا علاه بدلوك ؟؟.....صراحة قلتها في امان الله يا اخت
بالنسبة للاخ " sarl02 (http://www.djelfa.info/vb/member.php?u=253454) "
يا خويا في بالك ساهل تلقى روسية مسلمة و بنت فاميليا ؟؟ ياك راهم قلال "اذا ماقلناش ماكاش "
بالنسبة للاخ abdel02 (http://www.djelfa.info/vb/member.php?u=311912)
كيفاه ندير اعلان فالجريدة يا خويا راني حاب مرأة تاع دار ماشي سلعة ؟؟؟
بالنسبة للاخت اللي تقول جيبها من الدوار "
يا اختي من مدة دروا افتتاح الفرع الثاني و حضرو زوجات الزملاء ...الاخيرة فيهم عندها شهادة دكتوراه و تحكي ب10 لغات ؟؟ راني اهم شرط قلتو للفامي تكون على الاقل تحكي الانجليزية باش تقدر تعيش تما مانيش راح نخدم مترجم ؟
بالنسبة للاخ الذي قال ربما الخطأ فيا
لا اعلم صراحة ....ربما بارك الله فيك
بالنسبة للاخوة اللي يقول ك جيبها مغربية ..روح لالبانيا ...انا اسف مي عيني في بنت البلاد :(
+ شكرا لكم
اقتراحاتكم راه المورال 0000000000000000000000000000:(

[/زهرة عصفور الجنة/]

في المسجد الذي تصلي فيه أسأل الامام عن مغتربات متدينات أكيد زوجة الامام سيكون لها علاقة بأخوات . وزيد اطلب من الاهل يبحثولك على بنات في العائلة وان شاء الله ربي يرزقك زوجة صالحة لي تفرق بين موسكو وروسيا

[فارس الجزائري]

وعليكم السلام
أخي الكريم فالتعلم أن الله لن يخيبك ما دامت النية صادقة في الزواج لأن الله قد وعد بأن يسهل الأمر لمن أراد العفاف وييسر له طريقه حتى وإن كنت قد وجدت صعوبات فقط عليك أن ترضى وسيعوضك الله خيرا بإذنه
كل ماعليك هو أن تستخير الله وتقدم الأسباب وسيضع الله في طريقك من يأخذ بيدك إلى باب زوجتك
حاول أن تبحث بنفسك ولا تنظر بعيدا فقد تكون صاحبة النصيب قريبة منك جدا ولا تنتبه لها لذلك قم بتكبير دائرة البحث ودقق في تفاصيلها
أكثر من الدعاء خاصة دعاء سيدنا موسى الذي كانت حالته كحالتك في بلاد غير بلاده فجلس ودعا الله بهذا الدعاء: ربي إني لما أنزلت إليا من خير فقير
فجاءت من تؤنس وحدته وترافق دربه لذا أكثر من هذا الدعاء وتوكل على الله وقدم الأسباب وسترزق بمن تكون أنيسك في وحدتك وكما قلت قد تكون قريبة منك ولا تنتبه لها لذا نشط ذهنك وتذكر من حولك وقدم الأسباب
بالتوفيق إن شاء الله

[فتـ حييةـاة]

ربي يسهلك يا اخي بغيت برك نقولك مشي شرط تديها جزائرية المهم تكون مسلمة

[~~ أغيلاس ~~]

و عليكم السلام و رحمة الله و بركاته .

أخي الكريم ادعي ربي و ما تيأسش و إن شاء الله ربي يرزقك بزوجة صالحة مثقفة تكون لك عونا على دنياك و آخرتك .

على حساب الخدمة تعك و الملتقيات و ما علاباليش أنصحك بأن تتزوج بفتاة على الأقل جامعية .

وحدة تتقن الانجليزية ( بش تسلك راسها لهيك ) أكيد لازم تكون جامعية، و راني معاك ما كاش كيما بنت البلاد تفهمك مليح و تبقى على صلة معا ماليها في الجزائر ( بارك الله فيك ) .

شوف أخي هذي ما تسلكها غير وحدة من أخواتك أو قريباتك وصي وحدة تشوفلك على جامعية في الجامعات القريبة من منطقتك، مثلا تروح لكاش جامعة أين يدرسون تخصص الانجليزية أو الترجمة ( اللغات عموما ) و تبحث عن أقسام السنة الرابعة ( كلاسيكي ) أو السنة الثانية ماستر ( هذو ما بقالهمش أشهر و يكملوا قرايتهم ) تلقى بزاف بنات يدرسو تشوف اللي تناسبك و تليق بيك ( و من خلال المظهر نظن يستطيع الواحد يميز نسبيا توجه البنت ) تكلمها في الموضوع و تعرف عقليتها نوعا ما و تزيد تتعرف مع أهلها إلى أن تلقى اللي تناسبك، و إلى ما كتبش ربي مع طالبة تشوفو مع أخرى،،،،،،،،،،،، و نجاعة هذه العملية يكون حسب نشاط المرأة التي كلفتها بالمهمة ( الأفضل أن تكون متعلمة و مثقفة و فطنة بش تقدر تعرف البنت اللي تناسبك ) .

لا أدري قد يبدو كلامي غريبا لكن و الله أعرف الكثير من الفتيات تمت خطبتهن من الجامعة من أناس ليسوا من أقاربهم و نجح الزواج بعد ذلك، و أعرف بعض الشباب تقدموا لخطبة فتيات من الجامعة ( لا يعرفونهن من قبل قاموا بتكليف الأم أو الأخت ) و ننجح زواجهم أيضا،،،،،،،،،، أحد الشباب أعرفه أراد أن يتزوج جامعية فاختار فتاة تدرس السنة الرابعة ( تتخرج بعد اشهر ) أرسل أخته فحدثتها و تم الإجاب و القبول و العقد الشرعي و كل شيء .

و ما تقولش ما يقبلوش بيا كي نخدم في روسيا البنات ماشي كامل كيف كيف و حتى أولياء الأمور ماشي كامل كيف كيف كاين اللي لو كان يخطبهم واحد يخدم في الخارج يموتو بالفرحة ( تعبير مجازي ) .

و من كلامك تبان شاب متربي و ناس ملاح، توكل على الله، اتخذ الأسباب و ربي يرزقك إن شاء الله .

[hamzagolf6]

خو والله عندك الحق لازم تكون تتقن الانجليزية وعندها شهادة كبيرة مثلا الدكتورة + تكون جميلة + متدينة

[رزان.]

يا أخي الفاضل الزواج راه مكتوب المهم اسعى في البحث و استخر الله مادام راك ناوي الحلال و متمني بنت الأصل ربي إن شاء الله يسهل لك فقط اصبر و ما لازمش تيأس بمجرد أن البعض قد رفضن فهذه ليست النهاية و كل تأخيرة فيها خيرة كيما يقولوا و ربي يعوض صبرك و يرزقك بلي تتمناها المهم واصل كيما راك يعني فيما يخص أخلاقك طبعا و ابتعد عن كل ما لا يرضي الله و نحن معك بالدعاء لييسر لك الله ذلك و ما تنساش تخبرنا بالجديد المفرح
أتمنى لك التوفيق

[ياربي اني راضية]

خويا علاه راك تقلق في روحك انا راني معاك في قولك لازم بنت لبلاد عندك حق ماكانش خير من بنت بلادك باه تعيش معاك الغربة ربي يكرمك بزوجة صالحة ووسع بالك راه ربي مكتبلك وحدة بصح شكون هي الله اعلم عن قريب ستجد نصفك الثاني بادن الله

[hadile1986]

بصراحة أخي بحسب كلامك أنت رجل متطلب جدا تريد زوجة مثقفة جميلة متدينة تجيد الانجليزية و ربما تريد ان يكون تفكيرها بمستوى تفكيرك
اخي لا تغضب من صراحتي فأنت من النوع الذي تخشى المرأة الارتباط به

[nilly]

البنات عندنا راهم يلصقوا لصق فرجال حتى لوكان مراهش خدام يلصقوا فيه وانت ماجستر و في روسيا ثاني ومراهمش يقبلوا فيك بلاك راك تشرط بلاك لراهم راحلهم بابك غير لي عندهم الخطابة بزاف ننصحك روح عند واحدة لمعندهاش الخطابة ولراهي شويا كبيرة وتشوف اذ مقبلتش بيك

[دروب الحياة]

السلام عليكم ورحمة الله وبركاته
أنا والله محتارة أخي ما نظنش بلي موضوعك معقد لهذي الدرجة يعني الرسول صلى الله عليه وسلم قال " اذا جاءكم من ترضون دينه وخلقه فزوجوه ...." إلى آخر الحديث ، لكن أعتقد أنك أيضا وضعت شروطا تعجيزية في الزوجة التي تبحث عنها الحياة ليست هكذا أخي الكريم تنازل أنت عن بعض الأمور حتى تجد من تتنازل بالمقابل عن أمور أخرى ، أخي الكمال لله وحده فلا تبحث عن الكمال لأنك سوف تتعب وفي الأخير لن تصل إلى مبتغاك وإن كان موضوعك مثلما شرحته فأنا لا أجد ما يمنع أي فتاة عاقلة تبحث عن الستر والاستقرار في الارتباط بك ، أسأل الله في هذا اليوم المبارك أن يرزقني وبنات المسلمين أزواجا صالحين عاجلا غير آجل وأن يرزقك وشباب المسلمين زوجات صالحات عاجلا غير آجل

[عُضو مُحترم]

خو والله عندك الحق لازم تكون تتقن الانجليزية وعندها شهادة كبيرة مثلا الدكتورة + تكون جميلة + متدينة

و هل ستقبل الدكتورة ان تذهب معه الى روسيا

اذا بنات بسيطات رفضن

هل ستقبل الدكتورة و صاحبة الماستر؟؟؟


المهم


الله يسهّل عليك يا خويا و يرزقك الزوجة الصالحة

[اسيا 86]

منتدى الجلفة وصل الصدى نتاعو حتى لموسكو ههههههههههههههههه

[blackTears]

تعرف خويا ربي مخبيلك حاجة مليحة
لهاذا طولت
لازم تصبر ميش تقلق
للأسف مقريتش المشكل تاعك نهار لي كتبتو يعني معلاباليش بالظبط وين الخلل
بصح على حساب الردود تاعك راك دزعان و المورال 000000000000
لا تحزن صدقني كلش يفوت و كي اليوم تقولنا باركولي
God bless you

[LUDIVINE]

السلام عليكم و رحمة الله تعالى و بركاته

اخي الكريم اعلم انك لست وحدك... فلقد استنتجت من تجربتي و تجارب الكثيرين و الكثيرات من حولي ان هنالك ظاهرة لم اجد اسما مناسبا لها بعد و تتلخص في ان كل انسان تستوفى فيه شروط (الرجل المثالي) او (المراة المثالية) محكوم عليه بالبقاء وحيدا... الكمال لله وحده ولكن صفة المثالية تبعث الخوف في نفوس الاخرين...الخوف من ان هذا الرجل او المراة سيتفوق على شريك الحياة و يولد ذلك احساسا بالنقص.
او الخوف من ان هذه المثالية تخفي شيئا غير مطمان.
اخي الكريم اني امر بنفس تجربتك حاليا و لي مجموعة من الصديقات مثلي... فالرجال ايضا يخافون من المراة الجميلة و المثقفة و الناجحة في عملها.
صدقني يا اخي انني اتمنى احيانا لو كنت فتاة بسيطة ...لكنت اذا وجدت السعادة مع اول شخص يتقدم لي دون ان اكون انتقائية في اختياراتي.
جميلة مثقفة اتكلم اربع لغات و اعمل في شركة اجنبية... و لكن ماذا جنيت انا و الكثيرات من حولي... سوى نظرة الخوف من رجال خانتهم الشجاعة لفرط خوفهم من ان يتم رفضهم او حتى الاستهزاء بهم.:24:
الحل...لست ادري ماهو انما انصحك بالصبر و الاكثار من الدعاء ... و ربي يجيب اللي فيه الخير ليا و ليك ولجميع المومنين ان شاء الله..
في امان الله.

[جوهرة الغرب.]

السلام عليكم اخي الكريم
من اهم القرارات التي نتخذها في حياتنا هو قرار الزواج واختيار شريك الحياة وعليه لايجب الاستعجال والتسرع لانك ستندم في النهاية ..البارحة فقط تزوج عمي وهو في سن 38 ليس لانه عاطل عن العمل او رفضنه البنات ولكن لانه اراد اختيار زوجة بمعنى كلمة زوجة وفعلا تفوق في ذلك افهم شعورك انك في الغربة ووحيد ...لكن تخيل انك تجد امرأة تتعبك بعد الزواج الن تقول انك تفضل حياتك السابقة ولهذا لاتستعجل في مكتوبك ...اللي راها في مكتوبك ربي درك يجيبلك الاسباب والتسهيلات لدرجة انك لن تشعر بالزمن الذي مرّ...اما بالنسبة للوالدين فهو امر طبيعي فهم يفكرون في مصلحتك لكن ليس هدفهم تضيق الخناق عليك ...
نصيحتي لك توكل على الحي القيوم وصلي صلاة الحاجة ركتين لله ونادي ربك بقلب خاشع فهو اعلم بحاجتك وسيرشدك بكل تأكيد الى الخير والهناء ..ولاداعي لوضع دفتر الشروط فلن تجد من تجتمع فيها كل الصفات التي تريد لاتوجد المثالية ولكن اختر ذات الدين وحسن الخلق ومن تجد راحتك فيها ..
احيانا استغرب في شباب اليوم وكأن الغشاوة تملئ عيونكم ....بنات الفاميليا مزال كاين الحمد لله
اتمنى للجميع ان يجد الشريك الصالح الذي يتمناه
تحياتي ...بالتوفيق

[nesrina10]

انا ماقريتش موضوعك الاول وللاسف لقيتو مغلق
يا اخي درك كاين بنات راهم قاريين والانجليزية ماراهيش سبب الارادة تكفي للتعلم حلى حساب ما فهمت راك حاب وحدة قارية و تفهم الانجليزية اي وحدة عندها مستوى وارادة تقدر تتعلم اي لغة خاصة مع النت كلش راه بين يدينا
والله يا أخي مكتوبك كيما يقولو مازال ماتحركش وتاني الغربة ماشي سبة درك العالم راه قرية صغيرة وحذراي من الحرام غير اخطيك منو ماشي كامل لبنات يحبو الحرام
نتا ربي مازال مالاقاكش بمكتوبك
شد مليح في دينك
ولي قاتلك تخدم السلاح باش يقتلو الفلسطنيين علاش كان ماراهيش روسيا تخدم فالسلاح الجزائر منين تجيب
والله ربي يهدينا انا وكامل لبنات
كل واحدة وتخمامها لكن نحاولو نرتقو شويا فالتخمام
انت راك لاباس بيك خلي ثقتك بالله كبيرة وتوكل عليه صلي وادعي وربي يجيبلك رزقك حتا لرجليك
ربي يوفقك ويرضى عليك

[النجمة القطبية]

يا خويا خلينا نتكلمو بصراحة وموضوعية شوية
اولا واش اللى يخلى البنات يرفضو رجل مثقف ومحترم ومتدين
اعتقد لابد من اسباب عليك البحث عنها ومراجعتها
انت لديك ظروف وتبحث عن زوجة تناسب ظروفك
ظروف العمل لازم تكون جميلة وانيقة وتتكلم لغات لظروف عملك اذن بالتزام معين اليس كذالك متقوليش مثلا محجبة حجاب شرعى او متجللببة
بمعنى اذا كان للبنت طموح وتفكر بالالتزام راح تفكر الف مرة قبل الموافقة
ثانيا تعمل فى مخابر السلاح الروسية خدمة تخوف الرجال فما بالك بالبنات اكيد راك فاهم قصدى
روسيا بلاد كفار واحد يخدم فى المخابر تدخل فيها امور عسكرية وظروف خاصة جداا جداا
اعذرنى اخى انا مراحش نفتى بصح الموضوع مش ساهل
وانت ايضا عندك شروط بكل تاكيد الموضوع واضح
وبعض البنات ربما لا تحب الغربة موسكو البرد القارص هههههه نابوليون ويبس فى روسيا ههههه
المهم انصحك ببنت روسية مسلمة ومتقوليش مكانش فكر فى الامر اعتقد انه انسب حل
وبالتوفيق

[leila-bee]

يا اخي انا ننصحك باش تتنازل على الشرووط تاعك شوية لانووو قليل وين تلقى واحد بمستواك الثقافي والمهني يتزوج بوحدة كيما هو لانوووو مشكيتش وحدة عندها فرصة الاستقرار في الوطن وامكانية العمل في اطار مهني رفيع المستوى تروح تكمل حياتها في الغربية او بلاك تقعد فالدار بلا خدمة
مكاش فينا الي يدي كلش بمعنى متقدرش تحقق متطلباتك 100% بلاك تحقق 65 % لاكن الشيئ المهم انك تكون مقتنع بواش راح يكتبلك ربي وان شاء الله تلقى الي ترضى بيك وترضى بيها ولاكن اياك وان تياس يا اخي =)

[nilly]

ياجماعة الاخ مراهش طالب صاحبة دكتورة او الماجستر او امراءة مثالية مقريتش كاملة الكلمة هاذي واذ انتوما وليتوا تفهوا بلا مابين الاسطر فالله اعلم . حتى لو طلب واحدة قارية من حقه هو عنده ماجستر هو ثاني الله يبارك وثاني الاختصاص نتاعوا مليح بزاف صناعة الاسلحة وثاني عادي لو طلبها جميلة فكل رجل يريد امراءة جميلة من لا يريد ان تكون زوجته جميلا اظن انه لا يوجد فهذا ليس يعني انه يريد امراءة مثالية فمعظم نساء تتوافر فيهمن هذه شروط فهل كلهن مثاليات ؟بصح مفهمتش علاه مراهمش يحبوا يقبلوا بيه مع العلم ان معظم الجزائريين يموتوا على الخارج.